ᔫᑎᐅᑉ ᐊᒡᓚᖏᑦ 1:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐅᖃᐅᑎᓚᐅᕐᒪᓯ, “ᐅᓪᓗᐃᑦ ᑭᖑᓪᓕᖏᓐᓂ ᒥᑕᐅᑎᒃᓴᕐᑎᑕᖃᕈᒫᕐᐳᖅ, ᒎᑎ ᑲᒪᒋᓇᒍ ᐃᒃᖠᒎᕐᓂᕐᒥᖕᓂᒃ ᒪᓕᑐᐃᓐᓇᕐᑐᓂᒃ.”

ᔫᑎᐅᑉ ᐊᒡᓚᖏᑦ 1:18 ပူးပေါင်းရင်းမြစ်များ

ᐋᐴᓯᑕᓖᑦ ᐱᓂᐊᕐᓂᖏᑦ 20:29

ᖃᐅᔨᒪᕗᖓ ᐊᐅᓪᓚᕈᒪ ᐊᒪᕈᐃᑦ ᐃᕐᓯᓇᕐᑐᑦ ᐊᑯᓐᓇᑦᓯᓐᓄᐊᕈᒫᕐᒪᑕ, ᐃᓚᒌᒃᑐᑦ ᐅᒃᐱᕐᑑᖃᑎᒌᑦ ᐊᒃᑐᕐᑕᐅᖏᑦᑐᖃᕐᓂᐊᓐᖏᓚᑦ;

ᑎᒧᑎᒧᑦ ᐂᑉᐸᖏᑦ 3:13

ᐱᐅᖏᑦᑐᓕᔪᓪᓕ ᐱᐅᔫᓐᖑᐊᕐᑐᓪᓗ ᐱᐅᓐᖏᓕᕙᓪᓕᐊᓂᐊᕐᐳᑦ, ᑕᒻᒪᕐᑎᑦᓯᓗᑎᒃ ᑕᒻᒪᕐᑎᑕᐅᓗᑎᒡᓗ.

ᑎᒧᑎᒧᑦ ᐂᑉᐸᖏᑦ 4:3

ᓇᓪᓕᐅᑎᔪᒫᕐᒪᑦ ᓇᓛᒎᕐᑑᑉ ᐊᔪᕆᕐᑑᑕᐅᓂᖏᓐᓂᒃ ᓈᓚᒍᒪᖏᑦᑐᓂᒃ, ᑖᒃᑯᐊᓗ ᐊᔪᕆᕐᑐᐃᔪᒃᓴᕐᓯᐅᓕᕈᒫᕐᐳᑦ ᑐᓴᕐᓂᕆᔭᒥᖕᓂᒃ ᐊᔪᕆᕐᑐᐃᔪᓐᓇᕐᑐᓂᒃ ᖁᕕᐊᒋᔭᖏᓐᓂᒡᓗ ᐊᔪᕆᕐᑐᐃᔪᓐᓇᕐᑐᓂᒃ,

ᐲᑦᑐᕉᓯ ᐂᑉᐸᖏᑦ 2:1

ᖄᖏᕐᓯᒪᓕᕐᑐᒥ ᓇᓚᐅᑦᑍᓂᕐᓗᒃᑐᑦ ᓴᕿᓛᐅᕐᒪᑕ ᐃᓄᖕᓄᑦ, ᑍᒫᒃᑕᐅᖅ ᐊᔪᕆᕐᓱᐃᓂᕐᓗᒃᑐᑦ ᐃᓕᑦᓯᓐᓄᑦ ᓴᖅᑭᑦᓱᒫᕆᕗᑦ, ᑖᒃᑯᐊ ᐊᓯᕈᕐᓇᕐᑐᒥᒃ ᓇᓛᒎᖏᑦᑐᒥᒃ ᐊᔪᕆᕐᓱᐃᔪᓯᖃᕈᒫᕐᐳᑦ, ᐊᒡᓛᑦ ᓱᓕᖏᒃᓂᕅᔪᒫᕐᐳᑦ ᐊᑕᓂᕐᒥᒃ ᐱᐅᓕᔨᒋᓚᐅᕐᑕᒥᖕᓂᑦ, ᐃᒻᒥᖕᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒫᕐᐳᑦ.

ᐲᑦᑐᕉᓯ ᐂᑉᐸᖏᑦ 2:10

ᐱᓗᐊᕐᑐᒥᒃ ᑖᒃᑯᐊ ᑎᒥᐅᑉ ᐃᒃᓯᒎᕐᓂᖏᓐᓂᒃ ᐊᑐᓗᐊᕐᑐᑦ, ᐊᖓᔪᖅᑳᖃᕐᓂᕐᒥᒡᓗ ᓇᕐᕈᔪᑦ. ᑖᒃᑯᐊ ᓯᕘᕋᓇᑎᒃ ᓴᖑᑎᑕᐅᔪᓐᓇᓐᖏᓚᑦ, ᑲᑉᐱᐊᓱᒐᑎᒡᓗ ᐅᖃᕐᓂᕐᓘᑎᖃᕐᐳᑦ ᕿᓚᖕᒥᐅᑦ ᐱᓐᓇᕐᓇᕐᓂᖏᓐᓂᒃ.

ᐲᑦᑐᕉᓯ ᐂᑉᐸᖏᑦ 3:3

ᓯᕗᓪᓕᕐᒥᒃ ᐅᓇ ᑐᑭᓯᔭᕆᐊᖃᕐᐸᓯ, ᐅᓪᓗᐃᑦ ᑭᖑᓪᓕᖏᓐᓂ ᓴᖅᑭᑦᑐᖃᕈᒫᕐᒪᑦ ᒥᑕᐅᑎᒃᓴᕐᑎᓂᒃ, ᐃᒃᖠᒎᖕᓂᕐᒥᒍᑦ ᐊᐅᓚᑕᐅᔪᓂᒃ.

ᔫᑎᐅᑉ ᐊᒡᓚᖏᑦ 1:16

ᑖᒃᑯᐊ ᓈᒪᒃᓴᓐᖏᓐᓇᐅᔭᕐᐳᑦ, ᐊᓯᒥᖕᓂᒡᓗ ᓈᒻᒪᖏᑦᔪᑎᒃᓴᓯᐅᕐᐸᒃᓗᑎᒃ; ᐱᔪᒪᕕᒡᔪᐊᕐᑕᒥᖕᓂᒃ ᐱᐅᖏᑦᑐᓂᒃ ᒪᓕᑐᐃᓐᓇᕐᐳᑦ, ᖃᓂᑐᐃᓐᓇᕐᒥᒃᑎᒍᑦ ᐊᔪᖏᑦᑐᐊᓘᔮᕐᐳᑦ, ᐃᓄᖕᓄᑦ ᐱᐅᒋᔭᐅᑎᓐᓇᓱᐊᕐᐳᑦ ᐱᔪᒪᔭᒥᖕᓂᒃ ᐊᑐᕈᒪᓪᓗᑎᒃ.

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.