ᔮᓱᐊᑉ ᐊᒡᓚᖏᑦ 7:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᔮᓱᐊᓪᓗ ᐃᓴᕆᐊᓕᒥᐅᓪᓗ ᐃᓚᒋᓪᓗᒋᑦ ᐂᑲᓐ ᔨᕋᐅᑉ ᑭᖑᕚᖓ ᑎᒍᕚᑦ, ᓯᐅᓪᕕᕇᓪᓗ ᐅᓕᒡᔪᐊᕐᓗ ᒎᓗᐃᓪᓗ, ᐃᕐᓂᖏᓪᓗ ᐸᓂᖏᓪᓗ ᐆᒪᔪᖁᑎᖏᓪᓗ ᓯᐅᑎᖅᑯᕐᑐᔪᖁᑎᖏᑦ ᓰᐱᖁᑎᖏᓪᓗ ᑐᐱᖓ ᓱᓇᑐᐃᓐᓇᓕᒫᓪᓗ ᓇᖕᒥᓂᖏᑦ; ᓇᕐᓴᒧᑦ ᐂᑯᐊᒧᑦ ᐂᑎᑉᐰᑦ.

ᔮᓱᐊᑉ ᐊᒡᓚᖏᑦ 7:24 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:27

ᓂᐊᖂᔭᒃᓴᓂᒃ ᒥᖕᓂᑐᔫᑉ ᐱᕋᔭᖕᓂᒃᑯᑦ ᑮᓇᐅᔭᕐᑖᕈᒪᓂᕐᒧᑦ ᐃᒡᓗᒥᐅᖃᑎᓂ ᐃᓱᐊᖏᑦᑐᒦᑎᑉᐰᑦ, ᐅᐃᕕᕆᒃᓯᓂᕐᒥᒃᓕ ᐱᐅᒋᔭᖃᕐᖏᑦᑐᖅ ᐃᓅᓂᐊᕐᐳᖅ.

ᕼᐆᓯᐊᑉ ᐊᒡᓚᖏᑦ 2:15

ᑍᑲᓂᓗ ᐸᐅᕐᖓᓂᒃ ᐱᕈᕐᓰᕕᖁᑎᖏᑦ ᑐᓂᔪᒫᕐᐸᒃᑲ, ᐂᑯᐊᓗ ᓇᕐᓴᖅ ᐅᖁᒤᒃᓴᕐᓇᕐᑐᖅ ᐅᒃᑯᐊᓐᖑᕐᑎᑦᓱᒫᕐᐸᕋ ᓂᕆᐅᖕᓂᕐᒧᑦ. ᑕᕝᕙᓂᓗ ᑭᐅᓕᕈᒫᕐᐳᖅ ᐅᕕᒃᑲᐅᓪᓗᓂ ᐱᓂᐊᕐᓂᕆᓚᐅᕐᑕᒥᑐᑦ, ᑎᑭᕋᑖᕐᓯᒪᓂᕆᓚᐅᕐᑕᒥᑐᑦ ᐄᑦᔨᑉᑎᐅᑉ ᓄᓇᖓᓂᑦ.

ᐂᓮᐊᓯᐅᑉ ᐊᒡᓚᖏᑦ 65:10

ᓵᕋᓐ ᓄᓇᖓ ᓰᐱᓕᕆᕝᕕᐅᔪᒫᕐᐳᖅ, ᐂᑯᐊᓪᓗ ᓇᕐᓴᖓ ᐆᒪᔪᖁᑎᖏᓐᓄᑦ ᓄᖅᑲᖓᕕᐅᕙᒡᓗᓂ, ᐃᓄᖁᑎᓐᓄᑦ ᐅᕙᓐᓂᒃ ᕿᓂᓚᐅᕐᑐᓄᑦ.

ᔮᓱᐊᑉ ᐊᒡᓚᖏᑦ 15:7

ᑎᐱᕆᒧᑦ ᑎᑭᐅᒪᕗᖅ ᐂᑯᐊᑉ ᓇᕐᓴᖓᓄᑦ ᑕᑉᐸᐅᖓ ᐅᓐᓄᐊᓪᓗᐊᑉ ᓇᓛᓄᑦ ᓴᖑᓪᓗᓂ ᒋᐅᓪᒐᐅᑉ ᓇᓛᓄᑦ, ᐊᑐᒻᒥᐅᑉ ᐊᖅᑯᑎᖓᒍᑦ ᓇᕐᓴᒧᑦ ᓵᓐᖓᔪᒧᑦ, ᓯᕿᓂᐅᑉ ᓇᓛᒍᖔᖅ, ᑕᕝᕙᓐᖓᑦ ᐱᒋᐊᕐᓗᓂ ᐃᒥᕐᑕᕐᕕᖕᒧᑦ ᐃᓐ-ᓯᒥᔅᓯᒧᑦ ᑎᑭᐅᒪᕗᖅ, ᐃᓱᖃᕐᓗᓂ ᐃᓐ-ᕈᒋᐅᓪᒧᑦ.

ᔮᓱᐊᑉ ᐊᒡᓚᖏᑦ 7:26

ᐅᔭᕋᖕᓄᓪᓗ ᐱᕉᕐᐰᑦ ᐳᕐᑐᓯᓪᓗᒋᑦ ᐅᔭᕅᓪᓗ ᐅᓪᓗᒥᒧᑦ ᓱᓕ ᑕᕝᕙᓃᑉᐳᑦ; ᑍᒤᒻᒪᑦ ᑖᓐᓇ ᐅᓪᓗᒥᒧᑦ ᑍᔭᐅᓕᕐᐳᖅ ᓇᕐᓴᒥᒃ ᐂᑯᐊᒥᒃ. ᑭᖑᓂᖓᒍᓪᓗ ᐊᑕᓂᐅᑉ ᓂᓐᖓᐅᒪᓂᕐᒥᓂᑦ ᓮᒻᒪᕐᕕᒋᕔᑦ.

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:13

ᐱᐅᖏᑦᑐᐊᓗᖕᒥᒃ ᓯᕿᓂᐅᑉ ᐊᑖᓂ ᐊᑐᕐᑕᐅᔪᒥᒃ ᑕᑯᓯᒪᕗᖓ: ᐊᒃᓱᐃᑦᔪᑏᑦ ᐱᖃᕐᑐᒥᑦ ᐱᓯᒪᔭᐅᔪᑦ ᐋᓐᓂᐊᕈᑎᒋᓪᓗᒋᑦ.

ᔫᐱᐅᑉ ᐊᒡᓚᖏᑦ 20:15

ᐊᔪᕐᓴᖏᑦᔪᑎᓂᒃ ᐄᓯᓯᒪᕗᖅ ᒥᕆᐊᕐᓂᐊᕆᕔᓪᓕ; ᒎᑎᐅᑉ ᒥᕆᐊᕐᑎᓐᓂᐊᕐᒪᒍ ᐊᕿᐊᕈᕐᒥᐅᑕᖏᓐᓂᒃ.

ᔮᓱᐊᑉ ᐊᒡᓚᖏᑦ 7:1

ᐃᓴᕆᐊᓕᒥᐅᑉ ᑎᒍᓯᔪᖃᓚᐅᕐᐳᑦ ᐱᔭᐅᖁᔭᐅᖏᑦᑐᓂᒃ; ᐊᖑᑦ ᐂᑲᓐᒥᒃ ᐊᑎᓕᒃ ᑳᕐᒥᐅᑉ ᐃᕐᓂᖓ, ᑳᕐᒥ ᐃᕐᓂᕆᔭᐅᕗᖅ ᔭᑉᑍᒧᑦ, ᔭᑉᑍ ᐃᕐᓂᕆᔭᐅᕗᖅ ᔨᕋᒧᑦ, ᔫᑕᐅᑉ ᑭᖑᕚᖏᓐᓂᑦ ᐱᔪᖅ, ᑖᓐᓇ ᐂᑲᓐ ᐊᑕᓂᕐᒧᑦ ᑐᓂᔭᐅᓯᒪᔪᓂᒃ ᑎᒍᓯᓚᐅᕐᒪᑦ; ᐊᑕᓂᖅ ᓂᓐᖓᐅᑦᔨᓚᐅᕐᐳᖅ ᐃᓴᕆᐊᓕᒥᐅᓂᒃ.

ᔮᓱᐊᑉ ᐊᒡᓚᖏᑦ 6:21

ᓴᕕᒡᔪᐊᒥᖕᓄᓪᓗ ᑐᖁᕅᕗᑦ ᐃᒡᓗᒐᓴᐅᑉ ᐃᓗᐊᓃᑦᑐᓂᒃ, ᐊᖑᑎᓂᒃ, ᐊᕐᓇᓂᒃ, ᐅᕕᒃᑲᓂᒃ ᐃᓄᑐᖃᕐᓂᒡᓗ, ᐃᒻᒧᒃᓯᐅᒐᕐᓂᒃ, ᓰᐱᓂᒃ ᓯᐅᑎᖅᑯᕐᑐᔪᓂᒡᓗ ᑐᖁᕅᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 6:18

ᐃᓕᑦᓯᓕ ᑎᒍᓯᔪᒃᓴᐅᓐᖏᓚᓯ ᐊᓯᕈᕐᑕᐅᔪᒃᓴᓂᒃ, ᑎᒍᓯᑐᐊᕈᑦᓯ ᐱᐅᖏᑦᑐᒥᒃ ᐊᓯᕈᕐᑕᐅᓇᕐᑐᒥᒡᓗ ᐱᑎᑦᓯᓂᐊᕐᐳᓯ ᐃᓴᕆᐊᓕᒥᐅᓄᑦ.

ᒨᓯᓯ ᓯᕗᓪᓖᑦ 18:25

ᑍᒤᓕᐅᕈᒪᓂᕐᒥᒃ ᐃᓱᒪᓂᐊᕐᓇᒃ, ᐸᓯᔭᒃᓴᐅᖏᑦᑐᓂᒃ ᑐᖁᑦᓯᖃᓯᐅᑦᔨᓗᑎᑦ ᐊᔪᕐᑐᓕᔪᓄᑦ, ᐃᓱᐊᕐᑐᑦ ᐊᑦᔨᐅᓕᕐᓗᑎᒃ ᐃᓱᐃᑦᑐᓕᔪᓄᑦ! ᑕᒪᓐᓇ ᐃᓱᒪᒋᑦᑍᓕᒍᒃ! ᓄᓇᕐᔪᐊᕐᒥᐅᓄᑦ ᑕᒤᓐᓄᑦ ᐃᖅᑲᕐᑐᐃᔨ ᑍᒤᒍᓂ ᐃᓱᐊᕐᑐᒥᒃ ᐱᓂᐊᓐᖏᓚᖅ.”

ᔮᓱᐊᑉ ᐊᒡᓚᖏᑦ 7:23

ᑎᒍᒐᒥᒋᓪᓗ ᑐᐱᕐᒥᑦ ᐊᓂᕗᑦ, ᔮᓱᐊᒧᐊᕈᑎᓪᓗᒋᓪᓗ ᐃᓴᕆᐊᓕᒥᐅᓄᓪᓗ; ᐃᓕᕔᓪᓗ ᐊᑕᓂᐅᑉ ᓇᔪᕐᑕᖓᓄᑦ.

ᔮᓱᐊᑉ ᐊᒡᓚᖏᑦ 22:20

ᐃᖅᑲᐅᒪᕕᓰ? ᐂᑲᓂᐅᑉ ᔨᕋᐅᑉ ᐃᕐᓂᖓᑕ ᐱᖁᔭᒥᒃ ᓈᓚᖏᓐᓂᕆᓚᐅᕐᑕᖓᓂᒃ, ᐃᓴᕆᐊᓕᒥᐅᓕᒫᑦ ᓱᒋᐊᕐᑕᐅᓚᐅᕐᒪᑕ, ᐂᑳᓐᓗ ᐃᓄᑑᓗᓂ ᑐᖁᑕᐅᓚᐅᓐᖏᓚᖅ ᐊᔪᕐᑐᓕᓂᓂ ᐱᓪᓗᒍ.’”