ᔮᓱᐊᑉ ᐊᒡᓚᖏᑦ 24:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑕᕝᕙ ᔮᓱᐊ ᐅᓪᓗᒥ ᑍᑦᓱᒪᓂ ᐊᖏᖃᑎᒌᒍᑎᓕᐅᕐᐳᖅ ᐃᓄᖕᓄᑦ, ᐊᑐᕆᐊᖃᕐᑕᖏᓐᓂᒃ ᒪᓕᒐᒃᓴᖏᓐᓂᒡᓗ ᑐᓂᓯᕕᒋᕔᑦ ᑕᕝᕙᓂ ᓯᑭᒻᒥ.

ᔮᓱᐊᑉ ᐊᒡᓚᖏᑦ 24:25 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 15:25

ᒨᓯᓯᓗ ᐊᒃᓱᕈᕐᓗᓂ ᑐᒃᓯᐊᓕᕐᐳᖅ ᐊᑕᓂᕐᒧᑦ; ᐊᑕᓂᐅᓪᓕ ᑕᑯᑎᑉᐹ ᓇᐹᕐᑑᑉ ᐃᓚᖓᓂᒃ, ᑖᓐᓇᓗ ᒨᓯᓯᐅᑉ ᐃᒫᓄᐊᕐᐹ, ᐃᒪᖅ ᑕᕝᕙ ᐃᒥᒐᒃᓴᐅᑦᓯᐊᓕᕐᐳᖅ. ᑕᕝᕙᓂᓗ ᐊᑕᓂᐅᑉ ᐃᓅᑦᔪᑎᒃᓴᖏᓐᓂᒃ ᒪᓕᒐᒃᓴᓂᒃ ᑐᓂᓯᕕᒋᕔᑦ, ᖁᓚᖏᑦᔪᑎᒃᓴᖏᓐᓂᒡᓗ ᑐᓂᓯᕕᒋᓪᓗᒋᑦ,

ᓂᕼᐃᒤᐊᐅᑉ ᐊᒡᓚᖏᑦ 9:38

ᑕᒪᒃᑯᐊ ᖃᓄᐃᓕᐅᕐᓂᐅᓚᐅᕐᑐᑦ ᐱᑦᔪᑎᒋᓪᓗᒋᑦ ᐊᖏᖃᑎᒌᖕᓂᖃᕐᑎᑦᓯᓚᐅᕐᐳᒍᑦ ᓴᖑᑎᑕᐅᓂᐊᖏᑦᑐᒥᒃ ᑎᑎᕋᕐᓗᒋᓪᓗ; ᐊᖓᔪᖅᑳᕗᑦ, ᓕᕔᑎᓪᓗ, ᑐᓂᕐᕈᓯᕐᑎᑦᓯᔨᖁᑎᕗᓪᓗ ᑖᒃᑯᐊ ᓇᕿᑦᔪᓯᕐᓯᓚᐅᕐᐳᑦ ᓇᓗᓁᒃᑯᑕᐅᓂᐊᕐᑐᓂᒃ.

ᑯᕉᓂᑲ ᐂᑉᐸᖏᑦ 23:16

ᔨᕼᐅᐃᐊᑕᓗ ᐊᖏᖃᑎᒌᒍᑎᓕᐅᕐᐳᖅ ᐃᒻᒥᓄᑦ ᐃᓄᓕᒫᓄᓪᓗ ᐊᖓᔪᖅᑳᕐᔪᐊᒧᓪᓗ ᐊᑕᓂᕐᒧᑦ ᐃᓄᖁᑎᒋᔭᐅᔪᒪᓪᓗᑎᒃ.

ᐊᑕᓃᑦ ᐂᑉᐸᖏᑦ 11:17

ᔨᕼᐅᐃᐊᑕ ᐊᖏᖃᑎᓕᐅᕈᑎᒥᒃ ᐋᖅᑮᕗᖅ ᐊᑕᓂᕐᒧᑦ ᐊᖓᔪᖅᑳᕐᔪᐊᕐᒧᓪᓗ ᐃᓄᖕᓄᓪᓗ ᐊᑕᓂᖕᒧᑦ ᐃᓄᖁᑕᐅᖏᓐᓇᖁᓪᓗᒋᑦ. ᐊᖏᖃᑎᓕᐅᕈᑎᓕᐅᕆᓪᓗᓂᓗ ᐊᖓᔪᖅᑳᕐᔪᐊᕐᒧᑦ ᐊᑕᓂᕐᒧᓪᓗ ᐃᓄᖁᑕᐅᖏᓐᓇᖁᓪᓗᒋᑦ. ᐊᖏᖃᑎᓕᐅᕈᑎᓕᐅᕆᓪᓗᓂᓗ ᐊᖓᔪᖅᑳᕐᔪᐊᑉ ᐃᓄᖁᑎᖏᑕᓗ ᐊᖏᓯᒪᖃᑎᒌᒍᑎᒋᓂᐊᕐᑕᖓᓐᓂᒃ.

ᑯᕉᓂᑲ ᐂᑉᐸᖏᑦ 29:10

“ᐆᒻᒪᑎᒃᑯᑦ ᐊᖏᖃᑎᒌᒍᑎᓕᐅᕐᕕᒋᔪᒪᕙᕋ ᐊᑕᓂᖅ, ᐃᓴᕆᐊᓕᒥᐅᑦ ᒎᑎᖓᑦ, ᑖᑦᓱᒪ ᓂᓐᖓᐅᒪᓂᕐᔪᐊᖓ ᐅᕙᑦᑎᓐᓂᒃ ᐊᓔᖁᓪᓗᒍ.

ᑯᕉᓂᑲ ᐂᑉᐸᖏᑦ 15:15

ᔫᑕᒥᐅᓕᒫᓪᓗ ᖁᕕᐊᓱᒃᐳᑦ ᐅᖃᕕᒃᓗᑎᒃ ᐊᖏᕈᑎᒋᔭᒥᖕᓂᒃ; ᐊᖏᒻᒪᕆᓚᐅᕋᒥᒃ ᐆᒻᒪᑎᒥᖕᓄᑦ ᐃᓘᓐᓈᓄᑦ, ᖃᐅᔨᓇᓱᓚᐅᕋᒥᑦᔪᒡᓗ ᐱᔪᓐᓇᕐᓂᓕᒫᒥᖕᓄᑦ, ᓇᓂᓚᐅᕋᒥᑦᔪᒡᓗ, ᐊᑕᓂᐅᓪᓗ ᐸᒡᕕᓴᒃᑕᐅᑎᓚᐅᓐᖏᓔᑦ ᐊᕙᑎᒥᐅᑕᓕᒫᖏᓐᓂᑦ.

ᑯᕉᓂᑲ ᐂᑉᐸᖏᑦ 15:12

ᐊᖏᖃᑎᒌᒃᐳᓪᓗ ᐊᑕᓂᕐᒥᒃ ᓯᕗᓕᖏᑕ ᒎᑎᖓᓂᒃ ᖃᐅᔨᓇᓱᖃᑦᑕᕈᒪᓪᓗᑎᒃ, ᐆᒻᒪᑎᒥᖕᓄᑦ ᑕᕐᓂᕐᒥᖕᓄᓪᓗ ᐃᓘᓐᓈᓄᑦ.

ᔮᓱᐊᑉ ᐊᒡᓚᖏᑦ 24:26

ᔮᓱᐊᓪᓗ ᐅᖃᐅᓰᑦ ᑕᒪᒃᑯᐊ ᑎᑎᕋᕐᐰᑦ ᒎᑎᐅᑉ ᐱᖁᔭᖏᑎᒍᑦ; ᐱᔭᕇᕋᒥ ᐅᔭᕋᒡᔪᐊᒥᒃ ᑎᒍᓯᕗᖅ, ᓇᑉᐸᕐᓗᒍᓗ ᓇᐹᕐᑑᑉ ᓯᑎᔫᑉ ᐊᑖᓄᑦ ᐊᑕᓂᐅᑉ ᓇᔪᒐᖓᑕ ᓴᓂᐊᓃᑦᑐᒧᑦ.

ᔮᓱᐊᑉ ᐊᒡᓚᖏᑦ 24:1

ᔮᓱᐊᑉ ᐃᓴᕆᐊᓕᒥᐅᑦ ᑭᖑᕚᕇᓕᒫᑦ ᑲᑎᖁᕔᑦ ᓯᑭᒻᒧᑦ ᕾᖁᕔᓪᓗ ᐊᖓᔪᖅᑳᑦ, ᓯᕗᓕᕐᑏᑦ, ᐃᓱᒪᓕᐅᕐᑏᑦ, ᐊᖓᔪᖅᑲᐅᑏᓪᓗ ᐃᓴᕆᐊᓕᒥᐅᓂ; ᑲᑎᕗᓪᓗ ᒎᑎᐅᑉ ᓇᔪᕐᑕᖓᓄᑦ.

ᒨᓯᓯ ᑕᓪᓕᒪᖏᑦ 29:1

ᒪᑯᐊ ᑕᕝᕙ ᐊᖏᖃᑎᒌᒍᑏᑦ ᐅᖃᐅᓯᕐᑕᖏᑦ ᒨᓯᓯᒧᑦ ᐊᑕᓂᐅᑉ ᐅᖃᐅᓯᕆᔭᐅᖁᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᒧᐊᐱᒥᐅᑦ ᓄᓇᖓᓃᑎᓪᓗᒋᑦ; ᑕᒪᒃᑯᐊᓕᒫᑦ ᐃᓚᓕᐅᑎᔭᐅᓚᐅᕐᐳᑦ ᖃᖅᑲᒥ ᕼᐆᕆᑉᒥ ᐊᑕᓂᐅᑉ ᐊᖏᖃᑎᒌᒍᑎᒋᓯᒪᔭᖏᓐᓄᑦ.

ᒨᓯᓯ ᐂᑉᐸᖏᑦ 24:3

ᒨᓯᓯᐅᓪᓗ ᐃᓄᐃᑦ ᐅᖃᕐᕕᒋᕔᑦ, ᐊᑕᓂᐅᑉ ᐊᑐᕐᑕᐅᖁᔭᖏᓐᓂᒃ ᒪᓕᒐᕆᔭᐅᖁᔭᖏᓐᓂᒡᓗ. ᐃᓄᐃᓪᓗ ᐊᑕᐅᑦᓯᒃᑯᑦ ᑭᐅᕗᑦ, “ᐊᑕᓂᐅᑉ ᐅᖃᐅᓯᕆᔭᓕᒫᖏᓐᓂᒃ ᒪᓕᖕᓂᐊᕐᐳᒍᑦ.”

ᒨᓯᓯ ᓯᕗᓪᓖᑦ 35:4

ᑍᒤᒻᒪᑦ ᔧᑯ ᑐᓂᕚᑦ ᑕᒤᓐᓂᒃ ᐃᓅᖃᑎᑐᖃᕆᓐᖏᑕᖏᑕ ᒎᑎᓐᖑᐊᖏᓐᓂᒃ ᐱᒋᔭᒥᖕᓂᒃ, ᓯᐅᑎᒥᐅᑕᓂᒡᓗ ᐊᑐᕐᑕᒥᖕᓂᒃ; ᑖᒃᑯᐊᓗ ᔧᑰᑉ ᓴᐅᕔᑦ ᓄᓇᒧᑦ ᓇᐹᕐᑑᑉ ᐆᒃᒥᒃ ᐊᑎᓕᐅᑉ ᐊᑖᓄᑦ ᓯᑭᒻᒥᐅᑉ ᖃᓂᒋᔮᓄᑦ.