41 ᓕᕔᑦ ᑭᖑᕚᖏᑦ ᑐᓂᔭᐅᕗᑦ ᐃᒡᓗᒐᓴᖕᓂᒃ ᐃᓴᕆᐊᓕᒥᐅᑦ ᓄᓇᖓᓂᑦ ᑲᑎᓪᓗᒋᑦ 48ᓂᒃ ᐱᕈᕐᓰᕕᖏᑦ ᖃᓂᒋᔭᖓᓃᑦᑐᑦ ᐱᖃᓯᐅᑎᓪᓗᒋᑦ.
ᑖᒃᑯᐊ ᐃᓕᓮᓂᐊᕐᐳᑦ ᒪᓕᒐᒃᓴᓂᒃ ᔧᑰᑉ ᑭᖑᕚᖏᓐᓄᑦ, ᐱᖁᔭᕐᓂᒡᓗ ᐃᓴᕆᐊᓕᒥᐅᓄᑦ; ᐃᓯᕐᓗᐊᕐᓂᑎᑦᓯᓗᑎᒡᓗ ᓵᖕᓂ, ᑐᓂᕐᕈᓯᕐᕕᖁᑎᖕᓂᓗ ᐃᑯᐊᓚᑦᓯᓗᑎᒃ ᑐᓂᕐᕈᓯᕐᓂᐊᕐᐳᑦ.
ᑖᒃᑯᐊᒃ ᓂᓐᖓᖕᓂᖏᒃ ᓯᕗᓂᕐᓗᓕᕐᓕᒃ, ᑲᑉᐱᐊᓇᕐᑐᐊᓘᖕᒪᑦ; ᓂᓐᖓᐅᒪᓂᖏᒡᓗ ᐃᓖᔭᕐᓱᐃᓂᐅᓪᓗᑎᒃ! ᑖᒃᑯᐊᒃ ᐊᒡᒍᕐᓂᐊᕐᐹᒃᑲᒃ ᔧᑰᑉ ᓄᓇᖓᓂ ᓯᐊᒻᒪᕐᑎᓪᓗᒋᒡᓗ ᐃᓴᕆᐊᓕᐅᑉ ᓄᓇᖓᓂ.
ᒥᕋᕆᐅᑉ ᑭᖑᕚᖏᑦ ᓇᓚᐅᑦᑖᕈᑎᒃᑯᑦ ᑐᓂᔭᐅᕗᑦ ᑲᑎᓪᓗᒋᑦ ᐃᒡᓗᒐᓴᖕᓂᒃ 12ᓂᒃ, ᑖᒃᑯᐊ ᑕᕝᕙ ᓕᕔᑦ ᑭᖑᕚᖏᑕ ᐊᒥᐊᒃᑯᖏᑦ.
ᐃᒡᓗᒐᓴᓕᒫᑦ ᑖᒃᑯᐊ ᐊᑐᓂᑦ ᐱᕈᕐᓰᕕᖃᐅᕐᐳᑦ ᖃᓂᒋᔭᒥᒃᑎᒍᑦ; ᐊᑕᖏᕐᓗᒋᑦ ᑕᕝᕙ ᑍᒤᑦᑑᓚᐅᕐᐳᑦ ᑖᒃᑯᐊ ᐃᒡᓗᒐᓮᑦ.
ᑍᒫᒃ ᑕᕝᕙ ᐃᓴᕆᐊᓕᐅᑉ ᑭᖑᕚᖏᑦ ᐃᒡᓗᒐᓴᖕᓂᒃ ᓄᓇᖏᓐᓂᒡᓗ ᓂᕿᒃᓴᓕᖕᓂᒃ ᑐᓂᓯᓚᐅᕐᐳᑦ ᓕᕔᑎᓄᑦ.
ᑕᕝᕙ ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ ᐃᓴᕆᐊᓕᒥᐅᑦ ᑐᓂᓯᕗᑦ ᓕᕔᑎᓄᑦ ᐃᒡᓗᒐᓴᖕᓂᒃ ᐱᕈᕐᑐᓕᖕᓂᒃ ᓄᓇᒥᒃ ᓄᓇᖁᑎᒥᑕ ᐃᓚᖏᓐᓂᒃ.