ᔮᓱᐊᑉ ᐊᒡᓚᖏᑦ 2:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᒫᓐᓇᓕ ᐊᖏᕐᕕᒋᓚᐅᕐᓯᓐᖓ ᐊᑕᓂᕐᒧᑦ ᐱᑦᓯᐊᕐᕕᒋᓚᐅᕋᑦᓯᒃ ᑍᒫᒃᑕᐅᖅ ᐅᕙᓐᓂᒃ ᐱᑦᓯᐊᖁᓪᓗᓯ ᐃᓚᓐᓂᒡᓗ, ᓱᓕᑦᔪᑎᑦᓯᓐᓂᒃ ᓇᓗᓁᒃᑯᑕᖃᖁᔨᔪᖓ ᐅᒃᐱᕈᓱᒍᓐᓇᖁᓪᓗᖓ.

ᔮᓱᐊᑉ ᐊᒡᓚᖏᑦ 2:12 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 21:23

ᑍᒤᒻᒪᑦ ᐊᖏᒻᒪᕆᒃᓗᑎᑦ ᐅᖃᕕᓚᐅᕆᑦ ᒎᑎᐅᑉ ᓵᖓᓂ ᓇᓗᓁᕐᓯᓗᑎᑦ ᐅᕙᓐᓄᑦ ᓱᓕᖏᓐᓂᒃᑯᑦ ᐱᓂᐊᖏᓐᓂᕋᕐᓗᑎᑦ, ᕿᑐᕐᖓᓐᓄᓪᓘᓐᓃᑦ, ᐃᓕᖕᓄᑦ ᐱᑦᓯᐊᕐᓯᒪᒐᒪ, ᑍᒫᑦᓮᓐᓇᖅ ᐱᓇᓱᐊᕐᕕᒋᓚᐅᓐᖓ, ᓄᓇᑦᑎᓐᓄᓪᓗ ᑕᒪᐅᖓᓗ ᓇᔪᕐᑕᕐᓄᑦ.”

ᒨᓯᓯ ᓯᕗᓪᓖᑦ 24:3

ᐅᖃᕕᒃᑎᓐᓂᐊᕋᒃᑭᑦ ᐊᑕᓂᐅᑉ ᐊᑎᖓᓂ ᕿᓚᐅᑉ ᓄᓇᐅᓪᓗ ᒎᑎᖓᓄᑦ, ᐃᕐᓂᕐᒪ ᓄᓕᐊᒃᓴᖓᓂᒃ ᓂᕈᐊᖁᓇᒃ ᑬᓇᓂᒥᐅᑦ ᐸᓂᖓᓐᓂᒃ ᓄᓇᖅᑲᑎᖏᔭᓐᓂᒃ.

ᒨᓯᓯ ᓯᕗᓪᓖᑦ 24:9

ᑕᕝᕙ ᐱᔨᐅᑉ ᐊᒡᒐᓂ ᐂᑉᕋᕼᐋᒻ ᐊᖓᔪᖅᑳᒥ ᖁᒃᑐᕋᖏᑕ ᐊᑯᓐᓂᖓᓄᐊᕐᐰᑦ, ᐅᖃᕕᒃᓗᓂᓗ ᐱᓇᓱᐊᕈᒪᓪᓗᓂ ᑕᒪᑐᒥᖓ.

ᒨᓯᓯ ᓯᕗᓪᓖᑦ 40:14

ᐃᖅᑲᐅᒪᓛᕐᐸᕐᒪ ᖃᓄᐃᖏᑦᓯᐊᓕᕈᕕᑦ, ᕿᓄᕗᖓ ᓈᒃᑭᒋᔪᒫᕐᐸᕐᒪ ᐅᖃᐅᓯᕆᓗᖓᓗ ᐰᕉᒧᑦ, ᐅᕙᓐᖓᑦ ᐊᓂᑎᑕᐅᖁᓪᓗᖓ ᐃᓂᒋᔭᓐᓂᑦ.

ᑯᕉᓂᑲ ᐂᑉᐸᖏᑦ 36:13

ᑖᓐᓇᑦᑕᐅᖅ ᐊᑭᕋᕐᑐᓕᓚᐅᕐᐳᖅ ᐊᖓᔪᖅᑳᕐᔪᐊᒥᒃ ᓂᐱᑯᓁᓴᒥᒃ, ᑖᑦᓱᒪ ᐊᖏᒻᒪᕆᒃᑎᓗᓂᐅᒃ ᐅᖃᕕᒃᑎᓚᐅᕐᑎᓪᓗᓂᐅᒃ ᒎᑎᒃᑯᑦ ᓈᓚᑦᓯᐊᕐᓂᐊᕐᓂᕋᕐᓗᓂ; ᐃᒻᒥᓂᒃ ᐅᓗᕆᐊᑦᑍᑦᑑᑎᓪᓗᓂ ᐆᒻᒪᑎᓂ ᓯᑎᔪᕈᕐᑎᓪᓗᒍ ᓵᑦᑐᒪᓚᐅᓐᖏᓚᖅ ᐊᑕᓂᕐᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ.

ᐃᔅᑕᐅᑉ ᐊᒡᓚᖏᑦ 8:6

ᖃᓄᖅ ᕿᓄᐃᓵᕈᓐᓇᕋᔭᕐᐳᖓ ᑕᑯᓐᓇᕐᓗᖓ ᐃᓅᖃᑎᒃᑲ ᐱᐅᖏᑦᑐᐊᓗᖕᒥᒃ ᑎᑭᑕᐅᓂᐊᕐᑎᓪᓗᒋᑦ? ᐅᕝᕙᓗ ᖃᓄᖅ ᕿᓄᐃᓵᕈᓐᓇᕋᔭᕐᐳᖓ ᑕᑯᓐᓇᕐᓗᖓ ᐃᓚᒃᑲ ᑐᖁᕋᕐᑕᐅᑎᓪᓗᒋᑦ?”

ᒨᓯᓯ ᐂᑉᐸᖏᑦ 12:13

ᐊᖏᕐᕋᕆᔭᑦᓯᓗ ᐃᑎᕐᑕᕐᕕᖓᑕ ᐊᕙᓗᐊᒍᑦ ᐊᐅᒥᑎᕐᓯᒪᓂᖏᑦ, ᐃᓕᑦᓯᓐᓄᑦ ᓇᓗᓁᒃᑯᑕᐅᓂᐊᕐᐳᑦ ᓇᓃᓐᓂᑦᓯᓐᓂᒃ; ᐊᐅᖕᒥᒡᓗ ᑕᑯᑐᐊᕈᒪ, ᑕᕝᕙ ᖄᖏᕐᓂᐊᕐᐸᑦᓯ, ᑕᒪᑐᒧᖓᓗ ᑲᑉᐱᐊᓇᕐᑐᕐᔪᐊᒧᑦ ᑎᑭᑕᐅᓂᐊᓐᖏᓚᓯ ᐄᑦᔨᑉᑎᒥᐅᑦ ᓱᒋᐊᓕᕈᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 12:16

ᑕᒪᑐᒪ ᑭᖑᕐᖓᒍᑦ, ᐊᒃᓱᕈᕐᓗᑎᒃ ᐃᓄᖁᑎᒪ ᐱᐅᓯᖏᓐᓂᒃ ᐃᓕᓐᓂᐊᕋᔭᕐᐸᑕ, ᐅᖃᕕᒍᑎᖃᕐᓗᑎᒡᓗ ᐊᑎᓐᓂ, ‘ᐊᑕᓂᖅ ᐃᓅᖕᒪᑦ,’ ᑍᒫᒃᑕᐅᖅ ᐃᓄᖁᑎᒃᑲ ᐃᓕᓐᓂᐊᕐᑎᓚᐅᕐᒪᒋᑦ ᐅᖃᕕᒡᕕᖃᖁᓪᓗᒋᑦ ᐰᓕᒧᑦ, ᑖᒃᑯᐊ ᒪᑭᑦᓱᒫᕐᐳᑦ ᐃᓄᖁᑎᒪ ᐊᑯᕐᖓᓐᓂ.

ᒫᑯᓯᐅᑉ ᐊᒡᓚᖏᑦ 14:44

ᑖᑦᓱᒪ ᐱᔭᐅᒃᑬᓂᐊᕐᑑᑉ ᐃᓄᒐᓴᒡᔪᐊᑦ ᓇᓗᓁᒃᑯᑕᒃᓴᒥᒃ ᐅᖃᐅᑎᓯᒪᕔᑦ ᐃᒫᒃ, “ᑖᓐᓇ ᑯᓂᖕᓂᐊᕐᑕᕋ ᑖᓐᓇᐅᓂᐊᕐᐳᖅ ᐱᔪᒪᔭᓯ; ᑖᓐᓇ ᑎᒍᓂᐊᕐᐸᓯ ᑕᕝᕙᓐᖓᓪᓗ ᐊᐅᓪᓚᕈᑎᓗᒍ.”

ᕉᒪᒥᐅᓄᑦ 1:31

ᓯᓔᑦᑑᕗᑦ, ᐅᒃᐱᕐᓂᖃᓐᖏᓚᑦ, ᐃᓅᖃᑎᒥᖕᓂᒃ ᐱᑦᓯᐊᓐᖏᓚᑦ, ᓇᒡᓕᒍᓱᒐᑎᒡᓗ.

ᑎᒧᑎᒧᑦ ᓯᕗᓪᓖᑦ 5:8

ᐃᓚᒋᔭᒥᓂᒡᓕ ᐃᑲᔪᖏᑦᑐᖅ, ᐃᒡᓗᒥᐅᖃᑎᒥᓂᒃ ᐱᓗᐊᕐᓗᓂ, ᑍᒤᑦᑐᖅ ᐅᒃᐱᕐᓂᕐᒥ ᐃᓅᓐᖏᓚᖅ ᐅᒃᐱᖏᑦᑐᓂᓪᓗ ᐱᐅᖏᓐᓂᕐᓴᐅᕗᖅ.

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.

ᔮᓱᐊᑉ ᐊᒡᓚᖏᑦ 2:13

ᐊᖏᕐᕕᒋᓯᓐᖓ ᐊᑖᑕᒐ ᐊᓈᓇᒐᓗ ᖃᑕᓐᖑᑎᒃᑲᓗ ᐃᓚᓕᒫᒃᑲᓗ ᓴᐳᑎᔭᐅᖁᓪᓗᒋᑦ ᑐᖁᒥᑦ.”

ᔮᓱᐊᑉ ᐊᒡᓚᖏᑦ 2:18

ᐃᒤᓕᐅᕐᑐᒃᓴᐅᕗᑎᓪᓕ, ᓄᓇᖕᓄᑦ ᑎᑭᒍᑦᑕ ᐊᐅᐸᕐᑐᒥᒃ ᐊᒃᓱᓈᒥᒃ ᓂᕕᖓᑎᑦᓯᓛᕐᐳᑎᑦ ᐃᒐᓛᕐᓂ ᐊᖅᑲᕐᕕᒋᓚᐅᕐᑕᑦᑎᒍᑦ; ᐊᑖᑍᓪᓗ ᐊᓈᓁᓪᓗ ᐊᓂᑎᓪᓗ, ᐊᑖᑕᕕᓪᓗ ᐃᓚᓕᒫᖏᑦ ᑲᑎᑎᓯᒪᓛᕐᐸᑎᑦ ᐃᒡᓗᖕᓄᑦ.

ᔮᓱᐊᑉ ᐊᒡᓚᖏᑦ 2:19

ᓇᓪᓕᐊᓐᓂᒡᓕ ᐊᓂᔪᖃᑐᐊᕐᐸᑦ ᐃᒡᓗᒥᑦ, ᑖᓐᓇ ᐃᒻᒥᓂᒃ ᑐᖁᒧᑦ ᐱᑎᓐᓂᐊᕐᐳᖅ, ᐅᕙᒍᒡᓗ ᐸᓯᔭᒃᓴᐅᔪᒫᓐᖏᓚᒍᒃ ᑖᑦᓱᒧᖓ; ᑭᓯᐊᓂᓕ ᐃᒡᓗᖕᓂ ᐃᑎᕐᓯᒪᔪᒥᒃ ᑐᖁᑕᐅᔪᖃᕐᐸᑦ ᑕᕝᕙ ᐅᕙᒍᒃ ᐸᓯᔭᒃᓴᐅᔪᒫᕐᐳᒍᒃ.

ᔮᓱᐊᑉ ᐊᒡᓚᖏᑦ 6:22

ᔮᓱᐊᓕ ᐅᖃᕐᐳᖅ ᐊᖑᑏᖕᓄᑦ ᒪᕐᕉᖕᓄᑦ ᓄᓇᒥᒃ ᖃᐅᔨᓴᕆᐊᓚᐅᕐᑑᖕᓄᑦ, “ᐂᓕᕆᑦᓯᒃ ᐊᖑᓐᓂᐊᕐᑎᐅᑉ ᐃᒡᓗᖓᓄᑦ, ᑕᒪᐅᓐᖓᐅᑎᓗᒍᓗ ᐃᓚᓕᒫᖏᓪᓗ, ᑍᒫᒃ ᐊᖏᕐᕕᒋᓚᐅᕋᑦᓯᐅᒃ.”

ᔮᓱᐊᑉ ᐊᒡᓚᖏᑦ 9:15

ᔮᓱᐊ ᐊᖏᖃᑎᖃᓚᐅᕐᐳᖅ ᐃᓚᓐᓈᕆᔪᒪᓪᓗᒋᑦ, ᑐᖁᑕᐅᖁᓇᒋᓪᓗ; ᐃᓴᕆᐊᓕᒥᐅᓪᓗ ᓯᕗᓕᕐᑎᖏᑦ ᐊᖏᒻᒪᕆᓚᐅᕐᐳᑦ ᐃᓚᓐᓈᖃᕈᒪᓪᓗᑎᒃ ᑖᒃᑯᓂᖓ.

ᐃᓗᐊᕐᓮᔩᑦ ᐊᒡᓚᖏᑦ 1:24

ᑖᒃᑯᐊᓗ ᑕᑯᔭᕐᑐᕐᓯᒪᔪᑦ ᐊᖑᒻᒥᒃ ᐃᒡᓗᒐᓴᖕᓂᑦ ᐊᓂᓕᕐᑐᒥᒃ ᑕᑯᒐᒥᒃ ᐅᖃᐅᑎᕚᑦ, “ᖃᐅᔨᑎᓚᐅᕐᑎᒍᑦ ᖃᓄᖅ ᐃᒡᓗᒐᓴᖕᓄᐊᕈᓐᓇᕐᒪᖔᑦᑕ, ᑕᕝᕙ ᐱᑦᓯᐊᕐᕕᒋᓂᐊᕐᐸᑦᑎᒋᑦ.”

ᓴᒧᐃᓕ ᓯᕗᓪᓖᑦ 30:15

ᑍᕕᑎᐅᑉ ᐊᐱᕆᕚ, “ᑍᒃᑯᓄᓐᖓᐅᑎᔪᓐᓇᕐᐱᖔ ᐅᓇᑕᕆᐊᓚᐅᕐᑐᓄᑦ?” ᑖᓐᓇ ᑭᐅᕗᖅ, “ᐱᔪᓐᓇᕐᐳᖓ ᐊᖏᕐᕕᒋᓂᐊᑐᐊᕈᕕᖓ ᒎᑎᐅᑉ ᐊᑎᖓᓂ, ᑐᖁᓐᓂᐊᓐᖏᓐᓂᕋᕐᓗᖓ ᐅᕝᕙᓗ ᐊᖓᔪᖅᑳᓐᓄᑦ ᐂᑦᑑᑎᒋᓂᐊᓐᖏᑐᐊᕈᕕᖓ.”