ᔮᓱᐊᑉ ᐊᒡᓚᖏᑦ 2:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑐᓴᑐᐊᕋᑦᑕᓗ ᑲᑉᐱᐊᓱᓕᓚᐅᕐᐳᒍᑦ, ᓴᐱᓕᕐᓗᑎᒡᓗ ᐊᖑᑎᓕᒫᑦ ᐃᓕᑦᓯᓐᓂᒃ; ᐊᑕᓂᖅ ᒎᑎᓯ ᒎᑎᐅᖕᒪᑦ ᕿᓚᖕᒥᐅᓄᑦ ᓄᓇᕐᔪᐊᕐᒥᐅᓄᓪᓗ.

ᔮᓱᐊᑉ ᐊᒡᓚᖏᑦ 2:11 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 8:60

ᓄᓇᕐᔪᐊᕐᒥᐅᓕᒫᑦ ᓯᓚᕐᔪᐊᕐᒦᑦᑐᑦ ᑐᑭᓯᖁᓪᓗᒋᑦ ᐊᑕᓂᖅ ᑖᓐᓇᑐᐊᖅ ᒎᑎᐅᖕᒪᑦ; ᐊᓯᖃᕋᓂᓗ.

ᐊᑕᓃᑦ ᐂᑉᐸᖏᑦ 5:15

ᑕᕝᕙ ᓁᒪᓐ ᐃᓚᒋᔭᓕᒫᑦᓯᐊᓂ ᐃᓚᒋᓪᓗᒋᑦ ᒎᑎᐅᑉ ᐃᓄᖁᑎᖓᓄᑦ ᐅᑎᕆᕗᑦ, ᓵᖓᓄᐊᕐᓗᓂ ᐅᖃᐅᑎᕚ, “ᑕᑯᒋᑦ, ᖃᐅᔨᕗᖓ ᓯᓚᕐᔪᐊᓕᒫᒥ ᒎᑎᑕᖃᓐᖏᓚᖅ ᐃᓴᕆᐊᓕᒥᐅᓂ ᑭᓯᐊᓂ, ᑭᒡᒐᕕᑦ ᑐᓂᕐᕈᑎᖏᑦ ᐃᓕᖕᓄᑦ, ᐱᔭᐅᖁᔭᕋᓗᐊᑲ.”

ᓂᕼᐃᒤᐊᐅᑉ ᐊᒡᓚᖏᑦ 6:16

ᐊᑭᕋᕐᑐᕐᑎᕗᑦ ᖃᓂᒋᔭᑦᑎᓐᓃᑦᑐᑦ ᑐᓴᕋᒥᒃ ᑕᒪᑐᒥᖓ, ᐃᓅᖃᑎᒌᒡᔪᐊᓕᒫᓪᓗ ᖃᓂᒋᔮᓃᑦᑐᑦ ᑲᑉᐱᐊᓱᓕᓚᐅᕐᐳᑦ ᐃᒻᒥᖕᓂᒡᓗ ᐃᒃᐱᒋᐅᒻᒥᓕᕐᓗᑎᒃ, ᐃᓘᓐᓇᑎᒃ ᖃᐅᔨᓚᐅᕐᒪᑕ ᐱᓇᓱᐊᕐᑕᑦᑎᓐᓂᒃ ᐱᔭᕇᓚᐅᕋᑦᑕ ᒎᑎᐅᑉ ᐃᑲᔪᕐᓂᖓᒍᑦ.

ᐃᔅᑕᐅᑉ ᐊᒡᓚᖏᑦ 8:17

ᓄᓇᓕᖕᓂ ᐊᕕᒃᑐᕐᓯᒪᔪᓂ ᐃᒡᓗᒐᓴᖕᓂᓗ, ᓇᓂᑐᐃᓐᓇᖅ ᐊᖓᔪᖅᑳᕐᔪᐊᑉ ᐱᖁᔨᓂᖓᑦ ᐅᖃᓕᒫᕐᑕᐅᑐᐊᕐᒪᑦ, ᔫᑎᑦ ᖁᕕᐊᓱᓚᐅᕐᐳᑦ ᓯᕆᓪᓗᑎᒡᓗ, ᓂᕆᕕᒡᔪᐊᕐᓗᑎᒃ ᕿᑲᓚᐅᕐᐳᑦ ᐱᓇᓱᐊᕐᓂᕐᒥᖕᓂᑦ. ᑍᒤᒻᒪᒃ ᐃᓄᐃᑦ ᐅᓄᕐᑐᑦ ᓄᓇᓕᖕᓃᑦᑐᑦ ᔫᑎᓐᖑᖃᑦᑕᐅᕗᑦ, ᔫᑎᓂᒃ ᑲᑉᐱᐊᓱᓕᕋᒥᒃ.

ᐃᓐᖏᕈᑎᑦ 102:15

ᑕᕝᕙ ᐃᓅᖃᑎᒌᒡᔪᐊᑦ ᐊᑕᓂᐅᑉ ᐊᑎᖓᓂᒃ ᓯᕘᕋᔪᒫᕐᐳᑦ, ᐊᖓᔪᖅᑳᕐᔪᐊᓪᓗ ᓄᓇᒦᑦᑐᓕᒫᑦ ᐃᓕᖕᓂᒃ ᓂᕐᑐᕐᓇᕐᑎᑦᓯᔪᒫᕐᐳᑦ;

ᐃᓐᖏᕈᑎᑦ 22:14

ᐃᒥᕐᑐᑦ ᑯᕕᔭᐅᕗᖓ, ᓇᒡᒍᐊᒃᑲ ᑕᒪᕐᒥᒃ ᐃᓂᒥᓂᑦ ᓄᓱᒃᓯᒪᕗᑦ; ᐆᒻᒪᑎᒐ ᐸᑎᐅᔭᑐᑦ ᑍᒤᓕᕐᐳᖅ; ᐊᐅᒃᓯᒪᓪᓗᓂ ᓴᒡᕕᖕᒪ ᐃᓗᐊᓂ;

ᐃᓐᖏᕈᑎᑦ 58:7

ᐊᓯᐅᑎᒃᑭᑦ ᑰᒃᑐᑦ ᐃᖏᕐᕋᔪᑐᑦ ᓴᕐᕙᐅᑎᓪᓗᒋᑦ; ᐃᕕᒃᑎᑐᑦ ᑐᓪᓕᕋᕐᑕᐅᓕᑦ ᐊᖅᑯᑎᒦᑦᑐᑎᑐᑦ.

ᐃᓐᖏᕈᑎᑦ 83:18

ᖃᐅᔨᑎᓚᐅᒃᑭᑦ ᐃᕝᕕᑑᓪᓗᑎᑦ, ᐊᓯᖃᖏᑦᑑᓪᓗᑎᑦ ᐊᑕᓂᑐᐊᖑᒐᕕᑦ, ᖁᑦᓯᖕᓂᕐᐸᐅᒐᕕᑦ ᓄᓇᕐᔪᐊᓕᒫᒥ.

ᒨᓯᓯ ᐂᑉᐸᖏᑦ 15:14

ᐃᓄᐃᑦ ᑕᒪᑐᒥᖓ ᑐᓴᕋᒥᒃ, ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ; ᖁᐊᕐᓵᑲᓪᓚᖕᓂᕐᒧᓪᓗ ᐱᓕᔅᑎᐊᒥᐅᑦ ᕿᒪᒃᓯᓚᐅᕐᐳᑦ.

ᒨᓯᓯ ᐂᑉᐸᖏᑦ 15:15

ᑕᕝᕙ ᐄᑐᒥᐅᑦ ᐊᖓᔪᖅᑳᖏᑦ ᖁᓚᓕᕐᐳᑦ; ᒧᐊᐱᒥᐅᓪᓗ ᐱᔪᓐᓇᕐᑐᖁᑎᒋᔭᖏᑦ ᓴᔪᓕᕐᓗᑎᒃ; ᑬᓇᓂᒥᐅᓪᓗ ᐃᓄᓕᒫᖏᑦ ᓴᐱᓕᑦᓯᐊᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 13:7

ᑍᒤᒻᒪᑦ ᐊᒡᒐᓕᒫᑦ ᓄᑮᕈᑎᔪᒫᕐᐳᑦ, ᐃᓄᓕᒫᓪᓗ ᐆᒻᒪᑎᖏᑦ ᓴᐱᓕᕈᒫᕐᐳᑦ,

ᐂᓮᐊᓯᐅᑉ ᐊᒡᓚᖏᑦ 19:1

ᐅᖃᐅᓰᑦ ᐄᑦᔨᑉᑎᒥᐅᑦ ᐱᓪᓗᒋᑦ, ᑕᑯᓕᕐᓯᐅᒃ ᐊᑕᓂᖅ ᓄᕗᔭᒥ ᓱᒃᑲᓕᔪᒥ ᐃᑭᒪᓗᓂ ᐄᑦᔨᑉᑎᒧᑦ ᑎᑭᓕᕐᑐᖅ; ᐄᑦᔨᑉᑎᒥᐅᑦ ᒎᑎᓐᖑᐊᖏᑦ ᓴᔪᒍᒫᕐᐳᑦ ᑖᑦᓱᒪ ᓇᔪᕐᑕᖓᓂ, ᐄᑦᔨᑉᑎᒥᐅᓪᓗ ᐆᒻᒪᑎᖏᑦ ᐊᐅᒃᑐᑎᑐᑦ ᑍᒤᑦᓱᒫᕐᐳᑦ ᐃᓗᖏᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 21:15

ᓴᐱᓕᕐᑎᑦᓯᖁᓪᓗᒍ, ᐹᓪᓚᒃᑎᑦᓯᓗᓂᓗ ᐅᓄᕐᑐᓂᒃ ᐃᑎᕐᑕᕐᕕᓕᒫᖏᓐᓂ. ᓯᕗᕋᓵᕆᕗᖓ ᓴᕕᒡᔪᐊᕐᒧᑦ ᖃᐅᒻᒪᓪᓚᒃᑎᑐᑦ ᓴᖅᑭᖃᑦᑕᕐᑐᒥᒃ; ᕿᓪᓚᕆᒃᓴᕐᓯᒪᔪᒥᒃ ᑐᖁᕅᓂᐊᓕᕋᒥ.

ᓇᕼᐅᒥᐅᑉ ᐊᒡᓚᖏᑦ 2:10

ᓱᓁᕈᑎᕗᖅ, ᕿᒪᒃᑕᐅᓯᒪᓕᕐᐳᖅ, ᐊᓯᕈᕐᑕᐅᓪᓗᓂᓗ; ᐆᒻᒪᑏᑦ ᓄᑮᕈᑎᕗᑦ ᑲᑉᐱᐊᓱᖕᓂᕐᒧᑦ; ᓰᖅᑯᐃᑦ ᓴᔪᓕᕐᐳᑦ ᓄᑭᖃᕈᓐᓃᕐᓗᑎᒡᓗ; ᑮᓇᖏᓪᓗ ᖃᒃᑯᑑᓕᕐᓱᑎᒃ.

ᒨᓯᓯ ᑕᓪᓕᒪᖏᑦ 1:28

ᓱᖕᒪᓪᓕ ᑕᕝᕗᓐᖓᕆᐊᖃᕐᐱᑖ? ᓯᕘᕋᓕᕐᐳᒍᑦ. ᑎᓕᓚᐅᕐᑕᑦᑎᓐᓄᑦ ᐅᓂᒃᑳᕐᕕᐅᓚᐅᕋᑦᑕ ᑕᕝᕙᓂᒥᐅᑦ ᓴᓐᖏᓂᕐᓴᐅᓂᖏᓐᓂᒃ ᐊᖏᓂᕐᓴᐅᓂᖏᓐᓂᒡᓗ ᐅᕙᑦᑎᓐᓂᑦ, ᐃᒡᓗᒐᓴᖏᓪᓗᒎᖅ ᐊᕙᓗᕐᔪᐊᖃᕐᓗᑎᒃ ᕿᓚᖕᒧᑦ ᐊᒃᑐᐊᔪᓂᒃ; ᐱᓗᐊᓐᖑᐊᕐᑐᒥᒡᓗ ᑍᑲᓂᒥᐅᒡᒎᖅ ᐊᓇᑭᒥᐅᑦ ᐃᓄᒃᐹᓘᖕᒪᑕ!’

ᒨᓯᓯ ᑕᓪᓕᒪᖏᑦ 20:8

“ᑕᕝᕙ ᐅᓇᑕᕐᑐᒃᓮᑦ ᐊᖓᔪᖅᑳᖏᑦ ᐅᖃᒃᑲᓐᓂᕋᔭᕆᕗᑦ ᐅᓇᑕᕐᑐᒃᓴᓄᑦ, ‘ᐅᕙᓃᑦᑐᖃᕐᐹ ᓯᕘᕋᓂᕐᒧᑦ ᓄᑭᖃᑦᓯᐊᕈᓐᓃᕐᑐᒥᒃ? ᑍᒤᑦᑐᖃᕐᐸᑦ ᑖᓐᓇ ᐊᖏᕐᕋᕐᑐᒃᓴᐅᕗᖅ, ᐊᖏᕐᕋᖏᒃᑯᓂ, ᐃᓚᒥᓂᒃ ᓯᕘᕋᓕᕐᑎᑦᓯᒐᔭᕐᒪᑦ.’

ᒨᓯᓯ ᑕᓪᓕᒪᖏᑦ 4:39

ᑍᒤᒻᒪᑦ ᐅᓪᓗᒥ ᐃᖅᑲᐅᒪᓕᕐᓯᐅᒃ ᐳᐃᒍᕐᓂᐊᕐᓇᒍᓗ: ᐊᑕᓂᖅ ᒎᑎᐅᖕᒪᑦ ᕿᓚᖕᒥᓗ ᓄᓇᒥᓗ. ᐊᓯᐊᓂᒡᓗ ᒎᑎᑕᖃᓐᖏᓚᖅ.

ᔮᓱᐊᑉ ᐊᒡᓚᖏᑦ 14:8

ᐊᖑᑏᓪᓕ ᑍᒃᑯᐊ ᐱᖃᑎᒋᓚᐅᕐᑕᒃᑲ ᑲᑉᐱᐊᓱᓕᕐᑎᑦᓯᓚᐅᕐᐳᑦ ᐃᓄᖕᓂᒃ; ᐅᕙᖓᓕ ᓈᓚᑦᓯᐊᓚᐅᕐᐳᖓ ᐊᑕᓂᕐᒥᒃ ᒎᑎᓐᓂᒃ.

ᔮᓱᐊᑉ ᐊᒡᓚᖏᑦ 2:24

ᔮᓱᐊᓗ ᐅᖃᐅᑎᓪᓗᒍ, “ᓱᓕᓪᓚᕆᒃᑐᒥᒃ ᐊᑕᓂᐅᑉ ᑐᓂᓚᐅᕐᐹᑎᒍᑦ ᓄᓇᓕᒫᒥᒃ; ᐃᓄᓕᒫᓪᓗ ᓄᓇᖃᕐᑐᑦ ᑍᑲᓂ ᓴᐱᓕᕐᓗᑎᒃ ᐅᕙᑦᑎᓐᓂᒃ.”

ᔮᓱᐊᑉ ᐊᒡᓚᖏᑦ 5:1

ᐊᒧᕅᑏᑦ ᐊᖓᔪᖅᑳᕐᔪᐊᓕᒫᖏᑦ ᔪᐊᕐᑕᓂᐅᑉ ᓄᓇᖓᑕ ᓯᕿᓂᖓᑕ ᓂᐱᕕᐊᑕ ᓇᓛᓃᑦᑐᑦ, ᑬᓇᓂᒥᐅᓪᓗ ᐊᖓᔪᖅᑳᕐᔪᐊᓕᒫᖏᑦ ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓃᑦᑐᑦ ᑐᓴᕋᒥᒃ ᔪᐊᕐᑕᓂᐅᑉ ᑰᖓ ᐊᑕᓂᐅᑉ ᓴᓗᐊᕐᑎᓚᐅᕐᓂᖓᓂᒃ ᐃᓴᕆᐊᓕᒥᐅᑦ ᐃᑳᖅᑳᕐᑎᓐᓇᒋᑦ, ᑲᑉᐱᐊᓱᓕᕐᐳᑦ ᐅᓇᖕᒥᓱᒍᓐᓃᕐᓗᑎᒡᓗ ᐃᓴᕆᐊᓕᒥᐅᓂᒃ.

ᔮᓱᐊᑉ ᐊᒡᓚᖏᑦ 7:5

ᐊᖑᑏᑦ ᐂᒥᐅᑦ ᕿᒫᑎᑦᓯᓚᐅᕐᐳᑦ ᐃᑎᕐᑕᕐᕕᖕᒥᑦ ᐱᒋᐊᕐᓗᑎᒃ ᓯᐸᕆᒻᒧᑦ ᑎᑭᓪᓗᑎᒃ, ᑐᖁᑦᓯᓚᐅᕐᐳᑦ 36ᓂᒃ. ᐃᓴᕆᐊᓕᒥᐅᑦ ᓴᐱᓕᓚᐅᕐᐳᑦ, ᑲᑉᐱᐊᓱᓕᕐᓗᑎᒡᓗ.

ᔮᓱᐊᑉ ᐊᒡᓚᖏᑦ 9:24

ᑖᒃᑯᐊ ᔮᓱᐊᒧᑦ ᑭᐅᕗᑦ ᐅᖃᕐᓗᑎᒡᓗ, “ᑍᒫᒃ ᐱᓂᐊᕐᓂᖃᓚᐅᕐᐳᒍᑦ ᐊᖓᔪᖅᑳᒃ, ᑐᓴᓚᐅᕋᑦᑕ ᐊᑕᓂᐅᑉ ᒎᑎᑦᓯ ᐱᔨᓂ ᒨᓯᓯ ᐱᖁᓚᐅᕐᒪᒍ ᓄᓇᓕᓕᒫᓂᒃ ᐃᓕᖕᓄᐊᕆᖁᓪᓗᒍ, ᑐᖁᑕᐅᖁᓪᓗᒋᓪᓗ ᐃᓄᓕᒫᑦ ᓄᓇᓖᑦ ᖃᓂᖏᔭᑦᓯᓐᓃᑦᑐᑦ; ᑍᒫᒃ ᐱᓂᐊᕐᓂᖃᓚᐅᕐᐳᒍᑦ ᐊᒃᓱᐊᓗᒃ ᑲᑉᐱᐊᓱᓚᐅᕋᑦᑕ ᐃᓕᑦᓯᓐᓂᒃ, ᐃᓅᓯᕗᑦ ᓴᐳᑎᓇᓱᓚᐅᕐᐸᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:16

ᖃᖅᑳᓗᖕᓄᓪᓗ ᐅᔭᕋᓱᒡᔪᖕᓄᓪᓗ ᐅᖃᕐᐳᑦ, “ᓯᑑᒡᕕᒋᓗᑕ ᐃᔨᓚᐅᕐᑎᒍᑦ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔫᑉ ᑮᓇᖓᓂᑦ, ᓄᕐᕋᐅᔭᐅᓪᓗ ᓂᓐᖓᖕᓂᖓᓂᑦ;