ᔮᓱᐊᑉ ᐊᒡᓚᖏᑦ 13:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓮᕼᐅᕆᐅᓪᓗ ᓄᓇᖓ ᓄᓇᒥᑦ ᓯᕼᐅᐊᑉ ᑰᖓᓂᑦ ᐱᒋᐊᕐᓗᒍ ᐄᑦᔨᑉᑎᒥᐅᑦ ᓄᓇᖓᑕ ᑭᒡᓕᖓᓂᑦ, ᑕᕐᕋᒧᑦ ᐃᑯᕋᓂᐅᑉ ᓄᓇᖁᑎᖓᑕ ᑭᒡᓕᖓᓄᑦ ᑬᓇᓂᒥᐅᓄᑦ ᓄᓇᒋᔭᐅᓂᕋᕐᑕᐅᔪᒧᑦ ᑎᑭᓪᓗᒍ; ᐱᓕᔅᑍᓂᒥᐅᑦ ᐊᖓᔪᖅᑳᕐᔪᐊᖏᑦ ᓄᓇᖃᕐᑐᑦ ᐅᑯᓇᓂ ᒑᓴᒥ, ᐋᔅᑖᑦᒥ, ᐊᓯᑭᓗᓂᒥ, ᒑᑎᒥ, ᐃᒃᕌᒥᓗ, ᐋᐅᐃᒥᐅᓕᒫᓪᓗ.

ᔮᓱᐊᑉ ᐊᒡᓚᖏᑦ 13:3 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 10:6

ᕼᐋᒥᐅᑉ ᐃᕐᓂᖏᑦ ᐅᑯᐊᖑᕗᑦ: ᑯᔅ, ᐄᑦᔨᑉᑎ, ᐸᑦ, ᑬᓇᓂᓗ.

ᒨᓯᓯ ᓯᕗᓪᓖᑦ 15:18

ᑕᕝᕙ ᐊᑕᓂᖅ ᐅᓪᓗᒥ ᑕᕝᕙᓂ ᐂᑉᕋᒻᒥᒃ ᐊᖏᖃᑎᒌᒍᑎᓕᐅᕐᐳᖅ. ᐅᖃᕐᓗᓂ, “ᑭᖑᕚᕐᓄᑦ ᑕᒪᓐᓇ ᓄᓇ ᑐᓂᕙᕋ, ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᒍ ᑰᒡᔪᐊᕌᓗᒃ, ᐃᕗᕅᑎᐅᑉ ᑰᖓ ᑎᑭᓪᓗᒍ,

ᐊᑕᓃᑦ ᓯᕗᓪᓖᑦ 8:65

ᑕᕝᕙᓂ ᑐᒃᓯᐊᕐᕕᒡᔪᐊᒥ ᓲᓗᒨᓂ ᐃᓴᕆᐊᓕᑎᑦ ᐃᓄᓕᒫᖏᓪᓗ ᓇᓪᓕᐅᓐᓂᕐᓯᐅᕐᐳᑦ ᑐᐲᓐᓇᕐᒦᖃᑦᑕᕐᓂᕐᒥᒃ ᐅᓪᓗᓄᑦ 7ᓄᑦ, ᐃᓄᒋᕌᓗᐃᑦ ᓯᐊᒻᒪᒃᓯᒪᓚᐅᕐᐳᑦ ᕼᐊᒫᑎᐅᑉ ᐃᑎᕐᑕᕐᕕᖓᓂᑦ ᐅᓐᓄᐊᓪᓗᐊᑉ ᓇᓛᓃᑦᑐᒥᑦ ᐄᑦᔨᑉᑎᐅᑉ ᑰᖓᑕ ᑭᒡᓕᖓᓄᑦ ᐅᓪᓗᓪᓗᐊᑉ ᓇᓛᓃᑦᑐᒧᑦ ᑎᑭᓯᒪᓪᓗᑎᒃ.

ᑯᕉᓂᑲ ᓯᕗᓪᓖᑦ 13:5

ᑕᕝᕙ ᑍᕕᑎᐅᑉ ᐃᓴᕆᐊᓕᒥᐅᓕᒫᑦ ᑲᑎᑎᑉᐰᑦ ᓮᕼᐅᕆ ᐄᑦᔨᑉᑎᒥᑦ ᐱᒋᐊᕐᓗᒋᑦ ᕼᐊᒫᑎ ᐃᑎᕆᐊᕐᕕᖕᒧᑦ ᑎᑭᓪᓗᒍ, ᒎᑎᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ ᐅᑎᕐᑎᑕᐅᖁᓪᓗᒍ ᑭᕆᐊᑦ-ᔨᕆᒻᒥᑦ.

ᐂᓮᐊᓯᐅᑉ ᐊᒡᓚᖏᑦ 23:3

ᑕᕆᐅᕐᔪᐊᖅ ᐃᑳᕐᓗᒍ, ᓂᐅᕕᕆᐊᕐᓗᓯ ᓂᐅᕐᕈᑎᖃᕆᐊᕐᑐᕐᓗᓯᓗ ᓂᐊᖂᔭᒃᓴᒥᒃ ᐄᑦᔨᑉᑎᒥᑦ ᐱᕈᕐᓂᑯᓂᒃ ᐃᓅᖃᑎᒌᒡᔪᐊᓄᓪᓗ ᓇᒧᑐᐃᓐᓇᖅ ᓂᐅᕕᕋᕐᑎᑦᓯᕙᒃᑐᓯ.

ᔨᕆᒤᐊᐅᑉ ᐊᒡᓚᖏᑦ 2:18

ᓱᓇᒥᒃ ᐱᕚᓪᓕᕋᔭᕐᐱᓯ ᐄᑦᔨᑉᑎᒧᓐᖓᐅᒍᓰ? ᓴᕼᐊᕆᐅᑉ ᑰᖓᓂᑦ ᐃᒥᕈᒪᓪᓗᓰ? ᓱᖕᒪᓪᓗ ᐊᓯᕆᐊᒧᑦ ᐂᕕᓯ ᑰᖏᓐᓂᑦ ᐃᒥᕈᒪᓪᓗᓰ?

ᒨᓯᓯ ᑕᓪᓕᒪᖏᑦ 2:23

ᐃᒪᕐᔪᐊᓪᓕ ᒥᑎᑎᕆᓂᐊᑉ ᐋᐅᐃᒥᐅᑦ ᓯᓈᓃᑦᑐᑦ ᓄᓇᓖᑦ ᓄᓇᑖᕆᔭᐅᓯᒪᕗᑦ ᕿᑭᕐᑕᒥᐅᑕᕐᓂᑦ ᑲᑉᕼᐊᑐᐊᕆᒥᐅᓂᑦ, ᑕᒫᓂ ᓄᓇᓕᑐᖃᐅᓚᐅᕐᑐᑦ ᓄᖑᑕᐅᓚᐅᕐᐳᑦ, ᓄᓇᓕᒫᖓᓗ ᓄᓇᑖᕆᔭᐅᓪᓗᓂ ᑕᒪᑐᒪ ᓄᓇᐅᑉ ᓯᕿᓂᖓᓃᑦᑐᑦ ᒑᓴᒥᐅᑦ ᐊᒡᓛᑦ ᑎᑭᓪᓗᒋᑦ.)

ᔮᓱᐊᑉ ᐊᒡᓚᖏᑦ 13:13

ᐃᓴᕆᐊᓕᒥᐅᓪᓕ ᓯᖏᑦᓯᓚᐅᓐᖏᓚᑦ ᒋᓱᕅᒥᐅᓂᒃ ᒫᑲᑍᑎᒥᐅᓂᒡᓗ; ᑖᒃᑯᐊᓕ ᐃᓴᕆᐊᓕᒥᐅᓂ ᓱᓕ ᓄᓇᖃᖃᑕᐅᖏᓐᓇᕐᐳᑦ ᐅᓪᓗᒥᒧᑦ ᑎᑭᓪᓗᒍ.

ᐃᓗᐊᕐᓮᔩᑦ ᐊᒡᓚᖏᑦ 16:5

ᐱᓕᔅᑍᓂᒥᐅᓪᓗ ᐊᖓᔪᖅᑳᖏᑦ ᑖᑦᓱᒧᖓ ᐅᐸᒍᑎᕗᑦ ᐅᖃᐅᑎᓪᓗᒍ, “ᓯᓔᕐᕆᓚᐅᕈᒃ ᖃᐅᔨᓇᓱᐊᕐᓗᑎᓪᓗ ᖃᓄᖅ ᓴᓐᖏᔪᐊᓘᓂᖓᓂᒃ, ᖃᓄᕐᓗ ᓵᓚᒋᔪᓐᓇᕐᒪᖔᑦᑎᒍᑦ, ᐊᑦᓱᖏᕐᓂᐊᕋᑦᑎᒍᑦ ᓵᓚᒋᓗᒍᓗ; ᑕᕝᕙ ᑐᓂᓂᐊᕐᐸᑦᑎᒋᑦ 1,100ᓂᒃ ᓯᐅᓪᕕᕆᓂᒃ.”

ᐃᓗᐊᕐᓮᔩᑦ ᐊᒡᓚᖏᑦ 3:3

ᑖᒃᑯᐊ ᓄᓇᕾᓐᓇᓚᐅᕐᑐᑦ ᐱᓕᔅᑍᓂᒥ ᑕᓪᓕᒤᑦ ᐃᒡᓗᒐᓮᑦ ᑬᓇᓂᒥᐅᓪᓗ ᐃᓘᓐᓇᑎᒃ, ᓮᑐᓂᒥᐅᑦ, ᕼᐃᕔᑎᓪᓗ ᓄᓇᖃᕐᑐᑦ ᓕᐸᓇᓂᐅᑉ ᖃᖅᑲᖏᓐᓂ, ᖃᖅᑲᒥᑦ ᐰᓕ-ᕼᐊᕐᒪᓐᒥᑦ ᕼᐊᒫᑎ ᑎᑭᓪᓗᒍ.

ᓴᒧᐃᓕ ᓯᕗᓪᓖᑦ 5:1

ᐱᓕᔅᑍᓂᒥᐅᑦ ᑎᒍᓯᒐᒥᒃ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᓂᒃ, ᐊᒡᔭᕐᐹ ᐃᐱᓂᓯᕆᒥᑦ ᐃᒡᓗᒐᓴᖁᑎᒥᓄᑦ ᐋᔅᑖᑦᒧᑦ;

ᓴᒧᐃᓕ ᓯᕗᓪᓖᑦ 5:10

ᑕᕝᕙ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐃᑯᕋᓂᒧᐊᕈᑎᕚᑦ. ᑍᑯᖓᓗ ᑎᑭᐅᑦᔭᐅᖕᒪᑦ, ᐃᑯᕋᓂᒥᐅᑦ ᐃᓄᖏᑦ ᐅᖃᓕᕐᐳᑦ, “ᐃᓴᕆᐊᓕᒥᐅᑦ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᑕᒪᐅᓐᖓᕐᑕᐅᕗᖅ ᐅᕙᑦᑎᓐᓂᒃ ᑐᖁᑦᓯᖁᔭᐅᓪᓗᓂ ᐃᓄᖁᑎᑦᑎᓐᓂᒡᓗ!”

ᓴᒧᐃᓕ ᓯᕗᓪᓖᑦ 5:8

ᑍᒤᒻᒪᑦ ᐅᖃᕆᐊᕐᑐᕐᑎᑦᓯᕗᑦ ᑲᑎᖃᑎᖃᕐᓗᑎᒡᓗ ᐱᓕᔅᑍᓂᒥᐅᑦ ᐊᖓᔪᖅᑳᖏᓐᓂᒃ ᐊᐱᕆᓪᓗᒋᓪᓗ, “ᖃᓄᐃᓕᐅᕐᑐᒃᓴᐅᕕᑖ ᐃᓴᕆᐊᓕᒥᐅᑦ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓᓅ?” ᑖᒃᑯᐊ ᑭᐅᕗᑦ, “ᐃᓴᕆᐊᓕᒥᐅᑦ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᒑᑎᒧᐊᕈᑎᓚᐅᕐᓯᐅᒃ,” ᑍᒤᒻᒪᑦ ᐃᓴᕆᐊᓕᒥᐅᑦ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᒑᑎᒧᐊᕈᑎᕚᑦ.

ᓴᒧᐃᓕ ᓯᕗᓪᓖᑦ 6:4

ᐃᓄᐃᓪᓗ ᐊᐱᕆᕗᑦ, “ᓱᓇᓃᒃ ᐂᑦᑑᑎᖃᕐᑐᒃᓴᐅᕕᑖ ᐸᓯᔭᒃᓴᐅᓂᑦᑎᓐᓄᑦ ᐊᑭᓕᐅᑎᒃᓴᓂᒃ?” ᑖᒃᑯᐊ ᑭᐅᕗᑦ, “ᑕᓪᓕᒪᓂᒃ ᒎᓗᓂᒃ ᐋᓐᓂᐊᓇᕐᑐᓐᖑᐊᓂᒃ ᐋᖅᑭᒃᑕᐅᔪᓐᓇᖏᑦᑐᓂᒃ ᑕᓪᓕᒪᓂᒡᓗ ᒎᓗᓂᒃ ᐊᕕᓐᖓᓐᖑᐊᓂᒃ, ᐱᓕᔅᑍᓂᒥᐅᑦ ᐊᖓᔪᖅᑳᖏᑕ ᖃᑦᓯᐅᓂᖏᑦ ᒪᓕᒡᓗᒋᑦ; ᖃᓂᒻᒪᓯᖅ ᐃᓕᑦᓯᓐᓄᐊᓚᐅᕐᒪᑦ ᐊᖓᔪᖅᑳᓕᒫᑦᓯᓐᓄᓪᓗ.