ᔮᓱᐊᑉ ᐊᒡᓚᖏᑦ 12:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᔮᓱᐊᑉ ᐃᓴᕆᐊᓕᒥᐅᓪᓗ ᐃᓄᖏᑕ ᐊᖓᔪᖅᑳᕐᔪᐊᓕᒫᑦ ᔪᐊᕐᑕᓂᐅᑉ ᓯᕿᓂᖓᑕ ᓂᐱᕕᐊᑕ ᓇᓛᓂ ᓄᓇᖃᕐᑐᑦ ᓵᓚᒋᓚᐅᕐᐰᑦ, ᐱᒋᐊᕐᓗᑎᒃ ᐰᓕ-ᒑᑦᒥᑦ ᓕᐸᓇᓂᐅᑉ ᓇᕐᓴᖓᓂᑦ ᖃᖅᑲᒧᑦ ᕼᐊᓚᒃᒧᑦ ᑎᑭᓪᓗᒍ, ᓰᐊᕆᐅᑉ ᖃᓂᒋᔮᓄᑦ, ᔮᓱᐊᑉ ᓄᓇ ᑕᒪᓐᓇ ᐊᕕᒃᑐᕐᑕᐅᑎᓚᐅᕐᐹ ᑭᖑᕚᕇᓄᑦ ᓇᖕᒥᓂᕐᑕᕆᔭᐅᖁᓪᓗᒍ.

ᔮᓱᐊᑉ ᐊᒡᓚᖏᑦ 12:7 ပူးပေါင်းရင်းမြစ်များ

ᔮᓱᐊᑉ ᐊᒡᓚᖏᑦ 11:17

ᓄᓇᖁᑎᖓ ᑎᑭᐅᒪᕗᖅ ᖃᖅᑲᒥᑦ ᕼᐊᓚᒃᒥᑦ ᐱᒋᐊᕐᓗᒍ ᓰᐊᕆᐅᑉ ᒥᒃᓵᓄᑦ, ᐰᓕ-ᒑᑦᒧᑦ ᑎᑭᓪᓗᒍ, ᓕᐸᓇᓂᐅᑉ ᓇᕐᓴᖓᓄᑦ ᖃᖅᑲᒧᑦ ᕼᐊᕐᒪᓐ ᓯᕿᓂᖓᓄᑦ. ᐊᖓᔪᖅᑳᕐᔪᐊᓕᒫᖏᑦ ᓵᓚᒋᓚᐅᕐᐰᑦ, ᑐᖁᓪᓗᒋᓪᓗ.

ᔮᓱᐊᑉ ᐊᒡᓚᖏᑦ 11:23

ᑕᕝᕙ ᔮᓱᐊᑉ ᓄᓇᓕᒫᖅ ᓄᓇᑖᕆᓚᐅᕐᐹ, ᑍᒫᒃ ᐊᑕᓂᐅᑉ ᒨᓯᓯ ᐅᖃᐅᑎᓚᐅᕐᒪᒍ; ᔮᓱᐊᓪᓗ ᐃᓴᕆᐊᓕᒥᐅᓄᑦ ᓇᖕᒥᓂᕐᑖᕆᔭᐅᑎᓚᐅᕐᐹ, ᐊᕕᒃᑐᕐᑕᐅᑎᓪᓗᒍᓗ ᑭᖑᕙᕇᓄᑦ. ᑭᖑᓂᖓᒍᓪᓗ ᐅᓇᑕᕈᓐᓃᑍᓐᓇᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 9:1

ᐃᓴᕆᐊᓕᒥᐅᑦ ᓵᓚᖃᕐᓂᖓᑦ ᑐᓴᐅᒪᔭᐅᓕᕐᐳᖅ ᐊᖓᔪᖅᑳᕐᔪᐊᓕᒫᓄᑦ ᔪᐊᕐᑕᓂᐅᑉ ᖃᖅᑲᖏᓐᓃᑦᑐᓄᑦ, ᓇᑎᕐᓇᒦᑦᑐᓄᑦ ᒥᑎᑎᕆᓂᐊᑉ ᑕᕆᐅᖓᑕ ᓯᓈᖓᓃᑦᑐᓕᒫᓄᓪᓗ ᓕᐸᓇᓂ ᑎᑭᓪᓗᒍ, ᕼᐃᑍᑎᒥᐅᑦ, ᐊᒧᕅᑎᒥᐅᑦ, ᑬᓇᓂᒥᐅᑦ, ᐱᕆᔧᑎᒥᐅᑦ, ᕼᐃᕔᑎᑎᒥᐅᑦ, ᔨᐳᓮᑎᒥᐅᓄᓪᓗ.

ᔮᓱᐊᑉ ᐊᒡᓚᖏᑦ 3:17

ᐃᓄᐃᑦ ᐃᑳᕐᑎᓪᓗᒋᑦ ᓄᓇᒃᑯᑦ ᓴᓗᐊᒪᔪᒃᑰᓚᐅᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᐊᒡᔭᕐᓯᔪᑦ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᓂᒃ ᔪᐊᕐᑕᓂᐅᑉ ᑰᖓᑕ ᕿᑎᐊᓂ ᓄᖅᑲᖓᓚᐅᕐᐳᑦ ᐃᓅᖃᑎᒌᒡᔪᐊᑦ ᐃᑳᕇᓚᐅᖏᓐᓂᖏᓐᓂ.

ᒨᓯᓯ ᑕᓪᓕᒪᖏᑦ 2:4

ᐃᓕᑦᓯᓐᓂᒃ ᐅᖃᐅᑦᔨᖁᓪᓗᖓ ᖃᐅᔨᒪᑦᔪᑎᒃᓴᑦᓯᓐᓂᒃ ᐃᒫᒃ ᐅᖃᐅᑎᓚᐅᕐᐹᖓ: ‘ᓰᐊᕆᐅᑉ ᖃᖅᑲᖏᑎᒍᑦ ᐃᖏᕐᕋᓂᐊᓕᕋᑦᓯ, ᑖᒃᑯᐊ ᑕᒫᓂ ᓄᓇᓖᑦ ᐅᖓᓯᒋᔭᑦᓯᒍᑦ ᐃᓚᒋᒐᓗᐊᕐᐸᓯ, ᐄᓴᐅᑉ ᑭᖑᕚᕆᖕᒪᒋᑦ. ᐃᓕᑦᓯᓐᓂᒡᓕ ᓯᕘᕋᓂᐊᕐᐳᑦ,

ᒨᓯᓯ ᑕᓪᓕᒪᖏᑦ 2:1

“ᑕᕝᕙ ᐅᑎᒧᑦ ᐊᐅᓪᓚᓕᓚᐅᕐᐳᒍᑦ, ᐃᖏᕐᕋᓕᕐᓗᑕᓗ ᐃᓄᖃᖏᑦᑐᒧᑦ ᐃᒪᐅᑉ ᐊᐅᐸᓗᒃᑕᐅᑉ ᓇᓛᓄᑦ, ᑍᒫᒃ ᐊᑕᓂᐅᑉ ᐱᖁᓚᐅᕐᒪᑎᒍᑦ, ᑕᕝᕙᓂᓗ ᓄᓇᖃᓕᓚᐅᕐᐳᒍᑦ ᐊᑯᓂᒐᓚᒃ ᓰᐊᕆᐅᑉ ᖃᖅᑲᖏᓐᓂ.

ᒨᓯᓯ ᓯᕗᓪᓖᑦ 36:30

ᑎᓲᓐ, ᐃᔨᕆ, ᑎᓵᓐ; ᑖᒃᑯᐊ ᑕᕝᕙ ᐊᖓᔪᖅᑳᑦ ᕼᐅᕅᑎᓂ ᑭᖑᕚᕇᓂ ᓄᓇᒥ ᓰᐊᕆᒥ.

ᒨᓯᓯ ᓯᕗᓪᓖᑦ 36:20

ᓄᓇᒥ ᐄᑐᒥᒥ ᓄᓇᖃᓚᐅᕐᑐᑦ ᐊᕕᒡᓗᒋᑦ ᑭᖑᕚᕇᖑᔪᓄᑦ ᐃᒫᒃ ᐊᒡᒍᕐᓯᒪᕗᑦ ᓰᐊᕆᐅᑉ ᑭᖑᕚᖏᑦ, ᕼᐅᕅᑎᒥᐅᑕᐅᑉ: ᓘᑖᓐ, ᓲᐸᐅᓪ, ᔨᐱᐅᓂ, ᐋᓇ,

ᒨᓯᓯ ᓯᕗᓪᓖᑦ 36:8

ᑕᕝᕙ ᐄᓴ ᓄᓇᖃᓕᓚᐅᕐᐳᖅ ᖃᖅᑲᓕᖕᒥ ᓄᓇᒥ ᓰᐊᕆᒥ; ᐄᓴ ᐊᑎᖃᕐᒪᑦ ᐄᑐᒥᒥᒃ.

ᒨᓯᓯ ᓯᕗᓪᓖᑦ 32:3

ᔧᑯᓗ ᑎᓕᓯᕗᖅ ᓯᕗᓂᕐᒥᓂ ᐅᖃᕆᐊᕐᑐᕐᑐᖃᖁᓪᓗᒍ ᐊᖓᔪᒥᓄᑦ ᐄᓴᒧᑦ ᓄᓇᒧᑦ ᓰᐊᕆᒧᑦ ᐄᑐᒥᒦᑦᑐᒧᑦ.

ᒨᓯᓯ ᓯᕗᓪᓖᑦ 14:6

ᕼᐅᕅᑎᓪᓗ ᓰᐊᕐ ᖃᖅᑲᖓᓂᒥᐅᑦ ᓄᓇ ᐃᐅᓪᐸᕋᓐ ᐃᓄᖃᔪᐃᑦᑑᑉ ᑭᒡᓕᖓᓃᑦᑐᖅ ᑎᑭᓪᓗᒍ;

ᐃᓐᖏᕈᑎᑦ 135:11

ᓮᕼᐆᓂ, ᐊᒧᕅᑎᒃᑯᑦ ᐊᖓᔪᖅᑳᕐᔪᐊᖓᑦ, ᐋᒡᓗ, ᐹᓴᓂᒃᑯᑦ ᐊᖓᔪᖅᑳᕐᔪᐊᖓᑦ, ᑬᓇᓂᐅᓪᓗ ᐊᖓᔪᖅᑳᕐᔪᐊᖃᕐᕕᓕᒫᖏᓐᓂᒃ,