ᔫᓇᐅᑉ ᐊᒡᓚᖏᑦ 4:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑐᒃᓯᐊᓕᕐᐳᕐᓗ ᐊᑕᓂᕐᒧᑦ ᐅᖃᕐᓗᓂ: “ᐊᑕᓃᖅ, ᐅᖃᐅᓯᕆᓚᐅᕐᑕᕋ ᓇᓚᐅᑦᓯᓐᖏᓛᖅ ᓄᓇᑦᑎᓐᓃᓪᓗᖓ ᓱᓕ ᑍᒤᓕᐅᕋᔭᕐᓂᕐᓂᒃ? ᑕᒪᓐᓇ ᐱᓪᓗᒍ ᑐᐊᕕᕐᓗᖓ ᕿᒫᓚᐅᕐᐳᖓ ᑖᕐᓯᓯᒧᑦ, ᖃᐅᔨᒪᒐᒪ ᐃᕝᕕᑦ ᒎᑎᐅᒐᕕᑦ ᐱᑦᓯᐊᕐᓂᖃᕐᑐᖅ ᓈᒃᑭᒍᓱᒃᑐᕐᓗ, ᓂᓐᖓᒃᓴᕅᖏᑦᑐᖅ ᓇᒡᓕᒍᓱᒃᑐᕐᔫᔪᕐᓗ, ᐃᓱᒤᓪᓗ ᓱᒋᐊᕐᓂᕐᒥᑦ ᓴᖑᑎᓲᕆᒐᕕᐅᒃ ᖃᕿᐊᓕᕐᑐᖃᑐᐊᕐᒪᑦ ᐊᑲᐅᖏᓐᓂᕐᒥᑦ.

ᔫᓇᐅᑉ ᐊᒡᓚᖏᑦ 4:2 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 19:4

ᐃᓔᑦᔭ ᐃᓄᑑᓪᓗᓂ ᐱᓱᓚᐅᕐᐳᖅ ᐃᓄᖃᖏᑦᑐᒧᑦ ᐅᓪᓗᓕᒫᖅ ᐃᖏᕐᕋᓂᐅᓲᑎᑐᑦ, ᓄᖅᑲᕋᒥ ᐃᖏᑉᐳᖅ ᓇᐹᕐᑑᑉ ᐳᕉᒻᒥᒃ ᐊᑎᓕᐅᑉ ᑕᕐᕋᓕᓂᖓᓄᑦ; ᑕᕝᕙᓂᓗ ᑐᒃᓯᐊᕐᐳᖅ ᑐᖁᔪᒪᓪᓗᓂ, ᐅᖃᕐᓗᓂ, “ᒫᓐᓇ ᑕᒪᓐᓇ ᐊᖏᓗᐊᓕᕐᒪᑦ; ᐊᑕᓃᖅ, ᐃᓅᓯᕋ ᑎᒍᓕᕈᒃ; ᐱᐅᓂᕐᓴᐅᖏᓐᓇᒪ ᓯᕗᓕᕆᓚᐅᕐᑕᓐᓂᑦ.”

ᐃᓐᖏᕈᑎᑦ 103:8

ᐊᑕᓂᖅ ᓂᑲᒍᓱᒃᐳᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᓐᖏᓚᖅ ᓇᒡᓕᒍᓱᑦᓮᓐᓇᕐᓗᓂᓗ.

ᐃᓐᖏᕈᑎᑦ 145:8

ᐊᑕᓂᖅ ᐱᑦᓯᐊᕐᓂᖃᕐᒪᑦ ᐊᖏᔪᒥᒃ ᓂᑲᒍᓱᖕᓂᖃᕐᓗᓂᓗ, ᓂᓐᖓᒃᓴᕅᖏᑦᑐᖅ ᓇᒡᓕᖕᓂᕐᔪᐊᖃᕐᓗᓂᓗ.

ᐃᓐᖏᕈᑎᑦ 78:38

ᑖᓐᓇᓕ, ᓇᒡᓕᒍᓱᖕᓂᕐᒥᒃ ᑕᑕᓐᓇᒥ, ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᒋᓚᐅᕐᐰᑦ, ᐊᓯᕈᕐᓇᒋᓪᓗ; ᐅᓄᕐᑐᐃᓱᕐᓗᓂ ᓂᓐᖓᐅᒪᓂᓂ ᓄᖅᑲᕐᑎᖃᑦᑕᓚᐅᕐᐹ, ᓂᓐᖓᐅᒪᓂᓕᒫᓂᓗ ᐊᑕᖏᕐᓗᒍ ᓴᖅᑭᑎᓚᐅᓐᖏᓛ.

ᐃᓐᖏᕈᑎᑦ 86:15

ᐃᕝᕕᓪᓕ ᐊᑕᓃᖅ, ᒎᑎᐅᕗᑎᑦ ᓂᑲᒍᓱᒃᑐᖅ ᐱᑦᓯᐊᕐᓗᑎᓪᓗ, ᕿᓄᐃᑦᑑᕗᑎᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑑᓃᓪᓗ ᐃᓱᖃᕋᑎᒃ.

ᐃᓐᖏᕈᑎᑦ 86:5

ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.

ᐃᓐᖏᕈᑎᑦ 90:13

ᐊᑕᓃᖅ ᐅᑎᓚᐅᕆᑦ! ᖃᓄᖅ ᐊᑯᓂᐅᑎᒋᓂᐊᕐᐱᑦ? ᐱᔨᑎᑦ ᓇᒡᓕᒋᓚᐅᒃᑭᑦ!

ᒨᓯᓯ ᐂᑉᐸᖏᑦ 32:14

ᑕᕝᕙ ᐊᑕᓂᐅᑉ ᐃᓱᒪᒋᓚᐅᕐᑕᓂ ᓴᖑᑎᓕᕐᐹ ᐃᓄᖁᑎᒥᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒪᔪᓐᓁᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 18:8

ᑭᖑᓂᖓᒍᓪᓗ ᐃᓅᖃᑎᒌᒡᔪᐊᑦ ᖃᕿᐊᓕᕐᐸᑕ ᐱᐅᖏᑦᑐᓕᓂᕐᒥᖕᓂᑦ, ᐊᓯᕈᕐᑕᐅᑦᔪᑎᒃᓴᕋᓗᐊᖏᓐᓂᒃ ᑲᔪᓯᕕᐅᑎᓐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 20:7

ᐊᑕᓃᖅ ᐅᐃᕕᕐᕆᒐᕕᖓ ᐅᐃᕕᕐᕆᔭᐅᓯᒪᕗᖓ; ᐱᔪᓐᓇᕐᓂᕐᓴᐅᒐᕕᑦ ᓵᓚᒋᕙᕐᒪ, ᐅᓪᓗᓕᒫᖅ ᐱᓐᖑᐊᕆᔭᐅᕗᖓ, ᒥᑕᐅᑎᒋᔭᐅᓪᓗᖓᓗ.

ᔨᕆᒤᐊᐅᑉ ᐊᒡᓚᖏᑦ 26:13

ᐱᓂᐊᕐᓂᓯ ᐃᓕᖅᑯᓯᓯᓗ ᐋᖅᑭᒋᐊᓕᕐᓯᐅᒃ ᐊᑕᓂᕐᓗ ᒎᑎᓯ ᓂᐱᖓ ᓈᓚᒃᓯᐅᒃ, ᐊᑕᓂᐅᕐᓗ ᑕᕝᕙ ᐊᓯᕈᐃᓂᐊᕐᓂᕋᕐᓂᕐᒥᓂᒃ ᐃᓕᑦᓯᓐᓂᒃ ᑕᕝᕙ ᐊᑐᕐᑎᑦᓯᓂᐊᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 42:10

ᓄᓇᒥ ᑕᒫᓃᖏᓐᓇᕈᑦᓯ, ᐱᕈᕐᐸᓪᓕᐊᑎᓐᓂᐊᕐᐸᑦᓯ ᓄᖑᑉᐸᓪᓕᐊᑎᖏᓪᓗᓯ, ᐱᕈᕐᑎᑦᓱᒪᕙᑦᓯ ᓄᖑᑦᓱᒪᓐᖏᓚᑦᓯ, ᐊᓯᕈᕐᑕᐅᓇᕐᑐᒧᑦ ᑎᑭᑎᑦᓯᓂᕆᓚᐅᕐᑕᕋ ᐅᒡᒍᐊᕈᑎᒋᒐᒃᑯ.

ᐂᒨᓯᐅᑉ ᐊᒡᓚᖏᑦ 7:3

ᑕᕝᕙ ᐊᑕᓂᐅᑉ ᐃᓱᒪᓂ ᑕᒪᑐᒧᖓ ᐊᓯᑦᔨᓚᐅᕐᐹ, ᐅᖃᕐᓗᓂ, “ᑍᒤᑦᑐᖃᕐᓂᐊᕈᓃᕐᐳᖅ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 7:6

ᑕᕝᕙ ᐊᑕᓂᐅᑉ ᐃᓱᒪᓂ ᑕᒪᑐᒧᖓ ᐊᓯᑦᔨᓚᐅᕐᐹ, ᐅᖃᕐᓗᓂ, “ᑍᒤᑦᑐᖃᕐᓂᐊᕈᓃᕐᐳᖅ,” ᐊᑕᓂᖅ ᒎᑎ ᐅᖃᕐᐳᖅ.

ᔫᓇᐅᑉ ᐊᒡᓚᖏᑦ 1:3

ᓂᑯᕕᑉᐳᕐᓗ ᔫᓇ ᑖᕐᓯᓯᒧᑦ ᕿᒫᔪᒪᓪᓗᓂ ᐊᑕᓂᕐᒥᑦ; ᐊᑎᕐᓗᓂᓗ ᔮᐸᒧᑦ ᐅᒥᐊᕐᔪᐊᕐᓯᐅᕐᐳᖅ ᑖᕐᓯᓯᓕᐊᕐᑐᒥᒃ, ᐊᑭᓖᕗᕐᓗ ᐃᖏᕐᕋᑦᔪᑎᒋᓂᐊᕐᑕᒥᓂᒃ, ᐃᑭᕗᕐᓗ ᐅᒥᐊᕐᔪᐊᒧᑦ ᐃᖏᕐᕋᖃᑎᒋᔪᒪᓪᓗᒋᑦ ᑖᕐᓯᓯᒧᑦ, ᕿᒫᔪᒪᓪᓗᓂ ᐊᑕᓂᐅᑉ ᓵᖓᓂᑦ.

ᔫᓇᐅᑉ ᐊᒡᓚᖏᑦ 3:10

ᒎᑎᓗ ᓂᓂᕕᒥᐅᑦ ᑍᒤᓕᐅᕐᓂᖏᓐᓂᒃ ᑕᑯᕗᖅ, ᓴᖑᓂᖏᓐᓂᒃ ᐊᖅᑯᑎᒋᔭᒥᖕᓂᑦ ᐃᓗᐊᖏᑦᑐᓂᑦ; ᒎᑎᐅᓪᓗ ᐃᓱᒪᒋᔭᓂ ᐊᓯᑦᔨᕐᐹ ᐊᓯᕈᕐᑕᐅᓂᖅ ᑍᓐᓇ ᐅᖃᐅᑎᒋᓚᐅᕐᑕᓂ ᐱᓂᐊᕈᑎᒋᓂᐊᕐᓂᕋᓚᐅᕐᑕᓂᓗ ᑖᒃᑯᓄᖓ.

ᔫᓇᐅᑉ ᐊᒡᓚᖏᑦ 3:9

ᑭᓇ ᖃᐅᔨᒪᕚ? ᒎᑎ ᓴᖑᓂᐊᖏᒻᒪᖔᑦ ᖃᕿᐊᓕᕐᓗᓂ ᓄᖅᑲᕐᑎᑦᓯᓗᓂᓗ ᓂᓐᖓᖕᓂᕐᔪᐊᒥᓂᒃ ᐊᓯᕈᕐᑕᐅᖁᓇᑕ!”

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᓘᑲᓯᐅᑉ ᐊᒡᓚᖏᑦ 10:29

ᐱᖁᔭᓂᒃ ᐃᓕᓮᔨ ᓈᒻᒪᑦᑎᐊᕐᑐᒦᓐᓂᕐᒥᖕᓂᒃ ᖃᐅᔨᒪᔭᐅᔪᒪᓕᕋᒥ ᔩᓱᓯ ᐊᐱᕆᕚ, “ᑭᓇᓕ ᑍᒪ ᐃᓅᖃᑎᒋᕙᕋ?”

ᒨᓯᓯ ᑕᓪᓕᒪᖏᑦ 4:31

ᑖᓐᓇ ᒎᑎ ᓂᑲᒍᓱᒃᑑᐊᓘᖕᒪᑦ. ᑖᑦᓱᒪ ᖁᔭᓈᕐᓂᐊᖏᒻᒪᓯ ᓄᖑᑕᐅᑎᓐᓂᐊᕐᓇᓯᓗ, ᐳᐃᒍᕐᓂᐊᓐᖏᓛᓗ ᐊᖏᖃᑎᒌᒍᑎᒋᓯᒪᔭᓂ ᓇᖕᒥᓂᖅ ᓯᕗᓕᕕᓂᑦᓯᓐᓄᑦ.