ᔫᓇᐅᑉ ᐊᒡᓚᖏᑦ 1:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᓂᓂᕕᒧᐊᓕᕆᑦ, ᐃᒡᓗᒐᓴᒡᔪᐊᓄᑦ ᐊᖏᔪᐊᓗᖕᓄᑦ; ᓂᐱᖅᑯᕐᑐᓗᑎᓪᓗ ᐅᖃᕐᕕᒋᒃᑭᑦ ᐱᐅᖏᑦᑐᓕᓂᖏᑦ ᒪᔪᐊᕐᒪᑕ ᓵᓐᓄᑦ.”

ᔫᓇᐅᑉ ᐊᒡᓚᖏᑦ 1:2 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 10:11

ᑕᕝᕙᓐᖓᓪᓗ ᓄᓇᒥᑦ ᐱᒋᐊᕐᓗᓂ ᐊᓯᕆᐊᒧᐊᓚᐅᕐᐳᖅ ᐃᒡᓗᒐᓴᒡᔪᐊᓕᐅᕐᓗᓂᓗ ᓂᓂᕕᒥ, ᕆᕼᐅᐳᑎ-ᐃᕐᒥᒡᓗ, ᑲᓛᒥᓗ,

ᐊᑕᓃᑦ ᐂᑉᐸᖏᑦ 19:36

ᑕᕝᕙ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓯᓇᑯᕆᑉ ᐅᑎᕆᐊᓕᓚᐅᕐᐳᖅ, ᐊᖏᕐᕋᓕᕐᓗᓂ ᓄᓇᒥᓄᑦ ᓂᓂᕕᒧᑦ.

ᑯᕉᓂᑲ ᐂᑉᐸᖏᑦ 28:9

ᐊᑕᓂᐅᓪᓕ ᐱᔪᖃᓛᕐᑐᒥᒃ ᐅᖃᕐᑎᖓᓂᒃ ᑍᑲᓃᑦᑐᖃᕐᐳᖅ, ᐅᐱᑎᒥᒃ ᐊᑎᓕᖕᒥᒃ; ᐅᓇᑕᕐᑐᒃᓮᓪᓗ ᐸᕐᕆᐊᕐᐰᑦ ᓴᒥᐊᕆᐊᒧᑦ ᑎᑭᑦᑐᑦ, ᐅᖃᐅᑎᓪᓗᒋᓪᓗ, “ᑕᑯᒋᑦ, ᐊᑕᓂᐅᑉ ᓯᕗᓕᑦᓯ ᒎᑎᖓᑕ ᔫᑕᒥᐅᑉ ᓂᓐᖓᐅᑎᓯᒪᖕᒪᒋᑦ, ᑕᕝᕙ ᑐᓂᓚᐅᕐᐰᑦ ᐃᓕᑦᓯᓐᓄᑦ, ᑭᓯᐊᓂᓕ ᑐᖁᓚᐅᕐᐸᓯ ᓂᓐᖓᐅᑎᓪᓗᓯᐅᒃ ᑕᒪᓐᓇᓗ ᕿᓚᖕᒧᑦ ᑎᑭᐅᑎᕗᖅ.

ᐄᓱᕋᐅᑉ ᐊᒡᓚᖏᑦ 9:6

ᐅᖃᕐᓗᖓᓗ: “ᒎᑏᒃ, ᑲᓐᖑᓱᓗᐊᕐᐳᖓ ᐃᓕᕋᓱᒃᓗᖓᓗ ᐃᓕᖕᓄᑦ ᐋᕐᓗᕆᐊᒃᓴᖅ ᒎᑎᒐ, ᓵᖕᓂ ᐊᔪᕐᓂᕗᑦ ᐳᕐᑐᓂᕐᓴᐅᓕᕐᒪᑕ ᓂᐊᖁᑦᑎᓐᓂᑦ; ᐸᓯᔭᒃᓴᐅᓂᕗᓪᓗ ᐊᓪᓛᑦ ᑎᑭᐅᑎᕗᑦ ᕿᓚᖕᒧᑦ.

ᐂᓮᐊᓯᐅᑉ ᐊᒡᓚᖏᑦ 37:37

ᑕᕝᕙ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓯᓇᑯᕆᑉ ᐊᐅᓪᓚᕐᐳᖅ, ᓄᓇᒥᓄᓪᓗ ᓂᓂᕕᒧᑦ ᐅᑎᕐᒥᓗᓂ.

ᐂᓮᐊᓯᐅᑉ ᐊᒡᓚᖏᑦ 58:1

“ᓂᐱᖅᑯᕐᑐᓗᓯ ᓂᓪᓕᐊᓕᕆᑦᓯ, ᓂᐰᓐᖔᕐᓂᐊᕋᓯ, ᑎᑦᑐᓚᐅᑎᑎᑐᑦ ᓂᐱᖅᑯᕐᑐᑎᒋᓗᓯ ᓂᓪᓕᐊᒋᑦᓯ; ᐃᓄᖁᑎᒃᑲ ᐊᔪᕐᑐᓕᓂᖏᓐᓂᒃ ᐅᖃᐅᑎᓯᒋᒃ, ᔧᑰᓪᓗ ᑭᖑᕚᖏᑦ ᐅᖃᐅᑎᓗᒋᑦ ᐊᔪᕐᓂᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 20:9

ᐅᖃᕋᓗᐊᕋᒪ, “ᐊᑕᓂᖅ ᐅᖃᐅᑎᒋᓂᐊᕈᓐᓃᕐᐸᕋ ᐅᕝᕙᓘᓐᓃᑦ ᐅᖃᕐᑕᐅᖁᔭᖏᓐᓂᒃ ᐅᖃᕐᐸᖕᓂᐊᕈᓐᓃᕐᐳᖓ,” ᑕᕝᕙ ᐃᓗᓐᓂ ᐃᑯᐊᓚᔪᑎᑐᑦ ᑍᒤᑦᑐᖃᓕᕐᐳᖅ, ᓄᖅᑲᖓᑎᑕᒃᓴᐅᖏᑦᑐᓂᒃ, ᓄᖅᑲᖓᔭᕆᐊᒃᓴᕐᓗ ᐊᔪᓕᕐᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 2:7

ᐅᖃᕐᑕᐅᖁᔭᓂᒃ ᐅᖃᐅᓯᖃᕐᑐᒃᓴᐅᕗᑎᑦ, ᓈᓚᒃᑕᐅᓂᐊᕈᕕᑦ ᓈᓚᒃᑕᐅᔮᖏᒃᑯᕕᓪᓘᓐᓃᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ.

ᕼᐆᓯᐊᑉ ᐊᒡᓚᖏᑦ 7:2

ᐃᓱᒪᓚᐅᕐᓯᒪᓐᖏᓚᓪᓘᓐᓃᑦ ᐱᐅᖏᑦᑐᓕᓂᖏᓐᓂᒃ ᐃᖅᑲᐅᒪᒐᔭᕐᓂᓐᓂᒃ; ᐊᔪᕐᑐᓕᓂᕐᒥᖕᓄᑦ ᐃᓗᒪᔭᐅᓕᕐᐳᑦ, ᑮᓇᕐᒪᓗ ᓯᕗᕌᓃᑉᐳᑦ.”

ᔫᓇᐅᑉ ᐊᒡᓚᖏᑦ 3:2

“ᒪᑭᓪᓗᑎᑦ ᓂᓂᕕᒧᑦ ᐂᓕᕆᑦ, ᐃᒡᓗᒐᓴᒡᔪᐊᓄᑦ ᐊᖏᔪᐊᓗᖕᓄᑦ, ᓂᐱᖅᑯᕐᑐᓗᑎᓪᓗ ᐊᔪᕆᕐᑐᒃᑭᑦ ᐅᖃᐅᓯᕆᔭᓐᓂᒃ ᐃᓕᖕᓄᑦ.”

ᔫᓇᐅᑉ ᐊᒡᓚᖏᑦ 3:3

ᑕᕝᕙ ᔫᓇ ᓂᑯᕕᑉᐳᖅ ᐊᐅᓪᓚᕐᐳᕐᓗ ᓂᓂᕕᒧᑦ ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ; ᓂᓂᕕᓗ ᐃᒡᓗᒐᓴᒡᔪᐊᖑᕗᖅ ᐊᖏᔪᐊᓘᓪᓗᓂ ᑬᕙᓪᓚᒐᒃᓴᐅᒐᔭᕐᓗᓂ ᐅᓪᓗᓂᒃ ᐱᖓᓱᓂᒃ.

ᔫᓇᐅᑉ ᐊᒡᓚᖏᑦ 4:11

ᐊᖏᓂᕐᓴᒥᒡᓕ ᖃᓄᖅ ᑕᕝᕙ, ᓂᑲᒍᓱᒃᑲᓐᓂᕈᓐᓇᕐᐳᖔ ᓂᓂᕕᒥᐅᓂᒃ? ᐃᒡᓗᒐᓴᒡᔪᐊᖑᖕᒪᑕ ᐊᖏᔪᐊᓘᓪᓗᑎᒃ. ᑖᒃᑯᓇᓂᓗ ᐸᓯᔭᒃᓴᐅᖏᑦᑐᓂᒃ ᓱᕈᓯᕐᑕᖃᕐᐳᖅ 120,000ᓂᒃ, ᖃᐅᔨᒪᖏᑦᑐᓂᒃ ᑕᓕᕐᐱᖕᒥᖕᓂᒃ ᓴᐅᒥᖕᒥᖕᓂᒡᓗ, ᐆᒪᔪᕐᑕᖃᕐᓗᓂᓗ ᐅᓄᕐᑐᕐᔪᐊᓂᒃ!”

ᒤᑲᐅᑉ ᐊᒡᓚᖏᑦ 3:8

“ᐅᕙᖓᓕ ᑕᑕᑉᐳᖓ ᐱᔪᓐᓇᕐᓂᕐᒥᒃ ᐊᑕᓂᐅᑉ ᐊᓂᕐᓂᖓᒍᑦ, ᐃᖅᑲᕐᑐᐃᑦᓯᐊᕐᓂᕐᒥᒃ ᐊᔪᖏᓐᓂᕐᒥᒡᓗ, ᐅᖃᐅᓯᕆᓂᐊᕐᐸᒃᑲᓗ ᔧᑰᑉ ᑭᖑᕚᖏᑕ ᐱᐅᖏᑦᑐᓕᓂᖏᑦ ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᑦ.

ᓇᕼᐅᒥᐅᑉ ᐊᒡᓚᖏᑦ 1:1

ᐅᑯᐊ ᐅᖃᐅᓯᖃᕐᐳᑦ ᓂᓂᕕᒥᒃ, ᓇᕼᐅᒥᐅᑉ ᑕᑯᑎᑕᐅᑦᔪᑎᒋᓚᐅᕐᑕᖏᑦ, ᓄᓇᒥᑦ ᐃᓪᑰᓯᒦᑎᓪᓗᒍ.

ᓇᕼᐅᒥᐅᑉ ᐊᒡᓚᖏᑦ 3:19

ᐋᓐᓂᕈᑎᒋᓯᒪᔭᕐᓄᑦ ᒪᒥᑦᔪᑎᒃᓴᕐᑕᖃᕈᓐᓃᕐᐳᖅ, ᐃᑭᑎᑦ ᐊᖏᓗᐊᕐᒪᑕ. ᐃᓕᑦᓯᓐᓂᒃ ᑐᓴᕐᑐᓕᒫᑦ ᐸᑦᑕᒃᑐᕐᐳᑦ ᖁᕕᐊᓱᒧᑦ, ᑍᒃᑯᐊ ᐱᐅᖏᑦᑐᓕᓂᕐᒥᒃ ᐱᓇᓱᐊᕐᕕᒌᓐᓇᖃᑦᑕᓚᐅᕋᑦᓯᐅᒃ.

ᒫᑎᐅᓯᐅᑉ ᐊᒡᓚᖏᑦ 10:18

ᐅᕙᖓᓗ ᐱᑦᔪᑎᒋᓗᖓ ᐃᖅᑲᕐᑐᕐᑕᐅᔪᒫᕐᐳᓯ ᐊᐅᓚᑦᓯᔨᐅᔪᓄᑦ ᐊᖓᔪᖅᑳᕐᔪᐊᓄᓪᓗ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᐅᓯᖃᕈᓐᓇᖁᓪᓗᓯ ᑖᒃᑯᓄᖓ, ᔫᑎᐅᖏᑦᑐᓄᓪᓗ.

ᒫᑎᐅᓯᐅᑉ ᐊᒡᓚᖏᑦ 12:41

ᐃᖅᑲᕐᑐᕐᑕᐅᕕᒃ ᓇᓪᓕᐅᑎᒃᐸᑦ ᓂᓂᕕᒥᐅᑦ ᐃᓄᖏᑦ ᒪᑭᑦᓱᒫᕐᐳᑦ ᒫᓐᓇ ᐃᓅᔪᓂᒃ ᐃᖅᑲᕐᑐᐃᓗᑎᒃ ᐃᒋᑕᒃᓴᕈᕐᑎᑦᓯᓗᑎᒡᓗ; ᐊᔪᕐᓂᕐᒥᖕᓂᑦ ᖃᕿᐊᓕᓚᐅᕐᒪᑕ ᔫᓇ ᓇᓚᐅᑦᑍᔪᖅ ᐅᖃᓪᓚᒃᑎᓪᓗᒍ ᑐᓴᕋᒥᒃ; ᑕᑯᒋᑦ, ᐅᖃᐅᑎᕙᑦᓯ, ᑕᕝᕙᓃᑦᑐᖃᕐᐳᖅ ᔫᓇᒥᑦ ᐊᔪᖏᓐᓂᕐᓴᐅᔪᒥᒃ!

ᔧᒥᓯᐅᑉ ᐊᒡᓚᖏᑦ 5:4

ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:5

ᑖᑦᓱᒪ ᐊᔪᕐᑐᓕᓂᖏᑕ ᐊᖏᓂᖏᑦ ᕿᓚᖕᒧᑦ ᑎᑭᓯᒪᓕᕐᒪᑕ, ᒎᑎᐅᓪᓗ ᐳᐃᒍᕐᓂᐊᓐᖏᓔᑦ ᑖᑦᓱᒪ ᐊᔪᕐᑐᓕᓂᖏᑦ.