ᔪᐃᓕᐅᑉ ᐊᒡᓚᖏᑦ 2:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᓯᕿᓂᕐᓗ ᑖᕐᓯᔪᒫᕐᐳᖅ, ᑕᖅᑭᕐᓗ ᐊᐅᒃᑎᑐᑦ ᐊᐅᐸᕐᓯᓗᓂ, ᐊᑕᓂᐅᑉ ᐅᓪᓗᕐᔪᐊᖓ ᑲᒪᓇᕐᑐᕐᔪᐊᖅ ᓇᓪᓕᐅᑎᖅᑳᕐᑎᓐᓇᒍ.

ᔪᐃᓕᐅᑉ ᐊᒡᓚᖏᑦ 2:31 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 4:28

ᓄᓇᕐᔪᐊᖅ ᕿᒃᓵᖕᓂᐊᕐᐳᖅ, ᕿᓚᒡᓗ ᑖᕐᓯᓗᓂ, ᐊᑕᓂᐅᔪᖓ ᐅᖃᕋᒪ ᐅᒡᒍᐊᕈᑎᒋᑦᔮᓐᖏᓚᕋᓗ, ᐃᓱᒪᒋᔭᕋ ᓴᖑᑎᓐᓂᐊᕐᓇᒍ.”

ᐃᓯᑭᐊᓕᐅᑉ ᐊᒡᓚᖏᑦ 32:7

ᐃᓕᖕᓂᒃ ᐊᓯᕈᐃᓕᕈᒪ, ᕿᓚᒃ ᑕᓕᑎᑦᓱᒫᕐᐸᕋ, ᐅᓪᓗᕆᐊᓪᓗ ᑖᕐᓯᓗᑎᒃ; ᓯᕿᓂᖅ ᓄᕗᔭᓄᑦ ᑕᓕᑎᑦᓱᒫᕐᐸᕋ, ᑕᖅᑭᕐᓗ ᖃᐅᒪᔪᓐᓁᕐᓗᓂ.

ᔪᐃᓕᐅᑉ ᐊᒡᓚᖏᑦ 2:1

ᑎᑦᑐᓚᐅᑏᑦ ᓂᓪᓕᕐᑎᓯᒋᑦ ᓮᐅᓂᒥ, ᐊᑕᓂᐅᑉ ᖃᖅᑲᖓᓂ ᐃᑦᔪᕐᓁᑦᑐᒥ, ᓄᓇᓕᓕᒫᓪᓗ ᓴᔪᒡᓕᑦ, ᐊᑕᓂᐅᑉ ᐅᓪᓗᖓ ᑎᑭᓕᕐᒪᑦ, ᖃᓂᑦᑑᓕᕐᓗᓂ.

ᔪᐃᓕᐅᑉ ᐊᒡᓚᖏᑦ 2:10

ᓄᓇᕐᔪᐊᕐᓗ ᓴᔪᒃᑎᑉᐹᑦ, ᕿᓔᓪᓗ ᓴᔪᒃᐳᑦ; ᓯᕿᓂᕐᓗ ᑕᖅᑭᕐᓗ ᑖᕐᓯᕘᒃ, ᐅᓪᓗᕆᐊᓪᓗ ᖃᐅᒪᔫᓐᓃᕐᐳᑦ.

ᔪᐃᓕᐅᑉ ᐊᒡᓚᖏᑦ 2:11

ᐊᑕᓂᐅᑉ ᓂᐱᒥᓄᑦ ᐅᓇᑕᕐᑐᒃᓴᖁᑎᓂ ᐊᐅᓚᑉᐰᑦ, ᐅᓇᑕᕐᑐᒃᓴᖁᑎᖏᑦ ᐅᓄᕐᑐᕐᔪᐊᖑᕗᑦ; ᓂᐱᖓᓂᒃ ᓈᓚᒃᑐᖅ ᓲᖑᔪᕐᔪᐊᖑᕗᖅ. ᐊᑕᓂᐅᑉ ᐅᓪᓗᖓ ᑲᑉᐱᐊᓇᕐᐳᖅ; ᑭᓇᓖ ᑕᒪᑐᒥᖓ ᐊᓂᒍᐃᔪᓐᓇᕐᐹ?

ᔪᐃᓕᐅᑉ ᐊᒡᓚᖏᑦ 2:2

ᐅᓪᓗᖅ ᑖᕐᓯᔪᒫᕐᒪᑦ ᑲᑉᐱᐊᓇᕐᓗᓂᓗ, ᐅᓪᓗᖅ ᑖᕐᓯᔪᒫᕐᒪᑦ ᓄᕗᔭᓗᓂᓗ. ᐱᒡᓕᕐᑕᐅᔮᕐᑐᑦ ᐅᓄᕐᑐᕐᔪᐊᑦ ᑖᕐᓯᑎᑦᓯᔪᒫᕐᐳᑦ ᖃᖅᑲᒥᒃ, ᐊᔪᖏᑦᑐᕐᔪᐊᑦ ᐱᔪᓐᓇᕐᑐᕐᔪᐊᓪᓗ ᐊᑭᕅᑦ ᑎᑭᑦᓱᒫᕐᐳᑦ, ᑍᒫᒃ ᐱᔪᖃᓚᐅᕐᓯᒪᓐᖏᓚᖅ ᑍᒤᑦᑐᖃᓚᐅᕐᓯᒪᓂᐊᕋᓂᓗ ᒪᑐᒪ ᑭᖑᓂᐊᒍᑦ.

ᔪᐃᓕᐅᑉ ᐊᒡᓚᖏᑦ 3:1

“ᑕᑯᒋᑦᓯ ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ, ᔨᕉᓴᓕᒥᑦ ᔫᑕᒥᓪᓗ ᐊᓯᐅᔨᔭᐅᓯᒪᔪᑦ ᐅᑎᕐᑎᑦᓱᒫᕐᐸᒃᑲ.

ᔪᐃᓕᐅᑉ ᐊᒡᓚᖏᑦ 3:15

ᓯᕿᓂᕐᓗ ᑕᖅᑭᕐᓗ ᑖᕐᓯᔪᒫᕐᐴᒃ, ᐅᓪᓗᕆᐊᓪᓗ ᖃᐅᒪᔪᓐᓁᕐᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 14:6

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᖃᐅᒪᔪᖃᕈᒫᓐᖏᓚᖅ, ᑖᕐᑐᖃᕈᒫᕋᓂᓗ.

ᒪᓚᑬᑉ ᐊᒡᓚᖏᑦ 4:1

“ᑕᑯᒋᑦ, ᐅᓪᓗᖅ ᑎᑭᓕᕐᐳᖅ, ᐃᑯᐊᓪᓔᔪᒫᕐᑐᖅ ᐃᒐᐅᑉ ᐆᑦᓯᕕᖓᑐᑦ, ᐱᐅᔪᕆᔪᓕᒫᑦ ᐱᐅᖏᑦᑐᓕᔪᓕᒫᓪᓗ ᐃᑯᐊᓪᓚᒍᒫᕐᐳᑦ; ᐅᓪᓗᖅ ᑎᑭᓕᕐᐳᖅ ᐃᑯᐊᓪᓔᔪᒫᕐᑐᖅ ᑖᒃᑯᓂᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᒫᖃᕈᓐᓁᕈᒫᕐᐳᑦ ᐊᕙᓚᖓᔪᖃᕈᓐᓁᕐᓗᑎᒡᓗ.

ᒪᓚᑬᑉ ᐊᒡᓚᖏᑦ 4:5

“ᑕᑯᒋᑦ, ᐃᓔᑦᔭᒥᒃ ᐅᖃᕐᑎᓐᓂᒃ ᑎᓕᓯᕕᒋᔪᒫᕐᐸᑦᓯ ᐊᑕᓂᐅᑉ ᐅᓪᓗᕐᔪᐊᖓ ᓯᕘᕋᓇᕐᑐᕐᔪᐊᖅ ᑎᑭᓚᐅᖅᑳᕐᑎᓐᓇᒍ.

ᒫᑎᐅᓯᐅᑉ ᐊᒡᓚᖏᑦ 24:29

“ᐅᓪᓗᐃᑦ ᑲᑉᐱᐊᓇᕐᑐᑦ ᑭᖑᓂᑦᓯᐊᖓᒍᑦ, ᓯᕿᓂᖅ ᑖᕐᓯᔪᒫᕐᐳᖅ, ᑕᖅᑭᕐᓗ ᖃᐅᒪᔪᓐᓃᕈᒫᕐᐳᖅ, ᐅᓪᓗᕆᐊᓪᓗ ᕿᓚᖕᒥᑦ ᑲᑕᒍᒫᕐᐳᑦ, ᓯᓚᐅᑉ ᐱᔪᓐᓇᕐᓂᖏᑦ ᐃᓂᒋᔭᒥᖕᓂ ᓴᔪᒃᐱᓗᒍᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 27:45

ᐅᓪᓗᖅ ᕿᑎᕋᓕᕐᑎᓪᓗᒍ ᓄᓇᕐᔪᐊᖅ ᑖᕐᓯᓚᐅᕐᐳᖅ, ᐃᑲᕐᕋᓂᒃ ᐱᖓᓱᓂᒃ ᑖᓚᐅᕐᐳᖅ.

ᓘᑲᓯᐅᑉ ᐊᒡᓚᖏᑦ 21:25

“ᑲᒪᓇᕐᑐᖃᕈᒫᕐᐳᖅ ᓯᕿᓂᕐᒥ ᑕᖅᑭᕐᒥᓗ ᐅᓪᓗᕆᐊᓂᓗ, ᓄᓇᕐᔪᐊᕐᒥᓗ ᐃᓅᖃᑎᒌᒡᔪᐊᓕᒫᑦ ᓇᓗᓕᕐᓇᕐᑐᒦᑦᓱᒫᕐᐳᑦ ᑲᑉᐱᐊᓱᒻᒪᕆᒡᓗᑎᒡᓗ ᐃᒪᕐᔪᐊᑉ ᐃᒃᑑᓕᔮᕐᓂᖓᓄᑦ ᐃᖏᐅᓕᐊᓗᖕᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 2:20

ᓯᕿᓂᖅ ᑖᕐᓯᔪᒫᕐᐳᖅ, ᑕᖅᑭᕐᓗ ᐊᐅᒃᑎᑐᑦ ᐊᐅᐸᕐᓯᓗᓂ, ᐊᑕᓂᐅᑉ ᐅᓪᓗᕐᔪᐊᖓ ᑲᒪᓇᕐᑐᕐᔪᐊᖅ ᓇᓪᓕᐅᑎᖅᑳᕐᑎᓐᓇᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:12

ᑕᕝᕙ ᐂᖏᓕᐅᑉ ᓯᑕᒪᖓᑦᑕ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᑕᕝᕙ ᓯᕿᓂᖅ ᐊᕝᕙᖓᑕ ᐅᖓᑖᓄᑦ ᐊᒃᑐᕐᑕᐅᕗᖅ, ᑕᖅᑭᕐᓗ ᐊᕝᕙᖓᑕ ᐅᖓᑖᓄᑦ, ᐅᓪᓗᕆᐊᓪᓗ ᐊᕝᕙᖏᑕ ᐅᖓᑖᓄᑦ, ᖃᐅᒪᓂᖏᓪᓗ ᐃᓚᓐᖓᕐᐳᑦ ᐊᕝᕙᓪᓗᐊᖏᑦᑕ ᐅᖓᑖᓄᑦ ᖃᐅᒪᓂᕆᕙᒃᑕᒥᖕᓂᑦ; ᐅᓪᓘᓪᓗ ᐊᕝᕙᓪᓗᐊᖓᑕ ᐅᖓᑖᓄᑦ ᖃᐅᒪᓂᖓ ᐃᓚᓐᖓᕐᐳᖅ, ᐅᓐᓄᐊᕐᓗᑦᑕᐅᖅ ᐊᕝᕙᖓᑕ ᐅᖓᑖᓄᑦ ᐃᓚᓐᖓᕆᓪᓗᓂ.