ᔪᐃᓕᐅᑉ ᐊᒡᓚᖏᑦ 2:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ “ᓇᓪᓕᐅᑎᔪᒫᕐᐳᖅ ᒪᑐᒪ ᑭᖑᕐᖓᒍᑦ ᐊᓂᕐᓂᕋ ᑯᕕᔪᒫᕋᒃᑯ ᐃᓄᓕᒫᓄᑦ; ᐃᕐᓂᓯ ᐸᓂᓯᓗ ᐅᖃᐅᓯᖃᖃᑦᑕᕈᒫᕐᐳᑦ ᐅᖃᐅᓯᐅᖁᔭᓐᓂᒃ, ᐃᓄᑐᖃᓯ ᓯᓐᓇᒃᑑᒪᖃᑦᑕᕈᒫᕐᐳᑦ, ᐃᓅᓱᒃᑐᓯᓗ ᑕᑯᑎᑦᔪᑎᓂᒃ ᑕᑯᖃᑦᑕᕈᒫᕐᐳᑦ.

ᔪᐃᓕᐅᑉ ᐊᒡᓚᖏᑦ 2:28 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:23

ᓈᓚᒋᑦ ᐃᓂᕐᑎᕆᑦᔪᑎᓐᓂᒃ; ᐃᓱᒪᒋᔭᒃᑲ ᐃᓕᖕᓄᑦ ᑯᕕᑎᓐᓂᐊᕋᒃᑭᑦ; ᐅᖃᐅᓯᒃᑲᓗ ᐃᓕᖕᓄᑦ ᖃᐅᔨᔭᐅᑎᓐᓂᐊᕋᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 32:15

ᒎᑎᐅᑉ ᐊᓂᕐᓂᖓᓄᑦ ᕿᓚᖕᒥᑦ ᑎᑭᑕᐅᓯᒪᓕᕈᑦᑕ ᑭᓯᐊᓂ, ᓱᓇᖃᕈᓐᓃᓚᐅᕐᑑᒐᓗᐊᑦ ᐱᕈᕐᕕᐅᓕᕈᒫᕆᕗᑦ ᐸᐅᕐᖓᓂᒃ, ᐱᕈᕐᕕᐅᓕᕐᑐᕐᓗ ᓇᐹᕐᑐᒐᓴᒃᔪᐊᓕᒃᑐᑦ ᑍᒤᓕᕈᒫᕆᕗᖅ.

ᐂᓮᐊᓯᐅᑉ ᐊᒡᓚᖏᑦ 40:5

ᐊᑕᓂᐅᑉ ᐱᓐᓇᕐᓇᕐᓂᕐᔪᐊᖓ ᓴᖅᑭᑦᓱᒫᕐᐳᖅ, ᐃᓄᓕᒫᓪᓗ ᐃᓘᓐᓇᖓ ᑕᑯᔪᒫᕐᐹᑦ, ᐊᑕᓂᐅᑉ ᖃᓂᕐᒥᒍᑦ ᑕᒪᓐᓇ ᐅᖃᐅᓯᕆᖕᒪᒍ.”

ᐂᓮᐊᓯᐅᑉ ᐊᒡᓚᖏᑦ 44:3

ᐃᒥᕈᒃᑐᖅ ᐃᒪᕐᒥᒃ ᑯᕕᓯᕕᒋᔪᒫᕐᐸᕋ, ᓄᓇᓗ ᐸᓂᕐᑐᖅ ᑰᒡᕕᐅᑎᑦᓱᒫᕐᓗᒍ, ᐊᓂᕐᓂᕋ ᑯᕕᔪᒫᕐᐸᕋ ᑭᖑᕚᑦᓯᓐᓄᑦ, ᕿᑐᕐᖓᓯᓗ ᓮᒻᒪᕐᑎᑦᓱᒫᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 49:26

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᑦ ᓇᖕᒥᓂᖅ ᐅᕕᓂᖕᒥᖕᓂᒃ ᓂᕆᔪᒫᕐᐳᑦ, ᐊᐅᖕᒥᖕᓂᒡᓗ ᐃᒥᕐᓗᑎᒃ ᐋᖓᔮᕈᒫᕐᐳᑦ ᕔᓂᑐᕐᑐᑎᑐᑦ, ᐃᓅᓕᒫᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᐅᒐᒪ ᐱᐅᓕᔨᓯ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᔧᑯᒃᑯᑦ ᐊᔪᒐᖃᖏᑦᑐᖁᑎᖓᑦ.”

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 54:13

ᐃᕐᓂᓕᒫᓯᓗ ᐊᔪᕆᕐᑐᐊᖑᔪᒫᕐᐳᑦ ᐊᑕᓂᕐᒧᑦ, ᐊᔪᕐᓴᖏᑦᑐᕐᔪᐊᖑᔪᒫᕐᓗᑎᒡᓗ ᕿᑐᕐᖓᓯ.

ᔨᕆᒤᐊᐅᑉ ᐊᒡᓚᖏᑦ 23:25

ᑐᓵᖃᑦᑕᕐᐳᖓ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᓂᒃ ᐅᕙᓐᓂᑦ ᓱᓕᓇᑎᒃ ᐅᖃᕐᑎᑕᐅᓂᕋᕐᑐᓂᒃ, ᐅᖃᕐᓗᑎᒃ, ‘ᓯᓐᓇᒃᑐᖅᑲᐅᒐᒪ, ᓯᓐᓇᒃᑐᖅᑲᐅᒐᒪ!’

ᔨᕆᒤᐊᐅᑉ ᐊᒡᓚᖏᑦ 23:28

ᐱᔪᖃᓛᕐᑐᒥᒃ ᐅᖃᕐᑎ ᓯᓐᓇᒃᑑᒪᓐᓂᕈᓂ ᓯᓐᓇᒃᑑᒪᒥᓂᒃ ᐅᓂᒃᑳᕐᓕ, ᐅᖃᐅᓯᓐᓂᒃᑕᐅᖅ ᐱᓯᒪᔪᖅ ᐅᖃᐅᓯᖃᕐᓕ ᑲᔪᓯᑦᓯᐊᕐᓗᓂ. ᓂᐊᖂᔭᒃᓴᖅ ᐊᑦᔨᖃᕈᓐᓇᕐᐹ ᐃᕕᒡᓱᒐᕐᒥᒃ? ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 36:27

ᐊᓂᕐᓂᕋᓗ ᐃᓗᑦᓯᓐᓄᐊᕈᒫᕐᐸᕋ, ᐃᓅᓯᕆᔭᐅᖁᔭᓐᓂᒃ ᐃᓅᔪᓐᓇᕐᓯᖁᓪᓗᓯ ᐊᑐᕐᑕᐅᖁᔭᒃᑲᓗ ᒪᓕᑦᓯᐊᕈᓐᓇᕐᓯᓗᓯᐅᒃ.

ᐃᓯᑭᐊᓕᐅᑉ ᐊᒡᓚᖏᑦ 37:14

ᐊᓂᕐᓂᕋᓗ ᐃᓗᑦᓯᓐᓄᑦ ᐃᑎᕐᑎᑦᓱᒫᕐᐸᕋ, ᐃᓅᖁᓪᓗᓯ, ᓄᓇᑖᕐᑎᓪᓗᓯᓗ ᓇᖕᒥᓂᖅ ᓄᓇᑦᓯᓐᓂ; ᑕᕝᕙ ᖃᐅᔨᔪᒫᕐᐳᓯ ᐅᕙᖓ, ᐊᑕᓂᖅ ᐅᖃᓪᓚᓚᐅᕋᒪ, ᐱᓇᓱᐊᕐᓯᒪᓕᕐᓗᒍᓗ, ᐊᑕᓂᖅ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 39:29

ᑮᓇᕋᓗ ᐃᔨᓚᐅᕐᓯᒪᓂᐊᕈᓐᓃᕐᐸᕋ ᑖᒃᑯᓄᖓ, ᐊᓂᕐᓂᕋ ᑯᕕᒍᒃᑯ ᐃᓴᕆᐊᓕᐅᑉ ᑭᖑᕚᖏᓐᓄᑦ, ᐊᑕᓂᖅ ᒎᑎ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 7:1

ᐊᕐᕌᒍᑦ ᓯᕗᓪᓕᕐᐹᖓᓐᓂᒃ ᐱᐅᓪᓴᔭᐅᑉ ᐹᐱᓘᓂᒥ ᐊᖓᔪᖅᑳᕐᔪᐊᖑᓂᖓᓂ, ᑖᓂᐊᓕ ᓯᓐᓇᒃᑐᓚᐅᕐᐳᖅ ᑕᑯᑎᑕᐅᓪᓗᓂᓗ ᐃᒡᓕᕐᒥᓂ ᓇᓚᑎᓪᓗᒍ. ᐃᒫᒃ ᓯᓐᓇᒃᑐᕐᒥᓂᒃ ᑎᑎᕋᓚᐅᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᒨᓯᓯ ᓯᑕᒪᖏᑦ 11:17

ᐅᕙᖓᓗ ᑕᕝᕙᓂ ᐊᖅᑲᕐᕕᒋᓂᐊᕐᐸᑦᓯ ᐅᖃᖃᑎᒋᓗᓯᓗ, ᐊᓂᕐᓂᕐᓗ ᐱᓯᒪᔧᑦ ᐃᓚᖓ ᐱᓂᐊᕐᐸᕋ ᐃᓕᓗᒍᓗ ᑖᒃᑯᓄᖓ; ᑖᒃᑯᐊ ᐊᒡᔭᕐᓯᖃᑎᒋᓂᐊᕐᐸᑎᑦ ᐃᓄᐃᑦ ᐅᖁᒤᑦᔪᑎᒋᔭᖏᓐᓂᒃ, ᐃᓄᑑᓗᑎᑦ ᐊᒡᔭᕐᓯᔪᓐᓃᕐᓂᐊᕋᕕᑦ.

ᒨᓯᓯ ᓯᑕᒪᖏᑦ 12:6

ᐅᖃᕐᓗᓂᓗ, “ᐅᖃᐅᓯᒃᑲ ᓈᓚᑦᓯᐊᕐᓯᒋᒃ: ᐅᖃᕐᑕᐅᖁᔭᓐᓂᒃ ᐅᖃᕐᑎᑕᖃᕐᐹ ᐃᓕᑦᓯᓐᓂ, ᐅᕙᖓ ᐊᑕᓂᖅ, ᓇᖕᒥᓂᖅ ᑖᑦᓱᒧᖓ ᖃᐅᔨᑎᑦᓯᕙᒃᐳᖓ ᑕᑯᑎᑦᔪᑎᒃᑯᑦ; ᓯᓐᓇᒃᑑᒪᒃᑯᓪᓗ ᐅᖃᕐᕕᖃᓲᖑᕗᖓ.

ᓘᑲᓯᐅᑉ ᐊᒡᓚᖏᑦ 1:67

ᔪᐊᓇᓯᐅᑉ ᐊᑖᑕᖓ ᓴᑲᕅᐊ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᒐᒥ, ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓕᕐᐳᖅ:

ᓘᑲᓯᐅᑉ ᐊᒡᓚᖏᑦ 3:6

ᐃᓄᓕᒫᑦ ᑕᑯᔪᒫᕐᐳᑦ ᒎᑎᐅᑉ ᐱᐅᓕᔭᐅᕕᒃᓴᐅᑎᑕᖓᓂᒃ.’”

ᔪᐊᓇᓯᐅᑉ ᐊᒡᓚᖏᑦ 7:39

ᔩᓱᓯᓕ ᑕᒪᑐᒥᖓ ᐅᖃᕐᐳᖅ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐅᖃᐅᓯᖃᕐᓗᓂ, ᑖᑦᓱᒧᖓ ᐅᒃᐱᕐᑐᓄᑦ ᑐᓂᔭᐅᔪᒫᕐᑐᒥᒃ; ᑍᑦᓱᒪᓂ ᓱᓕ ᒎᑎᐅᑉ ᐊᓂᕐᓂᖓ ᑐᓂᔭᐅᓚᐅᖏᒻᒪᑦ, ᔩᓱᓯ ᓱᓕ ᓂᕐᑐᕐᓇᕐᓯᑎᑕᐅᕕᒃᓴᒥᓄᑦ ᑎᑭᐅᑎᓯᒪᓚᐅᖏᒻᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:33

ᑖᓐᓇ ᖁᒻᒧᐊᒃᑎᑕᐅᒐᒥ ᒎᑎᐅᑉ ᑕᓕᕐᐱᐊᓃᑉᐳᖅ, ᐊᑖᑕᐅᑉ ᐊᖏᕈᑎᒋᓯᒪᔭᖓᓂᒃ ᑐᓂᓯᕕᐅᓪᓗᓂ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ, ᑖᑦᓱᒥᖓ ᑕᕝᕙ ᑯᕕᓯᓚᐅᕐᐳᖅ, ᒫᓐᓇ ᑕᑯᔭᓯᓐᓂᒃ ᑐᓴᕐᑕᑦᓯᓐᓂᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 2:39

ᑕᒪᓐᓇ ᐃᓕᑦᓯᓐᓄᑦ ᐊᖏᕈᑕᐅᓯᒪᕗᖅ ᕿᑐᕐᖓᑦᓯᓐᓄᓪᓗ ᐅᖓᓯᒃᑐᒦᑦᑐᓄᓪᓗ ᑕᒤᓐᓄᑦ, ᐊᑕᓂᐅᑉ ᒎᑎᑦᑕ ᐃᒻᒥᓄᑦ ᕾᖁᔭᓕᒫᖏᓐᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 21:9

ᑖᓐᓇ ᓯᑕᒪᓂᒃ ᐅᐃᖃᖏᑦᑐᓂᒃ ᐸᓂᖃᕐᐳᖅ, ᑖᒃᑯᐊ ᒎᑎᐅᑉ ᐅᖃᐅᓯᐅᖁᔭᖓᓂᒃ ᐅᖃᐅᓯᖃᖃᑦᑕᕐᐳᑦ.

ᒐᓔᑎᐊᒥᐅᓄᑦ 3:28

ᑖᑦᓱᒪᓂᓗ ᔫᑎᐅᒍᕕᑦ ᒍᕇᑭᐅᒍᕕᓪᓘᓐᓃᑦ, ᓯᐊᓛᖑᒍᕕᑦ ᓯᐊᓛᖑᖏᒃᑯᕕᓪᓘᓐᓃᑦ, ᐊᖑᑕᐅᒍᕕᑦ ᐊᕐᓇᐅᒍᕕᓪᓘᓐᓃᑦ; ᑕᒪᑦᓯ ᐊᑕᐅᓯᐅᕗᓯ ᙭ᔅᑑᓯ ᔩᓱᓯᒥ.

ᐄᑉᕈᐃᓄᑦ 1:1

ᑍᑦᓱᒪᓂ ᒎᑎᐅᑉ ᓯᕗᓕᕆᓚᐅᕐᑕᕗᑦ ᐅᓄᕐᑐᐃᕐᓱᕐᓗᓂ ᐅᖃᕐᕕᒋᖃᑦᑕᓚᐅᕐᒪᒋᑦ ᓇᓚᐅᑦᑍᔪᑎᒍᑦ ᐊᑦᔨᒌᖏᑦᑐᑎᒍᑦ ᐱᓇᓱᐊᕐᓗᓂ;

ᓴᒧᐃᓕ ᓯᕗᓪᓖᑦ 19:20

ᑕᕝᕙ ᓴᐅᓕ ᑎᓕᓯᕗᖅ ᑎᒍᔭᐅᔭᕐᑐᖁᓪᓗᒍ ᑍᕕᑎ; ᒎᑎᐅᓪᓕ ᐅᖃᕐᑎᖏᓐᓂᒃ ᑕᑯᒐᒥᒃ ᓇᓚᐅᑦᑍᓪᓗᑎᒃ ᕾᒐᓛᕐᑐᓂᒃ, ᓴᒧᐃᓕᓗ ᓇᖏᖃᑕᐅᓪᓗᓂ ᑕᓯᐅᕐᑎᐅᑎᓪᓗᒍ, ᑕᕝᕙ ᒎᑎᐅᑉ ᐊᓂᕐᓂᖓᑕ ᑎᑭᕝᕕᒋᕔᑦ ᓴᐅᓕᐅᑉ ᑎᓕᓯᒪᔭᖏᑦ, ᑖᒃᑯᐊᑦᑕᐅᖅ ᓇᓚᐅᑦᑍᖃᑕᐅᓕᕐᐳᑦ.

ᓴᒧᐃᓕ ᓯᕗᓪᓖᑦ 19:21

ᓴᐅᓕ ᐅᖃᐅᑦᔭᐅᒐᒥ ᑕᒪᑐᒥᖓ, ᑎᓕᓯᒋᐊᓪᓚᒃᐳᖅ ᑍᑯᖓ, ᑖᒃᑯᐊᑦᑕᐅᖅ ᓇᓚᐅᑦᑍᖃᑕᐅᓕᕆᕗᑦ. ᐱᖓᔪᐊᓐᓂᒡᓗ ᓴᐅᓕ ᑎᓕᓯᒋᕗᖅ, ᑖᒃᑯᐊᑦᑕᐅᖅ ᓇᓚᐅᑦᑍᖃᑕᐅᓕᕆᕗᑦ.

ᓴᒧᐃᓕ ᓯᕗᓪᓖᑦ 28:6

ᑍᒤᒻᒪᑦ ᓴᐅᓕ ᐊᑕᓂᕐᒥᒃ ᐊᐱᕆᓚᐅᕐᐳᖅ ᓱᔪᒃᓴᐅᖕᒪᖔᕐᒥ, ᐊᑕᓂᐅᓪᓕ ᑭᐅᓚᐅᓐᖏᓛ, ᓯᓐᓇᒃᑐᕐᓂᒃᑯᑦ, ᓇᓚᐅᑦᓵᕈᑎᒃᑯᓪᓘᓐᓃᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᓪᓘᓐᓃᑦ.