ᔫᐱᐅᑉ ᐊᒡᓚᖏᑦ 9:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᓄᓇᕐᔪᐊᖅ ᐱᐅᖏᑦᑐᓕᔪᓄᑦ ᑐᓂᔭᐅᓯᒪᕗᖅ; ᐃᓅᖃᑎᒥᖕᓂᒡᓗ ᐋᖅᑭᒃᓱᐃᔨᓕᒫᑦ ᑕᑯᓐᓇᕈᓐᓁᕐᑎᓯᒪᓪᓗᓂᒋᑦ ᒎᑎᓕ ᑍᒤᑎᑦᓯᖏᑉᐸᑦ, ᑭᓇᓕ ᑍᒪ ᑍᒤᑎᑦᓯᓯᒪᕙ?

ᔫᐱᐅᑉ ᐊᒡᓚᖏᑦ 9:24 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 15:30

ᑍᕕᑎᓕ ᖃᖅᑲᒧᑦ ᐅᕐᓱᒃᓴᕐᑕᓕᖕᒧᑦ ᒪᔪᐊᕐᐳᖅ, ᕿᐊᓪᓗᓂ ᐂᕙᓪᓕᐊᓚᐅᕐᐳᖅ; ᑲᒥᓪᓛᓚᐅᕐᐳᖅ ᓂᐊᖁᐊᓗ ᐅᓕᒃᓯᒪᓪᓗᓂ ᕿᒃᓵᖕᓂᕐᒧᑦ ᓇᓗᓁᒃᑯᑕᐅᓪᓗᓂ; ᒪᓕᒃᑐᓕᒫᓪᓗ ᓂᐊᖁᕐᒥᖕᓂᒃ ᐅᓕᒃᓯᓯᒪᓚᐅᕆᕗᑦ ᒪᔪᕋᕐᓗᑎᒃ ᕿᐊᒋᓪᓗᑎᒃ.

ᓴᒧᐃᓕ ᐂᑉᐸᖏᑦ 19:4

ᐊᖓᔪᖅᑳᕐᔪᐊᑉ ᑮᓇᓂ ᐅᓕᒃᓯᒪᓚᐅᕐᐹ, ᓂᐱᖅᑯᕐᑐᓪᓗᓂᓗ ᕿᐊᓚᐅᕐᐳᖅ, “ᐃᕐᓃᒃ! ᐃᕐᓃᒃ ᐋᑉᓴᓛᒻ! ᐋᑉᓴᓛᒻ ᐃᕐᓃᒃ!”

ᐃᔅᑕᐅᑉ ᐊᒡᓚᖏᑦ 6:12

ᑭᖑᓂᖓᒍᑦ ᒧᐊᑎᑬ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᐊᑕ ᓴᓂᐊᓄᑦ ᐅᑎᓚᐅᕆᕗᖅ. ᕼᐂᒪᓂᓕ ᑐᐊᕕᕐᓗᓂ ᐊᖏᕐᕋᕐᐳᖅ, ᕿᒃᓵᕕᒡᔪᐊᕐᓗᓂ ᑮᓇᓂ ᒪᑐᓯᒪᓪᓗᓂᐅᒃ.

ᐃᔅᑕᐅᑉ ᐊᒡᓚᖏᑦ 7:8

ᐊᖓᔪᖅᑳᕐᔪᐊᕐᓗ ᐅᑎᕐᐳᖅ ᐊᖓᔪᖅᑳᕐᔪᐊᒃᑯᕕᐅᑉ ᐱᕈᕐᓰᕕᖓᓂᑦ ᑕᕝᕗᖓ ᓂᕆᕕᒋᔭᒥᖕᓄᑦ, ᕼᐂᒪᓂᓕ ᐹᒻᒪᖓᕗᖅ ᐃᔅᑕᐅᑉ ᐹᒻᒪᖓᕕᒋᔭᖓᑕ ᑭᒡᓕᖓᓂ; ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐅᓈ ᐊᒡᓛᑦ ᑯᐃᖕᒥᒃ ᐊᕐᓇᕐᓂᐊᕋᓱᒃᑐᖅ ᐊᖏᕐᕋᕐᓯᒪᑎᓪᓗᖓ?” ᐊᖓᔪᖅᑳᕐᔪᐊᖅ ᑍᒫᒃ ᐅᖃᑐᐊᕐᒪᑦ, ᕼᐂᒪᓂᐅᑉ ᑮᓇᖓ ᐅᓕᒃᑕᐅᕗᖅ.

ᔫᐱᐅᑉ ᐊᒡᓚᖏᑦ 10:3

ᐅᖁᒤᒃᓴᕐᑎᑦᓯᔭᕆᐊᒃᓴᖅ ᓈᒻᒪᓈᕐᓯᒪᔪᕆᕖᑦ? ᐊᒡᒐᖕᓄᑦ ᓴᓇᓯᒪᔭᕐᓂᒃ ᓇᕐᕈᔪᒃᓴᐅᕖᑦ? ᖁᕕᐊᒋᔭᖃᖔᕐᓗᑎᓪᓗ ᐱᐅᖏᑦᑐᓕᔪᑦ ᐱᓇᓱᐊᕐᓂᖏᓐᓂᒃ?

ᔫᐱᐅᑉ ᐊᒡᓚᖏᑦ 12:17

ᑖᑦᓱᒪ ᓯᓚᑐᔪᑦ ᓯᓚᑐᓂᖃᕈᓐᓁᕐᑎᑉᐰᑦ, ᐃᖅᑲᕐᑐᐃᔩᓪᓗ ᓯᓔᑦᑐᑎᑐᑦ ᐱᓇᓱᐊᕐᑎᓪᓗᒋᑦ.

ᔫᐱᐅᑉ ᐊᒡᓚᖏᑦ 16:11

ᒎᑎᐅᑉ ᑐᓂᕐᕈᑎᒋᕚᖓ ᐅᒃᐱᖏᑦᑐᓄᑦ, ᐂᑦᑑᑎᒋᓪᓗᓂᖓᓗ ᐱᐅᖏᑦᑐᓕᔪᓄᑦ.

ᔫᐱᐅᑉ ᐊᒡᓚᖏᑦ 19:7

ᑕᑯᒋᑦ. ᓂᓪᓕᓚᐅᕐᐳᖓ, ‘ᐱᑦᓯᐊᕐᓯᒪᓐᖏᓚᖅ!’ ᑭᐅᔭᐅᓐᖏᓚᖓᓕ; ᕾᒐᓛᕐᓗᖓ ᐃᑲᔪᕐᑕᐅᔪᒪᓚᐅᕐᐳᖓ, ᐃᑲᔪᕋᓱᐊᕐᑐᖃᓐᖏᓚᕐᓕ.

ᔫᐱᐅᑉ ᐊᒡᓚᖏᑦ 22:8

ᐱᔪᓐᓇᕐᓂᓕᐊᓘᓯᒪᒐᕕᑦ ᓄᓇᖁᑎᖃᕐᓗᑎᓪᓗ, ᐅᐱᒋᔭᐅᓪᓗᑎᓪᓗ ᑕᕝᕙᓂ ᓄᓇᒋᔭᕐᓂ.

ᔫᐱᐅᑉ ᐊᒡᓚᖏᑦ 24:12

ᐃᒡᓗᒐᓴᖕᓂᑦ ᐊᖑᑎᑦ ᑐᖁᓕᒑᔪᑦ ᐋᓐᓂᐊᓂᕐᒧᑦ ᓂᐹᕗᑦ, ᐃᑭᓕᕐᑕᐅᓯᒪᔪᓪᓗ ᓂᐹᕗᑦ ᐃᑲᔪᕐᑕᐅᔪᒪᓪᓗᑎᒃ; ᒎᑎᐅᓪᓕ ᑲᒪᒋᓐᖏᓔᑦ ᑐᒃᓯᐊᕐᓂᕆᔭᖏᑦ.

ᔫᐱᐅᑉ ᐊᒡᓚᖏᑦ 24:25

ᑕᒪᓐᓇ ᑍᒤᖏᑉᐸᑦ, ᓇᓪᓕᐊᑦᑕ ᓱᓕᖏᓐᓂᕋ ᓇᓗᓁᕈᓐᓇᕐᐸᐅᒃ? ᑭᓇᓗ ᓇᓗᓁᕐᓯᔪᓐᓇᕐᐹ ᐅᖃᐅᓯᕆᔭᒪ ᓱᓕᖏᓐᓂᖏᓐᓂᒃ?”

ᔫᐱᐅᑉ ᐊᒡᓚᖏᑦ 32:2

ᑕᕝᕙ ᐃᓕᕼᐅ ᐸᕌᑭᐅᑉ ᐃᕐᓂᖓ ᐳᔾᔧᑎᒥᐅᖅ, ᕌᒥᒃᑯᑦ ᑭᖑᕚᖏᓐᓂᑦ ᐱᓯᒪᔪᖅ, ᔫᐱᒧᑦ ᓂᓐᖓᒃᐳᖅ ᐃᒻᒥᓂᒃ ᐸᓯᔭᒃᓴᐅᔪᓐᓁᕐᑎᓐᓇᓱᖕᒪᑦ ᒎᑎᒥᒃ ᐸᓯᒃᓯᖔᕐᓗᓂ.

ᐃᓐᖏᕈᑎᑦ 17:14

ᐊᒡᒐᖕᓄᑦ ᓴᐳᑎᓚᐅᓐᖓ, ᐊᑕᓃᖅ, ᐃᓄᖕᓂᑦ ᓯᓚᕐᔪᐊᕐᒥᑦ ᐃᓅᓯᕐᒥᒃ ᐱᓯᒪᔭᒥᖕᓂᒃ ᐊᑐᕐᑐᓂᑦ, ᐊᕿᐊᑦᑐᕐᓕᑦ ᐊᑐᐃᓐᓇᕈᕐᓯᒪᔭᓐᓂᒃ ᑖᒃᑯᓄᖓ; ᕿᑐᕐᖓᖏᑦ ᐱᔭᕆᐊᖃᕐᑕᒥ ᐅᖓᑖᓄᑦ ᐱᓕᑦ, ᕿᑐᕐᖓᖏᓪᓗ ᐊᒥᐊᒃᑯᖏᓐᓂᒃ ᐱᒃᑲᓐᓂᕐᓕᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:1

ᓱᓕ ᖃᐅᔨᓇᓱᐊᒃᑲᓐᓂᓚᐅᕐᐳᖓ, ᑕᑯᓚᐅᕐᐳᖓᓗ ᐅᖁᒤᒃᓴᕐᑎᑕᐅᓂᕐᓂᒃ ᐊᑐᕐᑕᐅᔪᓂᒃ ᓯᕿᓂᐅᑉ ᐊᑖᓂ: ᑕᑯᒋᑦ ᐅᖁᒤᒃᓴᕐᑎᑕᐅᔪᑦ ᖁᕝᕕᖏᑦ, ᒪᓂᒍᐃᔨᒃᓴᖃᓐᖏᓚᓪᓕ; ᐅᖁᒤᒃᓴᕐᑎᑦᓯᔨᖏᑦ ᐊᖏᔪᒥᒃ ᐱᔪᓐᓇᕐᓂᖃᕐᐳᑦ, ᑖᒃᑯᐊᓕ ᒪᓂᒍᐃᔨᒃᓴᖃᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 14:4

ᓄᓇ ᐸᓂᓕᕐᐳᖅ, ᓯᓚᓗᓚᐅᕐᓯᒪᖏᓐᓂᖓᓄᑦ, ᐱᕈᕐᓰᕕᓕᕆᔩᑦ ᑲᓐᖑᓱᓕᕐᐳᑦ, ᑮᓇᑎᒡᓗ ᒪᑐᐊᕐᐰᑦ.

ᑖᓂᐊᓕᐅᑉ ᐊᒡᓚᖏᑦ 4:17

ᐃᓱᒪᒃᓴᕐᓯᐅᕐᓂᖅ ᑕᒪᓐᓇ ᐅᖃᐅᓯᐅᕗᖅ ᐂᖏᓕᓄᑦ ᖃᐅᔨᓴᕐᑎᓄᑦ, ᐃᑦᔪᕐᓁᑦᑐᓪᓗ ᑖᒃᑯᐊ ᑕᒪᑐᒥᖓ ᓇᓗᓁᕐᓯᕗᑦ, ᐃᓅᔪᑦ ᑐᑭᓯᓕᖁᓪᓗᒋᑦ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑳᕐᔪᐊᖑᖁᔭᖏᓪᓗ ᐃᓱᒪᒥᓂᒃ ᐊᖓᔪᖅᑳᕐᔪᐊᖑᑎᑉᐸᒃᐰᑦ, ᐊᖓᔪᖅᑳᕐᔪᐊᖑᑎᓪᓗᒋᓗ ᒥᑭᓐᓂᕐᐹᓄᑦ ᓄᓇᒦᑦᑐᓄᑦ.’

ᒪᓚᑬᑉ ᐊᒡᓚᖏᑦ 2:17

ᐅᖃᐅᓯᑦᓯᓐᓄᑦ ᐊᑕᓂᖅ ᑕᖃᑎᓕᕐᐸᓯ. ᐅᖃᕐᐳᓯᓕ, “ᖃᓄᐃᓕᐅᕐᓗᑖ ᑕᖃᑎᓕᕐᐸᕘᑦ?” ᐃᒫᒃ ᐅᖃᕐᓂᑦᓯᓐᓄᑦ, “ᐱᐅᖏᑦᑐᓕᔪᓕᒫᑦ ᐱᐅᔫᕗᑦ ᐊᑕᓂᐅᑉ ᓵᖓᓂ, ᖁᕕᐊᒋᕔᓪᓗ.” ᐅᕝᕙᓗ ᐅᖃᕐᐳᓯ, “ᓇᐅᒡᓕ ᒎᑎ ᓈᒻᒪᓈᕐᑐᒥᒃ ᐃᖅᑲᕐᑐᐃᔨ?”