18 ᐅᓪᓛᑕᒫᑦ ᐅᐸᖃᑦᑕᕋᕕᐅᒃ, ᖃᐅᔨᓴᖃᑦᑕᕐᓗᒍᓗ ᐃᑲᕐᕋᑕᒫᑦ.
ᑕᒪᒃᑯᐊ ᖄᖏᕐᓯᒪᓕᕐᑎᓪᓗᒋᑦ ᒎᑎᐅᑉ ᐂᑉᕋᕼᐋᒻ ᖃᐅᔨᓴᓚᐅᕐᐹ, ᐅᖃᐅᑎᓪᓗᒍᓗ, “ᐂᑉᕋᕼᐋᒻ!” ᐂᑉᕋᕼᐋᒻᓗ ᑭᐅᕚ, “ᒫᓃᑉᐳᖓ.”
ᒎᑏ, ᓱᖕᒪᑦ ᑍᒤᑦᑐᒥᒃ ᑕᑯᓐᓇᕋᓱᐊᕐᐱᑦ? ᓵᖕᓄᐊᕐᑎᑉᐱᐅᒃ ᐃᖅᑲᕐᑐᕈᒪᓪᓗᒎ?
ᒎᑎᐅᓪᓕ ᐊᓪᓗᕐᓂᓕᒫᒃᑲ ᖃᐅᔨᒪᕔᑦ; ᐆᒃᑐᕋᕐᓯᒪᓕᕋᒥᖓ, ᒎᓗᑎᑐᑦ ᑍᒤᑎᓐᓂᐊᓕᕐᐹᖓ.
ᐅᓪᓗᖅ ᓈᓪᓗᒍ ᐃᓱᒪᔮᕐᑎᑕᐅᓚᐅᕐᐳᖓ, ᐅᓪᓛᑕᒫᓪᓗ ᐸᓯᔭᐅᓂᕐᒧᑦ ᓱᒋᐊᕐᑕᐅᕙᒃᓗᖓ.
ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.
ᒫᓐᓇᓕ ᐅᑎᓕᕆᑦ, ᐃᓄᐃᓪᓗ ᑕᓯᐅᕆᐊᕐᑐᓕᒃᑭᑦ ᑕᕝᕗᖓ ᐃᓕᖕᓄᑦ ᐅᖃᐅᑎᒋᓯᒪᔭᓐᓄᑦ. ᑕᑯᒋᓪᓗ ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑭᓯᐊᓂᓕ ᖃᖓᑐᐃᓐᓇᖅ ᓱᒋᐊᕐᓯᕕᒃᓴᕋ ᓇᓪᓕᐅᑎᒃᐸᑦ ᐃᓄᐃᑦ ᑖᒃᑯᐊ ᓱᒋᐊᕈᒫᕐᐸᒃᑲ ᐊᔪᕐᑐᓕᓯᒪᓂᖏᑦ ᒪᓕᒡᓗᒋᑦ.”
ᑐᖁᖓᓕᕋᒥᒃ ᐆᒻᒪᒃᑲᓐᓂᕐᓂᐊᕈᓐᓃᕐᐳᑦ; ᐊᓂᕐᓂᐅᓕᕋᒥᒃ ᒪᑭᓐᓂᐊᓐᖏᓚᑦ; ᓱᒋᐊᕐᓯᓂᕐᓄᑦ ᐊᓯᕈᓚᐅᕋᕕᒋᑦ, ᐃᖅᑲᕐᑕᐅᓂᐊᕈᓐᓃᕐᓗᑎᒡᓗ.
ᑍᒤᒻᒪᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ, ᑕᑯᓕᕆᑦ ᐱᐅᓂᕐᓯᐅᕐᓂᐊᕐᐸᒃᑲ ᖃᐅᔨᓴᕐᓗᒋᑦ, ᖃᓄᒃᑲᓐᓂᖅ ᐱᓇᓱᐊᕆᐊᓪᓚᒍᓐᓇᕐᐳᖔ, ᐃᓄᖁᑎᒃᑲ ᐱᓪᓗᒋᑦ?
ᐅᓄᕐᑐᑦ ᓴᓗᒻᒪᕐᓴᕐᑕᐅᔪᒫᕐᐳᑦ, ᑕᕐᓴᖃᕈᓐᓁᕐᓗᑎᒡᓗ, ᓱᕉᓂᖏᑦ ᐲᔭᕐᑕᐅᓗᑎᒃ; ᐱᐅᖏᑦᑐᓕᔪᓪᓕ ᑍᒪᓐᖓᑦ ᐱᐅᖏᑦᑐᓖᓐᓇᕐᓂᐊᕐᐳᑦ, ᐱᐅᒋᑦᑐᓕᔪᑦ ᑐᑭᓯᔪᓐᓇᕐᓂᐊᓐᖏᓚᑦ, ᓯᓚᑐᔪᓪᓕ ᑐᑭᓯᓂᐊᕐᐳᑦ.
ᐊᑕᓂᕐᓕ ᑖᑦᓱᒪᓃᑦᑐᖅ ᐃᓱᐊᕐᑑᕗᖅ, ᐃᓱᐃᑦᑐᓕᓂᐊᓐᖏᓚᕐᓗ. ᐅᓪᓛᑕᒫᑦ ᐃᓱᐊᕐᑐᓕᓂᓂ ᓴᖅᑭᑎᑉᐹ ᖃᐅᒪᔪᓄᑦ; ᐅᕐᕈᔪᓐᓇᖏᑦᑐᖅ, ᐃᓱᐃᑦᑐᓕᔪᓪᓕ ᖃᐅᔨᒪᓐᖏᓚᑦ ᑲᓐᖑᓱᖕᓂᕐᒥᒃ.
ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”
ᓱᓇᖃᖏᑦᑐᒥ ᓂᕆᑎᓚᐅᕐᐹᓯ ᓂᕿᒃᓴᒥᒃ ᒫᓇᒥᒃ ᓯᕗᓕᑦᓯ ᖃᐅᔨᓚᐅᕐᓯᒪᓐᖏᑕᖏᓐᓂᒃ, ᒥᑭᒡᓕᑎᕈᓐᓇᖁᓪᓗᓯ ᖃᐅᔨᓴᕈᒪᓪᓗᓂᓯᓗ, ᑕᒪᓐᓇ ᐊᓂᒍᕐᐸᑦ ᓮᒻᒪᕐᑎᑦᓱᒪᓪᓗᓂᓯ ᐱᕙᓪᓕᐅᑎᒃᓴᑦᓯᓂᒡᓗ ᐱᑎᑦᓱᒪᓪᓗᓂᓯ.
ᑕᒪᒃᑯᐊ ᐱᑦᔪᑎᖃᕐᐳᑦ ᐅᒃᐱᕐᓂᐅᑉ ᓇᓚᒍᑦᓯᐊᕐᓂᖓᓂᒃ, ᐱᕕᐊᕐᓇᕐᓂᕐᓴᐅᓪᓗᓂ ᒎᓗᒥᑦ ᓄᖑᔪᒫᕐᑐᒥᑦ ᐃᑯᒪᒧᑦ ᖃᐅᔨᓴᕐᑕᐅᕙᒃᑐᒥᑦ, ᐅᐱᒋᔭᐅᖁᓪᓗᓯ, ᐱᓐᓇᕐᓇᕐᑎᑕᐅᓗᓯᓗ ᐅᐱᒋᔭᐅᓗᓯᓗ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.
