ᔫᐱᐅᑉ ᐊᒡᓚᖏᑦ 7:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐃᓅᓯᓐᓂᒃ ᓴᐱᓕᕐᐳᖓ; ᐃᓅᖏᓐᓇᕐᓂᐊᖏᓐᓇᒪ. ᑲᒪᒋᔪᓐᓁᓐᖓ, ᐃᓅᓯᕋ ᐊᓂᕐᓂᑐᐃᓐᓇᐅᖕᒪᑦ.

ᔫᐱᐅᑉ ᐊᒡᓚᖏᑦ 7:16 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 27:46

ᕇᐱᑲᓗ ᐂᓴᑭᒧᑦ ᐅᖃᓕᕐᐳᖅ, “ᐃᓱᒫᓗᒍᑎᖃᕋᒪ ᐃᓅᓯᓐᓂ ᐊᕐᓁᑦ ᕼᐃᑍᑎᒥᐅᑦ ᐱᓪᓗᒋᑦ, ᔧᑯᓕ ᓄᓕᐊᓂᖕᓂᐊᕐᒥᒃᐸᑦ ᕼᐃᑍᑎᒥᐅᑦ ᐊᕐᓇᖏᓐᓂᑦ ᑕᒫᓂ ᓄᓇᖃᕐᑐᓂᑦ, ᐃᓄᓯᕋ ᓱᓇᐅᔪᓐᓃᑦᓯᐊᕐᓂᐊᕐᐳᖅ.”

ᐊᑕᓃᑦ ᓯᕗᓪᓖᑦ 19:4

ᐃᓔᑦᔭ ᐃᓄᑑᓪᓗᓂ ᐱᓱᓚᐅᕐᐳᖅ ᐃᓄᖃᖏᑦᑐᒧᑦ ᐅᓪᓗᓕᒫᖅ ᐃᖏᕐᕋᓂᐅᓲᑎᑐᑦ, ᓄᖅᑲᕋᒥ ᐃᖏᑉᐳᖅ ᓇᐹᕐᑑᑉ ᐳᕉᒻᒥᒃ ᐊᑎᓕᐅᑉ ᑕᕐᕋᓕᓂᖓᓄᑦ; ᑕᕝᕙᓂᓗ ᑐᒃᓯᐊᕐᐳᖅ ᑐᖁᔪᒪᓪᓗᓂ, ᐅᖃᕐᓗᓂ, “ᒫᓐᓇ ᑕᒪᓐᓇ ᐊᖏᓗᐊᓕᕐᒪᑦ; ᐊᑕᓃᖅ, ᐃᓅᓯᕋ ᑎᒍᓕᕈᒃ; ᐱᐅᓂᕐᓴᐅᖏᓐᓇᒪ ᓯᕗᓕᕆᓚᐅᕐᑕᓐᓂᑦ.”

ᔫᐱᐅᑉ ᐊᒡᓚᖏᑦ 10:1

“ᐃᓅᓯᕋ ᐃᕿᐊᓐᖑᕋᒃᑯ; ᓈᓚᓚᐅᓐᖓ ᓈᒻᒪᒃᓴᖏᓐᓂᕆᔭᓐᓂᒃ;

ᔫᐱᐅᑉ ᐊᒡᓚᖏᑦ 10:20

ᐃᓅᓯᕋ ᓈᔭᕆᐊᒃᓯᓕᓐᖏᓛᖅ? ᑲᒪᒋᓐᖏᓚᐅᓐᖓ! ᐃᓅᓱᖓᕐᓂᓐᓂ ᖁᕕᐊᓱᒍᓐᓇᑬᓐᓇᓚᐅᕐᓚᖓ.

ᔫᐱᐅᑉ ᐊᒡᓚᖏᑦ 14:6

ᐃᓄᒃ ᑕᑯᓐᓇᕈᓐᓁᕈᒃ, ᓱᖁᑎᒋᔪᓐᓁᑬᓐᓇᕐᓗᒍᓗ, ᖁᕕᐊᒋᔭᒥᓂᒃ ᐃᓅᑬᓐᓇᖁᓪᓗᒍ, ᐃᓅᓯᕐᒥᓂ ᐃᓅᑬᓐᓇᕐᓂᕐᒥᓂ.

ᔫᐱᐅᑉ ᐊᒡᓚᖏᑦ 6:9

ᒎᑎᐅᑉ ᓱᕋᒐᓱᐊᕈᒪᓗᓂᖓ ᐱᓇᓱᐊᕈᒪᒍᓂ, ᐱᐅᓂᕐᓴᐅᓕᕋᔭᕐᐳᖅ ᓴᒃᑯᓪᓗᓂᖓ ᑐᖁᑦᓯᐊᒻᒪᕆᒃᑯᓂᖓ!

ᔫᐱᐅᑉ ᐊᒡᓚᖏᑦ 7:15

ᑕᕝᕙ ᕿᒥᑕᐅᒐᓗᐊᕈᒪ ᖃᓄᐃᒃᓴᕈᓐᓁᕐᐳᖓ ᑐᖁᓗᖓ ᑎᒥᒦᒍᓐᓃᖔᕐᓗᖓ.

ᔫᐱᐅᑉ ᐊᒡᓚᖏᑦ 7:7

ᐃᖅᑲᐅᒪᓚᐅᕆᑦ ᐃᓅᓯᕋ ᐊᓂᕐᓂᑐᐃᓐᓇᐅᖕᒪᑦ; ᐃᔩᒃᑲᒡᓗ ᐱᐅᔪᒥᒃ ᑕᑯᓚᐅᕐᓯᒪᓂᐊᕈᓐᓃᕐᓗᑎᒃ.

ᔫᐱᐅᑉ ᐊᒡᓚᖏᑦ 9:21

ᓵᑕᐅᑦᔪᑎᒃᓴᖃᓐᖏᓚᖓ; ᐅᕙᓐᓂᒡᓕ ᓱᓇᐅᒋᔪᓐᓃᕐᐳᖓ; ᐃᓅᓯᕋ ᐊᓐᓂᕆᔪᓐᓁᕋᒃᑯ.

ᐃᓐᖏᕈᑎᑦ 144:4

ᐃᓄᒃ ᐊᓂᕐᓂᓕᔮᕐᓇᕐᑐᒥ ᐊᓂᕐᓂᕐᑎᑐᑦ ᑍᒤᑉᐳᖅ, ᐅᓪᓗᖏᓪᓗ ᓄᓇᐅᑉ ᑕᕐᕋᓕᓂᖓᑕ ᐃᖏᕐᕋᓂᖓᑐᑦ ᑍᒤᓪᓗᑎᒃ.

ᐃᓐᖏᕈᑎᑦ 39:10

ᓱᒋᐊᕐᓯᓃᑦ ᓄᖅᑲᕐᑎᓕᕈᒃ ᐅᕙᓐᓂᑦ; ᐅᕐᕈᖓᓕᕋᒪ ᐊᒡᒐᕕᑦ ᐱᒋᐊᖃᑦᑕᕐᓂᖏᓐᓄᑦ.

ᐃᓐᖏᕈᑎᑦ 39:13

ᐃᔨᒋᔪᓐᓃᓚᐅᓐᖓ, ᓄᑭᒃᑲ ᐅᑎᖁᓪᓗᒋᑦ ᐅᕙᓐᓄᑦ, ᕿᒪᕉᑎᖅᑳᕐᑎᓐᓇᖓ ᐱᑕᖃᕈᓐᓃᖅᑳᕐᑎᓐᓇᖓᓗ.”

ᐃᓐᖏᕈᑎᑦ 39:6

ᓱᓕᔪᒥᒡᓕ ᐃᓄᓕᒫᑦ ᐱᓱᑲᑕᒃᐳᑦ ᑕᕐᕋᑐᐃᓐᓇᕐᑎᑐᑦ; ᐱᔭᒃᓴᖃᕐᓂᕐᒧᓪᓗ ᓄᖅᑲᔪᐃᑦᑑᕗᑦ ᓱᕙᓕᑭᐊᒧᑦ ᐊᒡᓗᐃᑦᔪᑎᓂᒡᓗ ᑲᑎᕐᓱᐃᕗᑦ, ᖃᐅᔨᒪᓇᑎᒃ ᑭᐊ ᐱᓛᕐᒪᖔᒋᑦ.

ᐃᓐᖏᕈᑎᑦ 62:9

ᐃᓄᐃᑦ ᐃᒻᒥᖕᓂᒃ ᓱᓇᐅᔪᕆᖏᑦᑐᑦ ᐳᔪᑐᐃᓐᓇᐅᕗᑦ, ᐃᓄᐃᓪᓗ ᐃᒻᒥᖕᓂᒃ ᓱᓇᐅᔪᕆᓗᐊᕐᑐᑦ ᓴᒡᓗᓂᑐᐃᓐᓇᐅᕗᑦ; ᐅᖁᒤᓐᓂᕐᓯᐅᕐᑕᐅᒃᐸᑕ; ᑲᑎᓪᓗᒋᑦ ᐳᔪᕐᒥᑦ ᐅᕿᓐᓂᕐᓴᐅᒐᔭᕐᐳᑦ.

ᐃᓐᖏᕈᑎᑦ 78:33

ᑍᒤᒻᒪᑦ ᐅᓪᓗᖏᑦ ᓄᖑᑎᓚᐅᕐᐰᑦ ᐳᔪᕐᑎᑐᑦ, ᐊᕐᕌᒍᖃᕐᑎᓚᐅᕐᐰᓪᓗ ᑲᑉᐱᐊᓇᕐᑐᓂᒃ.

ᐃᓐᖏᕈᑎᑦ 78:39

ᐃᖅᑲᐅᒪᓚᐅᕋᒥ ᑖᒃᑯᐊ ᑎᒥᑐᐃᓐᓇᐅᖕᒪᑕ, ᐊᓄᕆᑎᑐᑦ ᑎᑭᓚᐅᕐᓗᓂ ᐊᓂᒍᕐᑐᑎᑐᑦ ᐅᑎᕐᓂᐊᕋᓂᓗ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:17

ᑍᒤᒻᒪᑦ ᐃᓅᓯᖅ ᐆᒥᒋᓚᐅᕐᐸᕋ ᐱᓇᓱᐊᒐᒃᓮᑦ ᓯᕿᓂᐅᑉ ᐊᑖᓂ ᐱᓇᓱᐊᕐᑕᐅᓲᑦ ᖁᕕᐊᒋᓚᐅᖏᓐᓇᑭᑦ, ᑕᒪᒃᑯᐊ ᑕᒪᕐᒥᒃ ᓱᕙᓕᑭᐊᖑᕗᑦ, ᐊᓄᕆᒥᒃ ᐊᖑᓯᓇᓱᑐᐃᓐᓇᕐᓂᐅᔮᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 8:3

ᑖᒃᑯᓇᓐᖓᑦ ᐊᒥᐊᒃᑰᔪᕕᓃᑦ ᐃᓅᖃᑎᒌᓂᑦ ᐊᔪᕐᑐᓕᔪᓂᑦ ᑐᖁᔪᒪᓂᕐᓴᐅᖔᕐᐸᒍᒫᕐᐳᑦ ᐃᓅᔪᒪᓂᕐᒥᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᔫᓇᐅᑉ ᐊᒡᓚᖏᑦ 4:3

ᒫᓐᓇᓕ ᐊᑕᓃᖅ, ᐃᓅᓯᕋ ᑎᒍᓕᕈᒃ, ᑐᖁᑐᐃᓐᓇᕈᒪ ᐱᐅᓂᕐᓴᐅᓕᕐᐳᖅ ᐃᓅᒐᔭᕐᓂᓐᓂᑦ.”

ᔫᓇᐅᑉ ᐊᒡᓚᖏᑦ 4:8

ᓯᕿᓂᐅᓪᓗ ᓄᐃᓂᖓᓂᑦ ᒎᑎᐅᑉ ᐊᑐᐃᓐᓇᕈᕐᐹ ᐊᓄᕆ ᐆᓇᕐᑐᖅ ᓯᕿᓂᐅᑉ ᓄᐃᕕᖓᑕ ᓇᓛᓂᑦ, ᓯᕿᓂᕐᓗ ᔫᓇᐅᑉ ᓂᐊᖁᐊᓄᑦ ᐊᑭᖕᒥᒃᐳᖅ, ᔫᓇᓗ ᓄᑭᖃᕈᓐᓁᑲᓴᓕᕐᐳᖅ ᑕᒪᑐᒧᖓ ᐊᑭᖕᒥᒃᑐᒧᑦ. ᕿᓚᓈᕐᐳᕐᓗ ᑐᖁᔪᒪᓪᓗᓂ, ᑐᒃᓯᐊᕐᐳᕐᓗ, ᐅᖃᕐᓗᓂ: “ᑐᖁᑐᐃᓐᓇᕈᒪ ᐱᐅᓂᕐᓴᐅᓕᕐᐳᖅ ᐃᓅᒐᔭᕐᓂᓐᓂᑦ.”