8 ᖃᓄᕐᑐᖅ ᑐᒃᓯᐊᕐᓂᕋ ᑭᐅᔭᐅᓚᐅᕐᓕ, ᒎᑎᐅᓪᓗ ᐱᔪᒪᔭᓐᓂᒃ ᑐᓂᓯᕕᒋᓗᓂᖓ;
ᐃᓔᑦᔭ ᐃᓄᑑᓪᓗᓂ ᐱᓱᓚᐅᕐᐳᖅ ᐃᓄᖃᖏᑦᑐᒧᑦ ᐅᓪᓗᓕᒫᖅ ᐃᖏᕐᕋᓂᐅᓲᑎᑐᑦ, ᓄᖅᑲᕋᒥ ᐃᖏᑉᐳᖅ ᓇᐹᕐᑑᑉ ᐳᕉᒻᒥᒃ ᐊᑎᓕᐅᑉ ᑕᕐᕋᓕᓂᖓᓄᑦ; ᑕᕝᕙᓂᓗ ᑐᒃᓯᐊᕐᐳᖅ ᑐᖁᔪᒪᓪᓗᓂ, ᐅᖃᕐᓗᓂ, “ᒫᓐᓇ ᑕᒪᓐᓇ ᐊᖏᓗᐊᓕᕐᒪᑦ; ᐊᑕᓃᖅ, ᐃᓅᓯᕋ ᑎᒍᓕᕈᒃ; ᐱᐅᓂᕐᓴᐅᖏᓐᓇᒪ ᓯᕗᓕᕆᓚᐅᕐᑕᓐᓂᑦ.”
“ᐃᓅᓯᕋ ᐃᕿᐊᓐᖑᕋᒃᑯ; ᓈᓚᓚᐅᓐᖓ ᓈᒻᒪᒃᓴᖏᓐᓂᕆᔭᓐᓂᒃ;
ᑐᖁᔪᒪᒐᓗᐊᕐᐳᑦ, ᑐᖁᓚᐅᓐᖏᓚᓪᓕ, ᐃᓗᕕᕐᑕᐅᔪᒪᓂᕐᓴᐅᕗᑦ ᑮᓇᐅᔭᓂᒃ ᓴᐅᓯᒪᔪᓂᒃ ᕿᓂᕋᔭᕐᓂᕐᒥᖕᓂᑦ.
ᖁᕕᐊᓱᒻᒪᕆᒃᑲᔭᕐᐳᑦ ᐊᓕᐊᓁᒍᓱᒡᓗᑎᒡᓗ, ᓯᕆᒐᔭᕐᐳᓪᓗ, ᐃᓗᕕᕐᑕᐅᕕᒃᓴᒥᖕᓂᒃ ᓇᒡᕚᕈᑎᒃ.
ᑍᒤᑦᑐᓂᒃ ᓂᕿᓂᒃ ᓂᕆᔪᒪᖏᑦᓯᐊᕐᐳᖓ; ᑕᒪᒃᑯᐊ ᓂᕆᑐᐊᕈᒃᑭᑦ ᒥᕆᐊᓐᖑᓕᕐᑎᑕᒐᔭᕐᐳᖓ.
ᒎᑎᐅᑉ ᓱᕋᒐᓱᐊᕈᒪᓗᓂᖓ ᐱᓇᓱᐊᕈᒪᒍᓂ, ᐱᐅᓂᕐᓴᐅᓕᕋᔭᕐᐳᖅ ᓴᒃᑯᓪᓗᓂᖓ ᑐᖁᑦᓯᐊᒻᒪᕆᒃᑯᓂᖓ!
ᓱᕖᕈᑎᓕᕐᐳᖓ ᐃᓕᖕᓄᑦ ᐱᐅᓕᔭᐅᔪᒪᓂᕐᒧᑦ; ᐅᖃᐅᓯᕐᑎᑦ ᓂᕆᐅᒡᕕᒋᕙᒃᑲ.
ᒫᓐᓇᓕ ᐊᑕᓃᖅ, ᐃᓅᓯᕋ ᑎᒍᓕᕈᒃ, ᑐᖁᑐᐃᓐᓇᕈᒪ ᐱᐅᓂᕐᓴᐅᓕᕐᐳᖅ ᐃᓅᒐᔭᕐᓂᓐᓂᑦ.”
