ᔫᐱᐅᑉ ᐊᒡᓚᖏᑦ 6:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐊᒡᓛᑦ ᐃᓕᐊᕐᔪᖕᓂᒃ ᓇᓛᐅᑦᓵᕈᑎᑎᒍᑦ ᓯᐊᓛᕐᑖᕋᓱᐊᕐᐸᒃᐳᓯ, ᐊᔪᕐᓴᕈᓐᓃᕐᑎᓯᒪᓪᓗᓯᓗ ᐱᖃᓐᓇᕆᔭᑦᓯᓐᓂᒃ ᓯᓔᕐᕆᓯᖃᑦᑕᕐᓂᒃᑯᑦ!

ᔫᐱᐅᑉ ᐊᒡᓚᖏᑦ 6:27 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 22:9

ᐅᐃᒡᒐᕐᓃᑦ ᓱᓇᑖᕐᑎᓐᓇᒋᑦ ᐊᐅᓪᓚᕐᑎᖃᑦᑕᓚᐅᕐᐸᑎᑦ, ᐃᓕᐊᕐᔪᐃᓪᓗ ᐱᔪᓐᓇᕐᓂᖏᓐᓂᒃ ᐊᕐᓵᕐᐸᒡᓗᒋᑦ.

ᔫᐱᐅᑉ ᐊᒡᓚᖏᑦ 24:3

ᐃᓕᐊᕐᔪᐃᑦ ᓯᐅᑎᖅᑯᕐᑐᔪᖁᑎᖏᓐᓂᒃ ᑎᒍᓯᑐᐃᓐᓇᕐᐸᒃᐳᑦ; ᐅᐃᒡᒐᕐᓃᓪᓗ ᐃᒻᒧᒃᓯᐅᒐᖁᑎᖏᑕ ᐸᖕᓂᖏᓐᓂᒃ ᑎᒍᓯᕙᒃᐳᑦ ᐊᑭᓕᒃᓴᖏᓐᓂᒃ ᐊᑭᓖᓚᐅᖏᓐᓂᖏᓐᓂ.

ᔫᐱᐅᑉ ᐊᒡᓚᖏᑦ 24:9

ᓄᑕᖅᑲᑦ ᐊᑖᑕᖃᖏᑦᑐᑦ ᑎᒍᔭᐅᑲᓪᓚᖃᑦᑕᕐᐳᑦ ᐊᒫᒪᒃᑎᓪᓗᒋᑦ, ᐊᒃᓱᔪᓪᓗ ᓄᑕᕋᖏᑦ ᐊᑭᓕᒃᓮᕈᑎᒋᔭᐅᖃᑦᑕᕐᐳᑦ ᐊᑭᓕᒃᓴᖏᓐᓄᑦ.

ᔫᐱᐅᑉ ᐊᒡᓚᖏᑦ 29:12

ᐊᒃᓱᔪᑦ ᐃᑲᔪᕐᑕᐅᔪᒪᔭᕌᖓᑕ ᐃᑲᔪᕐᐸᓚᐅᕋᒃᑭᑦ, ᐃᓕᐊᕐᔪᐃᓪᓗ ᐃᑲᔪᕐᑎᒃᓴᖃᖏᑦᑐᑦ ᐃᑲᔪᕐᐸᓚᐅᕆᕙᒃᑲ.

ᔫᐱᐅᑉ ᐊᒡᓚᖏᑦ 31:17

ᐅᕝᕙᓗ ᓂᕆᔪᑑᓚᐅᕐᓯᒪᓐᓂᕈᒪ ᐃᓄᑑᓗᖓ, ᐃᓕᐊᕐᔪᐃᑦ ᓂᕆᔭᒃᓴᖃᕐᑎᓐᓇᒋᑦ

ᔫᐱᐅᑉ ᐊᒡᓚᖏᑦ 31:21

ᐃᓕᐊᕐᔪᐃᑦ ᓇᓪᓕᐊᓐᓂᒃ ᐱᑦᓯᐊᓐᖏᑕᖃᓚᐅᕐᓯᒪᓐᓂᕈᒪ, ᖃᐅᔨᒪᓗᖓ ᐃᖅᑲᕐᑐᐃᕕᖕᒧᐊᕈᓐᓄᒃ ᓵᓚᖃᕋᔭᕐᓂᕋ ᐱᑦᔪᑎᒋᓗᒍ;

ᐃᓐᖏᕈᑎᑦ 57:6

ᐱᓱᒡᕕᒋᓂᐊᕐᑕᓐᓄᑦ ᓄᓗᐊᓂᒃ ᐃᓕᓯᕗᑦ; ᑕᕐᓂᕋ ᐅᑯᖓᓕᕐᐳᖅ ᕿᒃᓵᓂᕐᒧᑦ. ᐃᑎᕐᓴᓕᐅᓚᐅᕐᐳᑦ ᐊᖅᑯᑎᒋᓂᐊᕐᑕᓐᓂ, ᓇᖕᒥᓂᕐᓕ ᐃᑎᕐᓴᓕᐅᓚᐅᕐᑕᒥᓄᑦ ᐃᔪᒃᑲᕐᐳᑦ. ᓰᓚ

ᐃᓐᖏᕈᑎᑦ 7:15

ᐃᑎᕐᓴᓕᐅᕐᐳᖅ ᐊᒡᒐᒡᓗᒍᓗ, ᐃᑎᕐᓴᒧᓪᓗ ᑲᑕᓕᕐᐳᖅ ᓴᓇᓚᐅᕐᑕᒥᓄᑦ.

ᐃᓐᖏᕈᑎᑦ 82:3

ᐊᔪᕐᓴᕐᑐᑦ ᐃᓕᐊᕐᔪᐃᓪᓗ ᐱᑦᓯᐊᕐᕕᒋᓯᒋᒃ; ᐋᓐᓂᐊᑎᑕᐅᔪᑦ ᐱᒃᓴᖃᖏᑦᑐᓪᓗ ᐃᑲᔪᕐᓯᒋᒃ.

ᒨᓯᓯ ᐂᑉᐸᖏᑦ 22:21

“ᓂᐅᕐᕈᐊᒥᒃ ᐱᑦᓯᐊᖏᑦᑐᒃᓴᐅᓐᖏᓚᓯ ᐅᑯᒤᒃᓴᕐᑎᑦᓯᓇᓯᓗ; ᐃᓕᑦᓯᑦᑕᐅᖅ ᓂᐅᕐᕈᐊᖑᓚᐅᕐᒥᒐᑦᓯ ᐄᑦᔨᑉᑎᒥ.

ᔨᕆᒤᐊᐅᑉ ᐊᒡᓚᖏᑦ 18:20

ᐱᑦᓯᐊᕐᓂᖅ ᐱᐅᖏᑦᑐᒧᑦ ᐊᑭᓂᐊᕐᑕᐅᑦᔪᑎᖃᕐᑐᒃᓴᐅᕚ? ᑍᒤᑦᓴᕆᐊᖃᖏᒃᑲᓗᐊᕐᑎᓪᓗᒍ ᑕᑯᒋᑦ ᐃᑎᕐᓴᓕᐅᕆᕗᑦ ᐅᕙᓐᓂᒃ ᑐᖁᑦᓯᔪᒪᓪᓗᑎᒃ. ᐃᖅᑲᐅᒪᒋᑦ ᐅᖃᕐᕕᒋᓚᐅᕋᒃᑭᑦ ᑖᒃᑯᐊ ᐱᑦᔪᑎᒋᓪᓗᒋᑦ, ᐊᓯᕈᕐᑕᐅᖁᓇᒋᑦ ᓂᓐᖓᐅᓯᕐᓄᑦ.

ᔨᕆᒤᐊᐅᑉ ᐊᒡᓚᖏᑦ 18:22

ᐃᒡᓗᖏᓐᓂ ᕿᐊᕙᓗᒃᑐᑦ ᑐᓴᕐᓴᐅᓕᕐᓕᑦ, ᑎᑭᑕᐅᑲᓪᓚᒃᑎᓪᓗᒋᑦ ᓵᓚᖃᕆᐊᕐᑐᕐᑐᓂᑦ, ᐃᔪᒃᑲᕐᕕᒃᓴᓐᓂᒃ ᐃᑎᕐᓴᓕᐅᕆᓚᐅᕐᒪᑕ, ᓂᒐᕐᕕᒃᓴᓕᐅᕐᓗᓂᖓᓗ ᐃᑎᒐᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 22:7

ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᐅᐱᒍᓱᒃᑐᖃᓐᖏᓚᑦ ᓄᓇᑦᓯᓐᓂ; ᓄᓇᓕᑐᖃᐅᖏᑦᑐᑦ ᓯᓔᕐᕆᔭᐅᓪᓗᑎᒃ ᑎᒡᓕᒐᕐᕕᐅᕗᑦ ᑮᓇᐅᔭᓂᒃ; ᐃᓕᐊᕐᔪᐃᑦ ᐅᐃᒡᒐᕐᓃᓪᓗ ᐃᓖᔭᕆᔭᐅᖃᑦᑕᕐᐳᑦ ᓄᓇᑦᓯᓐᓂ.

ᔪᐃᓕᐅᑉ ᐊᒡᓚᖏᑦ 3:3

ᐃᓄᖁᑎᓐᓂᒡᓗ ᓇᓚᐅᑦᑖᕈᑎᒃᑯᑦ ᓂᐅᕐᕈᑎᖃᓚᐅᕐᑐᑦ, ᓄᑲᑉᐱᐊᒥᒡᓗ ᐊᑭᓕᐅᑎᖃᓚᐅᕐᐳᑦ ᐊᕐᓇᒧᑦ ᓄᓕᐊᒐᕐᒧᑦ, ᓂᕕᐊᕐᓵᒥᒡᓗ ᓂᐅᕐᕈᑎᖃᓚᐅᕐᐳᑦ ᕔᓂᒧᑦ, ᐃᒥᕈᒪᓪᓗᑎᒃ.

ᓇᕼᐅᒥᐅᑉ ᐊᒡᓚᖏᑦ 3:10

ᑎᐲᓯᐅᓪᓕ ᐃᓄᖏᑦ ᐊᐅᓪᓚᕈᑦᔭᐅᓕᕐᐳᑦ, ᐊᖅᑯᑏᓪᓗ ᓴᖑᖓᓂᖏᓐᓂ ᕿᑐᕐᖓᖏᑦ ᑏᒐᕆᐅᑦᔭᐅᕙᒃᓗᑎᒃ ᑐᖁᕋᕐᑕᐅᕗᑦ; ᓯᓚᑐᓂᖏᓪᓗ ᓇᓚᐅᑦᑖᕈᑎᒃᑯᑦ ᐱᑖᕐᑐᒐᐅᕗᑦ, ᓯᕗᓕᕐᑎᓕᒫᖏᓪᓗ ᐊᕐᓵᕐᑑᔭᓄᑦ ᐃᐱᕐᑐᕐᑕᐅᓪᓗᑎᒃ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᔧᒥᓯᐅᑉ ᐊᒡᓚᖏᑦ 1:27

ᐅᒃᐱᕐᓂᖅ ᐸᓯᔭᒃᓴᐅᓂᖃᖏᑦᑐᖅ ᓱᓕᔪᕐᓗ ᒎᑎᐅᑉ ᐊᑖᑕᐅᑉ ᓈᒻᒪᒋᔭᖓ ᐃᒤᑦᑑᕗᖅ; ᐃᓕᐊᕐᔪᐃᑦ ᐳᓛᕆᐊᖃᑦᑕᕐᓗᒋᑦ ᐅᐃᒡᒐᕐᓃᓪᓗ ᐅᖁᒤᒃᓴᕐᓂᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓗ ᐃᑦᔪᕐᓇᕐᓯᑎᑕᐅᑦᑍᓕᓗᓂ ᓯᓚᕐᔪᐊᕐᒥᐅᑦ ᐱᐅᓯᖏᓐᓄᑦ.

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.