15 ᐃᓚᒃᑲ ᐅᕙᓐᓂᒃ ᓴᓂᖅᑯᐃᓐᓁᓯᒪᕗᓯ, ᑰᒃᑎᑐᑦ ᐃᖏᕐᕋᔪᑎᑐᑦ.
ᑕᕝᕙ ᖁᕕᐊᓇᖏᑦᑐᒃᑰᕐᓂᕆᓯᒪᔭᑎᑦ ᐃᖅᑲᐅᒪᔪᓐᓁᕐᓂᐊᕐᐸᑎᑦ, ᐅᓕᕕᒃᔪᐊᖅ ᐊᓂᒍᕐᓯᒪᓕᕐᒪᑦ ᐃᖅᑲᐅᒪᔭᐅᔪᓐᓁᕐᓯᒪᓂᖓᑐᑦ.
ᓇᓗᓂᕆᔧᑦ ᑕᓕᑎᓯᒪᓇᓱᐊᑐᐃᓐᓇᕋᕕᐅᒃ ᓴᒡᓗᓂᒃᑯᑦ; ᐋᓐᓂᐊᓯᐅᑎᒻᒪᕆᒃᑎᑐᑦ ᑭᓇᒥᒡᓘᓐᓃᑦ ᐋᖅᑭᒃᓯᔪᓐᓇᖏᑦᑐᑎᑐᑦ.
ᑰᒃᑎᑐᑦ ᑕᓯᕐᒥᑦ ᑰᒎᓐᓃᕐᑐᑎᑐᑦ, ᑕᓯᕐᑎᑐᓪᓗ ᐃᒪᖃᕈᓐᓁᕐᑐᑎᑐᑦ ᐸᓂᕐᓯᒪᓕᕐᑐᑎᑐᑦ,
ᖃᑕᓐᖑᑎᒃᑲ ᐅᕙᓐᓂᒃ ᖁᔭᓈᕐᓯᑎᑉᐰᑦ, ᖃᐅᔨᒪᔭᒃᑲᓗ ᐅᕙᓐᓂᒃ ᐃᓕᑕᕐᓯᕙᒍᓐᓃᕐᐳᑦ.
ᐊᒡᓛᑦ ᐃᓚᓐᓇᕆᓂᕐᐹᓐᓄᑦ ᓇᕐᕈᒋᔭᐅᓕᕐᐳᖓ, ᓇᒡᓕᒋᔭᓐᓄᓪᓗ ᐊᑭᕋᕐᑐᕐᑕᐅᓕᕐᓗᖓ.
ᑰᒃᑎᑐᑦ ᓯᒥᒃᑕᐅᓯᒪᔪᑎᑐᑦ ᐊᐳᒻᒧᑦ ᓂᓚᖕᒧᓪᓗ.
ᐱᖃᓐᓇᕆᔭᒪ ᐃᓚᒋᕙᒃᑕᒪᓗ ᐃᑭᓕᕐᑕᐅᓯᒪᓂᒃᑲ ᐱᓪᓗᒋᑦ ᓂᒍᕐᐹᖓ, ᓇᖕᒥᓂᒃᑲᓗ ᐅᖓᓯᒃᑐᒥ ᓇᖏᕐᐳᑦ.
ᐱᖃᓐᓇᕆᔭᒪᓘᓐᓃᑦ ᖃᐅᔨᒪᑦᓯᐊᕐᑕᒪ ᓱᓕᔪᕆᑦᓯᐊᕐᑕᒪᓗ, ᓂᕆᖃᑎᒋᕙᒃᑕᒪ ᑭᖕᒥᖕᒥᓄᑦ ᐅᓗᕆᐊᕐᓵᕐᐹᖓ.
ᐃᓚᒋᔭᒃᑲ ᐃᓚᓐᓇᕆᔭᒃᑲᓗ ᐅᖓᓯᒃᓯᑎᑉᐸᑎᑦ ᐅᕙᓐᓂᑦ; ᐃᓚᓐᓇᕆᓂᕐᐹᒃᑲᓗ ᑖᕐᑐᒧᐊᕐᑎᑉᐸᑎᑦ.
ᓱᓕᔪᕐᓴᕐᑐᖅ ᐊᖑᒻᒥᒃ ᑲᔪᓯᔪᓐᓇᖏᑦᑐᒥᒃ ᐃᓱᐊᖏᑦᑐᖃᕐᑎᓪᓗᒍ, ᐊᑦᔨᖃᕐᐳᖅ ᑭᒍᓯᕆᓂᕐᒥᒃ, ᐃᑎᒐᖕᓂᒡᓗ ᐱᒡᓗᐃᓯᒪᔪᓂᒃ.
ᖃᑕᓐᖑᑎᕕᓪᓗ ᐃᒡᓗᒥᐅᖃᑎᕕᓪᓗ ᐊᒡᓛᑦ ᐊᑭᕋᕐᑐᓕᕐᐹᑎᑦ, ᐃᓕᖕᓂᒡᓗ ᐊᑭᕋᕐᑐᕐᑐᓂᒃ ᐃᑲᔪᕐᑐᐃᓕᕐᒪᑕ, ᐅᒃᐱᕆᑦᑍᓕᒃᑭᑦ ᐅᖃᓪᓚᑦᓯᐊᕐᑑᔮᕋᓗᐊᕐᐸᑕ ᐃᓕᖕᓄᑦ.”
ᓱᖕᒪᓪᓕ ᐋᓐᓂᐊᓂᕋ ᓄᖅᑲᕈᓐᓇᓐᖏᓚᖅ, ᐃᑭᓕᕐᑕᐅᓂᒃᑲᓗ ᒪᒥᑦᓱᓐᓇᕋᑎᒃ, ᐊᖅᑮᔪᒪᓐᖏᓚᑏᑦ? ᑰᒃᑎᑐᑦ ᐃᒤᕈᓯᒪᔪᑎᑐᑦ ᐅᕙᓐᓄᑦ ᑍᒤᑦᑑᓂᐊᕐᐲᑦ?”
ᐅᖓᒋᔨᒋᓚᐅᕐᑕᑦᓯ ᐳᐃᒍᕐᐹᓯ ᐃᒃᐱᒋᔭᐅᔪᓐᓃᕐᓗᓯᓗ ᑖᒃᑯᓄᖓ, ᐊᑭᕋᑦᑐᑦ ᐊᑭᓂᐊᕐᕕᒋᒐᑦᓯ, ᓇᒡᓕᖕᓂᖃᖏᑦᑐᑎᑐᑦ ᓱᒋᐊᕐᐸᑦᓯ ᐸᓯᔭᒃᓴᐅᓂᓯ ᐊᖏᔫᓗᐊᓕᕐᒪᑦ, ᐊᔪᕐᑐᓕᓯᒪᓂᓯᓗ ᐅᓄᓗᐊᓕᕐᓗᑎᒃ.
ᐊᕐᓇᓕᒫᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᑕ ᐃᒡᓗᖓᓃᑦᑐᑦ ᐊᓂᑎᑕᐅᔪᒫᕐᐳᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᖓᔪᖅᑳᖁᑎᖏᓐᓄᑦ, ᑖᒃᑯᐊᓗ ᐊᕐᓁᑦ ᐃᓕᖕᓂᒃ ᐅᖃᐅᓯᖃᕈᒫᕐᐳᑦ ᐃᒫᒃ: ‘ᐊᖓᔪᖅᑳᕐᔪᐊᖅ ᐃᓚᓐᓇᕆᔭᒥᓄᑦ ᑕᒻᒪᕐᑎᑕᐅᓪᓗᓂ ᓵᓚᒋᔭᐅᑎᑕᐅᕗᖅ, ᐃᑎᒐᖏᑦ ᒪᕐᕋᕐᒧᑦ ᒪᖑᖕᒪᑕ, ᐃᓚᓐᓇᕆᔭᒥᓄᑦ ᕿᒪᒃᑕᐅᕗᖅ.’
“ᑕᒪᑐᒥᖓ ᐅᖃᐅᑎᔧᓐᓇᕆᓐᖏᓚᑦᓯ; ᖃᐅᔨᒪᒐᒃᑭᑦ ᓂᕈᐊᕐᓯᒪᔭᒃᑲ; ᐊᒡᓔᓪᓕ ᓇᓚᐅᑦᓯᔭᕆᐊᖃᕐᒪᑕ ᐅᖃᕐᑐᑦ: ‘ᓂᕆᖃᑎᒋᔭᒪ ᐊᑭᕋᕐᑐᓕᕐᐹᖓ.’
ᓇᓪᓕᐅᑦᑐᒃᓴᖅ ᓇᓪᓕᐅᑎᔪᒫᕐᐳᖅ, ᒫᓐᓇᓗ ᐊᑐᓕᕐᐸᕗᑦ, ᓇᒧᑐᐃᓐᓇᖅ ᓯᐊᒻᒪᕐᑎᑕᐅᕕᒃᓴᓯ, ᐊᑐᓂᑦ ᐊᖏᕐᕋᑦᓯᓐᓄᐊᕐᓗᓯ, ᐅᕙᖓᓗ ᐃᓄᑑᑎᓪᓗᖓ ᕿᒪᒃᑕᐅᓛᕐᐳᖓ; ᑭᓯᐊᓂᓕ ᐃᓄᑑᓐᖏᓚᖓ, ᐊᑖᑕᐅᑉ ᓇᔪᕐᒪᖓ.
ᐃᓅᖃᑎᒌᑦᓯᐊᕐᓂᖅ ᐱᓪᓗᒍ ᓂᕆᕕᒃᔪᐊᖃᑎᒌᖕᓂᑦᓯᓂ ᐱᓐᖏᑦᓯᕐᑐᕐᓗᑎᒃ ᐱᖃᑕᐅᕗᑦ ᓱᕅᔪᒪᓪᓗᑎᒃ ᐃᓕᑦᓯᓐᓂᒃ, ᐃᒻᒥᖕᓂᑐᐊᖅ ᐃᓱᒪᒋᕗᑦ; ᓄᕗᔭᑎᑐᑦ ᓯᓚᓗᒃᑎᑦᓯᔪᓐᓇᖏᑦᑐᑎᑐᑦ ᐊᓄᕆᒧᑦ ᐃᖏᕐᕋᔪᑎᑐᑦ ᑍᒤᑉᐳᑦ; ᓇᐹᕐᑐᑎᑐᑦ ᐱᕈᕐᑐᖃᖏᑦᑐᑎᑐᑦ ᐅᑭᐊᒃᓵᖑᓕᕐᑎᓪᓗᒍ, ᓇᐹᕐᑐᑦ ᐊᒫᖏᑎᒍᑦ ᐲᕐᑕᐅᓯᒪᔪᑎᑐᑦ, ᑐᖁᖓᓪᓚᕆᒃᐳᑦ.
