9 ᑖᑦᓱᒪ ᐱᓇᓱᐊᕐᓂᕐᔪᐊᖏᑦ ᑐᑭᓯᔪᓐᓇᓐᖏᓚᕗᑦ, ᑲᒪᓇᕐᑐᓕᓂᖏᓪᓗ ᐃᓱᓕᑦᑐᓐᓇᕋᑎᒃ.
ᐱᕙᓪᓕᐊᑦᓯᐊᕐᑐᕕᓂᐅᓕᑐᐊᕈᒪᓕ ᓱᓇᑐᐃᓐᓇᕐᒥᒃ, ᑕᕝᕙ ᐅᕙᓐᓂᒃ ᐱᓇᓱᐊᓕᕐᐳᑎᑦ ᓛᔭᑎᑐᑦ, ᐋᓐᓂᕈᒪᓪᓗᖓ ᐊᒡᓛᑦ ᑲᒪᓇᕐᑐᑎᒍᑦ;
“ᐅᖃᐅᓯᕆᔭᓕᒫᑎᑦ ᑕᒪᒃᑯᐊ ᑕᑯᓯᒪᕙᒃᑲ, ᑐᓴᓚᐅᕐᓯᒪᓪᓗᒋᓪᓗ ᑐᑭᓯᓯᒪᕙᒃᑲ.
ᔫᐲ ᐅᓇ ᓈᓚᒍᒃ; ᕿᑲᕐᓯᓗᑎᑦ ᐃᒃᐱᒍᓱᑦᓯᐊᕆᑦ ᒎᑎᐅᑉ ᐱᓇᓱᐊᕐᑕᖏᓐᓂᒃ ᑲᒪᓇᕐᑐᓂᒃ.
ᓄᕗᔭᑦ ᖃᓄᖅ ᖃᖓᑕᔪᓐᓇᕐᒪᖔᑕ ᖃᐅᔨᒪᕖᑦ? ᑖᑦᓱᒪ ᐱᓇᓱᐊᕐᓂᖓ ᑲᒪᓇᕐᐳᖅ ᖃᐅᔨᒪᔪᓪᓚᕆᐊᓘᖕᒪᑦ,
ᒎᑎᐅᑉ ᓂᐱᖓᑕ ᐃᒃᑐᓚᐅᕐᓂᖓᒍᑦ ᑲᒪᓇᕐᑐᓂᒃ ᐱᔪᖃᕐᐳᖅ; ᐱᐅᔪᐊᓗᖕᓂᒃ ᐱᓇᓱᐊᕐᐳᖅ ᑐᑭᓯᔪᓐᓇᓐᖏᑕᑦᑎᒍᑦ.
ᐅᖃᕐᓯᒪᕗᑎᑦ ᓯᓚᑐᓂᕐᓂᒃ ᖁᓚᕈᑎᖃᖁᓇᖓ ᓇᓗᑦᓯᐊᕐᑕᓐᓂᒃ ᐅᖃᐅᓯᖃᕐᓯᒪᒐᒪ, ᑍᒤᒻᒪᑦ ᐅᖃᐅᓯᖃᓚᐅᕐᐳᖓ ᖃᐅᔨᒪᓐᖏᑕᓐᓂᒃ, ᓂᕐᑐᕐᓇᕐᓃᑦ ᐊᖏᓗᐊᕐᒪᑦ ᑐᑭᓯᔭᕆᐊᖓ.
ᑖᑦᓱᒪ ᐱᓇᓱᐊᕐᓂᕐᔪᐊᖏᑦ ᑐᑭᓯᔪᓐᓇᓐᖏᓚᕗᑦ, ᑲᒪᓇᕐᑐᓕᓂᖏᓪᓗ ᓈᓴᕐᑕᐅᔪᓐᓇᕋᑎᒃ.
ᓈᓴᕆᐊᖃᕋᔭᕈᒃᑭᑦ, ᑕᕝᕙ ᐅᓄᕐᓂᕐᓴᐅᒐᔭᕐᐳᑦ ᓯᐅᕋᕐᓂᑦ. ᑐᐸᒑᖓᒪ, ᓱᓕ ᑕᕝᕙ ᐃᓕᖕᓃᑉᐳᖓ.
ᐊᑕᓂᖅ ᐊᖏᔪᕐᔪᐊᖑᕗᖅ, ᐊᖏᔪᒥᒡᓗ ᓂᕐᑐᕐᑕᐅᔪᒃᓴᐅᕗᖅ, ᑖᑦᓱᒪᓗ ᐊᖏᓂᖓ ᑐᑭᓯᔭᐅᔪᓐᓇᓐᖏᓚᖅ.
ᐊᑕᓃᖅ, ᒎᑎᒐ, ᐱᓂᐊᕐᓂᑎᑦ ᑲᒪᓇᕐᑐᑦ ᐅᓄᕐᑑᕗᑦ, ᐱᓂᐊᕐᓂᕆᖃᑦᑕᕐᓯᒪᔭᑎᑦ. ᐅᕙᑦᑎᓐᓂᒡᓗ ᐃᓱᒪᓕᐅᕈᑎᖃᕐᓂᑎᑦ ᐃᓕᖕᓄᑦ ᑭᖑᓕᕇᒃᓗᑎᒃ ᐃᖅᑲᐅᒪᔭᐅᔪᓐᓇᓐᖏᓚᑦ; ᓇᓗᓁᕋᓱᐊᕈᒃᑭᑦ ᐅᖃᐅᓯᕆᓗᒋᓪᓗ, ᐅᓄᓗᐊᕐᒪᑕ ᓈᓴᕐᑕᐅᔪᓐᓇᖏᓚᑦ.
ᐆᒪᔪᐃᑦ ᐆᑕᒃᓮᑦ ᑐᓂᕐᕈᑎᒃᓮᓪᓗ ᐊᓯᖏᑦ ᐱᔪᒪᓐᖏᓚᑎᑦ; ᓯᐅᑏᒃᑲᒃ ᐊᖕᒪᓚᐅᕋᕕᒋᒃ. ᑐᓂᕐᕈᑎᑦ ᐆᑕᒃᓮᑦ ᐊᔪᕐᓂᕐᓗ ᐱᓪᓗᒍ ᑐᓂᕐᕈᑎᑦ ᐱᔪᒪᓚᐅᓐᖏᓚᑎᑦ.
ᐊᑕᓂᖅ ᓂᕐᑐᕐᑕᐅᓕ, ᐃᓴᕆᐊᓕᑎᑦ ᒎᑎᖓᑦ, ᑲᒪᓇᕐᑐᓂᒃ ᑖᓐᓇ ᑭᓯᒥ ᐱᓂᐊᕐᓂᖃᕐᑐᖅ.
ᐊᔪᖏᑦᑐᕐᔪᐊᖑᒐᕕᑦ ᐱᓇᓱᐊᕐᓂᑎᓪᓗ ᐱᐅᔪᐊᓘᓪᓗᑎᒃ, ᐃᕝᕕᑐᐊᑦᓯᐊᖅ ᒎᑎᐅᕗᑎᑦ ᐊᓯᖃᖏᑦᑐᖅ.
ᓱᓇᑐᐃᓐᓇᕐᓂᒡᓗ ᑕᑯᒥᓇᕐᑎᓯᕙᒃᐳᖅ ᓇᓪᓕᐅᓐᓂᖏᑦ ᓈᒻᒪᒃᑎᓪᓗᒋᑦ; ᐊᒻᒪᓗ ᐃᓱᖃᖏᑦᑐᒥᒃ ᐃᓕᓯᕗᖅ ᐃᓄᐃᑦ ᐆᒻᒪᑎᖏᓐᓄᑦ: ᑭᓯᐊᓂᓕ ᑖᒃᑯᐊ ᑐᑭᓯᔪᓐᓇᓐᖏᓚᑦ ᒎᑎ ᓱᓇᒥᒃ ᐱᓚᐅᕐᒪᖔᑦ ᐱᒋᐊᕐᓂᖓᓂᑦ ᐃᓱᐊ ᑎᑭᓪᓗᒍ.
ᖃᐅᔨᒪᓐᖏᓚᑏᑦ? ᑐᓴᓚᐅᕐᓇᒡᓗ? ᐊᑕᓂᖅ ᒎᑎᐅᖕᒪᑦ ᐃᓱᖃᖏᑦᑐᒧᑦ, ᐱᓐᖑᕐᑎᑦᓯᓯᒪᔪᖅ ᓄᓇᕐᔪᐊᕐᒥᒃ ᐃᓱᐊᓃᑦ ᐃᓱᐊᓄᑦ. ᓄᑮᕈᑎᔪᓐᓇᓐᖏᓚᖅ ᑕᖃᔪᓐᓇᕋᓂᓗ, ᓯᓚᑐᓂᖓᓗ ᖃᐅᔨᔭᐅᔪᓐᓇᕋᓂ.
ᐊᖏᔪᕐᔪᐊᖑᕗᖅ ᒎᑎᐅᑉ ᐊᔪᕐᓴᖏᑦᑐᕐᔫᓂᖓ! ᐃᑎᔪᕐᔪᐊᖑᓪᓗᓂᓗ ᓯᓚᑐᓂᖓ ᖃᐅᔨᒪᓂᕐᔪᐊᖓᓗ! ᑖᑦᓱᒪ ᑐᑭᑖᕆᓯᒪᔭᖏᑦ ᑭᐊ ᓇᓗᓁᔭᕈᓐᓇᕐᐰᑦ ᐱᓂᐊᕐᓂᖏᓪᓗ ᑭᐊ ᑐᑭᓯᔪᓐᓇᕐᐰᑦ?