8 ᐅᕙᖓᓕ, ᒎᑎᒧᑦ ᓵᓕᕋᔭᕐᐳᖓ, ᐊᑐᕐᑕᒃᑲᓗ ᒎᑎᒧᑦ ᓴᖅᑭᑎᓐᓇᔭᕐᐸᒃᑲ;
ᐃᓱᒪᑖᑦᓯᐊᕈᕕᑦ ᐆᒻᒪᑎᒃᑯᑦ, ᒎᑎᒧᑦ ᐃᓴᒻᒥᓕᕐᓂᐊᕐᐳᑎᑦ.
ᖃᐅᔨᒪᔭᑎᑦ ᖃᐅᔨᒪᖕᒥᒐᒃᑭᑦ; ᐃᓕᖕᓂᑦ ᖃᐅᔨᒪᖏᓐᓂᕐᓴᐅᖏᓐᓇᒪ.
ᓈᒻᒪᒃᓴᖏᑦᔪᑎᒋᔭᓐᓂᒡᓕ ᐅᖃᐅᓯᖃᕈᒪᕗᖓ ᒎᑎᒧᑦ ᐊᔪᒐᖃᖏᑦᑐᒧᑦ, ᒎᑎ ᐂᕙᖃᑎᒋᔪᒪᕙᕋ ᐊᑐᕐᑕᒃᑲ ᐱᑦᔪᑎᒋᓗᒋᑦ.
ᒎᑎᒥᒃ ᐊᑭᕋᕐᑐᕈᓐᓁᕐᓗᑎᑦ, ᓮᒻᒪᖃᑎᒋᓕᕈᒃ; ᑍᒤᓕᐅᕈᕕᑦ ᑕᕝᕙ ᐱᐅᔪᒥᒃ ᑎᑭᑕᐅᓂᐊᐳᑎᑦ.
ᑖᑦᓱᒧᖓᓗ ᑐᒃᓯᐊᓕᕈᕕᑦ, ᑖᑦᓱᒪ ᑐᓴᕐᓂᐊᕐᐹᑎᑦ; ᐊᖏᕈᑎᒋᓯᒪᔭᑎᓪᓗ ᑖᑦᓱᒧᖓ ᑲᔪᓯᑎᓪᓗᒋᑦ ᑐᓂᓗᒋᑦ.
ᒫᓐᓇᓕ ᒎᑎᒥᒃ ᕿᓂᕐᓂᐊᕈᕕᑦ ᕿᓄᕕᒋᓂᐊᕈᕕᐅᒡᓗ ᐊᔪᒐᖃᖏᑦᑐᖅ,
ᐱᓂᐊᕐᓂᑎᑦ ᐊᑕᓂᕐᒧᑦ ᑐᓂᒃᑭᑦ, ᑕᑎᒋᓗᒍᓗ, ᑕᕝᕙ ᑖᑦᓱᒪ ᑲᔪᓯᑎᓐᓂᐊᕐᐰᑦ.
ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”
ᐊᑕᓃᕐᓕ ᖁᑦᓯᖕᓂᕐᐸᐅᔪᑎᑦ, ᓈᒻᒪᓈᕐᑐᒥᒃ ᐃᖅᑲᕐᑐᐃᔪᑎᑦ, ᐃᓄᐃᓪᓗ ᐆᒻᒪᑎᖓᓃᑦᑐᓂᒃ ᐃᓱᒪᖓᓃᑦᑐᓂᒡᓗ ᖃᐅᔨᓴᕈᓐᓇᕐᑐᑎᑦ, ᐊᑭᓂᐊᕐᓂᖅ ᑖᒃᑯᓄᖓ ᐃᓕᖕᓄᑦ ᑐᓂᖔᕐᐸᕋ.
ᑍᒤᒻᒪᑦ ᐊᒃᓱᕈᕐᑎᑕᐅᕗᖓ. ᑕᒪᓐᓇᓕ ᑲᓐᖑᓲᑎᒋᓐᖏᓚᕋ, ᐅᒃᐱᕐᕕᒋᔭᕋ ᖃᐅᔨᒪᒐᒃᑯ, ᖁᓚᖏᓐᓇᒪ ᐅᕙᓐᓄᑦ ᐱᓂᐊᕐᑕᐅᖁᓯᒪᔭᓂ ᓴᐳᑎᓯᒪᔪᓐᓇᕐᓂᐊᕐᒪᒍ ᐅᓪᓗᖅ ᑍᓐᓇ ᓇᓪᓕᐅᑎᔪᒃᓴᖅ ᑎᑭᓪᓗᒍ.
ᐅᖃᕐᓂᕐᓗᒡᕕᐅᒐᓗᐊᕋᒥ, ᐅᖃᐅᓯᕐᓗᖕᒧᑦ ᑭᐅᓚᐅᓐᖏᓚᖅ; ᐊᒃᓱᕈᕐᓇᑐᒦᑎᑕᐅᒐᓗᐊᕋᒥ, ᐊᑭᓂᐊᓚᐅᓐᖏᓚᖅ; ᑕᑎᖃᓚᐅᕐᐳᕐᓕ ᑖᑦᓱᒥᖓ ᓈᒻᒪᑦᓯᐊᕐᑐᒥᒃ ᐃᖅᑲᕐᑐᐃᔪᒥᒃ.
ᑍᒤᒻᒪᑦ ᐊᒃᓱᕈᕐᓇᕐᑐᒦᑎᑕᐅᔪᑦ ᒎᑎᐅᑉ ᐱᔪᒪᔭᖓ ᒪᓕᒡᓗᒍ ᐱᓂᐊᕐᓂᖃᑦᓯᐊᕆᐊᖃᕐᐳᑦ ᐃᒻᒥᖕᓂᒡᓗ ᑐᓂᓯᒪᑦᓯᐊᕐᓗᑎᒃ ᐱᓐᖑᕐᑎᑦᑎᔨᒥᖕᓄᑦ, ᐊᖏᕈᑎᒋᓯᒪᔭᒥᓂᒃ ᓴᖑᑎᑦᓯᕙᖏᑦᑐᒧᑦ.
