ᔫᐱᐅᑉ ᐊᒡᓚᖏᑦ 5:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐃᓄᑐᖃᒻᒪᕆᐅᓕᕐᑎᓪᓗᑎᑦ ᐃᓗᕕᕐᑕᐅᔪᒫᕐᐳᑎᑦ, ᓂᐊᖂᔭᒃᓮᑦ ᕿᐱᑍᑦ ᓯᖃᓪᓕᓯᕕᖕᒧᐊᕐᑕᐅᕙᖕᓂᖏᑎᑐᑦ ᓇᓪᓕᐅᓐᓂᖓᓂ.

ᔫᐱᐅᑉ ᐊᒡᓚᖏᑦ 5:26 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 15:15

ᐃᕝᕕᓪᓕ ᓯᕗᓕᕐᓄᑦ ᐂᔪᒫᕐᐳᑎᑦ ᓮᒪᓗᑎᑦ; ᐃᓗᕕᕐᑕᐅᔪᒫᕐᐳᑎᓪᓗ ᐃᓄᑐᖃᒻᒪᕆᐅᓕᕐᓗᑎᑦ.

ᒨᓯᓯ ᓯᕗᓪᓖᑦ 25:8

ᐂᑉᕋᕼᐋᒻ ᐊᓂᕐᓇᖏᓚᐅᕐᐳᖅ ᐃᑦᑐᐊᓘᓕᕐᓗᓂ, ᐃᓄᑐᖃᐅᓪᓗᓂ ᐊᕐᕌᒍᖏᑦ ᐅᓄᕐᑐᐊᓘᓕᕐᓗᑎᒃ, ᐃᓚᒋᓚᐅᕐᑕᒥᓄᓪᓗ ᐃᓚᓕᐅᑎᓪᓗᓂ.

ᔫᐱᐅᑉ ᐊᒡᓚᖏᑦ 5:27

ᑕᒪᓐᓇ ᑐᑭᓯᓇᓱᐊᕐᓯᒪᒐᑦᑎᒍ; ᓱᓕᓂᖓ ᖃᐅᔨᓯᒪᕙᕗᑦ. ᑍᒤᒻᒪᑦ, ᓈᓚᒃᑭᑦ ᐃᓕᖕᓄᑦ ᐱᕙᓪᓕᐅᑎᒃᓴᐅᖕᒪᑕ.”

ᐃᓐᖏᕈᑎᑦ 91:16

ᐃᓅᓯᕐᒥᒃ ᓯᕕᑐᔪᒥᒃ ᐊᑭᓕᕐᓗᒍ ᓈᒻᒪᒃᓯᑎᓐᓂᐊᕐᐸᕋ, ᑕᑯᑎᓐᓂᐊᕐᐸᕋᓗ ᐱᐅᓕᒃᓯᓂᓐᓂᒃ.

ᒨᓯᓯ ᐂᑉᐸᖏᑦ 23:26

ᓄᓇᖕᓂ ᐊᕐᓁᑦ ᑕᒪᐅᓁᓐᓇᖅ ᐃᕐᓂᔪᖃᕐᓂᐊᓐᖏᓚᑦ, ᕿᑐᕐᖏᓱᐃᑦᑐᕐᑕᖃᕐᓂᐊᕋᓂᓗ, ᐊᑯᓂᓗ ᐃᓅᑯᑖᒃᑎᓐᓂᐊᕐᐸᑦᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:27

ᐊᑕᓂᕐᒥᒃ ᓯᕗᕋᓂᖅ ᐃᓅᓯᕐᒥᒃ ᐅᐃᒍᓯᕗᖅ, ᐱᐅᖏᑦᑐᓪᓕ ᐊᕐᕌᒍᖏᑦ ᓁᑦᑑᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 9:11

ᐅᕙᒃᑯᑦ ᐅᓪᓗᕆᓛᕐᑕᑎᑦ ᐅᓄᕐᓯᑎᑕᐅᓂᐊᕐᐳᑦ, ᐊᕐᕌᒍᐃᓪᓗ ᐃᓅᕕᒋᓂᐊᕐᑕᑎᑦ ᐃᓚᔭᐅᓂᐊᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 65:20

ᐃᓅᕋᑖᕐᑐᓂᒃ ᑕᕝᕙᓂ ᐱᑕᖃᕈᒫᓐᖏᓚᖅ ᐅᓪᓗᓂᒃ ᐅᓄᖏᑦᑐᓂᒃ ᐃᓅᓚᐅᑲᑐᐃᓐᓇᕐᑐᓂᒃ, ᐃᑦᑑᓕᕐᑐᓂᒡᓗ ᐃᓅᓯᕆᒋᐊᖃᕐᑕᒥᖕᓂᒃ ᓈᔨᓯᒪᖏᑦᑐᓂᒃ ᐱᑕᖃᕈᒫᖏᓐᓂᕗᖅ; 100ᓂᒃ ᐊᕐᕌᒍᖃᕐᓗᓂ ᑐᖁᔪᖅ ᐃᓅᓱᓗᐊᕐᓂᕋᕐᑕᐅᔪᒫᕐᐳᖅ, ᐊᔪᕐᑐᓕᔪᖅ 100ᓂᒃ ᐊᕐᕌᒍᖃᓕᕐᓗᓂ ᑐᖁᔪᖅ ᐃᓱᒪᓂᕐᓗᒡᕕᐅᓯᒪᔪᒥᒃ ᐅᖃᕐᑕᐅᔪᒫᕐᐳᖅ.

ᒨᓯᓯ ᑕᓪᓕᒪᖏᑦ 34:7

ᒨᓯᓯ ᐊᕐᕌᒍᖃᓕᕐᓗᓂ 120ᓂᒃ ᑐᖁᓚᐅᕐᐳᖅ; ᐃᔨᖏᒃ ᑕᒃᐲᓕᓯᒪᓇᑎᒃ, ᐱᒡᒐᖏᑦᓯᐊᕐᓗᓂᓗ.