ᔫᐱᐅᑉ ᐊᒡᓚᖏᑦ 5:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐊᓯᕈᕐᑕᐅᓂᖅ ᑳᖕᓇᕐᑐᕐᓗ ᐃᔪᕆᔪᒫᕐᐹᒃᑭᒃ, ᐃᕐᓯᔪᒫᖕᓇᒡᓗ ᓂᕐᔪᑎᓂᒃ ᓄᔪᐊᕐᑐᓂᒃ ᓄᓇᒦᑦᑐᓂᒃ.

ᔫᐱᐅᑉ ᐊᒡᓚᖏᑦ 5:22 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 19:21

ᐃᒫᒃ ᐊᑕᓂᐅᑉ ᐅᖃᐅᓯᒃᓴᖃᕐᕕᒋᕚ: ᑖᑦᓱᒪ ᓇᕐᕈᒋᕚᑎᑦ, ᒥᑕᐅᑎᒋᓪᓗᑎᓪᓗ ᐅᐃᒡᒐᓲᔪᑎᑦ ᓮᐅᓂᐅᑉ ᐸᓂᖓ; ᐅᖃᐅᑎᒋᕚᑎᑦ ᖃᐅᔨᓐᖏᑎᓪᓗᑎᑦ ᔨᕉᓴᓕᐅᑉ ᐸᓂᖓ.

ᔫᐱᐅᑉ ᐊᒡᓚᖏᑦ 8:21

ᖃᓂᓯ ᐃᔪᕈᓐᓇᕐᓯᑎᑦᓱᒫᕆᕔᑦ, ᖃᓂᑦᓯᒍᓪᓗ ᐃᒡᒋᐊᖅᑰᕐᒥᔮᕐᓂᕐᒥᒃ ᓴᖅᑭᑎᑦᓯᔪᒫᕆᕗᖅ.

ᐃᓐᖏᕈᑎᑦ 91:13

ᓛᔭᓂᒃ ᖁᒡᓗᒋᐊᓂᒡᓗ ᐱᓱᒡᕕᖃᕐᓂᐊᕐᐳᑎᑦ, ᓛᔭᓪᓗ ᐃᓅᓱᒃᑐᑦ ᖁᒡᓗᒋᐊᓪᓗ ᑐᖁᓐᓇᕐᑐᓖᑦ ᑐᓪᓕᕋᕐᓂᐊᕐᐸᑎᑦ.

ᐃᓐᖏᕈᑎᑦ 91:6

ᐅᕝᕙᓗ ᐅᓐᓄᒃᑯᑦ ᑖᕐᑎᓪᓗᒍ ᓱᒃᑯᑎᕆᓇᓱᐊᕐᑑᑉ ᐱᓇᓱᐊᕐᓂᖓᓂᒃ ᓴᓗᒤᑦᑐᒥᒃ, ᐅᕝᕙᓗ ᐅᓪᓗᓪᓗᐊᒃᑯᑦ ᐅᐃᕕᓴᕐᑐᑦ ᑐᖁᑦᓯᓇᓱᐊᕐᓂᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 35:9

ᐊᖅᑯᒻᒥ ᑕᒫᓂ ᓛᔭᑕᖃᕈᒫᓐᖏᓚᖅ, ᐆᒪᔪᓂᒡᓗ ᐃᕐᓯᓇᕐᑐᓂᑦ ᑎᑭᑕᐅᔪᒫᓐᖏᓚᖅ; ᑍᒤᑦᑐᑦ ᑕᒫᓂ ᐱᑕᖃᕈᒫᖏᒻᒪᑕ, ᐱᐅᓕᔭᐅᓯᒪᔪᓪᓕ ᑕᒪᐅᓇ ᐃᖏᕐᕋᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 65:25

ᐊᒪᕈᖅ ᓰᐱᐅᓪᓗ ᓄᕐᕋᖓ ᓂᕆᓇᓱᖃᑎᒌᒍᒫᕐᐴᒃ, ᓛᔭᓗ ᐃᕕᒃᓱᒐᕐᓂᒃ ᓂᕿᖃᕈᒫᕐᐳᖅ ᐃᒻᒧᒃᓯᐅᒐᕐᑎᑐᑦ; ᖁᒡᓗᒋᐊᓪᓕ ᓄᓇᐅᑉ ᐳᔪᕋᖓᓂᒃ ᓂᕆᔭᒃᓴᖃᕈᒫᕐᐳᑦ, ᐋᓐᓂᖃᑦᑕᐅᑎᔪᒫᓐᖏᓚᑦ ᑐᖁᕋᐅᑎᓇᑎᒡᓗ ᐃᓘᓐᓇᑎᒃ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ.” ᐊᑕᓂᖅ ᑍᒪᒃ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 34:25

ᐊᖏᖃᑎᒌᒍᑎᓕᐅᕈᒫᕐᐳᖓ ᐸᒡᕕᓴᒃᑕᐅᓇᖏᑦᑐᒥᒃ ᐃᓅᓯᖃᕈᑎᒋᓛᕐᑕᖓᓐᓂᒃ, ᐆᒪᔪᓪᓗ ᐃᕐᓯᓇᕐᑐᑦ ᓄᓇᒥᑦ ᐲᔭᕈᒫᕐᐸᒃᑲ, ᓰᐱᖁᑎᒃᑲ ᐃᓱᒫᓗᒋᔭᖃᖏᓪᓗᑎᒃ ᐃᓄᖃᖏᑦᑐᒦᖃᑦᑕᓛᕐᒪᑕ ᓯᓂᖃᑦᑕᕐᓗᑎᒡᓗ ᓇᐹᕐᑐᓕᖕᓂ.

ᕼᐆᓯᐊᑉ ᐊᒡᓚᖏᑦ 2:18

“ᑕᕝᕙᓂᓗ ᐊᖏᖃᑎᒌᖕᓂᖃᕐᑎᑦᓯᔪᒫᕐᐳᖓ ᐃᓕᑦᓯᓐᓂᒃ ᐃᕐᓯᓇᕐᑐᑦ ᐆᒪᔪᓕᒫᑦ ᓇᑎᕐᓇᒦᑦᑐᑦ, ᑎᖕᒥᐊᓪᓗ ᖃᖓᑕᕙᒃᑐᑦ, ᓄᓇᒥᓗ ᐹᕐᖑᕐᐸᒃᑐᑦ ᐃᓚᒋᓗᒋᑦ; ᐅᓇᑕᐅᑏᓪᓗ ᐲᕐᑎᑦᓱᒫᕐᐸᒃᑲ ᓄᓇᒥᑦ, ᐱᑎᒃᓰᑦ, ᓴᕕᒡᔪᐊᓪᓗ, ᐃᓱᒫᓗᓇᖏᑦᑐᒥ ᑲᑉᐱᐊᓇᖏᑦᑐᒥᓗ ᐃᓂᖃᖁᓪᓗᒋᑦ.