14 ᑖᕐᑐᒥ ᑲᑎᖃᑦᑕᕐᐳᑦ ᐅᓪᓘᑎᓪᓗᒍ, ᐅᓪᓗᓪᓗᐊᖑᑎᓪᓗᒍᓗ ᑲᑎᕙᒃᓱᑎᒃ ᐅᓐᓄᐊᕐᓯᐅᕐᑐᑎᑐᑦ.
ᑖᕐᑐᒥ ᑲᑎᓐᖓᓪᓗᑎᒃ ᖃᐅᒪᖃᖏᑦᑐᒦᑉᐳᑦ; ᑕᕝᕙᓂᓗ ᐅᕐᕈᔮᕐᑎᑉᐰᑦ ᐋᖓᔮᕐᑐᑎᑐᑦ.”
ᑖᕐᑐᕐᔪᐊᒥᑦ ᐊᓂᔪᓐᓇᕐᓂᐊᓐᖏᓚᖅ, ᓇᐹᕐᑐᑎᑐᑦ ᐊᕙᓚᖓᔪᖏᑦ ᐃᑯᐊᓪᓚᒃᓯᒪᔪᑎᑐᑦ ᑍᒤᑉᐳᖅ, ᐱᕈᕐᑐᖏᓪᓗ ᐊᓄᕆᒧᑦ ᑎᒃᑕᐅᔪᒫᕐᐳᑦ.
ᖃᐅᒪᔪᒥᑦ ᑖᕐᑐᒧᐊᕐᑎᑕᐅᕗᖅ, ᓄᓇᕐᔪᐊᕐᒥᓗ ᐃᓅᔪᓂᑦ ᐊᓂᑎᑕᐅᕗᖅ.
ᑕᕝᕙ ᑖᕐᑐᕐᔪᐊᕐᒧᑦ ᑲᑎᕐᓱᓚᐅᕐᑕᖏᑦ ᐅᓕᒃᑕᐅᕗᑦ; ᐃᑯᒪᒧᑦ ᐃᑭᑎᑕᐅᖏᑦᑐᒧᑦ ᓄᖑᑕᐅᔪᒫᕐᐳᖅ; ᐊᒥᐊᒃᑯᓕᒫᓪᓗ ᐃᒡᓗᖓᓃᑦᑐᑦ ᓄᖑᑕᐅᔪᒪᕐᐳᑦ.
ᑖᕐᓯᐅᓕᕐᓯᒪᒐᕕᑦ, ᑕᑯᔪᓐᓁᓪᓕᓯᒪᕗᑎᑦ, ᐅᓗᑦᔭᐅᓂᕐᒧᓪᓗ ᐅᓕᒃᑕᐅᓯᒪᓕᕐᓗᑎᑦ.
ᐃᓄᒃᑕᖃᕆᕗᖅ ᖃᐅᒪᔪᒥᒃ ᐊᑭᕋᕐᑐᕐᑐᓂᒃ, ᐃᓅᓯᕆᔭᐅᖁᔭᐅᔪᒥᒡᓗ ᖃᐅᔨᒪᖏᑦᑐᓂᒃ, ᐊᖅᑯᑎᐅᖁᔭᐅᔪᒦᖏᑦᑐᓂᒡᓗ.
ᐅᓪᓘᑉ ᖃᐅᒪᓂᖓ ᖃᐅᒪᓗᐊᕐᒪᑦ ᐱᐅᖏᑦᑐᓕᔪᓄᑦ, ᖁᒻᒧᓪᓗ ᑕᓕᕐᒥᖕᓂᒃ ᐃᓴᐅᑦᔨᔪᑦ ᑕᓕᖏᑦ ᓯᖁᒥᑕᐅᓪᓗᑎᒃ.
ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᑕᓖᑦ ᐃᓵᓚᐅᕈᒃ ᕿᓚᖕᒧᑦ ᐄᑦᔨᑉᑎᒧᑦ ᑖᕐᑐᕐᔪᐊᖅ ᑎᑭᖁᓪᓗᒍ, ᐃᓄᖏᓐᓄᓪᓗ ᑖᕐᑐᕐᔪᐊᑉ ᑖᕐᑑᓂᖓ ᐃᒃᐱᒋᔭᐅᔪᓐᓇᖁᓪᓗᒍ.”
ᑕᕝᕙ ᒨᓯᓯᐅᑉ ᑕᓕᓂ ᐃᓵᒃᐹ ᕿᓚᖕᒧᑦ, ᑕᕝᕙ ᑖᕐᑐᕐᔪᐊᖅ ᑭᓪᓚᖃᖏᑦᑐᑎᑐᑦ ᑍᒤᑦᑐᖅ ᑎᑭᐅᑎᕗᖅ ᐄᑦᔨᑉᑎᓕᒫᒧᑦ ᑖᕐᑑᓕᕐᓗᓂᓗ ᐅᓪᓗᓂᒃ ᐱᖓᓱᓂᒃ.
ᐱᐅᖏᑦᑐᓕᔪᓪᓕ ᐊᑐᕐᑕᖓᑦ ᐃᑎᔪᐊᓗᖕᒥᒃ ᑖᕐᑐᐊᓗᒃᑎᑐᑦ ᑍᒤᑉᐳᖅ, ᖃᐅᔨᒪᔪᓐᓇᓐᖏᓚᓪᓗ ᓱᓇᒧᑦ ᐹᓪᓚᖃᑦᑕᕐᒪᖔᕐᒥᒃ.
ᑕᐅᑐᖏᑦᑐᑎᑐᑦ ᐃᒡᓘᑉ ᐊᑭᓐᓇᖓᓂᒃ ᑕᑦᓯᑲᓗᒃᐳᒍᑦ, ᐊᑐᕐᓂᐊᕐᑕᕗᑦ ᑕᑦᓯᑲᒡᓗᒍ ᐃᔨᖃᖏᑦᑐᑎᑐᑦ, ᐅᓪᓗᓪᓗᐊᒃᑯᑦ ᑐᑦᔭᐱᖃᑦᑕᕐᐳᒍᑦ ᑖᕐᓯᑦᔪᑦᔭᐅᔪᑎᑐᑦ; ᐱᔪᓐᓇᑦᓯᐊᕐᑐᑦ ᐊᑯᓐᓂᖓᓐᓂ ᑐᖁᖓᔪᑎᑐᑦ ᑍᒤᑉᐳᒍᑦ.
ᐊᑕᓂᖅ ᒎᑎ ᐅᖃᕐᐳᖅ, “ᐃᒤᑦᓱᒫᕐᐳᖅ ᐅᓪᓗᒥ ᑍᑲᓂ, ᓯᕿᓂᖅ ᓂᐱᑎᑦᓱᒫᕐᐸᕋ ᐅᓪᓘᑉ ᕿᑎᖓᓂ, ᓄᓇᕐᔪᐊᕐᓗ ᑖᕐᓯᑎᑦᓱᒫᕐᐸᕋ ᐅᓪᓘᑎᓪᓗᒍ.
ᑕᑦᓯᑲᒍᒫᕐᐳᓯ ᐅᓪᓗᒃᑯᑦ ᖃᐅᒪᑎᓪᓗᒍ ᑕᐅᑐᖏᑦᑐᑎᑐᑦ, ᓇᒧᓐᖓᐅᔭᕆᐊᒃᓴᕐᓗ ᖃᐅᔨᔪᓐᓇᕈᒫᓐᖏᓚᓯ; ᐱᓇᓱᐊᕋᓱᒃᑕᓕᒫᓯ ᐱᔪᓐᓇᕈᒫᓐᖏᓚᓯ ᑍᒪᓐᖓᑦ ᐅᖁᒤᒃᓴᕐᑎᑕᐅᔪᒫᕐᐳᓯ ᑎᒡᓕᒐᕐᕕᐅᖃᑦᑕᕐᓗᓯ, ᓇᓪᓕᐊᓐᓂᒡᓘᓐᓃᑦ ᐃᑲᔪᕐᑎᒃᓴᖃᕈᒫᓐᖏᓚᓯ.