ᔫᐱᐅᑉ ᐊᒡᓚᖏᑦ 42:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᖃᑕᓐᖑᑎᓕᒫᖏᓪᓗ, ᓇᔭᓕᒫᖏᓪᓗ, ᖃᐅᔨᒪᓚᐅᕐᑕᓕᒫᖏᓪᓗ ᔫᐱᒧᑦ ᐳᓛᕆᐊᓚᐅᕐᐳᑦ ᓂᕆᖃᑎᒋᓪᓗᒍᓗ ᐊᖏᕐᕋᖓᓂ; ᓇᒡᓕᒍᓱᖕᓂᕐᒥᖕᓂᒃ ᐃᓚᑦᓱᒍᓱᖕᓂᕐᒥᓂᒡᓗ ᓇᓗᓁᕐᓯᓚᐅᕐᐳᑦ ᓮᒻᒪᕐᓴᕐᓗᒍᓗ ᐊᑕᓂᐅᑉ ᐅᖁᒤᑦᑐᓕᒫᓂᒃ ᑎᑭᑕᐅᑎᑦᓯᓯᒪᓂᕆᓚᐅᕐᑕᖏᓐᓂᒃ ᑖᑦᓱᒧᖓ; ᐊᑐᓂᓪᓗ ᑮᓇᐅᔭᒥᖕᓂᒃ ᑐᓂᓯᓚᐅᕐᐳᑦ ᒎᓗᓂᒡᓗ ᓇᒡᒍᐊᕐᒥᖕᓂᒃ ᑐᓂᓯᕕᒋᓪᓗᒍ.

ᔫᐱᐅᑉ ᐊᒡᓚᖏᑦ 42:11 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 2:11

ᔫᐱᐅᑉ ᐱᖃᓐᓇᕆᔭᖏᑦ ᐱᖓᓱᑦ ᐃᓕᐹᓯ ᑎᒪᓁᑎᒥᐅᑕᖅ, ᐱᐅᓪᑖᓗ ᓲᕼᐂᑎᒥᐅᑕᖅ, ᔪᐸᕆᓗ ᓁᒪᑍᑎᒥᐅᑕᖅ. ᑐᓴᕋᒥᒃ ᔫᐱᐅᑉ ᐊᖏᔪᒥᒃ ᐋᓐᓂᐊᓂᖓᓂᒃ ᑕᑯᔭᕐᑐᕐᐳᑦ ᓮᒻᒪᕐᓮᔪᒪᓪᓗᑎᒃ ᑖᑦᓱᒥᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:7

ᐃᓅᑉ ᐃᓕᖅᑯᓯᕐᒥᒍᑦ ᐊᑕᓂᖅ ᖁᕕᐊᓱᒃᑎᑉᐸᒍ, ᐊᑭᕋᖏᓐᓄᑦ ᐊᒡᓛᑦ ᐊᑕᓂᐅᑉ ᐱᑦᓯᐊᕐᑕᐅᑎᑦᓱᓐᓇᕐᐹ.

ᒨᓯᓯ ᓯᕗᓪᓖᑦ 24:22

ᑳᒥᓖᓪᓕ ᐃᒥᕇᕐᒪᑕ, ᐊᖑᑦ ᑎᒍᓯᕗᖅ ᒎᓗᒥᒃ ᓴᓪᑰᑉ ᐊᕝᕙᖓᓂᒃ ᐅᖁᒤᓐᓂᖃᕐᑐᒥᒃ ᕿᖓᕐᒥᐅᑕᕐᒥᒃ, ᒪᕐᕉᖕᓂᒡᓗ ᐊᒡᒐᐅᒻᒥᐅᑕᒃᓴᖏᖕᓂᒃ ᒎᓗᓂᒃ ᐅᖁᒤᓐᓂᖃᕐᑐᓂᒃ ᖁᓕᓂᒃ ᓴᓪᑯᓂᒃ.

ᐄᑉᕈᐃᓄᑦ 12:12

ᑍᒤᒻᒪᑦ ᐊᒡᒐᓯ ᓄᑮᕈᑎᓯᒪᔪᑦ ᖁᒻᒧᐊᒃᑎᓕᕐᓯᒋᒃ ᓰᖅᑯᓯᓗ ᓴᓐᖐᓕᓯᒪᔪᑦ ᓴᓐᖏᒃᑎᓴᓕᕐᓯᒋᒃ,

ᐄᑉᕈᐃᓄᑦ 13:3

ᑎᒍᔭᐅᒪᔪᑦ ᐃᖅᑲᐅᒪᓯᒋᒃ, ᑎᒍᔭᐅᓯᒪᖃᑎᒋᔭᑦᓯᑐᑦ ᐱᓗᒋᑦ; ᐱᑦᓯᐊᕐᑕᐅᖃᑦᑕᖏᑦᑐᓪᓗ, ᐃᖅᑲᐅᒪᓯᒋᒃ ᑎᒥᒥᑦᑕᐅᖅ ᐃᓅᖕᒥᒐᑦᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:26

ᑎᒥᐅᑉ ᑭᓱᑯᑦᑎᖓ ᐋᓐᓂᐊᓕᕐᐸᑦ, ᑕᕝᕙ ᑎᒥᓕᒫᖅ ᐋᓐᓂᐊᖃᑕᐅᓕᕐᐳᖅ; ᑎᒥᐅᓪᓗ ᑭᓱᑯᑦᑎᖓ ᓂᕐᑐᕐᓇᕐᑎᑕᐅᒃᐸᑦ, ᑕᕝᕙ ᑎᒥᐅᑉ ᑭᓱᑯᑦᑎᓕᒫᖏᑦ ᖁᕕᐊᓱᒃᑎᑕᐅᓕᕐᐳᑦ.

ᕉᒪᒥᐅᓄᑦ 12:15

ᖁᕕᐊᓱᒃᑐᑦ ᖁᕕᐊᓱᖃᑎᒋᓯᒋᒃ, ᕿᐊᔪᓪᓗ ᕿᐊᖃᑎᒋᓗᒋᑦ.

ᔫᐱᐅᑉ ᐊᒡᓚᖏᑦ 16:5

ᖃᓂᑐᐃᓐᓇᓐᓄᑦ ᐱᕙᓪᓕᕐᑎᒐᓱᐊᕈᓐᓇᕋᔭᕆᕙᑦᓯ, ᐅᖃᓪᓚᒡᕕᒋᓗᓯ ᓮᒻᒪᕐᓴᕋᓱᐊᕈᓐᓇᕋᔭᕆᕙᑦᓯ.

ᔫᐱᐅᑉ ᐊᒡᓚᖏᑦ 4:4

ᐹᓪᓚᒃᑐᖃᕌᖓᑦ ᐅᖃᐅᓯᒃᑯᑦ ᓂᑯᕕᑎᑦᓯᖃᑦᑕᕐᓯᒪᕗᑎᑦ, ᓴᓐᖐᓕᓯᒪᔪᓂᒡᓗ ᒪᑭᑎᑦᓯᖃᑦᑕᕐᓯᒪᓪᓗᑎᑦ.

ᓴᒧᐃᓕ ᓯᕗᓪᓖᑦ 10:27

ᐃᓚᖏᓪᓕ ᐊᑭᕋᕐᑐᕐᑐᑦ ᐅᖃᕐᐳᑦ, “ᖃᓅᖅ ᑖᑦᓱᒧᖓ ᐱᐅᓕᔭᐅᔪᓐᓇᕋᑦᑕ?” ᑕᕝᕙ ᑖᑦᓱᒥᖓ ᓇᕐᕈᓕᕐᐳᑦ, ᐂᑦᑐᕐᓇᒍᓗ ᐱᑖᒃᓴᖏᓐᓂᒃ. ᓴᐅᓕᓕ ᓮᒪᓂᖃᑦᓯᐊᓚᕐᐳᖅ.

ᔮᓱᐊᑉ ᐊᒡᓚᖏᑦ 24:32

ᔫᓯᐱᐅᑉ ᓴᐅᓂᖏᑦ ᐃᓴᕆᐊᓕᒥᐅᑉ ᐃᓄᖏᑕ ᐊᐅᓪᓚᐅᑎᓚᐅᕐᑕᖏᑦ ᐄᑦᔨᑉᑎᒥᑦ ᐃᓗᕕᕐᑕᐅᓚᐅᕐᐳᑦ ᓯᑭᒻᒥ, ᓄᓇᐅᑉ ᐃᓚᖓᓂ ᔧᑰᑉ ᓂᐅᕕᐊᕆᓚᐅᕐᑕᖓᓂ ᕼᐊᒧᕆᐅᑉ ᐃᕐᓂᖏᓐᓂᑦ ᓯᑭᒻᒥᐅᑉ ᐊᑖᑕᖓᓂᑦ, ᑕᕝᕗᖓ ᐊᑭᖃᓚᐅᕐᑐᒧᑦ 100ᓂᒃ ᓯᐅᓪᕕᕆᓂᒃ, ᑕᒪᓐᓇ ᓄᓇ ᐱᒋᔭᐅᓕᓚᐅᕐᒪᑦ ᔫᓯᐱᐅᑉ ᑭᖑᕚᖏᓐᓄᑦ.

ᒨᓯᓯ ᓯᕗᓪᓖᑦ 37:35

ᐃᕐᓂᖏᑕᓕ ᐸᓂᖏᑕᓗ ᑕᒪᕐᒥᒃ ᓮᒻᒪᕐᓴᕋᓱᐊᕋᓗᐊᕐᐹᑦ; ᓮᒻᒪᕐᓴᕐᑕᐅᔪᒪᓐᖏᓚᕐᓕ, ᐅᖃᕐᓗᓂᓗ, “ᕿᒃᓵᒻᒪᕆᒡᓗᖓ ᑐᖁᖓᔪᑦ ᐃᓂᖓᓄᐊᖔᕈᒪᓕᕐᐳᖓ ᐃᕐᓂᕋ ᐅᐸᒡᓗᒍ.” ᑕᕝᕙ ᐊᑖᑕᖓᑕ ᑍᒫᒃ ᕿᒃᓴᕕᒡᔪᐊᕈᑎᒋᓚᐅᕐᐹ.

ᒨᓯᓯ ᓯᕗᓪᓖᑦ 24:53

ᓇᒃᓴᕐᓯᒪᔭᒥᓂᒃ ᐲᔧᓕᕐᐳᖅ ᓯᐅᓪᕕᕆᓂᒃ ᒎᓗᓂᒡᓗ ᓴᓇᓯᒪᔪᓂᒃ, ᐊᓐᓄᕌᓂᒡᓗ, ᕇᐱᑲᒧᓪᓗ ᑐᓂᓪᓗᒋᑦ; ᐊᓂᖓᓄᑦᑕᐅᖅ ᐊᓈᓇᖓᓄᓪᓗ ᑐᓂᓯᕗᖅ ᐊᑭᑐᔪᒃᓴᔭᓂᒃ.

ᔪᐊᓇᓯᐅᑉ ᐊᒡᓚᖏᑦ 11:19

ᔫᑎᓪᓗ ᐊᒥᓱᑦ ᐅᐸᒍᑎᓯᒪᓚᐅᕐᐳᑦ ᒫᑕᒥᒃ ᒥᐊᕆᒥᒡᓗ ᐃᑲᔪᕐᓯᕆᐊᕐᑐᕈᒪᓪᓗᑎᒃ ᐊᓂᖓᑦᑕ ᐃᓅᔪᓐᓃᕐᓂᖓ ᐱᑦᔪᑎᒋᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:20

ᐊᒃᓗᔪᑦ ᐱᐅᒋᔭᐅᕙᓐᖏᓚᑦ ᓯᓚᖅᑲᑎᒥᖕᓄᑦ, ᐊᒃᓗᐃᑦᑐᕐᓕ ᐅᓄᕐᑐᓂᒃ ᐃᓚᓐᓈᖃᕐᐳᖅ.