ᔫᐱᐅᑉ ᐊᒡᓚᖏᑦ 41:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑍᒤᒻᒪᑦ ᑭᓇᓘᓐᓃᑦ ᑍᒤᑦᑐᒥᒃ ᐸᒡᕕᓴᒍᒪᓐᖏᓚᖅ. ᓇᓪᓕᐊᓪᓕ ᓇᖏᕈᓐᓇᕐᐹ ᑖᑦᓱᒪ ᓵᖓᓂ?

ᔫᐱᐅᑉ ᐊᒡᓚᖏᑦ 41:10 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 49:9

ᔫᑕ ᓛᔭᐅᑉ ᕿᑐᕐᖓᖏᑎᑐᑦ ᑍᒤᑉᐳᖅ; ᓂᕆᔭᒃᓴᕐᓂᒃ ᑐᖁᑦᓯᓚᐅᕐᓗᑎᑦ, ᐃᕐᓃᒃ ᐊᖏᔪᕈᕐᐳᑎᑦ, ᓛᔭᐅᑉ ᐊᕐᓇᓪᓗᖓᑐᑦ; ᑭᓇᒧᓪᓘᓐᓃᑦ ᑐᐹᕐᑕᐅᓂᐊᓐᖏᓚᑎᑦ.

ᔫᐱᐅᑉ ᐊᒡᓚᖏᑦ 3:8

ᐱᔪᓐᓇᐅᑎᓖᑦ ᐅᓪᓗᒥᒃ ᑍᑦᓱᒥᖓ ᐅᖃᕐᓂᕐᓘᑦᔨᓕᕐᓕᑦ, ᑖᒃᑯᐊ ᐆᒪᔪᐊᓗᖕᒥᒃ ᓕᕔᐊᑕᓂᒥᒃ ᑐᐸᒃᑎᑦᓯᔪᓐᓇᕐᑐᑦ.

ᔫᐱᐅᑉ ᐊᒡᓚᖏᑦ 3:9

ᐅᓪᓗᕆᐊᖅ ᖃᐅᓯᐅᑦ ᑕᕝᕗᖓ ᑕᕐᕆᑎᒍᒃ; ᖃᐅᓂᐊᕐᑐᒥᒃ ᓂᕆᐅᖕᓂᖅ, ᑕᒪᐅᖎᓐᓈᕐᓕ, ᖃᐅᕙᓪᓕᐊᔫᑉ ᐊᐅᐸᕐᓂᖓᑕ ᖃᓪᓗᖏᑦ ᑕᑯᒃᓴᐅᔪᓐᓃᕐᓕᑦ.

ᔫᐱᐅᑉ ᐊᒡᓚᖏᑦ 40:9

ᒎᑎᑐᑦ ᓲᖑᓂᖃᕐᑎᒋᕖᑦ? ᓂᐱᖅᑯᕐᑐᔪᓐᓇᕐᐲᑦ ᑖᑦᓱᑐᓇᖅ ᑲᓪᓕᕐᕙᓗᒃᑐᑎᑐᑦ?

ᔫᐱᐅᑉ ᐊᒡᓚᖏᑦ 41:9

ᑕᑯᒋᑦ, ᑍᒤᑦᑐᒥᒃ ᑕᑯᔪᖅ ᓴᐱᓕᑲᐅᑎᒋᓲᖑᕗᖅ; ᐊᒡᓛᑦ ᑕᑯᑐᐃᓐᓇᕐᑐᖅ ᓄᓇᒧᑦ ᐹᒻᒪᒍᒪᓕᕈᓐᓇᕐᐳᖅ.

ᔫᐱᐅᑉ ᐊᒡᓚᖏᑦ 9:4

ᒎᑎ ᓯᓚᑐᔪᕐᔪᐊᖑᖕᒪᑦ ᐊᔪᖏᑦᑐᕐᔪᐊᖑᓪᓗᓂᓗ ᓇᓪᓕᐊᓐᓄᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 12:5

ᐃᓄᖕᓂᒃ ᐅᓪᓚᐅᑎᖃᑎᖃᕐᓗᑎᑦ ᑕᖃᔨᐊᕆᔭᐅᒍᕕᑦ, ᖃᓄᕐᓕ ᕿᒻᒥᕐᔪᐊᓂᒃ ᓱᒃᑲᓕᐅᑎᖃᑎᖃᕈᓐᓇᕋᔭᕐᐲᑦ? ᓄᓇᒥ ᐊᑦᑕᕐᓇᕐᑐᖃᖏᑦᑐᒥ ᐹᓪᓚᖃᑦᑕᕈᕕᑦ ᔪᐊᕐᑕᓂᐅᑉ ᓇᐹᕐᑐᖃᕐᓂᖓᓃᓕᕈᕕᑦ ᖃᓄᕐᓕ ᐱᒐᔭᕐᐲᑦ?

ᔨᕆᒤᐊᐅᑉ ᐊᒡᓚᖏᑦ 49:19

ᑕᑯᒋᑦ, ᐃᒤᑦᓱᒫᕐᐳᖅ ᓛᔭᑎᑐᑦ ᓇᐹᕐᑐᐃᑦ ᐃᒻᒧᐊᓂ ᓴᖅᑭᑳᓪᓚᒃᑐᑎᑐᑦ ᓇᑎᕐᓇᒧᑦ ᔪᐊᕐᑕᓂᐅᑉ ᑰᖓᓄᑦ, ᑍᒫᒃᑕᐅᖅ ᐄᑐᒥᒥᐅᑦ ᐊᖑᔪᒫᕐᐸᒃᑲ ᓄᓇᖓᓐᓂ ᑕᕝᕔᓐᓇᖅ, ᓇᓪᓕᐊᓐᓂᒃ ᑍᒤᓕᐅᕐᑐᒃᓴᒥᒃ ᓂᕈᐊᕈᓐᓇᕐᐳᖔ, ᑭᓇ ᐅᕙᑦᑐᑦ ᑍᒤᑉᐹ? ᐊᑭᓕᖃᕈᓐᓇᕐᑐᖅ ᐅᕙᓐᓂᒃ? ᓰᐱᓕᕆᔨᑕᖃᕐᐹ ᐅᕙᓐᓂᒃ ᐊᑭᕋᕐᑐᕈᓐᓇᕐᑐᒥᒃ?

ᔨᕆᒤᐊᐅᑉ ᐊᒡᓚᖏᑦ 50:44

“ᑕᑯᒋᑦ, ᓛᔭᑎᑐᑦ ᑕᕐᕆᓯᒪᕕᖕᒥᖕᓂᑦ ᔪᐊᕐᑕᓂᐅᑉ ᓯᓈᓂᑦ ᓴᖅᑭᑳᓪᓚᒃᑐᑎᑐᑦ ᓇᑎᕐᓇᔪᖕᒧᑦ ᐃᕕᒃᓱᒐᖃᕐᑐᒧᑦ, ᐹᐱᓘᓂᒥᐅᑦ ᐊᖑᑦᓴᐅᑎᒋᔪᒫᕐᐸᒃᑲ ᕿᒫᑎᓪᓗᒋᑦ ᓄᓇᒥᖕᓂᑦ, ᑭᓇᒥᒃ ᑎᓕᔭᒃᓴᖃᕐᐳᖔ ᑍᒤᓕᐅᕈᓐᓇᕐᑐᒥᒃ? ᑭᓇ ᐅᕙᑦᑐᑦ ᑍᒤᑉᐹ, ᐅᕙᓐᓂᒃ ᐊᑭᓕᖃᕈᓐᓇᕐᑐᖅ? ᓰᐱᓕᕆᔨᑕᖃᕐᐹ ᐅᕙᓐᓂᒃ ᓴᐱᓯᓯᒪᔪᓐᓇᕐᑐᒦᒃ?

ᒨᓯᓯ ᓯᑕᒪᖏᑦ 24:9

ᐅᑯᕗᖅ, ᐃᓂᓪᓚᒡᓗᓂᓗ ᓛᔭᑎᑐᑦ; ᓛᔭᑎᑐᑦ, ᑭᐊ ᑐᐹᕈᒪᕚ? ᓮᒻᒪᕐᑎᑕᐅᓕ ᐃᓕᖕᓂᒃ ᓮᒻᒪᕐᑎᑦᓯᔪᖅ, ᐱᐅᖏᑦᑐᒧᑦ ᐱᔭᐅᓕ ᐃᓕᖕᓂᒃ ᐱᐅᖏᑦᑐᒧᑦ ᐱᔭᐅᖁᔨᔪᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:22

ᐊᑕᓂᕐᒥᒃ ᓂᓐᖓᒃᑎᑦᓯᓇᓱᐊᕐᐱᑖ? ᑖᑦᓱᒪᖓᑦ ᐱᔪᓐᓇᕐᓂᕐᓴᐅᕕᑖ?