21 ᐱᓯᒪᔭᓕᒫᑦᓯᐊᖏᓪᓗ ᓄᖑᑕᐅᖃᑕᐅᕗᑦ; ᑐᖁᕗᑦ, ᓱᓕ ᓯᓚᑐᓂᕐᒥᒃ ᐱᓚᐅᕋᑎᒃ.’”
ᑕᕝᕙ ᒎᑎᖃᖏᑦᑑᑉ ᐊᖏᕐᕋᖓᓂ ᑍᒤᑦᑑᕗᖅ, ᑍᒤᑦᑐᐃᓐᓇᐅᕗᑦ ᑕᕝᕙ ᒎᑎᒥᒃ ᖃᐅᔨᓯᒪᖏᑦᑐᑦ.”
ᐃᓄᑐᖃᐅᓂᕐᒧᑦ ᐃᓄᒃ ᓯᓚᑐᔪᕈᕐᑎᑕᐅᕙᓐᖏᓚᖅ, ᐊᖓᔪᒃᓯᐅᓂᕐᒥᓄᓪᓗ ᑐᑭᓯᑎᑕᐅᕙᓐᖏᓚᖅ ᓱᓇ ᓇᓚᐅᑦᓯᖕᒪᖔᑦ.
ᓈᓚᖏᑉᐸᑕᓕ, ᑕᕝᕙ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᑐᖁᒐᔭᕐᐳᓪᓗ ᖃᐅᔨᒪᖏᓐᓂᕐᒧᑦ.
ᐃᓕᑦᓯᓐᓂᒃ ᐆᒥᓱᒃᑐᑦ ᑲᓐᖑᓱᖕᓂᕐᒥᒃ ᐊᓐᓄᕌᕐᑎᑦᓱᒫᕐᐰᑦ, ᐱᐅᖏᑦᑐᓕᔪᓪᓗ ᐊᖏᕐᕋᖏᑦ ᓄᖑᑦᓱᒫᕐᐰᑦ ᐊᓯᐅᑎᓪᓗᒋᑦ.”
ᓱᐊᒃᑲᕕᒋᑦ ᐋᖅᑭᒋᐊᕐᓗᒋᓪᓗ ᐃᓄᐃᑦ ᐊᔪᕐᓂᖏᑦ ᐱᓪᓗᒋᑦ, ᐱᐅᒋᔭᖏᓪᓗ ᐊᐅᒃᑎᑉᐸᑎᑦ ᐅᖁᒃᑎᑐᑦ; ᓱᓕᔪᒥᒃ ᐃᓄᐃᑦ ᐳᔪᑐᐃᓐᓇᐅᕗᑦ. ᓰᓚ
ᐅᓪᓗᒃᑲ ᐊᒡᒐᐅᑉ ᐃᓵᒃᑕᖓᑐᑦ ᑕᑭᑎᒋᕗᑦ! ᐊᕐᕌᒍᐃᓪᓗ ᐃᓅᓂᐊᕐᑕᒃᑲ ᓱᓇᐅᓐᖏᓚᑦ ᓵᖕᓂ; ᐊᕐᕌᒍᒃᑲᓗ ᓱᓇᐅᓐᖏᓚᑦ ᐃᓕᖕᓄᑦ ᐃᓄᐃᓪᓗ ᐃᓅᓯᕐᒥ ᐊᔪᖏᓐᓂᖓᑦ ᐳᔪᑐᐃᓐᓇᐅᕗᖅ! ᓰᓚ
ᓰᐱᑎᑐᑦ ᑐᖁᖓᔪᑦ ᐃᓂᖓᓂ ᐃᓂᒃᓴᖃᕐᐳᑦ; ᑐᖂᑉ ᓂᕿᒋᔪᒫᕐᐰᑦ; ᓱᓕᑦᓯᐊᕐᑐᓪᓕ ᐊᖓᔪᖅᑳᖑᔪᒫᕐᐳᑦ ᑖᒃᑯᓄᖓ ᐅᓪᓛᒥ; ᐃᓂᖁᓇᕐᓂᖏᑦ ᓱᕈᕈᒫᕐᐳᑦ ᐃᓗᕕᕐᒥ, ᐊᔪᖏᓐᓂᕆᓚᐅᕐᑕᑎᒃ ᐅᖓᓯᒋᓕᕐᓗᒋᑦ.
ᐃᓄᒃ ᐅᐱᒋᔭᐅᔪᖅ, ᓱᓕ ᖃᐅᔨᓐᖏᓚᖅ, ᓂᕐᔪᑎᑦ ᐊᑦᔨᒋᕔᑦ ᑐᖁᕙᒃᑐᑦ.
ᐊᔪᕆᕐᑐᕐᑕᐅᓯᒪᖏᓐᓂᕐᒧᑦ ᑐᖁᒧᑦ ᑎᑭᓚᕿᕗᖅ, ᓯᓔᑦᑑᓗᐊᕐᓂᖓᑕᓗ ᓇᖕᒥᓂᖅ ᑐᖁᑎᑉᐹ.
“ᐃᓕᖕᓂᒃ ᑕᑯᔪᑦ ᑕᑯᓐᓈᕈᒫᕐᐹᑎᑦ, ᐃᓱᒪᒋᓗᑎᓪᓗ, ‘ᑖᓐᓇ ᑕᕝᕚ ᓄᓇᕐᔪᐊᕐᒥᒃ ᓴᔪᒃᐱᓗᒃᑎᑦᓯᕙᓚᐅᕐᑐᖅ, ᐊᖓᔪᖅᑲᐅᕕᒡᔪᐊᓂᒡᓗ ᑲᑉᐱᐊᓱᒃᑎᑦᓯᓂᕐᒧᑦ ᓴᔪᒃᑎᑦᓯᕙᓚᐅᕐᑐᖅ,
ᐃᓄᒃ ᐊᓚᕐᓯᐅᒃ ᓱᕐᓗᖕᒥᒍᑦ ᐊᓂᕐᓵᕐᑐᕐᐸᒃᑐᖅ, ᓱᓇᒦᒃ ᐊᑑᑎᒃᓴᖃᕐᒪᑦ?
ᒎᑎᐅᓪᓕ ᐅᖃᐅᑎᕚ, ‘ᓯᓔᑦᑐᑎᑦ! ᒫᓐᓇ ᐅᓐᓄᒃ ᐃᓅᔪᓐᓃᕐᓂᐊᕐᐳᑎᑦ; ᑭᐊᓕ ᑍᒪ ᑲᑎᕐᓱᓚᐅᕐᑕᑎᑦ ᐱᓂᐊᓕᕐᐰᑦ?’
ᓯᕿᓂᖅ ᓴᖅᑭᒻᒪᑦ ᑭᐊᒃᐸᓗᒻᒪᕆᒡᓗᓂ ᐱᕈᕐᑐᑦ ᐆᑕᐅᕗᑦ; ᓄᓇᕋᖏᓪᓗ ᓄᕗᖏᓐᓃᑦᑐᑦ ᑲᑕᒐᕐᐳᑦ, ᑕᑯᒥᓇᕐᓂᖏᓪᓗ ᓄᖑᑕᐅᕗᑦ. ᑍᒫᒃᑕᐅᖅ ᐃᓄᒃ ᐊᔪᕐᓴᓐᖏᑦᑐᖅ ᐱᓇᓱᐊᒐᕐᒥᓂᒃ ᐱᓇᓱᐊᕐᑎᓪᓗᒍ ᑐᖁᓕᔪᒫᕆᕗᖅ.