ᔫᐱᐅᑉ ᐊᒡᓚᖏᑦ 4:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑕᑯᑎᑦᔪᑎᒥᒃ ᕿᒥᕐᕈᐊᓚᐅᕐᐳᖓ ᐅᓐᓄᐊᒥ, ᐅᖁᒪᖏᐅᖅᑲᔪᑎᑐᑦ ᓯᓂᖕᓂᕋ ᑎᑭᑕᐅᓚᐅᕐᐳᖅ.

ᔫᐱᐅᑉ ᐊᒡᓚᖏᑦ 4:13 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 15:12

ᓯᕿᓂᕐᓕ ᐊᒃᐸᓕᕐᒪᑦ, ᐂᑉᕋᒻ ᐃᑎᔪᒥᒃ ᓯᓂᓕᕐᐳᖅ; ᑕᑯᒋᓪᓗ, ᑲᑉᐱᐊᓇᕐᑐᒥ ᑖᕐᑐᐊᓗᖕᒦᓕᕐᐳᖅ.

ᒨᓯᓯ ᓯᕗᓪᓖᑦ 2:21

ᐊᑕᓂᐅᓪᓕ ᒎᑎᐅᑉ ᐊᖑᑦ ᐃᑎᔪᒥᒃ ᓯᓂᓕᕐᑎᑉᐹ, ᓯᓂᒃᑎᓪᓗᒍᓗ ᑐᓕᒫᖓᑕ ᐃᓚᖓᓐᓂᒃ ᐲᕐᓯᕗᖅ ᐲᕐᓯᕕᒋᔭᓂᓗ ᒪᒥᑎᑉᐹ ᐅᕕᓂᖓᓗ;

ᒨᓯᓯ ᓯᕗᓪᓖᑦ 20:3

ᒎᑎᐅᓪᓕ ᐅᓐᓄᐊᒥ ᐊᐱᒥᓕᑭ ᓯᓐᓇᒃᑑᒪᒃᑯᑦ ᓴᖅᑭᕝᕕᒋᕚ, ᐅᖃᐅᑎᓪᓗᒍᓗ, “ᑕᑯᒋᑦ, ᑐᖁᒦᓕᕐᐳᑎᑦ, ᐊᕐᓇᖅ ᐱᓚᐅᕐᑍᑦ ᐱᓪᓗᒍ; ᑖᓐᓇ ᐊᖑᑎᐅᑉ ᓄᓕᐊᕆᖕᒪᒍ.”

ᒨᓯᓯ ᓯᕗᓪᓖᑦ 28:12

ᓯᓐᓇᒃᑐᕐᐳᕐᓗ ᑕᑯᓪᓗᓂ ᒪᔪᕋᐅᑎᓂᒃ ᓄᓇᒥᑦ, ᐃᓱᐊ ᕿᓚᖕᒧᑦ ᑎᑭᓯᒪᓪᓗᓂ; ᑕᑯᒋᓪᓗ ᒎᑎᐅᑉ ᐂᖏᓕᖏᑦ ᑕᒪᐅᓇ ᒪᔪᕋᕐᐸᒃᓗᑎᑦ ᐊᖅᑲᕐᑎᖃᑦᑕᕐᐳᑦ.

ᒨᓯᓯ ᓯᕗᓪᓖᑦ 31:24

ᒎᑎᐅᓪᓕ ᓔᐸᓂ ᐊᕋᒥᐊᒥᐅᑕᖅ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ ᐅᓐᓄᐊᒥ, ᐅᖃᐅᑎᓪᓗᒍᓗ, “ᐃᒃᐱᒍᓱᑦᓯᐊᕆᑦ ᔧᑯ ᐅᖃᐅᑎᓂᐊᕐᓇᒍ, ᓯᕘᕋᓇᕐᑐᒥᒃ.”

ᒨᓯᓯ ᓯᕗᓪᓖᑦ 46:2

ᒎᑎᐅᓪᓗ ᐃᓴᕆᐊᓕ ᐅᖃᓪᓚᒡᕕᒋᕚ ᑕᑯᑎᑦᔪᑎᒃᑯᑦ ᐅᓐᓄᐊᖑᑎᓪᓗᒍ, ᐅᖃᕐᓗᓂ, “ᔧᑰ, ᔧᑰ!” ᑖᓐᓇ ᑭᐅᕗᖅ, “ᐅᕙᓃᑉᐳᖓ.”

ᔫᐱᐅᑉ ᐊᒡᓚᖏᑦ 4:14

ᓴᔪᓕᕐᓗᖓ ᓯᕘᕋᓂᕐᒧᑦ ᕿᑲᕈᓐᓁᓪᓕᕗᖓ, ᓴᐅᓂᒃᑲᓗ ᓯᕘᕋᓂᕐᒧᑦ ᖁᐊᕐᓵᖓᓕᕐᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 10:9

ᑐᓵᕙᕋᓗ ᐅᖃᓪᓚᒃᑐᖅ, ᓈᓚᒃᑎᓪᓗᖓᓗ ᐃᑎᔪᒥᒃ ᓯᓂᓕᓚᐅᕐᐳᖓ, ᑮᓇᕋ ᒪᓂᖅᑲᒧᑦ ᑐᓐᖓᓪᓗᓂ.

ᑖᓂᐊᓕᐅᑉ ᐊᒡᓚᖏᑦ 2:19

ᐅᓐᓄᐊᖑᑎᓪᓗᒍ ᓇᓗᓇᕐᑐᖅ ᑕᒪᓐᓇ ᓇᓗᓇᕈᓐᓃᕐᑎᑕᐅᕗᖅ ᑖᓂᐊᓕᒧᑦ ᑕᑯᑎᑕᐅᓂᒃᑯᑦ. ᑖᓂᐊᓕᐅᓪᓗ ᒎᑎ ᕿᓚᖕᒦᑦᑐᖅ ᓂᕐᑐᕐᐹ:

ᑖᓂᐊᓕᐅᑉ ᐊᒡᓚᖏᑦ 4:5

ᓯᓐᓇᒃᑐᓚᐅᕐᐳᖓ ᑲᑉᐱᐊᓱᓕᕈᑎᒋᓪᓗᒍᓗ, ᓯᓂᒃᑎᓪᓗᖓ ᓯᓂᒡᕕᓐᓂ, ᑕᑯᓚᐅᕐᐳᖓᓗ ᑕᑯᑎᑕᐅᓂᕐᓂᒃ ᑲᑉᐱᐊᓱᓕᓚᐅᕐᐳᖓᓗ.

ᑖᓂᐊᓕᐅᑉ ᐊᒡᓚᖏᑦ 8:18

ᐅᖃᓪᓚᒃᑎᓪᓗᒍ, ᐃᑎᔪᒥᒃ ᓯᓂᓕᓚᐅᕐᐳᖓ, ᑮᓇᕋ ᒪᓂᖅᑲᒧᑦ ᑐᓐᖓᓪᓗᓂ: ᑖᑦᓱᒪ ᐊᒃᑐᕐᐹᖓ ᓂᑯᕕᑎᓪᓗᖓᓗ.”

ᒨᓯᓯ ᓯᑕᒪᖏᑦ 12:6

ᐅᖃᕐᓗᓂᓗ, “ᐅᖃᐅᓯᒃᑲ ᓈᓚᑦᓯᐊᕐᓯᒋᒃ: ᐅᖃᕐᑕᐅᖁᔭᓐᓂᒃ ᐅᖃᕐᑎᑕᖃᕐᐹ ᐃᓕᑦᓯᓐᓂ, ᐅᕙᖓ ᐊᑕᓂᖅ, ᓇᖕᒥᓂᖅ ᑖᑦᓱᒧᖓ ᖃᐅᔨᑎᑦᓯᕙᒃᐳᖓ ᑕᑯᑎᑦᔪᑎᒃᑯᑦ; ᓯᓐᓇᒃᑑᒪᒃᑯᓪᓗ ᐅᖃᕐᕕᖃᓲᖑᕗᖓ.