ᔫᐱᐅᑉ ᐊᒡᓚᖏᑦ 38:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑭᓇ ᓄᓇᕐᔪᐊᑉ ᐊᖏᓂᒃᓴᖓᓂᒃ ᖃᐅᔨᒪᓚᐅᕐᐸ? ᑭᓇᓗ ᐆᒃᑑᒻᒥᒃ ᐃᓯᕕᑦᓯᓚᐅᕐᐹ ᐆᒃᑐᕋᕐᓗᓂᐅᒃ? ᑕᒪᓐᓇ ᑭᐅᔪᓐᓇᕐᐱᐅᒃ?

ᔫᐱᐅᑉ ᐊᒡᓚᖏᑦ 38:5 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 11:9

ᐊᖏᔪᕐᔪᐊᖑᓂᖓ ᓄᓇᕐᔪᐊᕐᒥᑦ ᐊᖏᓂᕐᓴᐅᕗᖅ, ᐃᒪᕕᖕᒥᓪᓗ ᑕᕆᐅᒥᑦ ᓯᓕᖕᓂᕐᓴᐅᓪᓗᓂ.

ᔫᐱᐅᑉ ᐊᒡᓚᖏᑦ 28:25

ᒎᑎᐅᑉ ᐊᓄᕆ ᐱᔪᓐᓇᕐᓂᕐᑖᕐᑎᓯᒪᖕᒪᒍ, ᐃᒪᐅᓪᓗ ᐊᖏᓂᒃᓴᖓ ᐋᖅᑭᒃᓯᒪᒋᕚ.

ᔫᐱᐅᑉ ᐊᒡᓚᖏᑦ 34:13

ᑭᐊ ᓄᓇᕐᔪᐊᕐᒥ ᐱᔪᓐᓇᕐᓂᕐᑖᕐᑎᓚᐅᕐᐸᐅᒃ? ᑭᐊᓗ ᓄᓇᕐᔪᐊᓕᒫᒧᑦ ᐊᖓᔪᖅᑳᕈᕐᑎᓚᐅᕐᐸᐅᒃ?

ᐃᓐᖏᕈᑎᑦ 19:4

ᓂᐱᖏᑦ ᐂᕗᑦ ᓄᓇᕐᔪᐊᒧᑦ ᑕᒤᓐᓄᑦ, ᐅᖃᐅᓯᖏᓪᓗ ᓯᓚᕐᔪᐊᑉ ᐃᓱᐊᓄᑦ. ᑕᕝᕙᓂ ᑕᑯᒃᓴᐅᔪᓂ ᓯᕿᓂᖅ ᑐᐱᓕᐅᕐᐹ,

ᐃᓐᖏᕈᑎᑦ 78:55

ᐃᓅᖃᑎᒌᒡᔪᐊᑦ ᐊᐅᓪᓚᕐᑎᓚᐅᕐᐰᑦ ᐃᓄᖁᑎᒥ ᓵᖏᓐᓂᑦ, ᓄᓇ ᐆᒃᑐᕋᐅᑎᒃᑯᑦ ᓇᓗᓁᕐᓯᒪᔪᖅ ᑐᓐᓂᕐᓴᐅᑎᒋᓪᓗᒍ ᓄᓇᑖᕆᔭᐅᖁᓪᓗᒍ ᑭᖑᕐᖑᑎᔭᐅᔪᑎᑐᑦ, ᐃᓴᕆᐊᓖᓪᓗ ᑭᖑᕚᕇᑦ ᐊᖏᕐᕋᕐᑖᕐᑎᓚᐅᕐᐰᑦ ᓄᓇᒥ ᑕᒫᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:27

ᕿᓔᑦ ᐱᓐᖑᕐᑎᓕᕐᒪᒋᑦ, ᑕᕝᕙᓃᓚᐅᕐᐳᖓ, ᐃᒪᕐᔪᐊᓪᓗ ᐊᖕᒪᓗᕐᓂᖓ ᐋᖅᑭᓕᕐᑎᓪᓗᓂᐅᒃ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:29

ᐃᒪᕕᐅᓪᓗ ᐃᑎᓂᕆᔭᕆᐊᖃᕐᑕᖏᑦ ᓈᒻᒪᒃᓯᓕᕐᑎᓪᓗᓂᒋᑦ, ᐃᒪᕐᔪᐊᑉ ᐅᓕᖃᑦᑕᕐᓂᒃᓴᖓᑕ ᐃᓱᓕᑦᑕᕐᕕᒃᓴᖓ ᐅᖃᐅᓯᕆᑎᓪᓗᓂᐅᒃ, ᓄᓇᕐᔪᐊᑉ ᑐᓐᖓᕕᒃᓴᖓ ᐋᖅᑭᒃᓱᓕᕐᑎᓪᓗᓂᐅᒃ ᑕᕝᕙᓃᓚᐅᕐᐳᖓ.

ᐂᓮᐊᓯᐅᑉ ᐊᒡᓚᖏᑦ 34:11

ᕿᓐᓄᐊᔪᐊᑦ ᐃᓪᓛᖁᑦᓰᓪᓗ ᓄᓇᒋᓕᕈᒫᕐᐹᑦ, ᐅᒃᐱᒡᔪᐊᓪᓗ ᑐᓗᒊᓪᓗ ᑕᒫᓂ ᐃᓂᖃᕈᒫᕐᐳᑦ, ᐃᓯᕕᑦᓯᔪᒫᕐᐳᖅ ᖄᖓᓄᑦ ᓇᓗᓕᕐᓇᕐᑐᒥᒃ, ᐅᐃᒻᒪᒃᑎᑦᓯᓂᕐᒥᒡᓗ ᐱᑎᑦᓯᓗᓂ ᐊᖓᔪᖅᑳᖁᑎᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 40:12

ᑭᓇᐅᑉ ᐆᒃᑐᕋᕐᓯᒪᕚ ᐃᒪᖅ ᑖᑦᓱᒪ ᐃᑎᒪᖓᓃᑦᑐᖅ, ᐅᕝᕙᓗ ᐊᒡᒐᖕᒥᓄᑦ ᐃᓵᒃᑕᕐᓗᒍ ᕿᓚᐅᑉ ᐊᖏᓂᖓ ᖃᐅᔨᓴᕐᓯᒪᕙᐅᒃ? ᓄᓇᕐᔪᐊᓪᓗ ᓯᐅᕋᖓᑕ ᐊᖏᓂᖓ ᐆᒃᑐᕋᕐᓯᒪᕙᐅᒃ ᖃᑦᑕᕐᒧᑦ? ᖃᖅᑳᓪᓗᐃᓪᓗ ᐱᖑᐃᓪᓗ ᐅᖁᒤᓐᓂᕐᓯᐅᕐᓯᒪᕔᑦ ᐅᖁᒤᓐᓂᕐᓂᐊᕈᑎᒧᑦ?

ᐂᓮᐊᓯᐅᑉ ᐊᒡᓚᖏᑦ 40:22

ᑖᓐᓇᐅᕗᖅ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᔪᖅ ᓄᓇᕐᔪᐊᑉ ᐊᖕᒪᓗᕐᓂᖓᑕ ᖁᓛᓂ, ᐃᓄᐃᑦ ᓄᓇᒥ ᐱᒡᓕᕐᑕᐅᔮᕐᑐᑎᑐᑦ ᑍᒤᒻᒪᑕ, ᕿᓚᒃ ᐃᓯᕕᓯᒪᖕᒪᒍ ᑖᓗᑕᕐᑎᑐᑦ, ᑐᐱᕐᑎᑐᓪᓗ ᓇᑉᐸᕐᑎᓪᓗᒍ ᐃᓯᕐᓯᒪᕕᐅᔪᓐᓇᕐᓯᑎᓪᓗᓂᐅᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:16

ᐊᔪᕆᕐᑐᐃᔪᓐᓇᖁᓪᓗᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓄᓇᑦᓯ ᐅᖓᑖᓃᑦᑐᓄᑦ, ᓂᕐᑑᑎᑦᔪᑎᖃᕈᒪᖏᓐᓇᑦᑕ ᐊᓯᑦᑕ ᐱᓇᓱᐊᕐᕕᒋᔭᕇᕐᓯᒪᔭᖓᓂᒃ.

ᓴᒧᐃᓕ ᓯᕗᓪᓖᑦ 2:8

ᐊᒃᓗᔪᑦ ᒪᑭᑎᑉᐰᑦ ᓄᓇᐅᑉ ᐳᔪᕋᖓᓂᑦ; ᐃᑲᔪᕐᑕᐅᔭᕆᐊᓖᓪᓗ ᖁᕝᕙᕐᑎᑉᐰ ᐊᕐᔭᓕᓂᕐᓂᑦ, ᐊᖓᔪᖅᑳᕐᔪᐊᓪᓗ ᐃᕐᓂᖏᓐᓂ ᐃᒃᓯᕙᐅᑕᕐᑖᕐᑎᑉᐰᑦ ᑭᖑᕐᖑᑦᔨᑎᑉᐰᓪᓗ ᐃᒃᓯᕙᐅᑕᕐᔪᐊᕐᒥᒃ ᐱᓐᓇᕐᓇᕐᑐᒥᒃ. ᓄᓇᕐᔪᐊᑉ ᑐᓐᖓᕕᖏᑦ ᐊᑕᓂᐅᑉ ᐱᒋᕔᑦ; ᖄᖓᓄᓪᓗ ᓯᓚᕐᔪᐊᖅ ᐃᓕᓯᒪᕚ.