ᔫᐱᐅᑉ ᐊᒡᓚᖏᑦ 38:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᓇᓃᓚᐅᕐᐲᑦ ᓄᓇᕐᔪᐊᕐᒥᒃ ᑐᓐᖓᕕᓕᐅᓕᕐᑎᓪᓗᖓ? ᐅᖃᐅᑎᓚᐅᓐᖓ, ᑕᒪᑐᒥᖓ ᖃᐅᔨᒪᒍᕕᑦ.

ᔫᐱᐅᑉ ᐊᒡᓚᖏᑦ 38:4 ပူးပေါင်းရင်းမြစ်များ

ᐃᓐᖏᕈᑎᑦ 104:5

ᓄᓇᕐᔪᐊᖅ ᐃᓕᓚᐅᕐᐸᑦ ᑐᓐᖓᕕᒃᓴᖏᓐᓄᑦ, ᐊᐅᓚᑦᔭᒃᑕᐅᖁᓇᒍ ᐃᓱᖃᖏᑦᑐᒧᑦ.

ᐄᑉᕈᐃᓄᑦ 1:10

ᓱᓕᓗ ᐅᖃᓚᐅᕆᕗᖅ, “ᐃᕝᕕᑦ, ᐊᑕᓃᖅ, ᐱᒋᐊᕐᓂᖓᓂᑦ ᓄᓇᕐᔪᐊᖅ ᐱᓐᖑᕐᑎᓚᐅᕐᐸᑦ, ᕿᓔᓪᓗ ᐊᒡᒐᖕᓄᑦ ᓴᓇᓚᐅᕐᐸᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:4

ᑭᓇ ᕿᓚᓕᐊᓚᐅᕐᓯᒪᕚ ᐊᒻᒪ ᐅᑎᕐᒥᓗᓂ ᓄᓇᒧᑦ? ᑭᓇ ᐊᓄᕆᒥᒃ ᐊᒡᒐᖕᒥᓄᑦ ᑎᒎᖅᑬᔪᓐᓇᕐᐹ? ᑭᓇ ᐃᒥᕐᒥᒃ ᐊᓐᓄᕌᒥᓄᑦ ᕿᓚᒃᓱᐃᓯᒪᕚ? ᑭᓇ ᑲᑎᑦᓯᓯᒪᕙ ᐃᒪᕐᔪᐊᕐᒥᒃ ᐊᓐᓄᕌᒥᓄᑦ? ᑭᓇ ᐋᖅᑭᒃᓯᓯᒪᕙ ᓄᓇᕐᔪᐊᑉ ᑭᒡᓕᖏᓐᓂᒃ? ᑭᓇᒥᒃ ᐊᑎᖃᕐᐸ, ᐃᕐᓂᖓᓗ ᑭᓇᐅᕙ?

ᐄᑉᕈᐃᓄᑦ 1:2

ᐅᓪᓗᓂᓕ ᑭᖑᓪᓕᕐᓂ ᐅᖃᓪᓚᒡᕕᒋᓚᐅᕐᐹᑎᒍᑦ ᐃᕐᓂᕐᒥᒍᑦ, ᑖᓐᓇ ᓱᓇᓕᒫᑦᓯᐊᕐᓂᒃ ᑭᖑᕐᖑᑦᔨᔪᒃᓴᐅᖁᓪᓗᒍ ᓂᕈᐊᕐᓯᒪᕚ, ᑖᑦᓱᒨᓇᓗ ᓯᓚᕐᔪᐊᖅ ᐱᓐᖑᕐᑎᓚᐅᕐᐹ.

ᐃᓐᖏᕈᑎᑦ 102:25

ᑍᑦᓱᒪᓂᐊᓗᒃ ᓄᓇᕐᔪᐊᖅ ᑐᓐᖓᕕᓕᐅᓚᐅᕐᐸᑦ, ᐊᒡᒐᒃᐱᓪᓗ ᕿᓔᑦ ᓴᓇᓚᐅᕐᐰᑦ.

ᒨᓯᓯ ᓯᕗᓪᓖᑦ 1:1

ᐱᒋᐊᕐᓂᕐᒥ ᒎᑎ ᐱᓐᖑᕐᑎᑦᓯᓚᐅᕐᐳᖅ ᕿᓚᖕᓂᒃ ᓄᓇᕐᔪᐊᕐᒥᒡᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:22

ᐊᑕᓂᐅᑉ ᐱᓐᖑᕐᑎᓚᐅᕐᐹᖓ ᓯᕗᓪᓕᕐᐹᖑᓪᓗᖓ, ᐱᓐᖑᕐᑎᑦᓯᕙᓪᓕᐊᓕᕐᑎᓪᓗᒍ ᑍᑦᓱᒪᓂᐊᓗᒃ.

ᒨᓯᓯ ᓯᕗᓪᓖᑦ 2:4

ᐅᑯᐊ ᑕᕝᕙ ᑭᖑᓕᕇᑦ ᕿᓚᖕᒥ ᓄᓇᒥᓗ ᐱᓐᖑᕐᑎᑕᐅᓚᐅᕐᑐᑦ. ᑍᑦᓱᒪᓂ ᐊᑕᓂᖅ ᒎᑎ ᓄᓇᕐᔪᐊᕐᒥᒃ ᕿᓚᖕᒥᐅᑕᓕᒫᓂᒡᓗ ᐱᓐᖑᕐᑎᑦᓯᑎᓪᓗᒍ,

ᓴᒧᐃᓕ ᓯᕗᓪᓖᑦ 2:8

ᐊᒃᓗᔪᑦ ᒪᑭᑎᑉᐰᑦ ᓄᓇᐅᑉ ᐳᔪᕋᖓᓂᑦ; ᐃᑲᔪᕐᑕᐅᔭᕆᐊᓖᓪᓗ ᖁᕝᕙᕐᑎᑉᐰ ᐊᕐᔭᓕᓂᕐᓂᑦ, ᐊᖓᔪᖅᑳᕐᔪᐊᓪᓗ ᐃᕐᓂᖏᓐᓂ ᐃᒃᓯᕙᐅᑕᕐᑖᕐᑎᑉᐰᑦ ᑭᖑᕐᖑᑦᔨᑎᑉᐰᓪᓗ ᐃᒃᓯᕙᐅᑕᕐᔪᐊᕐᒥᒃ ᐱᓐᓇᕐᓇᕐᑐᒥᒃ. ᓄᓇᕐᔪᐊᑉ ᑐᓐᖓᕕᖏᑦ ᐊᑕᓂᐅᑉ ᐱᒋᕔᑦ; ᖄᖓᓄᓪᓗ ᓯᓚᕐᔪᐊᖅ ᐃᓕᓯᒪᕚ.

ᔫᐱᐅᑉ ᐊᒡᓚᖏᑦ 15:7

ᐃᓄᓕᒫᓂᑦ ᐃᕐᓂᐊᕆᔭᐅᓯᒪᔪᓂᑦ ᓯᕗᓪᓕᕐᐸᐅᓯᒪᕖᑦ? ᐅᕝᕙᓗ ᐃᓅᓕᓚᐅᕐᐲᑦ ᖃᖅᑬᑦ ᓴᓇᔭᐅᓚᐅᕐᑎᓐᓇᒋᑦ?

ᔫᐱᐅᑉ ᐊᒡᓚᖏᑦ 34:13

ᑭᐊ ᓄᓇᕐᔪᐊᕐᒥ ᐱᔪᓐᓇᕐᓂᕐᑖᕐᑎᓚᐅᕐᐸᐅᒃ? ᑭᐊᓗ ᓄᓇᕐᔪᐊᓕᒫᒧᑦ ᐊᖓᔪᖅᑳᕈᕐᑎᓚᐅᕐᐸᐅᒃ?

ᐂᓮᐊᓯᐅᑉ ᐊᒡᓚᖏᑦ 40:14

ᑭᓇᒥᒃ ᐊᐱᕐᓱᕐᓯᒪᕚ ᖃᐅᔨᑎᑕᐅᔪᒪᓗᓂ? ᑭᐊᓗ ᐃᓕᓴᕐᑎᓚᐅᕐᐸᐅᒃ ᐊᖅᑯᒻᒥᒃ ᐊᑦᔨᒌᒃᑎᑦᓯᔪᓐᓇᕐᓂᕐᒥᒃ? ᖃᐅᔨᒪᓂᕐᒥᒡᓗ ᐃᓕᓐᓂᐊᕐᑎᓪᓗᒍ? ᑕᑯᑎᓪᓗᒍᓗ ᑐᑭᓯᓂᐅᒃ ᐊᖅᑯᑎᖓᓂᒃ?

ᔨᕆᒤᐊᐅᑉ ᐊᒡᓚᖏᑦ 10:12

ᑖᑦᓱᒪ ᐱᔪᓐᓇᕐᓂᕐᔪᐊᒥᓄᑦ ᓄᓇ ᐱᓐᖑᕐᑎᓚᐅᕐᐹ, ᓯᓚᕐᔪᐊᕐᓗ ᐃᓂᑖᕐᑎᓚᐅᕐᐹ ᓯᓚᑐᓂᕐᒥᒍᑦ, ᕿᓚᒡᓗ ᓂᕈᑐᔫᑎᑉᐹ ᖃᐅᔨᒪᓂᕐᔪᐊᒥᓄᑦ.

ᐂᒨᓯᐅᑉ ᐊᒡᓚᖏᑦ 4:13

ᑕᑯᒋᑦ, ᖃᖅᑲᓂᒃ ᓴᓇᓚᐅᕐᑐᖅ, ᐊᓄᕆᒥᒡᓗ ᐱᓐᖑᕐᑎᑦᓯᓚᐅᕐᑐᖅ, ᐃᓄᖕᒧᓪᓗ ᓇᓗᓁᕐᓯᓚᐅᕐᑐᖅ ᐃᓱᒪᒋᔭᒥᓂᒃ, ᐅᓪᓛᒥᒡᓗ ᑖᕐᓯᑎᑦᓯᓚᐅᕐᑐᖅ, ᓄᓇᕐᔪᐊᓪᓗ ᐳᕐᑐᓂᕐᐹᖏᓐᓂᒃ ᑐᓪᓕᕋᕐᑐᖅ ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦ ᒎᑎᒥᒃ ᐊᑎᖃᕐᐳᖅ.”

ᔫᐱᐅᑉ ᐊᒡᓚᖏᑦ 28:25

ᒎᑎᐅᑉ ᐊᓄᕆ ᐱᔪᓐᓇᕐᓂᕐᑖᕐᑎᓯᒪᖕᒪᒍ, ᐃᒪᐅᓪᓗ ᐊᖏᓂᒃᓴᖓ ᐋᖅᑭᒃᓯᒪᒋᕚ.

ᐃᓐᖏᕈᑎᑦ 102:26

ᑖᒃᑯᐊ ᓄᖑᓐᓂᐊᕐᐳᑦ, ᐃᕝᕕᓪᓕ ᑍᒤᖏᓐᓇᕐᓂᐊᕐᐳᑎᑦ; ᐄᓛᒃ, ᓱᓇᓕᒫᑦ ᓄᑕᐅᔪᓐᓃᕐᐸᓪᓕᐊᓂᐊᕐᐳᑦ ᐊᓐᓄᕌᑎᑐᑦ; ᐅᓕᒡᔪᐊᑎᑐᑦ ᐊᓯᑦᔨᕈᕕᒋᑦ, ᑕᕝᕙ ᐊᓯᑦᔨᕐᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:19

ᐊᑕᓂᐅᑉ ᓄᓇᕐᔪᐊᖅ ᓯᓚᑐᓂᕐᒥᓄᑦ ᐱᒋᐊᕐᑎᓯᒪᕚ; ᖃᐅᔨᒪᓂᕐᒥᓄᓪᓗ ᕿᓚᒃ ᐃᓂᑖᕐᑎᓯᒪᕚ;