26 ᓯᓚᓗᒃᑎᑦᓯᓪᓗᓂ ᓄᓇᒧᑦ ᐃᓄᖃᖏᑦᑐᒧᑦ, ᓯᐅᕅᓐᓇᕐᒧᑦ ᐃᓄᖃᖏᑦᑐᒧᑦ;
ᓯᓚᓗᒃ ᐋᖅᑭᒃᓯᒪᕚ ᐱᒋᐊᕐᕕᒃᓴᖓᓗ, ᑲᓪᓘᓪᓗ ᑲᓪᓕᕐᕕᒃᓴᖓ ᐋᖅᑭᒃᓯᒪᒋᕚ;
ᑖᑦᓱᒪ ᓄᓇᕐᔪᐊᑉ ᐃᒪᖓ ᖁᒻᒧᐊᒃᑎᖃᑦᑕᕐᐹ, ᑕᑉᐹᓐᖓᓪᓗ ᐃᒪᕐᒥᒃ ᓯᓚᓗᓕᕐᑎᖃᑦᑕᕐᐹ.
ᓯᓚᓗᖕᒥᒃ ᑎᑭᑎᑦᓯᖃᑦᑕᕐᐳᖅ ᓱᒋᐊᕐᓯᑦᔪᑎᒋᓪᓗᒋᑦ, ᐅᕝᕙᓗ ᓄᓇᒥᒃ ᖃᐅᓯᕐᑎᑦᓯᔪᒪᓪᓗᓂ, ᐅᕝᕙᓗ ᓇᒡᓕᖕᓂᕐᒥᓂᒃ ᓴᖅᑭᑎᑦᓯᔪᒪᓪᓗᓂ.
ᑭᓇ ᐃᑎᕐᓴᓕᐅᓚᐅᕐᐸ ᓯᓚᓘᑉ ᑯᕕᕕᒃᓴᖓᓂᒃ? ᑭᐊᓗ ᖃᐅᒻᒪᓪᓚᒃ ᓯᓚᕐᓂᕐᓗᒡᓗ ᐊᖅᑯᓯᕐᐸᐅᒃ?
ᓄᓇᒧᑦ ᓯᓚᓗᒃᑎᑦᓯᖃᑦᑕᕐᐳᖅ ᐱᕈᕐᓰᕖᓪᓗ ᐃᒻᒥᕐᓱᖃᑦᑕᕐᐰᑦ;
ᓱᓇᖃᔪᐃᑦᑐᖅ ᑕᓯᖃᐅᓕᕐᑎᑉᐹ, ᓄᓇᓗ ᐸᓂᕐᑐᖅ ᐃᓗᐊᓂᑦ ᑰᖃᓕᕐᑎᑉᐹ.
ᑖᑦᓱᒪ ᓄᕗᔧᑦ ᐊᓄᕆᑕᓖᑦ ᖁᒻᒧᐊᒃᑎᑉᐰᑦ ᓄᓇᐅᑉ ᐃᓱᖏᓐᓂᑦ, ᖃᐅᒻᒪᓪᓚᒃᑎᑦᓯᖃᑦᑕᕐᑐᖅ ᓯᓚᓗᒃᑎᓪᓗᒍ; ᐊᓄᕌᓕᕐᑎᑦᓯᖃᑦᑕᕐᑐᕐᓗ ᓯᕐᓗᐊᖁᑎᒥᓂᑦ ᐱᔪᓂᒃ.
ᐃᓄᖃᖏᑦᑐᒥ ᓇᑎᕐᓁᑦ ᑯᓯᕐᕕᒋᕙᑎᑦ, ᑕᕝᕙ ᐱᖑᐊᕐᔪᐃᑦ ᖁᕕᐊᓱᓕᕐᐳᑦ ᓇᓂᓕᒫᖅ.
ᓂᓪᓕᕌᖓᑦ ᐃᒤᑦ ᕿᓚᖕᒦᑦᑐᑦ ᐃᒃᑑᓛᕐᐳᑦ, ᓄᕗᔭᓂᒡᓗ ᓴᖅᑭᑎᑦᓯᕙᒡᓗᓂ ᓄᓇᕐᔪᐊᑉ ᑭᒡᓕᖓᓂᑦ, ᖃᐅᒻᒫᓪᓚᖃᕐᑎᑦᓯᓪᓗᓂᓗ ᓯᓚᓗᒃᑐᒥ, ᐊᓄᕆᖃᕐᑎᑦᓯᓪᓗᓂᓗ ᐱᖁᑎᒃᑯᕕᖕᒥᓂᑦ.
ᐃᓅᖃᑎᒌᒡᔪᐊᖑᖃᑎᑦᑕ ᒎᑎᖏᑦ ᓱᓕᖏᑦᑐᑦ ᓯᓚᓗᒃᑎᑦᓯᔪᓐᓇᕐᐹᑦ? ᓯᓚᒥᒡᓗ ᑯᕕᑐᐃᓐᓇᕐᑎᑦᓯᔪᓐᓇᕐᐹᑦ? ᑍᒤᑎᑦᓯᔪᓐᓇᕐᑐᖃᓐᖏᓚᖅ ᐃᕝᕕᑦ ᐊᓯᖕᓂᒃ ᐊᑕᓃᖅ ᒎᑏᒃ, ᐃᓕᖕᓂᑦ ᓂᕆᐅᒋᔭᖃᕐᐳᒍᑦ, ᐃᕝᕕᑐᐊᖅ ᑕᒪᒃᑯᐊᓕᒫᑦ ᐊᐅᓚᓐᓇᕕᒋᑦ.
