19 ᖃᐅᒪᔫᑉ ᐃᓂᖓᑕ ᐊᖅᑯᑎᖓ ᖃᐅᔨᒪᕕᐅᒃ? ᑖᕐᔪᐊᓪᓗ ᐃᓂᖓ ᓇᓃᑉᐹ?
ᐃᒪᐅᑉ ᖁᓛᓂ ᑭᒡᓕᓕᐅᕆᓯᒪᕗᖅ, ᐊᕕᒃᓯᒪᐅᑎᐅᖁᓪᓗᒍ ᖃᐅᒪᔪᒧᑦ ᑖᕐᑐᒧᓪᓗ.
ᖃᐅᔨᒪᒐᓚᒃᐱᐅᒃ ᓄᓇᕐᔪᐊᖅ ᖃᓄᖅ ᐊᖏᓂᖃᕐᒪᖔᑦ? ᐊᑏ ᐅᖃᐅᑎᓚᐅᓐᖓ, ᑕᒪᑐᒥᖓ ᖃᐅᔨᒪᑐᐊᕈᕕᑦ.
ᑖᒃᑯᐊ ᐃᓂᒋᔭᖓᓄᐊᕈᑦᔨᔪᓐᓇᕐᐲᑦ? ᐊᖏᕐᕋᖏᓐᓄᐊᖓᔪᒥᒃ ᐊᖅᑯᒻᒥᒃ ᖃᐅᔨᖁᓪᓗᑎᑦ?
ᑖᕐᑐᒥᒃ ᐋᖅᑭᒃᓯᓯᒪᕗᑎᑦ ᐅᓐᓄᐊᖑᖁᓪᓗᒍ, ᑕᕝᕙ ᓇᐹᕐᑐᓂ ᐃᓂᓕᓕᒫᑦ ᐊᓂᓕᕐᐳᑦ.
ᑖᕐᑐᕐᔪᐊᒥᒃ ᑎᓕᓯᓚᐅᕐᐳᖅ, ᓄᓇᓗ ᑖᕐᓯᑎᓪᓗᒍ; ᐄᑦᔨᑉᑎᒥᐅᓪᓕ ᑖᑦᓱᒪ ᐅᖃᐅᓯᖏᓐᓂᒃ ᓈᓚᓚᐅᓐᖏᓚᑦ.
ᑖᕐᑐᖅ ᐃᔨᕐᓯᒪᕝᕕᒋᕚ; ᐅᓕᒃᓯᒪᓪᓗᓂ ᐃᒪᕐᔪᐊᓂᒃ ᑖᕐᑐᓂᒃ, ᓄᕗᔧᓪᓗ ᑖᕐᑐᕐᔪᐊᑦ ᐃᔨᕐᓯᒪᕝᕕᒋᕔᑦ.
ᖃᐅᒪᔪᒥᒃ ᐱᒋᐊᕐᑎᑦᓯᓚᐅᕐᐳᖓ ᑖᕐᑐᕐᓗ ᓴᖅᑭᑎᓪᓗᒍ, ᓮᒻᒪᕐᑎᑕᐅᓂᖅ ᐱᒋᐊᕐᑎᓯᒪᕙᕋ ᑲᑉᐱᐊᓇᕐᑐᒦᓐᓂᕐᓗ ᓴᖅᑭᑎᒃᑭᓪᓗᒍ, ᐅᕙᖓᐅᕗᖅ ᐊᑕᓂᖅ, ᑕᒪᒃᑯᓂᖓᓕᒫᖅ ᐱᓇᓱᐊᕐᐸᒃᑐᖅ.
ᐊᑕᓂᖅ ᒎᑎᓯ ᓂᕐᑐᕐᓯᐅᒃ ᑖᕐᓯᑎᑦᓯᖏᓐᓂᖓᓂ, ᐹᓪᓚᖁᓇᓯ ᖃᖅᑬᑦ ᑕᕐᕆᑎᑕᐅᓕᕐᐸᑕ ᑖᕐᑐᒧᑦ, ᖃᐅᒪᔪᒥᒃ ᕿᓂᕋᓗᐊᕈᑦᓯ ᑖᑦᓱᒪ ᑖᕐᓯᑎᑦᓱᒫᑉᐹ ᑖᕐᑐᕐᔪᐊᖑᓕᕐᓗᓂ.
ᕿᓚᖕᒥ ᖃᐅᒪᔪᓕᒫᑦ ᐃᓕᖕᓄᑦ ᑖᕐᓯᔪᒫᕐᐳᑦ, ᓄᓇᒋᔧᓪᓗ ᑖᕐᓯᑎᑦᓱᒫᕐᐸᕋ, ᐊᑕᓂᖅ ᒎᑎ ᐅᖃᕐᐳᖅ.
ᑕᑯᒋᑦ, ᖃᖅᑲᓂᒃ ᓴᓇᓚᐅᕐᑐᖅ, ᐊᓄᕆᒥᒡᓗ ᐱᓐᖑᕐᑎᑦᓯᓚᐅᕐᑐᖅ, ᐃᓄᖕᒧᓪᓗ ᓇᓗᓁᕐᓯᓚᐅᕐᑐᖅ ᐃᓱᒪᒋᔭᒥᓂᒃ, ᐅᓪᓛᒥᒡᓗ ᑖᕐᓯᑎᑦᓯᓚᐅᕐᑐᖅ, ᓄᓇᕐᔪᐊᓪᓗ ᐳᕐᑐᓂᕐᐹᖏᓐᓂᒃ ᑐᓪᓕᕋᕐᑐᖅ ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦ ᒎᑎᒥᒃ ᐊᑎᖃᕐᐳᖅ.”
ᐅᓪᓗᖅ ᕿᑎᕋᓕᕐᑎᓪᓗᒍ ᓄᓇᕐᔪᐊᖅ ᑖᕐᓯᓚᐅᕐᐳᖅ, ᐃᑲᕐᕋᓂᒃ ᐱᖓᓱᓂᒃ ᑖᓚᐅᕐᐳᖅ.
ᓱᓕᔪᒥᒡᓕ ᖃᐅᒪᔫᕗᖅ ᑖᓐᓇ ᓯᓚᕐᔪᐊᕐᒧᑦ ᑎᑭᑦᑐᓕᒫᓂᒃ ᐃᓄᖕᓂᒃ ᖃᐅᒪᒃᓮᔪᖅ.
ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᕐᐰᑦ, “ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᕐᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᕐᐳᖅ.”
ᑐᒃᓯᐊᕐᕕᖃᕈᒪᓗᓯ ᐱᔨᑦᓯᕈᒪᓗᓯᓗ ᐃᓱᒪᑦᑍᓕᒋᑦᓯ ᕿᓚᖕᒥ ᑕᑯᕙᒃᑕᑦᓯᓐᓂᒃ, ᓯᕿᓂᕐᒥᒃ, ᑕᖅᑭᕐᒥᒃ, ᐅᓪᓗᕆᐊᓂᒡᓗ, ᐊᑕᓂᐅᑉ ᒎᑎᑦᓯ ᑕᒪᒃᑯᐊ ᑐᓂᓯᒪᖕᒪᒋᑦ ᐃᓅᖃᑎᒌᓄᑦ ᐊᓯᑦᓯᓐᓄᑦ ᑐᒃᓯᐊᕐᕕᒋᔭᐅᖁᓪᓗᒋᑦ.
