ᔫᐱᐅᑉ ᐊᒡᓚᖏᑦ 37:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᒎᑎᐅᑉ ᓂᐱᖓᑕ ᐃᒃᑐᓚᐅᕐᓂᖓᒍᑦ ᑲᒪᓇᕐᑐᓂᒃ ᐱᔪᖃᕐᐳᖅ; ᐱᐅᔪᐊᓗᖕᓂᒃ ᐱᓇᓱᐊᕐᐳᖅ ᑐᑭᓯᔪᓐᓇᓐᖏᑕᑦᑎᒍᑦ.

ᔫᐱᐅᑉ ᐊᒡᓚᖏᑦ 37:5 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 5:9

ᑖᑦᓱᒪ ᐱᓇᓱᐊᕐᓂᕐᔪᐊᖏᑦ ᑐᑭᓯᔪᓐᓇᓐᖏᓚᕗᑦ, ᑲᒪᓇᕐᑐᓕᓂᖏᓪᓗ ᐃᓱᓕᑦᑐᓐᓇᕋᑎᒃ.

ᕉᒪᒥᐅᓄᑦ 11:33

ᐊᖏᔪᕐᔪᐊᖑᕗᖅ ᒎᑎᐅᑉ ᐊᔪᕐᓴᖏᑦᑐᕐᔫᓂᖓ! ᐃᑎᔪᕐᔪᐊᖑᓪᓗᓂᓗ ᓯᓚᑐᓂᖓ ᖃᐅᔨᒪᓂᕐᔪᐊᖓᓗ! ᑖᑦᓱᒪ ᑐᑭᑖᕆᓯᒪᔭᖏᑦ ᑭᐊ ᓇᓗᓁᔭᕈᓐᓇᕐᐰᑦ ᐱᓂᐊᕐᓂᖏᓪᓗ ᑭᐊ ᑐᑭᓯᔪᓐᓇᕐᐰᑦ?

ᐂᓮᐊᓯᐅᑉ ᐊᒡᓚᖏᑦ 40:28

ᖃᐅᔨᒪᓐᖏᓚᑏᑦ? ᑐᓴᓚᐅᕐᓇᒡᓗ? ᐊᑕᓂᖅ ᒎᑎᐅᖕᒪᑦ ᐃᓱᖃᖏᑦᑐᒧᑦ, ᐱᓐᖑᕐᑎᑦᓯᓯᒪᔪᖅ ᓄᓇᕐᔪᐊᕐᒥᒃ ᐃᓱᐊᓃᑦ ᐃᓱᐊᓄᑦ. ᓄᑮᕈᑎᔪᓐᓇᓐᖏᓚᖅ ᑕᖃᔪᓐᓇᕋᓂᓗ, ᓯᓚᑐᓂᖓᓗ ᖃᐅᔨᔭᐅᔪᓐᓇᕋᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:11

ᓱᓇᑐᐃᓐᓇᕐᓂᒡᓗ ᑕᑯᒥᓇᕐᑎᓯᕙᒃᐳᖅ ᓇᓪᓕᐅᓐᓂᖏᑦ ᓈᒻᒪᒃᑎᓪᓗᒋᑦ; ᐊᒻᒪᓗ ᐃᓱᖃᖏᑦᑐᒥᒃ ᐃᓕᓯᕗᖅ ᐃᓄᐃᑦ ᐆᒻᒪᑎᖏᓐᓄᑦ: ᑭᓯᐊᓂᓕ ᑖᒃᑯᐊ ᑐᑭᓯᔪᓐᓇᓐᖏᓚᑦ ᒎᑎ ᓱᓇᒥᒃ ᐱᓚᐅᕐᒪᖔᑦ ᐱᒋᐊᕐᓂᖓᓂᑦ ᐃᓱᐊ ᑎᑭᓪᓗᒍ.

ᔫᐱᐅᑉ ᐊᒡᓚᖏᑦ 26:14

ᑕᒪᒃᑯᐊᓕ ᐊᖅᑯᑎᖏᑕ ᐃᓱᐊᐱᑐᐃᓐᓇᖓᓐᓂᒃ ᓇᓗᓁᕐᓯᕗᑦ; ᓂᐱᑭᓪᓗᓂᓗ ᐅᖃᕐᓂᖓᓂᒃ ᑐᓴᒐᓛᒃᓯᒪᕗᒍᑦ! ᑭᐊᓕ ᐱᔪᓐᓇᕐᑐᕐᔪᐊᖑᓗᓂ ᑲᓪᓗᖕᓂᖓ ᑐᑭᓯᔪᓐᓇᕐᐸᐅᒃ?”

ᔫᐱᐅᑉ ᐊᒡᓚᖏᑦ 36:26

ᑕᑯᒋᑦ, ᒎᑎᐅᑉ ᐊᖏᔪᕐᔪᐊᖑᕗᖅ, ᖃᐅᔨᔪᓐᓇᓐᖏᓚᕗᓪᓗ; ᑖᑦᓱᒪᓗ ᐊᕐᕌᒍᖏᑦ ᖃᐅᔨᔭᐅᔪᓐᓇᕋᑎᒃ.

ᔫᐱᐅᑉ ᐊᒡᓚᖏᑦ 9:10

ᑖᑦᓱᒪ ᐱᓇᓱᐊᕐᓂᕐᔪᐊᖏᑦ ᑐᑭᓯᔪᓐᓇᓐᖏᓚᕗᑦ, ᑲᒪᓇᕐᑐᓕᓂᖏᓪᓗ ᓈᓴᕐᑕᐅᔪᓐᓇᕋᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:3

ᐃᓐᖏᕐᐳᓪᓗ ᒨᓯᓯᐅᑉ ᐃᓐᖏᕈᑎᖓᓂᒃ, ᒎᑎᐅᑉ ᐱᔨᖓᑕ, ᓄᕐᕋᐅᔭᐅᓪᓗ ᐃᓐᖏᕈᑎᖓᓂᒃ, ᐅᖃᕐᓗᑎᒃ: “ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ! ᐱᓂᐊᕐᓂᑎᑦ ᐊᖏᔪᕐᔫᕗᑦ ᐱᐅᔪᐊᓘᓪᓗᑎᒡᓗ, ᐊᖅᑯᑎᑎᑦ ᓈᒻᒪᑦᓯᐊᕐᐳᑦ ᓱᓕᓪᓗᑎᒡᓗ, ᐊᖓᔪᖅᑳᕐᔪᐊᖑᕗᑎᑦ ᐃᓱᖃᖏᑦᑐᒧᑦ!

ᔫᐱᐅᑉ ᐊᒡᓚᖏᑦ 11:7

ᖃᐅᔨᔪᓐᓇᕋᓱᒋᕖᑦ ᒎᑎᐅᑉ ᖃᐅᔨᒪᓂᕐᔪᐊᖓᓂᒃ? ᐊᔪᒐᖃᖏᑦᑐᕐᔪᐊᖑᓂᖓᓗ ᐃᓱᓕᓪᓗᒍ ᖃᐅᔨᔪᓐᓇᕋᓱᒋᕕᐅᒃ?

ᔫᐱᐅᑉ ᐊᒡᓚᖏᑦ 37:2

ᓈᓚᒋᑦᓯ ᑖᑦᓱᒪ ᓂᐱᖓᓂᒃ ᐃᒃᑐᓚᐅᕐᓂᕐᒥᑦ, ᐃᕗᓘᕐᓂᕐᓗ ᑖᑦᓱᒪ ᖃᓂᖓᓂᑦ ᐱᖕᒪᑦ.

ᔫᐱᐅᑉ ᐊᒡᓚᖏᑦ 37:4

ᓂᐱᖓᑕ ᑭᖑᓂᖓᒍᑦ ᐃᕗᓘᒥᓂᖓ ᑐᓴᕐᓴᕈᕐᐳᖅ; ᑭᖑᕐᖓᒍᑦ ᐃᑐᓚᐅᕐᓗᓂ ᓂᐱᕐᔪᐊᖓ ᓂᓪᓕᕆᕗᖅ ᐃᓕᕋᓇᕐᑑᓪᓗᓂ, ᓂᐱᖓ ᑐᓴᕐᓴᐅᑎᓪᓗᒍ ᑕᕝᕙ ᖃᐅᒻᒫᓪᓚᑲᑕᓕᕐᐳᖅ ᓇᐅᒃᑯᑐᐃᓐᓇᖅ.

ᔫᐱᐅᑉ ᐊᒡᓚᖏᑦ 37:14

ᔫᐲ ᐅᓇ ᓈᓚᒍᒃ; ᕿᑲᕐᓯᓗᑎᑦ ᐃᒃᐱᒍᓱᑦᓯᐊᕆᑦ ᒎᑎᐅᑉ ᐱᓇᓱᐊᕐᑕᖏᓐᓂᒃ ᑲᒪᓇᕐᑐᓂᒃ.

ᔫᐱᐅᑉ ᐊᒡᓚᖏᑦ 37:16

ᓄᕗᔭᑦ ᖃᓄᖅ ᖃᖓᑕᔪᓐᓇᕐᒪᖔᑕ ᖃᐅᔨᒪᕖᑦ? ᑖᑦᓱᒪ ᐱᓇᓱᐊᕐᓂᖓ ᑲᒪᓇᕐᐳᖅ ᖃᐅᔨᒪᔪᓪᓚᕆᐊᓘᖕᒪᑦ,

ᔫᐱᐅᑉ ᐊᒡᓚᖏᑦ 40:9

ᒎᑎᑐᑦ ᓲᖑᓂᖃᕐᑎᒋᕖᑦ? ᓂᐱᖅᑯᕐᑐᔪᓐᓇᕐᐲᑦ ᑖᑦᓱᑐᓇᖅ ᑲᓪᓕᕐᕙᓗᒃᑐᑎᑐᑦ?

ᐃᓐᖏᕈᑎᑦ 29:3

ᐊᑕᓂᐅᑉ ᓂᐱᖓ ᐃᒪᕐᔪᐊᑦ ᖁᓛᓃᑉᐳᖅ; ᒎᑎᐅᑉ ᓂᕐᑐᕐᓇᕐᓂᖓ ᐃᒃᑐᑑᕐᐳᖅ; ᐊᑕᓂᖅ ᐃᒪᕐᔪᐊᑦ ᐅᓄᕐᑐᑦ ᖁᓛᓃᑉᐳᖅ.

ᐃᓐᖏᕈᑎᑦ 18:14

ᖃᕐᔪᒥᓄᓪᓗ ᐱᑎᒃᓴᓚᐅᕐᐳᖅ ᐊᑭᕋᕐᑐᕐᑐᑦ ᐊᕕᑎᓪᓗᒋᑦ, ᖃᐅᒻᒫᓪᓚᒃᑐᓄᑦ ᐅᓄᕐᑐᓄᑦ ᓵᓚᒋᕔᑦ.