ᔫᐱᐅᑉ ᐊᒡᓚᖏᑦ 37:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐊᔪᒐᖃᖏᑦᑐᖅ ᐊᖏᓗᐊᕐᒪᑦ ᓇᒡᕚᕈᓐᓇᓐᖏᓚᕗᑦ; ᐱᔪᓐᓇᕐᓂᕐᔪᐊᖃᕐᐳᖅ ᓈᒻᒪᓈᕆᑦᓯᐊᕐᐸᒡᓗᓂᓗ, ᓇᓛᒎᑦᓮᓐᓇᕐᓂᖓᓗ ᐃᓄᖕᓂᒃ ᐅᖁᒤᒃᓴᕐᑎᑦᓯᓂᐊᓐᖏᓚᖅ.

ᔫᐱᐅᑉ ᐊᒡᓚᖏᑦ 37:23 ပူးပေါင်းရင်းမြစ်များ

ᑎᒧᑎᒧᑦ ᓯᕗᓪᓖᑦ 6:16

ᑖᓐᓇ ᑭᓯᒥ ᑐᖁᓱᐃᑦᑑᔪᖅ ᖃᐅᒪᔪᒦᑦᑐᖅ ᑭᓇᑐᐃᓐᓇᕐᒧᑦ ᑎᑭᑕᐅᔪᓐᓇᖏᑦᑐᒥᒃ, ᑭᓇᒧᓪᓘᓐᓃᑦ ᑕᑯᔭᐅᓚᐅᕐᓯᒪᖏᑦᑐᖅ ᑕᑯᔭᐅᔪᓐᓇᖏᑦᑐᕐᓗ. ᑖᓐᓇ ᐅᐱᒋᔭᐅᓕ ᐃᓂᖃᕐᓗᓂᓗ ᐃᓱᖃᖏᑦᑐᒥ. ᐋᒥᓐ.

ᕉᒪᒥᐅᓄᑦ 11:33

ᐊᖏᔪᕐᔪᐊᖑᕗᖅ ᒎᑎᐅᑉ ᐊᔪᕐᓴᖏᑦᑐᕐᔫᓂᖓ! ᐃᑎᔪᕐᔪᐊᖑᓪᓗᓂᓗ ᓯᓚᑐᓂᖓ ᖃᐅᔨᒪᓂᕐᔪᐊᖓᓗ! ᑖᑦᓱᒪ ᑐᑭᑖᕆᓯᒪᔭᖏᑦ ᑭᐊ ᓇᓗᓁᔭᕈᓐᓇᕐᐰᑦ ᐱᓂᐊᕐᓂᖏᓪᓗ ᑭᐊ ᑐᑭᓯᔪᓐᓇᕐᐰᑦ?

ᐃᓐᖏᕈᑎᑦ 99:4

ᐊᖓᔪᖅᑳᕐᔪᐊᖅ ᐊᔪᖏᑦᑐᕐᔪᐊᖑᔪᑎᑦ ᓇᒡᓕᒋᔭᖃᕐᐳᑎᑦ ᓈᒻᒪᓈᕐᓯᒪᔪᒥᒃ; ᐋᖅᑭᒃᓯᓯᒪᕗᑎᑦ ᑍᒤᓪᓘᐊᕇᒃᑎᑦᓯᓂᕐᒥᒃ; ᓈᒻᒪᓈᕐᓯᒪᔪᒥᒃ ᐃᓱᐊᕐᑐᓕᓂᕐᒥᒡᓗ ᐋᖅᑭᒃᓯᕗᑎᑦ ᔧᑯᒃᑯᓐᓂ.

ᔫᐱᐅᑉ ᐊᒡᓚᖏᑦ 36:5

ᑕᑯᒋᑦ, ᒎᑎ ᐊᔪᒐᖃᖏᑦᑑᕗᖅ, ᓇᓪᓕᐊᓐᓂᒡᓘᓐᓃᑦ ᓇᕐᕈᒋᔭᖃᖏᑦᑐᖅ; ᐊᔪᒐᖃᖏᑦᑑᒐᒥ ᐱᔪᓐᓇᕐᓂᕐᔪᐊᒥᒍᑦ ᖃᐅᔨᒪᓐᖏᑕᖃᓐᖏᓚᖅ.

ᔫᐱᐅᑉ ᐊᒡᓚᖏᑦ 9:4

ᒎᑎ ᓯᓚᑐᔪᕐᔪᐊᖑᖕᒪᑦ ᐊᔪᖏᑦᑐᕐᔪᐊᖑᓪᓗᓂᓗ ᓇᓪᓕᐊᓐᓄᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 18:32

ᓇᓪᓕᐊᓐᓂᒡᓘᓐᓃᑦ ᑐᖁᔪᓂᒃ ᖁᕕᐊᒋᔭᖃᖏᓐᓇᒪ, ᐊᑕᓂᖅ ᒎᑎ ᐅᖃᕐᐳᖅ, ᓵᒋᐊᕐᓗᓯ, ᐃᓅᓕᕆᑦᓯ.”

ᐃᓯᑭᐊᓕᐅᑉ ᐊᒡᓚᖏᑦ 18:23

ᖁᕕᐊᒋᔭᖃᕋᓱᒋᕕᖓ ᐊᔪᕐᑐᓕᔪᑦ ᑐᖁᑕᐅᖃᑦᑕᕐᓂᖏᓐᓂᒃ? ᐊᑕᓂᖅ ᒎᑎ ᐅᖃᕐᐳᖅ, ᑍᒤᓐᖏᓚᖅ, ᐊᔪᕐᑐᓕᓂᕐᒥᓂᒡᓕ ᕿᒤᖔᕐᓗᓂ ᐃᓅᖁᕙᕋ.

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᐂᓮᐊᓯᐅᑉ ᐊᒡᓚᖏᑦ 45:21

ᓇᓗᓁᕐᓯᓕᕆᑦᓯ ᓱᖕᒪᑦ ᑍᒤᒻᒪᖔᑦᓯ ᐅᖃᐅᓯᖃᕐᓗᓯ, ᐊᑏ ᐅᖃᖃᑎᒌᓚᐅᕐᓕᑦ. ᑭᓇ ᓯᕗᓂᐊᓗᐊᓂ ᐱᔪᖃᓛᕐᑐᓂᒃ ᐅᖃᕐᓯᒪᕚ? ᑭᓇ ᐅᖃᕐᓯᒪᕚ ᑕᒪᑐᒥᖓ? ᐅᕙᖓᐅᓐᖏᓛᖅ ᐊᑕᓂᖅ? ᐊᓯᓐᓂᒃ ᓴᓂᓐᓂ ᒎᑎᑕᖃᖏᒻᒪᑦ, ᒎᑎ ᓇᓛᒎᕐᑐᖅ ᐱᐅᓕᔨᐅᓪᓗᓂᓗ; ᐊᓯᓐᓂᒃ ᓴᓂᓐᓂ ᐱᑕᖃᓐᖏᓚᖅ.

ᐃᓐᖏᕈᑎᑦ 30:5

ᓂᓐᖓᐅᒪᓂᖓ ᕿᓚᒥᒻᒪᕆᑯᓗᒃ ᐊᓂᒍᕐᒪᑦ, ᐱᑦᓯᐊᕐᓂᖓᓕ ᐃᓅᓯᐅᑉ ᓈᓂᖓᓄᑦ ᑎᑭᑉᐳᖅ; ᐅᓐᓄᐊᖅ ᓈᓗᒍ ᖁᕝᕕᐅᕐᓂᖃᕐᐳᖅ, ᐅᓪᓛᖑᓕᕐᐸᓪᓕ ᖁᕕᐊᓱᖕᓂᖅ ᑎᑭᑉᐳᖅ.

ᔫᐱᐅᑉ ᐊᒡᓚᖏᑦ 11:7

ᖃᐅᔨᔪᓐᓇᕋᓱᒋᕖᑦ ᒎᑎᐅᑉ ᖃᐅᔨᒪᓂᕐᔪᐊᖓᓂᒃ? ᐊᔪᒐᖃᖏᑦᑐᕐᔪᐊᖑᓂᖓᓗ ᐃᓱᓕᓪᓗᒍ ᖃᐅᔨᔪᓐᓇᕋᓱᒋᕕᐅᒃ?

ᐄᑉᕈᐃᓄᑦ 12:10

ᑎᒥᑦᑎᒍᑦ ᐊᑖᑕᑦᑕ ᐋᖅᑭᒋᐊᕐᐸᓚᐅᕐᐹᑎᒍᑦ ᓯᕕᑭᑦᑐᒥᒃ ᓈᒻᒪᒐᓱᒋᔭᒥᖕᓄᑦ, ᒎᑎᐅᓪᓕ ᐋᖅᑭᒋᐊᕐᐸᒃᐹᑎᒍᑦ ᐅᕙᑦᑎᓐᓄᑦ ᐱᕙᓪᓕᕐᓇᕐᑐᒥᒃ, ᐃᑦᔪᕐᓁᓐᓂᖓᓂᒃ ᐃᓚᖏᐅᑎᖃᑕᐅᖁᓪᓗᑕ.

ᓘᑲᓯᐅᑉ ᐊᒡᓚᖏᑦ 10:22

“ᐊᑖᑕᒪ ᓱᓇᓕᒫᓂᒃ ᑐᓂᓯᕕᒋᕚᖓ, ᓇᓪᓕᐊᑦᑕᓗ ᐃᕐᓂᖅ ᑭᓇᐅᖕᒪᖔᑦ ᖃᐅᔨᒪᓐᖏᓛ, ᐊᑖᑕ ᑭᓯᒥ ᖃᐅᔨᒪᕗᖅ, ᐊᑖᑕᓗ ᑭᓇᐅᖕᒪᖓᑦ ᖃᐅᔨᒪᔪᖃᖏᓐᓂᕗᑦ, ᐃᕐᓂᖅ ᑭᓯᒥ ᖃᐅᔨᒪᕗᖅ, ᐃᕐᓂᐅᓪᓗ ᓂᕈᐊᕐᓗᒋᑦ ᖃᐅᔨᑎᑦᓱᒪᔭᖏᑕ ᑭᓯᒥ ᖃᐅᔨᒪᕚᑦ.”

ᒫᑎᐅᓯᐅᑉ ᐊᒡᓚᖏᑦ 6:13

ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ. [ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]’

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:11

ᓱᓇᑐᐃᓐᓇᕐᓂᒡᓗ ᑕᑯᒥᓇᕐᑎᓯᕙᒃᐳᖅ ᓇᓪᓕᐅᓐᓂᖏᑦ ᓈᒻᒪᒃᑎᓪᓗᒋᑦ; ᐊᒻᒪᓗ ᐃᓱᖃᖏᑦᑐᒥᒃ ᐃᓕᓯᕗᖅ ᐃᓄᐃᑦ ᐆᒻᒪᑎᖏᓐᓄᑦ: ᑭᓯᐊᓂᓕ ᑖᒃᑯᐊ ᑐᑭᓯᔪᓐᓇᓐᖏᓚᑦ ᒎᑎ ᓱᓇᒥᒃ ᐱᓚᐅᕐᒪᖔᑦ ᐱᒋᐊᕐᓂᖓᓂᑦ ᐃᓱᐊ ᑎᑭᓪᓗᒍ.

ᐃᓐᖏᕈᑎᑦ 93:1

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ, ᐊᓐᓄᕌᕐᓯᒪᓪᓗᓂᓗ ᐱᓐᓇᕐᓇᕐᑐᓂᒃ ᐊᖓᔪᖅᑳᕐᔪᐊᕐᓯᐅᑎᓂᒃ; ᐊᑕᓂᖅ ᐊᓐᓄᕌᕐᓯᒪᕗᖅ, ᕿᑎᕈᓯᕐᓯᒪᓪᓗᓂᓗ ᐱᔪᓐᓇᕐᓂᕐᒥᒃ. ᑍᒤᒻᒪᑦ, ᓄᓇᕐᔪᐊᖅ ᐋᖅᑭᒃᓯᒪᕗᖅ; ᐊᐅᓚᑦᔭᒃᑕᐅᔪᓐᓇᕋᓂᓗ.

ᐃᓐᖏᕈᑎᑦ 66:3

ᒎᑎᒧᓪᓗ ᐅᖃᕐᓗᓯ, “ᓴᓇᓯᒪᔭᑎᑦ ᑲᒪᓇᕐᑐᐊᓘᕗᑦ! ᐊᔪᒐᖃᖏᓐᓂᕕᑦ ᐊᖏᔪᕐᔪᐊᖑᓂᖓᓄᑦ ᐊᑭᕋᕐᑐᕐᑎᑎᑦ ᐹᒻᒫᒃᑎᕐᐳᑦ ᐃᓕᖕᓄᑦ.

ᐃᓐᖏᕈᑎᑦ 65:6

ᖃᖅᑬᑦ ᓴᓇᓚᐅᕐᐸᑎᑦ ᐱᔪᓐᓇᕐᓂᕐᓄᑦ, ᐊᔪᒐᖃᖏᓐᓂᕐᒥᒡᓗ ᐊᓐᓄᕌᕐᓯᒪᕗᑎᑦ.

ᐃᓐᖏᕈᑎᑦ 62:11

ᐊᑕᐅᓯᐊᑐᐃᓐᓇᕐᓇᒍ ᒎᑎ ᐅᖃᕐᑐᖅ ᑐᓴᕐᓯᒪᕙᕋ, ᒪᕐᕈᐊᕐᑎᕐᓗᒍ ᑐᓴᓚᐅᕐᐸᕋ ᐃᒫᒃ: ᐊᔪᒐᖃᖏᓐᓂᖅ ᒎᑎᐅᑉ ᐱᒋᕚ.

ᔫᐱᐅᑉ ᐊᒡᓚᖏᑦ 37:19

ᐊᔪᕆᕐᑐᓚᐅᕐᑎᒍᑦ ᖃᓄᖅ ᒎᑎᒧᑦ ᐅᖃᕐᑐᒃᓴᐅᖕᒪᖔᑦᑕ; ᐃᓱᒪᑖᕈᓐᓇᖏᓐᓇᑦᑕ ᖃᓄᐃᓕᔭᕆᐊᒃᓴᖅ ᑖᕐᑐᒦᓐᓂᑦᑎᓐᓄᑦ.

ᔫᐱᐅᑉ ᐊᒡᓚᖏᑦ 36:26

ᑕᑯᒋᑦ, ᒎᑎᐅᑉ ᐊᖏᔪᕐᔪᐊᖑᕗᖅ, ᖃᐅᔨᔪᓐᓇᓐᖏᓚᕗᓪᓗ; ᑖᑦᓱᒪᓗ ᐊᕐᕌᒍᖏᑦ ᖃᐅᔨᔭᐅᔪᓐᓇᕋᑎᒃ.

ᔫᐱᐅᑉ ᐊᒡᓚᖏᑦ 26:14

ᑕᒪᒃᑯᐊᓕ ᐊᖅᑯᑎᖏᑕ ᐃᓱᐊᐱᑐᐃᓐᓇᖓᓐᓂᒃ ᓇᓗᓁᕐᓯᕗᑦ; ᓂᐱᑭᓪᓗᓂᓗ ᐅᖃᕐᓂᖓᓂᒃ ᑐᓴᒐᓛᒃᓯᒪᕗᒍᑦ! ᑭᐊᓕ ᐱᔪᓐᓇᕐᑐᕐᔪᐊᖑᓗᓂ ᑲᓪᓗᖕᓂᖓ ᑐᑭᓯᔪᓐᓇᕐᐸᐅᒃ?”

ᔫᐱᐅᑉ ᐊᒡᓚᖏᑦ 12:13

ᒎᑎᓕ ᓯᓚᑐᓂᖃᕐᐳᖅ ᐱᔪᓐᓇᕐᓂᖃᕐᓗᓂᓗ; ᑖᑦᓱᒪ ᐃᓕᓯᒪᓂᖅ ᑐᑭᓯᒪᓂᕐᓗ ᐱᒋᖕᒪᒋᑦ.

ᔫᐱᐅᑉ ᐊᒡᓚᖏᑦ 9:19

ᓲᖑᓂᒃᑯᑦ ᐱᓇᓱᐊᕆᐊᖃᕋᔭᕈᒪ, ᑕᑯᒋᑦ ᓲᖑᓗᐊᕐᐳᖅ! ᐊᑦᔨᒌᒃᑎᑦᓯᓂᒃᑯᑦ ᐱᓇᓱᐊᕆᐊᖃᕋᔭᕈᒪ, ᓇᓪᓕᐊᑦᑕ ᐂᖁᔪᓐᓇᕋᔭᕐᐸᐅᒃ?

ᔫᐱᐅᑉ ᐊᒡᓚᖏᑦ 8:3

ᒎᑎ ᒧᒥᒃᑎᑦᓯᓲᖑᕚ ᓈᒻᒪᓈᕐᓯᒪᓂᕐᒥᒃ; ᐅᕝᕙᓗ ᐊᔪᒐᖃᖏᑦᑐᖅ ᓈᒻᒪᓈᕐᑐᒥᒃ ᒧᒥᒃᑎᑦᓯᓲᖑᕙ?

ᔫᐱᐅᑉ ᐊᒡᓚᖏᑦ 11:8

ᕿᓚᖕᒥᑦ ᖁᕝᕙᓯᖕᓂᕐᓴᐅᕗᖅ, ᖃᓄᐃᓕᐅᕈᓐᓇᕐᐱᓪᓕ? ᐃᑎᓂᕐᓴᐅᕗᖅ ᑐᖁᖓᔪᑦ ᐃᓂᖓᓂᑦ, ᖃᓄᕐᓕ ᖃᐅᔨᔪᓐᓇᕐᐱᑦ?

ᔫᐱᐅᑉ ᐊᒡᓚᖏᑦ 25:2

“ᒎᑎ ᐊᖓᔪᖅᑳᕐᔪᐊᖑᕗᖅ ᐱᔪᓐᓇᕐᓂᕐᔪᐊᖃᕐᓗᓂᓗ; ᑕᒪᕐᒥᒃ ᓯᕘᕋᓂᖃᕐᑐᒃᓴᐅᕗᑦ ᑖᑦᓱᒥᖓ; ᑖᑦᓱᒪ ᐊᑕᓂᐅᕕᓂ ᕿᓚᖕᒦᑦᑐᖅ ᓮᒪᓇᕐᑑᑎᒻᒪᒍ.

ᔫᐱᐅᑉ ᐊᒡᓚᖏᑦ 36:3

ᖃᐅᔨᑎᑕᐅᓯᒪᓂᕋ ᐊᖏᔫᖕᒪᑦ ᐊᑯᓂᓂᑦ, ᓇᓗᓁᕐᓯᔪᒪᕗᖓ ᐱᓐᖑᕐᑎᑎᔨᒪ ᓇᓛᒎᕐᓂᖓᓂᒃ.

ᔫᐱᐅᑉ ᐊᒡᓚᖏᑦ 37:22

ᐅᓐᓄᐊᑉ ᓇᓛᓂᑦ ᒎᓗᑎᑐᑦ ᑕᑯᒥᓇᕐᓂᓕᒃ ᓴᖅᑭᑉᐳᖅ, ᒎᑎ ᐊᓐᓄᕌᕐᓯᒪᖕᒪᑦ ᓂᕐᑐᕐᓇᕐᓂᕐᔪᐊᕐᒥᒃ ᐊᖏᔪᒥᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:24

ᑕᒪᓐᓇ ᐅᖓᓯᒃᑐᖅ, ᐊᒃᓱᒻᒪᕆᐊᓗᒡᓗ ᐃᑎᔫᓪᓗᓂ, ᑭᐊ ᖃᐅᔨᔪᓐᓇᕐᐸᐅᒃ?

ᐃᓯᑭᐊᓕᐅᑉ ᐊᒡᓚᖏᑦ 33:11

ᐅᖃᐅᑎᒃᑭᑦ, ᐃᓅᒐᒪ, ᐅᖃᕐᐳᖅ ᐊᑕᓂᖅ ᒎᑎ, ᐱᐅᖏᑦᑐᓕᔫᑉ ᑐᖁᓂᖓᓂᒃ ᖁᕕᐊᒋᔭᖃᓐᖏᓚᖓ, ᐱᐅᖏᑦᑐᓕᔪᕐᓕ ᓵᒋᐊᕐᓗᓂ ᐃᓅᖔᖁᕙᕋ; ᐅᑎᓕᕆᑦᓯ, ᐅᑎᓕᕆᑦᓯ ᐱᐅᖏᑦᑐᓕᓂᑦᓯᓐᓂᑦ; ᓱᖕᒪᑦ ᑐᖁᔪᒃᓴᐅᕕᓰ, ᐃᓴᕆᐊᓕᐅᑉ ᑭᖑᕚᖏᑦ?

ᐃᓐᖏᕈᑎᑦ 62:12

ᐊᑕᓃᖅ ᐃᕝᕕᓪᓗ, ᓇᒡᓕᖕᓂᖅ ᓱᖁᓯᔪᐃᑦᑐᖅ ᐱᒋᕙᑦ. ᑐᓂᓯᕙᒃᐳᑎᓪᓗ ᐊᑐᓂᑦ ᐱᓂᐊᕐᓂᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 145:3

ᐊᑕᓂᖅ ᐊᖏᔪᕐᔪᐊᖑᕗᖅ, ᐊᖏᔪᒥᒡᓗ ᓂᕐᑐᕐᑕᐅᔪᒃᓴᐅᕗᖅ, ᑖᑦᓱᒪᓗ ᐊᖏᓂᖓ ᑐᑭᓯᔭᐅᔪᓐᓇᓐᖏᓚᖅ.