ᔫᐱᐅᑉ ᐊᒡᓚᖏᑦ 37:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᓯᓚᓗᖕᒥᒃ ᑎᑭᑎᑦᓯᖃᑦᑕᕐᐳᖅ ᓱᒋᐊᕐᓯᑦᔪᑎᒋᓪᓗᒋᑦ, ᐅᕝᕙᓗ ᓄᓇᒥᒃ ᖃᐅᓯᕐᑎᑦᓯᔪᒪᓪᓗᓂ, ᐅᕝᕙᓗ ᓇᒡᓕᖕᓂᕐᒥᓂᒃ ᓴᖅᑭᑎᑦᓯᔪᒪᓪᓗᓂ.

ᔫᐱᐅᑉ ᐊᒡᓚᖏᑦ 37:13 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 18:45

ᐊᑯᓂᐅᑎᓐᓇᒍᑦ ᓯᓚ ᑖᕐᓯᕗᖅ ᓄᕗᔭᓄᑦ ᐊᓄᕆᒧᓪᓗ, ᓯᓚᓗᒡᔪᐊᓕᕐᓗᓂᓗ. ᐂᕼᐊᑉᓗ ᐃᖏᕐᕋᓯᕗᖅ ᐂᓪᓗᓂᓗ ᔨᔭᕆᐅᓪᒧᑦ.

ᔫᐱᐅᑉ ᐊᒡᓚᖏᑦ 36:31

ᑕᒪᑐᒧᖓ ᑕᕝᕙ ᐃᓅᒐᓴᒡᔪᐊᑦ ᐃᖅᑲᕐᑐᕐᐰᑦ; ᓂᕿᒃᓴᖏᓐᓂᒡᓗ ᓈᒻᒪᒃᑐᓂᒃ ᑍᒪᓐᖓᑦ ᑐᓂᓯᕕᒋᓪᓗᒋᑦ.

ᔫᐱᐅᑉ ᐊᒡᓚᖏᑦ 37:6

ᑖᑦᓱᒪ ᐱᖁᔨᓂᖓᒍᑦ ᐊᐳᑦ ᑲᑕᒐᖃᑦᑕᕐᐳᖅ ᓄᓇᒧᑦ; ᓯᓚᓗᒃᑎᑉᐹᑦᑕᐅᖅ ᐃᒥᕐᒥᒡᓗ ᑯᕕᑐᐃᓐᓇᕐᑎᓪᓗᒍ, ᐱᔪᓐᓇᕐᓂᒃᑯᑦ.

ᐄᓱᕋᐅᑉ ᐊᒡᓚᖏᑦ 10:9

ᑕᕝᕙ ᐅᓪᓗᐃᑦ ᐱᖓᔪᒋᓕᕐᑕᖓᓂ, ᑕᖅᑭᐅᑉ 9ᖓᓂ ᐅᓪᓗᖓᑕ 20ᖓᓂ, ᐊᖑᑏᑦ ᔫᑕᐅᑉ ᐱᓐᔭᒥᓂᐅᓪᓗ ᑭᖑᕚᓕᒫᖏᑦ ᑲᑎᓚᐅᕐᐳᑦ ᔨᕉᓴᓕᒧᑦ ᑐᒃᓯᐊᕐᕕᒃᔪᐊᑉ ᐱᕕᑐᓂᖓᓂ ᐃᒃᓯᕙᓕᕐᓗᑎᒃ. ᑕᕝᕙ ᓯᓚᓗᒻᒪᕆᓕᕐᐳᖅ, ᓯᓚᖓ ᐱᓪᓗᒍ ᑲᑎᒪᓂᐅᓪᓗ ᐱᒻᒪᕆᐅᓂᖓᓄᑦ ᑕᒪᕐᒥᒃ ᓴᔪᓕᕐᐳᑦ.

ᓴᒧᐃᓕ ᐂᑉᐸᖏᑦ 21:10

ᓴᐅᓕᐅᓪᓕ ᓄᓕᐊᖓ ᕆᔾᐸ, ᐂᐊᐅᑉ ᐸᓂᖓ, ᐊᑐᓚᐅᕐᐳᖅ ᐳᑐᕐᓛᒥᒃ, ᐅᓕᒋᓪᓗᒍ ᐅᔭᕋᐅᑉ ᖄᖓᓂ ᑐᖁᖓᔪᑦ ᓇᔪᕐᑕᖓᓂ, ᑍᑲᓃᓚᐅᕐᐳᓪᓗ ᑲᑎᕐᓱᐃᕕᐅᑉ ᐱᒋᐊᕐᓂᖓᓂᑦ ᐅᑭᐊᒃᓵᑉ ᓯᓚᓗᓕᕐᓂᖓ ᑎᑭᓪᓗᒍ; ᐅᓪᓗᒃᑯᑦ ᑎᖕᒥᐊᓂᑦ ᑐᖁᖓᔪᑦ ᓴᐳᑎᓚᐅᕐᐰᑦ, ᐅᓐᓄᒃᑯᓪᓗ ᓴᐳᑎᓚᐅᕆᕔᑦ ᐃᕐᓯᓇᕐᑐᓂᑦ ᐆᒪᔪᓂᑦ.

ᔪᐃᓕᐅᑉ ᐊᒡᓚᖏᑦ 2:23

ᖁᕕᐊᓱᒋᑦᓯ, ᓮᐅᓂᐅᑉ ᕿᑐᕐᖓᖏᑦ, ᖁᕕᐊᓱᒋᑦᓯ ᐊᑕᓂᖅ ᒎᑎᓯ ᐃᓕᑦᓯᓐᓄᑦ ᐱᓂᐊᕐᓯᒪᓂᖓ ᐱᑦᔪᑎᒋᓗᒍ, ᓯᓚᓗᒡᕕᐅᑎᒻᒪᓯ ᓯᕗᓪᓕᕐᓯᐅᒻᒥᒃ ᓱᖁᓯᔪᐃᑦᑑᓂᕐᒥᓄᑦ, ᓯᓚᓗᒡᕕᐅᑎᓕᕐᒪᓯ ᓯᕗᓪᓕᕐᓯᐅᒻᒥᒃ ᑭᖑᓪᓕᕐᓯᐅᒻᒥᒡᓗ ᓲᕐᓗ ᑍᑦᓱᒪᓂᑐᑦ.

ᓴᒧᐃᓕ ᐂᑉᐸᖏᑦ 21:14

ᓴᐅᓕᐅᓪᓗ ᔫᓇᑕᓂᐅᓪᓗ ᓴᐅᓂᖏᑦ ᐃᓗᕕᕐᑕᐅᓚᐅᕐᐳᑦ ᓴᐅᓕᐅᑉ ᐊᑖᑕᖓᑕ ᑭᓯᐅᑉ ᐃᓗᕕᖃᕐᕕᖓᓄᑦ, ᓄᓇᓕᖕᓂ ᔨᓚᒥ ᐱᓐᔭᒥᓂᐅᑉ ᓄᓇᖓᓂ, ᐊᖓᔪᖅᑳᕐᔪᐊᑉ ᑎᓕᓯᑦᔪᑎᒋᔭᖓᓂᒃ ᐊᑐᕐᓗᑎᒃ ᐱᓇᓱᐊᓚᐅᕐᐳᑦ. ᑕᒪᑐᒪ ᑭᖑᓂᐊᒍᑦ ᒎᑎᐅᑉ ᑐᒃᓯᐊᕐᓂᖏᓐᓂᒃ ᑭᐅᓚᐅᕐᐰᑦ ᓄᓇᖓ ᐱᓪᓗᒍ.

ᐊᑕᓃᑦ ᓯᕗᓪᓖᑦ 18:41

ᐃᓔᑦᔭᐅᓪᓗ ᐂᕼᐊᑉ ᐅᖃᐅᑎᕚ, “ᑕᑉᐸᐅᖓ ᐂᓕᕆᑦ, ᓂᕆᓗᑎᑦ ᐃᒥᓕᕆᑦ; ᓯᓚᓗᒡᔪᐊᖅ ᑐᓴᕐᓴᐅᓕᕐᒪᑦ.”

ᔫᐱᐅᑉ ᐊᒡᓚᖏᑦ 37:14

ᔫᐲ ᐅᓇ ᓈᓚᒍᒃ; ᕿᑲᕐᓯᓗᑎᑦ ᐃᒃᐱᒍᓱᑦᓯᐊᕆᑦ ᒎᑎᐅᑉ ᐱᓇᓱᐊᕐᑕᖏᓐᓂᒃ ᑲᒪᓇᕐᑐᓂᒃ.

ᐃᓐᖏᕈᑎᑦ 65:10

ᐱᕈᕐᓰᕕᖕᒥ ᐃᑎᕐᓮᑦ ᐃᒻᒥᕐᑐᑦᓯᐊᕐᐸᑎᑦ, ᐃᑎᕐᓮᓪᓗ ᒪᓂᕋᓐᖑᕐᑎᓪᓗᒋᑦ; ᐊᕿᓕᑎᕐᓗᒍᓗ ᓯᓚᓗᖕᒧᑦ, ᐱᕈᕐᐸᓪᓕᐊᔪᓪᓗ ᓮᒻᒪᕐᑎᑉᐸᑎᑦ.