ᔫᐱᐅᑉ ᐊᒡᓚᖏᑦ 36:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑕᕝᕙ ᓯᐅᑎᖏᑦ ᓈᓚᒍᓐᓇᕐᓯᑎᓪᓗᒋᑦ ᐊᔪᕆᕐᑐᓕᕐᐰᑦ, ᐱᐅᖏᑦᑐᓕᓂᕐᒥᖕᓂᒃ ᕿᒤᓗᑎᒃ ᐅᑎᖁᓪᓗᒋᑦ.

ᔫᐱᐅᑉ ᐊᒡᓚᖏᑦ 36:10 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 3:8

ᖃᕿᐊᓕᕐᓂᓯ ᓇᓗᓁᓕᕐᓯᐅᒃ ᐱᓂᐊᕐᓂᑦᓯᒍᑦ,

ᔫᐱᐅᑉ ᐊᒡᓚᖏᑦ 36:15

ᒎᑎᓕ ᐱᐅᓕᓯᕙᒃᐳᖅ ᐅᖁᒤᑦᑐᒃᑰᕐᑐᓂᒃ ᐅᖁᒤᒃᓴᕐᑎᑕᐅᓂᖏᑎᒍᑦ, ᐋᓐᓂᐊᓂᖏᓪᓗ ᐊᑐᕐᓗᒋᑦ ᓯᐅᑎᖏᑦ ᐊᖕᒪᕐᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 50:5

ᐊᑕᓂᐅᑉ ᒎᑎᐅᑉ ᑐᑭᓯᔪᓐᓇᕐᓂᖃᕐᑎᑉᐹᖓ; ᐊᑭᕋᕐᑐᓚᐅᓐᖏᓚᖓ, ᑐᓄᐃᓚᐅᕐᓇᖓᓗ.

ᐂᓮᐊᓯᐅᑉ ᐊᒡᓚᖏᑦ 48:17

ᐊᑕᓂᖅ ᐃᒫᒃ ᐅᖃᕐᐳᖅ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ: “ᐅᕙᖓᐅᕗᖅ ᐊᑕᓂᖅ ᒎᑎᓯ, ᐃᓕᓐᓂᐊᕐᑎᑉᐸᑦᓯ ᐱᕚᓪᓕᖁᓪᓗᓯ, ᑕᓯᐅᕐᐸᑦᓯᓗ ᐊᖅᑯᒻᒧᑦ ᐊᑐᕆᐊᖃᕐᑕᑦᓯᓐᓄᑦ.

ᐊᑕᓃᑦ ᐂᑉᐸᖏᑦ 17:13

ᐊᑕᓂᐅᑉ ᐅᖃᕐᑎᓂ ᑎᓕᕙᓚᐅᕋᓗᐊᕐᐰ ᐃᖅᑬᑎᑦᓯᔭᕐᑐᕐᑎᓪᓗᓂᒋᑦ ᐃᓴᕆᐊᓕᒥᐅᓂᒃ ᔫᑕᒥᐅᓂᒡᓗ, ᐅᖃᕐᓗᓂ, ᐃᓕᖅᑯᓯᕆᔭᓯ ᓈᒻᒪᖏᑦᑐᑦ ᕿᒪᒡᓗᒋᑦ ᐱᖁᔭᒃᑲ ᒪᓕᒐᒃᓴᕆᕙᓯ ᓯᕗᓕᕕᓂᑦᓯᓐᓄᑦ ᑐᓂᔭᐅᑎᓚᐅᕐᑕᒃᑲ ᒪᓕᒃᑕᐅᖁᓪᓗᒋᑦ ᐃᓕᑦᓯᓐᓄᑦᑕᐅᖅ ᐅᖃᐅᓯᕆᔭᐅᑎᓯᒪᔭᒃᑲ ᒪᓕᒃᑕᐅᖁᓪᓗᒋᑦ ᐱᔨᒋᔭᒃᑲ ᐅᖃᕐᑎᖁᑎᒃᑲᓗ ᐊᖅᑯᑎᒋᓪᓗᒋᑦ.

ᔧᒥᓯᐅᑉ ᐊᒡᓚᖏᑦ 4:8

ᒎᑎᒧᑦ ᖃᒡᓕᒋᑦᓯ ᑖᑦᓱᒪ ᑕᕝᕙ ᖃᒡᓕᓂᐊᕐᐹᓯ. ᐊᔪᕐᑐᓕᔨᐅᔪᓯ ᐊᒡᒐᓯ ᐅᐊᓴᕐᓯᐅᒃ, ᐆᒻᒪᑎᓯᓗ ᓴᓗᒻᒪᕐᓴᕐᓗᒋᑦ, ᐃᓕᑦᓯ ᒪᕐᕈᒍᓯᕐᑐᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 17:30

ᑍᒪᓐᖓᓂᑦ ᐃᓄᐃᑦ ᓇᓗᔫᓂᖏᑦ ᒎᑎᐅᑉ ᓱᖁᑎᒋᓚᐅᓐᖏᓔᑦ, ᒫᓐᓇᓕ ᐱᖁᔨᕗᖅ ᐃᓄᐃᑦ ᓇᓂᑐᐃᓐᓇᖅ ᐱᐅᖏᑦᑐᓕᓂᕐᒥᖕᓂᑦ ᖃᕿᐊᓕᖁᓪᓗᒋᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 16:14

ᑖᒃᑯᐊ ᐃᓚᖓᑦ ᓈᓚᒃᑐᖅ ᓖᑎᐊᒥ ᐊᑎᓕᒃ ᑍᐊᑍᕋᒥᐅᖅ, ᐊᓐᓄᕌᒃᓴᓂᒃ ᐊᐅᐸᓪᓚᕆᒃᑐᓂᒃ ᐱᐅᔪᓂᒃ ᓂᐅᕕᐊᒃᓴᖁᑎᓕᒃ, ᒎᑎᒧᑦ ᑐᒃᓯᐊᖃᑦᑕᕐᑐᖅ. ᓖᑎᐊᑉ ᐆᒻᒪᑎᖓ ᐊᑕᓂᐅᑉ ᒪᑐᐃᕐᐹ ᐸᐅᓗᓯᐅᑉ ᐅᖃᐅᓯᖏᓐᓂᒃ ᓈᓚᑦᓯᐊᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 3:19

ᑍᒤᒻᒪᑦ ᖃᕿᐊᓕᕆᑦᓯ, ᒎᑎᒧᓪᓗ ᓵᒋᐊᕐᓗᓯ, ᐱᐅᖏᑐᓕᓂᓯ ᑕᕝᕙ ᐲᔭᕐᓂᐊᕐᐰᑦ, ᓄᑖᒥᒡᓗ ᐱᔪᓐᓇᕐᓂᕐᑖᕐᑎᑕᐅᖃᑦᑕᕐᓂᐊᕐᐳᓯ ᐊᑕᓂᐅᑉ ᓇᔫᑎᓂᖓᓄᑦ,

ᕼᐆᓯᐊᑉ ᐊᒡᓚᖏᑦ 14:1

ᐃᓴᕆᐊᓖ, ᐅᑎᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᐹᓪᓚᒃᓯᒪᒐᕕᑦ ᐱᐅᖏᑦᑐᓕᓂᕐᓄᑦ.

ᐂᓮᐊᓯᐅᑉ ᐊᒡᓚᖏᑦ 48:8

ᑐᓴᓚᐅᕐᓯᒪᖏᓐᓇᑦᓯᐅᑦ ᖃᐅᔨᓚᐅᕐᓯᒪᓇᒋᓪᓗ; ᑍᒪᓐᖔᓗᖕᓂᑦ ᐃᓕᑦᓯᓐᓄᑦ ᑐᓴᕐᑕᐅᑎᓚᐅᕐᓯᒪᓐᖏᓚᒃᑲ. ᖃᐅᔨᒪᒐᒪ ᐅᒃᐱᕆᔭᒃᓴᐅᖏᓐᓂᑦᓯᓐᓂᒃ, ᐃᓅᓕᕐᓂᑦᓯᓐᓂᑦ ᐊᑭᕋᕐᑐᕐᑎᑐᐃᓐᓇᐅᓂᕋᕐᑕᐅᒐᑦᓯ.

ᐃᓐᖏᕈᑎᑦ 40:6

ᐆᒪᔪᐃᑦ ᐆᑕᒃᓮᑦ ᑐᓂᕐᕈᑎᒃᓮᓪᓗ ᐊᓯᖏᑦ ᐱᔪᒪᓐᖏᓚᑎᑦ; ᓯᐅᑏᒃᑲᒃ ᐊᖕᒪᓚᐅᕋᕕᒋᒃ. ᑐᓂᕐᕈᑎᑦ ᐆᑕᒃᓮᑦ ᐊᔪᕐᓂᕐᓗ ᐱᓪᓗᒍ ᑐᓂᕐᕈᑎᑦ ᐱᔪᒪᓚᐅᓐᖏᓚᑎᑦ.

ᔫᐱᐅᑉ ᐊᒡᓚᖏᑦ 36:21

ᐃᒃᐱᒍᓱᑦᓯᐊᕆᑦ, ᐱᐅᖏᑦᑐᓕᓂᕐᒧᑦ ᓵᓕᖁᓇᑎᑦ, ᑕᒪᓐᓇ ᐋᓐᓂᐊᓇᕐᑐᒃᑰᕐᓃᑦ ᐃᓕᖕᓄᑦ ᑎᑭᓯᒪᖕᒪᑦ ᓴᐳᑎᔭᐅᖁᓪᓗᑎᑦ ᐱᐅᖏᑦᑐᓕᓂᕐᒥᑦ.

ᔫᓇᐅᑉ ᐊᒡᓚᖏᑦ 3:8

ᐃᓄᓕᒫᓪᓕ ᓂᕐᔪᑏᓪᓗ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ ᐊᑐᕐᑐᒃᓴᐅᕗᑦ. ᐃᓗᖏᕐᑐᕐᓗᑎᒃ ᑐᒃᓯᐊᕐᑐᒃᓴᐅᕗᑦ ᒎᑎᒧᑦ ᖃᕿᐊᓕᕐᓗᑎᒡᓗ ᐊᖅᑯᑎᒋᔭᒥᖕᓂᑦ ᐃᓱᐊᖏᑦᑐᓂᑦ ᐊᒡᒐᖕᒥᓗ ᐊᑲᐅᖏᑦᑐᓕᓂᖏᓐᓂᑦ.

ᔨᐸᓁᐊᐅᑉ ᐊᒡᓚᖏᑦ 3:7

ᐅᖃᓚᐅᕐᐳᖓᓗ, ‘ᐃᒻᒪᖄᓕ ᓯᕘᕋᒋᓂᐊᓕᕐᐸᑦᓯᓐᖓ ᓈᒻᒪᒋᔭᐅᓂᐊᕐᐳᓪᓗ ᐊᖅᑭᒋᐊᕐᓯᓂᒃᑲ ᐃᓂᒋᔭᖏᓪᓗ ᓄᖑᑎᓐᓂᐊᓐᖏᓚᒃᑲ.’ ᓱᒋᐊᓚᐅᕋᓗᐊᕋᒃᑭᓪᓗ, ᐅᑎᑦᓴᐅᑎᒋᓚᐅᕐᐳᑦ ᐱᓂᐊᕐᓂᖃᓕᕐᓗᑎᒡᓗ ᐱᐅᖏᑦᑐᓂᒃ.