ᔫᐱᐅᑉ ᐊᒡᓚᖏᑦ 35:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᒎᑎᐅᑉ ᐱᓪᓚᕆᖏᓪᓗᓂ ᐅᖃᓪᓚᒃᑐᖅ ᑐᓴᕐᓂᐊᖏᒻᒪᒍ, ᐊᔪᒐᖃᖏᑦᑑᓪᓗ ᐃᒃᐱᒋᓂᐊᓐᖏᓔᑦ.

ᔫᐱᐅᑉ ᐊᒡᓚᖏᑦ 35:13 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:29

ᐊᑕᓂᖅ ᐅᖓᓯᒃᐳᖅ ᐱᐅᖏᑦᑐᓄᑦ, ᐃᓱᐊᕐᑐᓪᓕ ᑐᒃᓯᐊᕐᓂᖏᑦ ᑐᓴᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 11:11

ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐱᐅᖏᑦᑐᒧᑦ ᑎᑭᑕᐅᑎᓐᓂᐊᕐᐸᒃᑲ ᕿᒫᔪᓐᓇᕐᓂᐊᓐᖏᑕᖓᓐᓂᒃ, ᐅᕙᓐᓂᒃ ᑕᑎᖃᕋᓱᒃᑲᓗᐊᕐᐸᑕ, ᑐᓴᕐᓂᐊᓐᖏᓚᒃᑲ.

ᐂᓮᐊᓯᐅᑉ ᐊᒡᓚᖏᑦ 1:15

“ᐊᒡᒐᓯ ᐃᓵᒃᑲᓗᐊᕋᑦᓯᐅᒃ ᐅᕙᓐᓄᑦ, ᑕᑯᓐᓇᕐᓂᐊᕈᓐᓃᕐᐸᑦᓯ; ᐅᓄᕐᑐᓂᒃ ᑐᒃᓯᐊᕐᓂᓕᐅᕋᓗᐊᕈᑦᓯ ᓈᓚᖕᓂᐊᓐᖏᓚᖓ, ᐊᒡᒐᓯ ᐊᐅᖏᓐᓇᐅᖕᒪᑕ.

ᔧᒥᓯᐅᑉ ᐊᒡᓚᖏᑦ 4:3

ᑐᒃᓯᐊᕋᓗᐊᕋᑦᓯᓗ ᐱᕙᓐᖏᓚᓯ, ᑐᒃᓯᐊᕐᓂᓯ ᓈᒻᒪᖏᒻᒪᑦ, ᓇᖕᒥᓂᖅ ᐱᔪᒪᓃᓇᑦᓯᓐᓄᑦ ᐊᑐᕈᒪᓐᓗᒋᑦ ᑐᒃᓯᐊᕈᑎᖃᕋᑦᓯ.

ᒫᑎᐅᓯᐅᑉ ᐊᒡᓚᖏᑦ 6:7

“ᑐᒃᓯᐊᕌᖓᑦᓯ, ᐅᖃᐅᓯᕐᓂᒃ ᑖᒃᑯᓂᖓᑦᓮᓐᓇᖅ ᑕᑭᓕᑎᓪᓗᒋᑦ ᐊᑐᕐᑐᒃᓴᐅᓐᖏᓚᓯ, ᐅᒃᐱᖏᑦᑐᑎᑐᑦ; ᑍᒃᑯᐊ ᐊᒥᓱᓂᒃ ᑭᓯᐊᓂ ᐅᖃᐅᓯᖃᕐᓗᑎᒃ ᑐᓴᕐᑕᐅᔪᓐᓇᕋᓱᒋᖕᒪᑕ.

ᐂᒨᓯᐅᑉ ᐊᒡᓚᖏᑦ 5:22

ᐅᕙᓐᓄᑦ ᑐᓂᕐᕈᓯᕋᓗᐊᕋᑦᓯ ᐃᑯᐊᓚᑦᓯᓂᕐᒧᑦ ᑐᓂᕐᕈᑎᓂᒃ, ᓂᐊᖂᔭᒃᓴᓂᒡᓗ ᑐᓂᕐᕈᓯᕋᓗᐊᕋᑦᓯ ᐃᓚᓕᐅᕐᓂᐊᓐᖏᓚᒃᑲ, ᑐᓂᕐᕈᓯᕋᓗᐊᕈᑦᓯᓗ ᐃᓚᒋᔭᐅᑦᓯᐊᕈᒪᓂᕐᒧᑦ ᖁᐃᒃᑎᓴᕐᑕᐅᓯᒪᔪᓂᒃ ᐃᒃᐱᒋᓂᐊᓐᖏᓚᒃᑲ.

ᕼᐆᓯᐊᑉ ᐊᒡᓚᖏᑦ 7:14

ᐆᒻᒪᑎᒥᖕᓂᑦ ᐱᔪᒥᒃ ᐱᓇᑎᒃ ᑐᒃᓯᐊᕐᕕᒋᓚᐅᕐᐹᖓ, ᐃᓐᓇᖓᕕᖕᒥᖕᓂᑦ ᐃᓚᓐᓂᕐᓴᕐᓗᑎᒃ ᑐᒃᓯᐊᕐᕕᒋᓚᐅᕋᓗᐊᕐᐹᖓ; ᕿᓄᓪᓗᑎᒃ ᓂᐊᖂᔭᒃᓴᒥᒃ ᕔᓂᒥᒡᓗ ᐃᒻᒥᖕᓂᒃ ᑭᓪᓕᐊᓪᓗᑎᒃ, ᐅᕙᓐᓂᒃ ᐊᑭᕋᕐᑐᓚᐅᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:9

ᓯᐅᑎᒥᓂᒃ ᒪᑐᓯᔫᑉ ᐱᖁᔭᓂᒃ ᓈᓚᒍᒪᖏᓪᓗᓂ, ᑖᑦᓱᒪ ᑐᒃᓯᐊᕐᓂᖓᑦᑕᐅᖅ ᐆᒥᒋᔭᐅᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:8

ᐱᐅᖏᑦᑐᑦ ᑐᓂᕐᕈᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐃᓱᐊᕐᑑᓪᓕ ᑐᒃᓯᐊᕐᓂᖏᑦ ᐊᑕᓂᐅᑉ ᖁᕕᐊᒋᕔᑦ.

ᐃᓐᖏᕈᑎᑦ 102:17

ᐊᖏᕐᕋᖃᕈᓐᓃᕐᓯᒪᔪᑦ ᑐᒃᓯᐊᕐᓂᖏᑦ ᓵᕝᕕᒋᓂᐊᕐᐰᑦ, ᕿᓄᐊᕆᔭᖏᓪᓗ ᓇᕐᕈᒋᓂᐊᓐᖏᓔᑦ.

ᔫᐱᐅᑉ ᐊᒡᓚᖏᑦ 30:20

ᒎᑏ ᐃᓕᖕᓄᑦ ᓂᓪᓕᐊᒐᓗᐊᕋᒪ ᑭᐅᓐᖏᓚᕐᒪ; ᓂᑯᕕᖓᓪᓗᖓ ᓵᓐᖓᒐᓗᐊᕋᒃᑭᑦ, ᑲᒪᒋᓐᖏᓚᕐᒪ.

ᔪᐊᓇᓯᐅᑉ ᐊᒡᓚᖏᑦ 9:31

ᖃᐅᔨᒪᕗᒍᓪᓕ ᒎᑎᐅᑉ ᐊᔪᕐᓂᕐᒦᑦᑐᑦ ᑐᓴᖏᒻᒪᒋᑦ; ᒎᑎᒥᒡᓕ ᑲᒪᑦᓯᐊᕐᑐᑦ ᐱᖁᔭᖓᓂᒡᓗ ᐊᑐᑦᓯᐊᕐᑐᑦ, ᒎᑎᐅᑉ ᑐᓴᕐᒪᒋᑦ.

ᔫᐱᐅᑉ ᐊᒡᓚᖏᑦ 15:31

ᐃᒻᒥᓂᒃ ᓯᓔᕐᕆᓯᒪᕗᖅ; ᓱᓇᐅᖏᑦᑐᒥᒃ ᑕᑎᖃᕐᓯᒪᒐᒥ, ᑖᓐᓇ ᓱᓇᐅᖏᑦᑐᒥᒃ ᐊᑭᓕᕐᑕᐅᑦᔪᑎᖃᕈᒪᕐᐳᖅ.

ᒤᑲᐅᑉ ᐊᒡᓚᖏᑦ 3:4

ᒪᑐᒪ ᑭᖑᕐᖓᒍᑦ ᓯᕗᓕᕐᑏᑦ, ᑐᒃᓯᐊᕈᒫᕐᐳᑦ ᐊᑕᓂᕐᒧᑦ, ᑭᓯᐊᓂᓕ ᑐᓴᕐᓂᐊᓐᖏᓔᑦ; ᑍᑲᓂ ᑮᓇᓂ ᐃᔨᕈᒫᕐᐹ ᑖᒃᑯᓇᓐᖓᑦ, ᐱᐅᖏᑦᑐᐊᓗᖕᓂᒃ ᐱᓂᐊᓚᐅᕐᓂᖏᑦ ᐱᓪᓗᒋᑦ.

ᐃᓐᖏᕈᑎᑦ 66:18

ᐆᒻᒪᑎᒃᑯᑦ ᐱᐅᖏᑦᑐᓕᓂᕐᒥᒃ ᐊᓐᓂᕆᔭᖃᕈᒪ, ᐊᑕᓂᐅᑉ ᑐᓴᕐᓂᐊᓐᖏᓛᖓ.