ᔫᐱᐅᑉ ᐊᒡᓚᖏᑦ 34:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᐊᒃᓱᔪᑦ ᐃᑲᔪᕐᑕᐅᔪᒪᓕᖁᓪᓗᒋᑦ ᑖᑦᓱᒧᖓ, ᐋᓐᓂᐊᓇᕐᑐᒦᑦᑐᑦ ᓂᓪᓕᐊᓕᕐᒪᑕ ᑕᕝᕙ ᑐᓴᓚᐅᕐᐰᑦ.

ᔫᐱᐅᑉ ᐊᒡᓚᖏᑦ 34:28 ပူးပေါင်းရင်းမြစ်များ

ᔧᒥᓯᐅᑉ ᐊᒡᓚᖏᑦ 5:4

ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.

ᔫᐱᐅᑉ ᐊᒡᓚᖏᑦ 35:9

ᐃᓄᐃᑦ ᐅᖁᒤᒃᓴᕐᓂᖏᑦ ᐅᓄᕐᓯᔭᕌᖓᑕ ᓂᐹᓕᕐᐸᒃᐳᑦ; ᐊᔪᒐᖃᖏᑦᑐᒧᑦ ᐃᑲᔪᕐᑕᐅᔪᒪᓪᓗᑎᒃ ᓂᓪᓕᐊᓕᖃᑦᑕᕐᐳᑦ.

ᒨᓯᓯ ᐂᑉᐸᖏᑦ 3:7

ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ.

ᐃᓐᖏᕈᑎᑦ 12:5

“ᐊᔪᕐᓴᕐᑐᑦ ᐅᖁᒤᒃᓴᕐᑎᑕᐅᖕᒪᑕ, ᐱᒃᓴᖃᖏᑦᑐᓪᓗ ᐊᓂᕐᓴᐅᒥᖕᒪᑕ, ᑕᕝᕙ ᒪᑭᓐᓂᐊᓕᕐᐳᖓ,” ᐊᑕᓂᖅ ᐅᖃᕐᐳᖅ: “ᓴᐳᑎᔪᒪᕙᕋ ᓴᐳᑎᔭᐅᔪᒪᓂᖓ ᒪᓕᒡᓗᒍ.”

ᒨᓯᓯ ᐂᑉᐸᖏᑦ 3:9

ᐃᓴᕆᐊᓕᒥᐅᑦ ᕿᓄᓂᖏᑦ ᑐᓴᕐᓯᒪᕙᒃᑲ, ᖃᐅᔨᓪᓗᖓᓗ ᐄᑦᔨᑉᑎᒥᐅᑦ ᐊᒃᓱᕈᕐᑎᑦᓯᓂᖏᓐᓂᒃ ᑖᒃᑯᓂᖓ.

ᐂᓮᐊᓯᐅᑉ ᐊᒡᓚᖏᑦ 5:7

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᕔᓂᒃᓴᓕᐅᕐᕕᒋᖕᒪᒋᑦ ᐃᓴᕆᐊᓕᐅᑉ ᑭᖑᕚᖏᑦ; ᔫᑕᐅᓪᓗ ᐃᓄᖏᑦ ᑕᑯᒥᓇᕐᑐᖁᑎᒋᓪᓗᒋᑦ ᐱᕈᕐᓰᕕᖁᑎᒋᕔᑦ; ᓂᕆᐅᒡᕕᒋᓚᐅᕐᐰᑦ ᐊᑦᔨᒌᒃᑎᑦᓯᓂᕐᒥᒃ, ᑭᓯᐊᓂᓕ ᐅᖁᒤᒃᓴᕐᑎᑦᓯᓯᒪᕗᑦ; ᐃᓱᐊᕐᓂᕐᒥᒡᓗ ᓂᕆᐅᒡᕕᒋᓚᐅᕐᐰᑦ, ᕿᐊᔪᓂᒡᓕ ᑐᓵᕗᑦ.

ᔫᐱᐅᑉ ᐊᒡᓚᖏᑦ 24:12

ᐃᒡᓗᒐᓴᖕᓂᑦ ᐊᖑᑎᑦ ᑐᖁᓕᒑᔪᑦ ᐋᓐᓂᐊᓂᕐᒧᑦ ᓂᐹᕗᑦ, ᐃᑭᓕᕐᑕᐅᓯᒪᔪᓪᓗ ᓂᐹᕗᑦ ᐃᑲᔪᕐᑕᐅᔪᒪᓪᓗᑎᒃ; ᒎᑎᐅᓪᓕ ᑲᒪᒋᓐᖏᓔᑦ ᑐᒃᓯᐊᕐᓂᕆᔭᖏᑦ.

ᒨᓯᓯ ᑕᓪᓕᒪᖏᑦ 15:9

ᐅᑦᔨᕐᑐᑦᓯᐊᕆᑦᓯ, ᐱᐅᖏᑦᑐᒥᒃ ᐆᒻᒪᑎᑦᓯᓐᓂ ᐃᓱᒪᖁᓇᓯ, ᐅᖃᕐᓗᓯ, ‘ᐊᕐᕌᒍᑦ 7ᖓ, ᐊᑭᓕᒃᓴᓂᒃ ᓴᒃᑯᐃᕕᒃ ᖃᓂᓗᐊᓕᕐᒪᑦ,’ ᓈᒻᒪᒋᖏᓪᓗᒍᓗ ᖃᑕᓐᖑᑏᑦ ᑕᑯᓐᓇᕐᓗᒍ, ᑐᓂᓯᕕᒋᖏᒃᑯᕕᐅᒃ, ᐊᑕᓂᕐᒧᑦ ᓂᓪᓕᐊᓕᕋᔭᕐᒪᑦ ᐱᑦᔪᑎᒋᓗᑎᑦ, ᑕᕝᕙ ᐊᔪᕐᑐᓕᓯᒪᓕᕋᔭᕐᐳᑎᑦ.

ᔫᐱᐅᑉ ᐊᒡᓚᖏᑦ 5:15

ᒎᑎᐅᓪᓕ ᐊᔪᕐᓴᕐᑐᑦ ᑐᖁᒥᑦ ᐱᐅᓕᕔᑦ, ᐃᑲᔪᕐᑕᐅᔭᕆᐊᓖᑦ ᐊᔪᖏᑦᑐᕐᔪᐊᓂᑦ ᐱᐅᓕᓪᓗᒋᑦ.

ᔫᐱᐅᑉ ᐊᒡᓚᖏᑦ 8:6

ᐃᑦᔪᕐᓁᒃᑯᕕᑦ ᐸᓯᔭᒃᓴᐅᓂᖃᖏᒃᑯᕕᓪᓗ, ᑕᕝᕙ ᑖᑦᓱᒪ ᒪᑭᓪᓗᓂ ᐅᐸᖕᓂᐊᕐᐹᑎᑦ ᐊᑭᓕᕐᓂᐊᕐᐹᑎᓪᓗ ᓈᒻᒪᓈᕐᓯᒪᓂᕐᓄᑦ.

ᔫᐱᐅᑉ ᐊᒡᓚᖏᑦ 22:27

ᑖᑦᓱᒧᖓᓗ ᑐᒃᓯᐊᓕᕈᕕᑦ, ᑖᑦᓱᒪ ᑐᓴᕐᓂᐊᕐᐹᑎᑦ; ᐊᖏᕈᑎᒋᓯᒪᔭᑎᓪᓗ ᑖᑦᓱᒧᖓ ᑲᔪᓯᑎᓪᓗᒋᑦ ᑐᓂᓗᒋᑦ.

ᔫᐱᐅᑉ ᐊᒡᓚᖏᑦ 33:26

ᑕᕝᕙ ᑐᒃᓯᐊᓕᕐᓂᐊᕐᐳᖅ ᒎᑎᒧᑦ ᑖᑦᓱᒪᓗ ᑐᓴᕐᓂᐊᕐᐹ, ᒎᑎᐅᑉ ᓇᔪᕐᑕᖓᓄᐊᕐᓂᐊᕐᐳᖅ ᖁᕕᐊᓱᒡᓗᓂ; ᑕᕝᕙ ᒎᑎᐅᑉ ᐅᑎᕐᑎᓐᓂᐊᕐᐹ ᐱᐅᓕᓗᓂᐅᒡᓗ.

ᔫᐱᐅᑉ ᐊᒡᓚᖏᑦ 34:29

ᒎᑎ ᓂᐱᖃᕈᓐᓁᕐᐸᑦ, ᑭᐊ ᐸᒡᕕᓴᕈᓐᓇᕐᐸᐅᒃ? ᑖᑦᓱᒪᓗ ᑮᓇᓂ ᑕᓕᑎᑉᐸᒍ, ᑭᐊ ᑕᑯᔪᓐᓇᕐᐸᐅᒃ? ᐃᓅᖃᑎᒌᒡᔪᐊᓄᑦ ᐅᕝᕙᓗ ᐃᓄᑐᐊᒧᑦ?

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:56

ᐊᔪᐃᓐᓇᕐᓗᖓ ᕿᓄᓕᕋᒪ ᑐᓴᕐᑕᐅᔪᒪᓪᓗᖓ ᑐᓴᕈᓐᓇᓚᐅᕐᐳᑎᑦ.

ᒨᓯᓯ ᐂᑉᐸᖏᑦ 22:22

“ᐅᐃᒡᒐᕐᓂᕐᒥᒃ ᐃᓕᐊᕐᔪᖕᒥᒡᓘᓐᓃᑦ ᓱᓇᐅᓐᖏᑎᑦᓯᔪᒃᓴᐅᓐᖏᓚᓯ.

ᐃᓐᖏᕈᑎᑦ 5:3

ᐅᓪᓛᒃᑯᑦ ᓂᐱᒐ ᑐᓴᕐᓂᐊᕐᐸᑦ ᐊᑕᓃᖅ, ᐅᓪᓛᒃᑯᑦ ᐃᓕᖕᓄᑦ ᑐᕌᕐᑐᒥᒃ ᓂᓪᓕᐊᔪᒪᕗᖓ, ᖁᒻᒧᓪᓗ ᑕᑯᓴᕐᓂᐊᕐᐳᖓ.