ᔫᐱᐅᑉ ᐊᒡᓚᖏᑦ 34:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑖᑦᓱᒪ ᐃᓄᓕᒫᑦ ᑕᑯᓐᓇᕐᒪᒋᑦ ᐃᓕᖅᑯᓯᖏᑦ, ᖃᓄᐃᓕᐅᕐᓂᓕᒫᖏᓪᓗ ᑕᑯᓐᓇᕆᕔᑦ.

ᔫᐱᐅᑉ ᐊᒡᓚᖏᑦ 34:21 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:3

ᐊᑕᓂᖅ ᑕᐅᑐᒃᐳᖅ ᓇᓃᑦᑐᓕᒫᓂᒃ, ᑕᒪᕐᒥᒃ ᑕᐅᑐᖕᒪᒋᑦ ᐱᐅᖏᑦᑐᑦ ᐱᐅᔪᓪᓗ.

ᔫᐱᐅᑉ ᐊᒡᓚᖏᑦ 31:4

ᐊᖅᑯᑎᒋᔭᕋ ᒎᑎᐅᑉ ᑕᑯᓐᓇᓐᖏᓚᐅᒃ? ᐊᓪᓗᕐᓂᓕᒫᒃᑲᓗ ᓈᓴᕈᓐᓇᓐᖏᓔᑦ?

ᔨᕆᒤᐊᐅᑉ ᐊᒡᓚᖏᑦ 16:17

ᐱᐅᓯᕆᔭᓕᒫᖏᑦ ᖃᐅᔨᒪᑦᓯᐊᕋᒃᑭᑦ; ᐅᕙᓐᓄᑦ ᐃᔨᕐᓯᒪᖏᒻᒪᑕ, ᐊᔪᕐᑐᓕᓂᖏᓪᓗ ᑕᕐᕆᓯᒪᔪᖃᕋᑎᒃ ᐅᕙᓐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:21

ᐊᖑᑎᐅᑉ ᐱᓂᐊᕐᓂᖏᑦ ᐊᑕᓂᐅᑉ ᐃᔨᖏᒃᑕ ᓵᖓᓃᑉᐳᑦ, ᐊᖅᑯᑎᒋᔭᓕᒫᖏᓪᓗ ᑕᑯᓐᓇᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 32:19

ᐃᓱᒪᒋᔭᑎᑦ ᐊᖏᔪᕐᔪᐊᖑᖕᒪᑕ ᐱᓂᐊᕐᓂᕐᑎᓪᓗ ᐊᔪᒐᖃᖏᑦᑐᕐᔪᐊᖑᓪᓗᑎᒃ; ᐃᓄᐃᓪᓗ ᐱᓂᐊᕐᓂᓕᒫᖏᑦ ᑕᑯᓐᓇᕋᕕᒋᑦ, ᐃᓄᐃᓪᓗ ᐱᐅᓯᖏᑦ ᒪᓕᒡᓗᒋᑦ ᐱᔭᕆᐊᖃᓕᕐᑕᖏᓐᓂᒃ ᐱᑎᑦᓯᕙᒃᑲᕕᑦ, ᐊᑭᓕᕐᐸᒃᓗᒋᓪᓗ ᐱᓂᐊᕐᓂᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 139:23

ᒎᑏ, ᖃᐅᔨᓴᓚᐅᓐᖓ, ᐆᒻᒪᑎᒐᓗ ᖃᐅᔨᓗᒍ! ᐆᒃᑐᕋᓚᐅᓐᖓ, ᐃᓱᒪᒋᔭᒃᑲᓗ ᖃᐅᔨᓗᒋᑦ!

ᒨᓯᓯ ᓯᕗᓪᓖᑦ 16:13

ᐂᒡᒐᐅᓪᓗ ᐊᑕᓂᖅ ᐅᖃᕐᕕᒋᔨᓂ ᐊᑎᖃᕐᑎᑉᐹ, “ᒎᑏ ᑕᑯᓐᓇᕐᐳᑎᑦ”; ᐅᖃᓚᐅᕋᒥ, “ᒎᑎᒥᒃ ᑕᑯᓪᓚᕆᒃᐳᖓ ᑐᖁᓇᖓᓗ ᑕᑯᓚᐅᕐᓗᒍ?”

ᔨᕆᒤᐊᐅᑉ ᐊᒡᓚᖏᑦ 17:10

ᐅᕙᖓ ᐊᑕᓂᖅ ᖃᐅᔨᓴᕈᓐᓇᕐᐳᖓ, ᐃᓅᑉ ᐆᒻᒪᑎᖓᓂᒃ ᐃᓱᒪᖓᓂᒡᓗ, ᑐᓂᓯᔪᓐᓇᕐᓗᖓᓗ ᐃᓅᑉ ᐱᓂᐊᕐᓂᖏᑦ ᒪᓕᒡᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ.”

ᐃᓐᖏᕈᑎᑦ 34:15

ᐊᑕᓂᐅᑉ ᐃᔨᖏᒃᑕ ᐱᓇᓱᐊᑦᓯᐊᕐᑐᑦ ᑕᑯᓐᓇᕐᐰᑦ, ᓯᐅᑎᖏᒡᓗ ᑐᓵᕗᒃ ᓂᓪᓕᐊᓂᖏᓐᓂᒃ.

ᑯᕉᓂᑲ ᐂᑉᐸᖏᑦ 16:9

ᐊᑕᓂᖅ ᒫᓐᖓᑦ ᑕᐅᕗᖓ ᓄᓇᕐᔪᐊᓕᒫᒥᒃ ᑕᑯᓐᓇᕐᒪᑦ, ᓲᖑᓂᕐᒥᓂᒃ ᑕᑯᑎᑦᓯᔪᒪᓪᓗᓂ ᐆᒻᒪᑎᒥᒍᑦ ᐃᒃᐱᒍᓱᑦᓯᐊᕐᑐᓄᑦ ᑖᑦᓱᒥᖓ. ᐱᓂᐊᕐᓃᑦ ᑕᒪᑐᒧᖓ ᓯᓔᑦᑑᓚᐅᕐᒪᑦ; ᑍᒤᒻᒪᑦ ᒫᓐᓇᒥᑦ ᐱᒋᐊᕐᓗᒍ ᐅᓇᑍᓐᓇᕐᓂᐊᓕᕐᐳᑎᑦ.”

ᐂᒨᓯᐅᑉ ᐊᒡᓚᖏᑦ 9:8

ᑕᑯᒋᑦ, ᐊᑕᓂᐅᑉ ᒎᑎᐅᑉ ᐊᖓᔪᖅᑳᐅᕕᒃ ᐊᔪᕐᑐᓕᔪᖅ ᑕᑯᓐᓇᕐᐹ, “ᓄᖑᑎᑦᓱᒫᕐᐸᕋᓗ ᐊᖓᔪᖅᑲᐅᕕᒃ ᓄᓇᕐᔪᐊᒥᑦ; ᔧᑰᓪᓕ ᑭᖑᕚᖏᓐᓂᒃ ᓄᖑᑎᑦᓯᑦᓯᐊᒻᒪᕆᖕᓂᐊᓐᖏᓚᖓ,” ᐊᑕᓂᖅ ᐅᖃᕐᐳᖅ.

ᔫᐱᐅᑉ ᐊᒡᓚᖏᑦ 10:4

ᐅᕕᓂᖃᕐᑐᑎᑐᑦ ᐃᔨᖃᕆᕖᑦ? ᐃᓅᑉ ᑕᑯᓐᓇᕐᑕᖓᑐᑦ ᑕᑯᓐᓇᕆᕖᑦ?

ᔫᐱᐅᑉ ᐊᒡᓚᖏᑦ 11:11

ᐃᓄᐃᑦ ᖃᐅᔨᒪᕔᑦ ᓇᓪᓕᖏᑦ ᐊᑑᑎᒃᓴᖃᖏᒻᒪᖔᑕ; ᐱᐅᖏᑦᑐᓕᓂᖏᑦ ᑕᑯᓐᓇᕐᒪᒋᑦ, ᑕᒪᓐᓇᓕ ᐃᓱᒪᒋᔪᓐᓇᓐᖏᓚᐅᒃ?

ᔫᐱᐅᑉ ᐊᒡᓚᖏᑦ 13:16

ᓯᕘᕋᑐᐃᑦᑑᓂᕋ ᐱᐅᓕᔭᐅᑦᔪᑎᒃᓴᑐᐊᕆᓕᕋᒃᑯ, ᒎᑎᒧᑦ ᐅᒃᐱᖏᑦᑐᒥᒃ ᑖᑦᓱᒧᖓ ᓵᓐᖓᓯᔪᖃᕈᒪᓚᐅᕐᓯᒪᖏᒻᒪᑦ.

ᔫᐱᐅᑉ ᐊᒡᓚᖏᑦ 14:16

ᑕᕝᕙ ᐊᐅᓚᓂᕆᔭᓕᒫᒃᑲ ᖃᐅᔨᓴᕈᓐᓇᕐᓂᐊᕐᐸᑎᑦ, ᐊᔪᕐᓂᓐᓂᒡᓕ ᖃᐅᔨᓴᑦᓮᓐᓇᕐᑐᒃᓴᐅᓐᖏᓚᑎᑦ.

ᔫᐱᐅᑉ ᐊᒡᓚᖏᑦ 24:23

ᒎᑎᐅᑉ ᐃᓱᒫᓗᓇᖏᑦᑐᒦᑎᑉᐰᑦ, ᓴᐳᒻᒥᓪᓗᒋᓪᓗ; ᑍᒪᓐᖓᓪᓕ ᐱᓂᐊᕐᓂᖏᑦ ᑕᑯᓐᓇᕐᐰᑦ.

ᐃᓐᖏᕈᑎᑦ 33:15

ᐆᒻᒪᑎᖏᑦ ᐊᑐᓂᑦ ᐋᖅᑭᒃᓱᕐᐰᑦ; ᐱᓂᐊᕐᓂᓕᒫᖏᓪᓗ ᐃᓱᒪᒋᕔᑦ.

ᔨᕆᒤᐊᐅᑉ ᐊᒡᓚᖏᑦ 23:24

ᐃᓄᒃ ᐃᔨᕐᓯᒪᔪᓐᓇᕐᐹ ᖃᐅᔨᒪᓇᖏᑦᑐᒧᑦ ᑕᑯᔪᓐᓇᕐᓂᐊᓐᖏᑕᓐᓂᒃ? ᐊᑕᓂᖅ ᐅᖃᕐᐳᖅ. ᓇᓂᑐᐃᓐᓈᓐᖏᓚᖔ ᕿᓚᖕᒥ ᓄᓇᒥᓗ? ᐊᑕᓂᖅ ᐅᖃᕐᐳᖅ.