ᔫᐱᐅᑉ ᐊᒡᓚᖏᑦ 34:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑕᕝᕔᓐᓇᖅ ᑐᖁᕙᒃᐳᑦ; ᐅᓐᓄᐊᑉ ᕿᑎᕋᕐᓂᖓᓂ ᐃᓄᐃᑦ ᐊᐅᓚᑎᑕᐅᒐᒥᒃ ᑐᖁᕗᑦ, ᐊᔪᖏᑦᑐᕐᔪᐊᓪᓗ ᐊᐅᓪᓚᕈᑦᔭᐅᕗᑦ ᐃᓄᖕᓄᑦ ᑎᒍᔭᐅᓚᐅᕋᑎᒃ.

ᔫᐱᐅᑉ ᐊᒡᓚᖏᑦ 34:20 ပူးပေါင်းရင်းမြစ်များ

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:2

ᐃᓕᑦᓯ ᓇᖕᒥᓂᖅ ᖃᐅᔨᒪᑦᓯᐊᕋᑦᓯ ᐊᑕᓂᐅᑉ ᐅᓪᓗᖓ ᓇᓪᓕᐅᑎᔪᒫᕐᒪᑦ ᑎᒡᓕᒋᐊᑐᕐᑐᑐᑦ ᐅᓐᓄᐊᒃᑯᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 12:23

ᑕᕝᕔᓐᓇᖅ ᐊᑕᓂᐅᑉ ᐂᖏᓕᖓᑕ ᐊᓇᐅᕚ, ᒎᑎᒥᒃ ᓂᕐᑐᕐᓇᕐᑎᑦᓯᖏᒻᒪᑦ; ᖁᐱᕐᕈᓄᑦ ᓂᕆᔭᐅᓪᓗᓂ ᑐᖁᕗᖅ.

ᓘᑲᓯᐅᑉ ᐊᒡᓚᖏᑦ 12:20

ᒎᑎᐅᓪᓕ ᐅᖃᐅᑎᕚ, ‘ᓯᓔᑦᑐᑎᑦ! ᒫᓐᓇ ᐅᓐᓄᒃ ᐃᓅᔪᓐᓃᕐᓂᐊᕐᐳᑎᑦ; ᑭᐊᓕ ᑍᒪ ᑲᑎᕐᓱᓚᐅᕐᑕᑎᑦ ᐱᓂᐊᓕᕐᐰᑦ?’

ᑖᓂᐊᓕᐅᑉ ᐊᒡᓚᖏᑦ 5:30

ᐅᓐᓄᐊᒥᓗ ᑍᑦᓱᒪᓂ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᑦ ᐱᐅᓪᓴᔮ, ᑐᖁᑕᐅᓚᐅᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 2:34

ᑕᑯᓐᓇᕐᑎᓪᓗᑎᑦ, ᐅᔭᕋᒃᔪᐊᖅ ᐲᕐᑕᐅᕗᖅ ᐃᓅᑉ ᐊᒡᒐᖏᓐᓅᖏᑦᑐᖅ, ᐃᑎᒐᖏᑦ ᓴᕕᕋᔧᑦ ᔭᕐᕋᐅᓪᓗᑎᒡᓗ, ᒥᓗᕐᑕᐅᕗᑦ ᓯᖁᒥᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 37:38

ᑐᒃᓯᐊᕐᑎᓪᓗᒍᓕ ᑐᒃᓯᐊᕐᕕᖕᒥᓂ ᒎᑎᒥᓄᑦ ᓂᓱᕌᒃᒧᑦ, ᐃᕐᓂᖏᒃᑕ ᒪᕐᕉᒃ ᐋᑕᕋᒥᓕᑭᐅᑉ ᓴᕆᔨᕆᐅᓪᓗ, ᓴᕕᒡᔪᐊᒥᖕᓄᑦ ᑲᐱᓪᓗᒍ ᑐᖁᑉᐹᒃ, ᕿᒫᓪᓗᑎᒡᓗ ᓄᓇᒧᑦ ᐊᕋᕌᑦᒧᑦ, ᐃᕐᓂᕆᖕᒥᔭᖓᓗ ᐃᓴᕼᐊᑕᓂ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᑭᖑᕝᕕᐅᑎᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 37:36

ᑕᕝᕙ ᐊᑕᓂᐅᑉ ᐂᖏᓕᖁᑎᖓ ᐂᓚᐅᕐᐳᖅ, ᑐᖁᕅᓪᓗᓂᓗ ᐅᓇᑕᕐᑎᓂᒃ 185,000ᓂᒃ ᐊᓯᕆᐊᒥᐅᓂᒃ ᑕᖕᒫᕐᓯᒪᕕᒋᔭᖏᓐᓂ; ᖃᐅᒻᒪᓕᕐᑎᓪᓗᒍ ᐅᓪᓛᒃᑯᑦ, ᑎᒥᕕᓃᑦ ᑐᖁᖓᐅᓚᐅᕐᐳᑦ ᓇᓂᓕᒫᖅ.

ᐂᓮᐊᓯᐅᑉ ᐊᒡᓚᖏᑦ 30:13

ᑍᒤᒻᒪᑦ ᐊᔪᕐᑐᓕᓂᖅ ᑕᒪᓐᓇ ᐃᓕᑦᓯᓐᓄᑦ ᐱᔪᒫᕐᐳᖅ ᐊᕙᓗᕐᔪᐊᑐᑦ ᐃᓚᓐᖓᕐᓯᒪᔪᑐᑦ, ᐊᓂᖓᔪᑐᑦ ᓯᖁᒥᑉᐸᓪᓕᐊᓕᕐᑐᑐᑦ, ᑍᒤᑦᑐᖅ ᐅᕐᕈᓂᐊᕐᐳᖅ ᓂᕆᐅᓇᖏᑦᑐᒥᒃ ᑕᕝᕔᓐᓇᖅ.

ᐃᓐᖏᕈᑎᑦ 73:19

ᑕᕝᕔᓐᓇᖅ ᐊᑯᓂᐅᖏᑦᑐᖅ ᐊᓯᕈᕐᑕᐅᕗᑦ, ᐊᑕᖏᕐᓱᑎᒃ ᓄᖑᑕᐅᕗᑦ ᑲᑉᐱᐊᓇᕐᑐᒧᑦ.

ᔫᐱᐅᑉ ᐊᒡᓚᖏᑦ 36:20

ᕿᓚᓈᕐᓂᐊᕐᓇᒃ ᐅᓐᓄᐊᖑᓂᐊᕐᑐᒧᑦ, ᐃᓅᖃᑎᒌᑦ ᐃᓂᒋᔭᒥᖕᓂᑦ ᓄᖑᑕᐅᕕᒃᓴᖏᓐᓂᒃ.

ᔫᐱᐅᑉ ᐊᒡᓚᖏᑦ 12:19

ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕐᕕᖏᓐᓂᑦ ᐊᐅᓪᓚᕈᑦᔭᐅᑎᑉᐰᑦ, ᐱᔪᓐᓇᕐᓂᕐᔪᐊᖃᕐᑐᓪᓗ ᓵᓚᒋᓪᓗᒋᑦ ᐊᕐᓵᕐᐰᑦ.

ᓴᒧᐃᓕ ᓯᕗᓪᓖᑦ 26:10

ᑍᕕᑎᓗ ᐅᖃᕆᐊᓪᓚᒃᐳᖅ, “ᐊᑕᓂᖅ ᐆᒪᖕᒪᑦ, ᑲᐅᔨᒪᕗᖓ ᐊᑕᓂᐅᑉ ᓇᖕᒥᓂᖅ ᑐᖁᓛᕐᒪᒍ; ᐅᕝᕙᓗ ᑐᖁᕕᒃᓴᖓ ᓇᓪᓕᐅᑎᒃᐸᑦ; ᐅᕝᕙᓗ ᐅᓇᑕᕐᓂᒃᑯᑦ ᑐᖁᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 25:6

“ᐅᓐᓄᐊᖅ ᕿᑎᕋᓕᕐᑎᓪᓗᒍ ᓂᐱᖃᕐᑐᖃᓕᕐᐳᖅ, ‘ᑕᑯᒋᑦ ᐅᐃᒃᓴᖅ ᑎᑭᓕᕐᐳᖅ! ᕾᓕᕆᑦᓯ ᐸᕐᕆᐊᕐᓗᒍ.’

ᓴᑲᕅᐊᐅᑉ ᐊᒡᓚᖏᑦ 4:6

ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᔫᐱᐅᑉ ᐊᒡᓚᖏᑦ 27:20

ᑲᑉᐱᐊᓵᕆᔨᓄᑦ ᐅᐸᒃᑐᕐᑕᐅᕗᖅ ᑰᖕᒧᑦ ᐅᓗᑦᔭᐅᔪᑎᑐᑦ; ᐅᓐᓄᐊᒃᑯᑦ ᐊᓄᕆᕐᔪᐊᕐᒧᑦ ᓵᕕᐅᑦᔭᐅᕗᖅ;

ᔫᐱᐅᑉ ᐊᒡᓚᖏᑦ 34:25

ᐃᓛᒃ ᖃᐅᔨᒪᑦᓯᐊᕐᒪᒋᑦ ᐱᓂᐊᕐᓂᕆᔭᖏᑦ, ᐅᓐᓄᐊᒃᑯᑦ ᓵᓚᒋᕔᑦ, ᑕᕝᕙ ᓯᖁᒥᓪᓚᕆᒃᐳᑦ.

ᑖᓂᐊᓕᐅᑉ ᐊᒡᓚᖏᑦ 8:25

ᑖᓐᓇ ᐅᐃᕕᕐᕆᒃᓯᓂᕐᒥᒍᑦ ᐊᔪᕈᓐᓁᕈᒫᕐᐳᖅ, ᐃᒻᒥᓂᒡᓗ ᐊᔪᖏᑦᑐᕐᔪᐊᖑᓂᕋᓕᕐᓗᓂ. ᓵᓚᐅᓂᐊᕋᓱᒋᖏᑦᑐᑦ, ᐅᓄᕐᑐᑦ ᓯᖁᒥᑦᓱᒫᕐᐰᑦ, ᐊᑭᕋᕐᑐᕐᓗᓂᓗ ᐊᖓᔪᖅᑲᐅᔪᓄᑦ ᐊᖓᔪᖅᑳᕐᔪᐊᓄᓪᓗ. ᑭᓯᐊᓂᓕ ᓵᓚᐅᔪᒫᕆᕗᖅ, ᐃᓅᑉ ᐱᔪᓐᓇᕐᓂᖓᓅᖏᑦᑐᖅ.

ᐂᓮᐊᓯᐅᑉ ᐊᒡᓚᖏᑦ 40:23

ᐊᖓᔪᖅᑳᖑᔪᑦ ᓱᓇᐅᔪᓐᓂᕐᑎᑉᐰᑦ; ᓄᓇᕐᔪᐊᕐᒥᐅᓪᓗ ᐊᐅᓚᑦᓯᔨᖏᑦ ᐊᑑᑎᒃᓴᖃᕈᓐᓃᕐᑎᓪᓗᒋᑦ.