14 ᑖᑦᓱᒪ ᐃᓱᒪᕐᓲᑎᒋᑦᓯᐊᕐᐹ, ᐅᑎᕐᑎᑦᓱᒪᒍᓂᒋᒃ ᐊᓂᕐᓂᓂ ᐃᓅᓯᖁᑎᓂᓗ,
ᑮᓁᑦ ᑕᓕᑎᑐᐊᕋᕕᐅᒃ, ᑕᕝᕙ ᑲᑉᐱᐊᓱᓕᕐᐳᑦ; ᐊᓂᕐᓂᖏᑦ ᑎᒍᑐᐊᕋᕕᒋᑦ, ᑕᕝᕙ ᑐᖁᕗᑦ ᐅᑎᕐᓗᑎᒡᓗ ᓄᓇᒧᑦ.
ᒎᑎ ᓯᓚᑐᔪᕐᔪᐊᖑᖕᒪᑦ ᐊᔪᖏᑦᑐᕐᔪᐊᖑᓪᓗᓂᓗ ᓇᓪᓕᐊᓐᓄᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ.
ᒎᑎᐅᑉ ᐊᖓᔪᖅᑳᕐᔪᐊᑦ ᑲᑎᑎᑦᓱᒫᕐᐰᑦ ᐃᑎᕐᓴᒦᑦᑐᑎᑐᑦ, ᑎᒍᔭᐅᓯᒪᕕᖕᒧᑦ ᐊᑦᓱᖏᐅᑎᔪᒫᕐᐰᑦ ᓱᒋᐊᕐᑕᐅᕕᒃᓴᖏᑦ ᓇᓪᓕᐅᑎᑦᓯᐊᕆᓗᒋᑦ.
ᐃᓄᒃ ᓱᖕᒪᑦ, ᐱᓪᓚᕆᐊᓘᑎᑉᐱᐅᒃ? ᓱᖕᒪᓪᓗ ᐃᓄᒃ ᐃᓱᒪᒋᕕᐅᒃ?
ᑖᓐᓇ ᐱᓐᖑᕐᑎᓯᒪᔭᓕᒫᒥ ᐃᓅᓯᖏᓐᓂᒃ ᐊᐅᓚᑦᓯᕗᖅ; ᐊᓂᕐᓂᖃᕐᑐᓕᒫᑦ ᐃᓅᓯᖏᑦ ᑖᑦᓱᒪ ᐱᔪᓐᓇᕐᓂᖓᓃᑉᐳᑦ.
ᐃᓄᒃ ᓄᓇᒧᑦ ᐅᑎᕐᑎᓐᓇᕕᐅᒃ ᓴᓂᓐᖑᕐᒪᑦ, ᐅᖃᓚᐅᕐᐳᑎᑦ, “ᐅᑎᓕᕆᑦᓯ, ᐃᓄᐃᑦ ᕿᑐᕐᖓᖏᑦ!”
ᐳᔪᕐᓗᒡᓗ ᓄᓇᒧᑦ ᐅᑎᕐᐸᑦ ᐃᓂᒋᓚᐅᕐᑕᒥᓄᑦ, ᐊᒻᒪᓗ ᐊᓂᕐᓂᖅ ᐅᑎᕐᐸᑦ ᒎᑎᒧᑦ ᑐᓂᓯᓚᐅᕐᑐᒧᑦ.
