ᔫᐱᐅᑉ ᐊᒡᓚᖏᑦ 33:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᑖᓐᓇ ᓂᑲᒋᓗᒍ ᐅᖃᕐᕕᒋᔪᒪᓪᓗᓂᐅᒃ, ᐅᖃᕐᓗᓂ, ‘ᓴᒃᑯᓕᕈᒃ! ᐅᓇ ᑐᖁᖓᔪᑦ ᐃᓂᖓᓄᐊᕐᓂᐊᖏᑦᑐᖅ, ᑕᓱᕐᑕᐅᑦᔪᑎᒃᓴᖓᓂᒃ ᓇᒡᕚᕐᐳᖓ;

ᔫᐱᐅᑉ ᐊᒡᓚᖏᑦ 33:24 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 20:28

ᐃᓅᑉ ᐃᕐᓂᖓ ᑎᑭᓚᐅᓐᖏᓚᖅ ᐱᔨᑦᓯᕐᑕᐅᔭᕐᑐᕐᓗᓂ ᐱᔨᑦᓯᕆᐊᕐᑐᕐᓗᓂᓕ, ᐃᓅᓯᕐᒥᓂᒡᓗ ᑐᓂᓯᓗᓂ ᐃᓄᐃᑦ ᐊᒥᓱᑦ ᐊᑭᓖᑦᔪᑎᓪᓗᓂᒋᑦ ᐅᑎᕐᑎᑕᐅᑦᔪᑎᒃᓴᖏᓐᓄᑦ.”

ᔫᐱᐅᑉ ᐊᒡᓚᖏᑦ 33:18

ᑕᕐᓂᖏᑦ ᓴᐳᑎᓗᒋᑦ ᐃᑎᕐᓴᒧᑦ ᑲᑕᖕᓂᕐᒥᑦ, ᐃᓅᓯᖏᓪᓗ ᐱᐅᓕᓪᓗᒋᑦ ᑐᖁᒥᑦ.

ᑎᒧᑎᒧᑦ ᓯᕗᓪᓖᑦ 2:6

ᐃᒻᒥᓂᒃ ᑐᓂᓚᐅᕐᐳᖅ ᐊᑭᓖᑦᔪᔨᔪᒪᓪᓗᓂ ᐃᓄᓕᒫᓂᒃ; ᑕᒪᓐᓇ ᓈᒻᒪᑦᓯᐊᕐᑐᒥᒃ ᒎᑎᐅᑉ ᐱᓇᓱᐊᕈᑎᒋᓚᐅᕐᐹ ᐱᐅᓕᕐᓯᓂᓂ ᖃᐅᔨᔭᐅᖁᓪᓗᒍ.

ᓴᑲᕅᐊᐅᑉ ᐊᒡᓚᖏᑦ 9:11

ᐃᓕᑦᓯᓕ, ᐊᐅᒃᑯᑦ ᐊᖏᖃᑎᒌᖕᓂᒃᑯᑦ ᑎᒍᔭᐅᓯᒪᔪᖁᑎᓯ ᐊᓂᑎᑦᓱᒪᕙᒃᑲ ᐃᑎᕐᓴᒥᑦ ᐃᒪᖃᖏᑦᑐᒥᑦ.

ᕼᐆᓯᐊᑉ ᐊᒡᓚᖏᑦ 14:4

“ᐋᖅᑭᖕᓂᐊᕐᐸᒃᑲ ᐅᒃᐱᖏᓐᓂᖏᓐᓂᑦ; ᓇᒡᓕᒋᓂᐊᕐᐸᒃᑲ ᐃᓱᒪᕐᓱᕐᓗᖓ, ᓂᓐᖓᐅᒪᓂᕋ ᓴᖑᖕᒪᑦ ᑖᒃᑯᓇᓐᖓᑦ.

ᔫᐱᐅᑉ ᐊᒡᓚᖏᑦ 22:21

ᒎᑎᒥᒃ ᐊᑭᕋᕐᑐᕈᓐᓁᕐᓗᑎᑦ, ᓮᒻᒪᖃᑎᒋᓕᕈᒃ; ᑍᒤᓕᐅᕈᕕᑦ ᑕᕝᕙ ᐱᐅᔪᒥᒃ ᑎᑭᑕᐅᓂᐊᐳᑎᑦ.

ᒨᓯᓯ ᐂᑉᐸᖏᑦ 33:19

ᐊᑕᓂᐅᑉ ᑭᐅᕚ, “ᑕᑯᒥᓇᕐᓂᕐᔪᐊᕋ ᐊᑕᖏᕐᓗᒍ ᐃᓕᖕᓄᑦ ᐊᖅᑯᓵᕐᑎᓐᓂᐊᕐᐸᕋ, ᐊᑎᕐᒪᓗ ᐃᑦᔪᕐᓁᓐᓂᖓ ᐅᖃᐅᓯᕆᓂᐊᕐᐸᕋ ᐃᓕᖕᓄᑦ. ᐊᑕᓂᐅᒐᒪ, ᐱᑦᓯᐊᕐᕕᒋᔪᒪᔭᓐᓄᑦ ᐱᑦᓯᐊᕐᐸᒃᐳᖓ, ᓂᑲᒋᔪᒪᔭᓐᓄᓪᓗ ᓂᖃᒍᓱᒃᐸᒃᓗᖓ.

ᔨᕆᒤᐊᐅᑉ ᐊᒡᓚᖏᑦ 31:20

ᐃᕗᕅᑎ ᐃᕐᓂᕆᓐᖏᓚᕌ? ᕿᑐᕐᖓᕆᓪᓗᒍ ᖁᕕᐊᒋᕙᕋ ᐊᑭᕋᕐᑐᕐᑑᔮᕐᓗᒍ ᐅᖃᕐᕕᒋᕙᒃᑕᕋᓗᐊᕋ, ᑭᓯᐊᓂ ᐳᐃᒍᑦᔮᓐᖏᓚᒋᑦ ᐆᒻᒪᑎᒃᑯᑦ ᐅᖓᒋᕙᒋᑦ, ᐃᓚᑦᓱᒋᓪᓗᑎᓪᓗ, ᐊᑕᓂᖅ ᐅᖃᕐᐳᖅ.

ᐃᓐᖏᕈᑎᑦ 86:15

ᐃᕝᕕᓪᓕ ᐊᑕᓃᖅ, ᒎᑎᐅᕗᑎᑦ ᓂᑲᒍᓱᒃᑐᖅ ᐱᑦᓯᐊᕐᓗᑎᓪᓗ, ᕿᓄᐃᑦᑑᕗᑎᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑑᓃᓪᓗ ᐃᓱᖃᕋᑎᒃ.

ᐃᓐᖏᕈᑎᑦ 86:13

ᐅᕙᓐᓄᑦ ᓱᖁᓯᔪᐃᑦᑐᒥᒃ ᓇᒡᓕᖕᓂᖃᕋᕕᑦ; ᑕᕐᓂᕋ ᓴᐳᑎᓚᐅᕋᕕᐅᒃ ᑲᑉᐱᐊᓇᕐᑐᕐᔪᐊᕐᒥᑦ ᑐᖁᖓᔪᑦ ᐃᓂᖓᓂᑦ.

ᐃᓐᖏᕈᑎᑦ 86:5

ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.

ᐃᓐᖏᕈᑎᑦ 71:3

ᕿᒫᕕᒃᓴᕆᓚᒋᑦ ᓲᖑᔪᖅ, ᑍᒫᓐᖓᑦ ᐅᑎᕐᑕᕐᕕᒃᓴᕋ; ᐱᖁᔨᓗᑎᑦ ᐱᐅᓕᓚᐅᓐᖓ, ᕾᕐᑐᕆᒐᒃᑭᑦ ᓴᐳᑦᔭᐅᕕᒃᓴᕆᓪᓗᑎᓪᓗ.

ᐃᓐᖏᕈᑎᑦ 40:2

ᕿᓗᕚᖓᓗ ᐃᑎᕐᓵᓗᖕᒥᑦ ᐊᓯᐅᓇᕐᑐᒥᑦ, ᒪᕐᕋᕐᒥᑦ ᐊᕿᑦᑐᐊᓗᖕᒥᑦ, ᐃᑎᒐᒃᑲᓗ ᕾᕐᑐᒧᐊᕐᑎᑉᐰᑦ, ᐊᓪᓗᕐᕕᒋᓂᐊᕐᑕᒃᑲᓗ ᐋᖅᑭᑦᓯᐊᕐᐰᑦ.

ᐃᓐᖏᕈᑎᑦ 22:4

ᓯᕗᓕᕗᑦ ᑕᑎᖃᓚᐅᕐᐳᑦ ᐃᓕᖕᓂᒃ; ᑕᑎᖃᕐᒪᑕᓗ, ᓴᐳᑎᓚᐅᕐᐸᑎᑦ.

ᔫᐱᐅᑉ ᐊᒡᓚᖏᑦ 36:18

ᐃᒃᐱᒍᓱᑦᓯᐊᓕᕆᑦ ᐊᑭᑦᔪᑎᒃᓴᕐᓯᐅᕐᓂᕐᒧᑦ ᓯᓔᕐᕆᔭᐅᖁᓇᒃ; ᐊᔪᖏᓐᓂᕐᒧᑦ ᐊᑭᓖᓇᓱᒃᑯᕕᑦ ᑕᒻᒪᕐᑎᑕᐅᑦᔪᑎᖃᖁᓇᒃ.

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.

ᔫᐱᐅᑉ ᐊᒡᓚᖏᑦ 33:25

ᑎᒥᖓ ᐅᑎᕐᑎᓕᕈᒃ ᓄᑕᕋᐅᓂᕆᓚᐅᕐᑕᖓᑐᑦ; ᓲᖑᓯᑦᓯᐊᕐᒥᓗᓂ ᐃᓅᓱᒃᑑᓪᓗᓂ ᓴᓐᖏᓂᕆᓚᐅᕐᑕᒥᑐᑦ’;

ᔫᐱᐅᑉ ᐊᒡᓚᖏᑦ 33:28

ᑖᑦᓱᒪ ᑕᕐᓂᕋ ᐱᐅᓕᓚᐅᕐᐹ ᑐᖁᖓᔪᑦ ᐃᓂᖓᓄᐊᕐᓂᕐᒥᑦ, ᐃᓅᓯᕋᓗ ᑕᑯᖁᓪᓗᒍ ᖃᐅᒪᔪᒥᒃ ᐃᓅᒃᑲᓐᓂᕈᓐᓇᖁᓪᓗᖓ.’

ᐃᓐᖏᕈᑎᑦ 107:20

ᑖᑦᓱᒪ ᐅᖃᐅᓯᓂ ᑎᓕᕚ, ᐋᖅᑭᒡᓗᒋᓪᓗ, ᓴᐳᑎᓪᓗᒋᓪᓗ ᑐᖁᒥᑦ.

ᐂᓮᐊᓯᐅᑉ ᐊᒡᓚᖏᑦ 53:5

ᐃᑭᓕᕐᓱᕐᑕᐅᓚᐅᕐᐳᖅ ᓈᓚᒍᒪᖏᓐᓂᑦᑎᓐᓄᑦ, ᑭᓪᓕᐊᔭᐅᓚᐅᕐᐳᖅ ᐊᔪᕐᑐᓕᓂᑦᑎᓐᓄᑦ; ᓱᒋᐊᕐᑕᐅᓚᐅᕐᓂᖓᓄᑦ ᐃᓗᐃᑦᑐᕈᕐᑎᑕᐅᕗᒍᑦ, ᑏᒐᕐᑐᕐᑕᐅᓂᖏᓐᓄᓪᓗ ᐋᖅᑭᒃᑕᐅᓪᓗᑕ.