ᔫᐱᐅᑉ ᐊᒡᓚᖏᑦ 32:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᒎᑎᐅᓪᓕ ᐊᔪᒐᖃᖏᑦᑑᑉ ᐊᓂᕐᓂᖓᑕ ᐃᓄᖕᒦᑦᑑᑉ, ᓇᔫᑎᓂᖓᓄᑦ ᐃᓄᒃ ᑐᑭᓯᔪᓐᓇᕐᑎᑕᐅᔪᓐᓇᕐᐳᖅ.

ᔫᐱᐅᑉ ᐊᒡᓚᖏᑦ 32:8 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 41:38

ᐰᕉᓗ ᐅᖃᕐᐳᖅ ᐱᔨᒥᓄᑦ, “ᐊᖑᒻᒥᒃ ᐆᑐᓇᖅ ᑍᒤᑦᑐᒥᒃ, ᒎᑎᐅᑉ ᐊᓂᕐᓂᖓᓄᑦ ᓇᔪᕐᑕᐅᔪᒥᒃ ᓇᓂᓯᔪᓐᓇᕐᐱᑖ?”

ᒨᓯᓯ ᓯᕗᓪᓖᑦ 41:39

ᑕᕝᕙ ᐰᕉ ᔫᓯᐱᒧᑦ ᐅᖃᕐᐳᖅ, “ᒎᑎᐅᑉ ᑕᒪᒃᑯᓂᖓ ᑕᒤᓐᓂᒃ ᖃᐅᔨᑎᓚᐅᕐᒪᑎᑦ, ᐃᓕᒃᑐᑦ ᖃᐅᔨᒪᑎᒋᔪᒥᒃ ᓯᓚᑐᑎᒋᔪᒥᒡᓗ ᐱᑕᖃᓐᖏᓚᖅ;

ᐊᑕᓃᑦ ᓯᕗᓪᓖᑦ 3:12

ᑕᑯᒋᑦ, ᐱᔪᒪᔭᕐᓂᒃ ᑐᓂᓂᐊᕐᐸᒋᑦ ᐅᖃᐅᓰᑦ ᒪᓕᒡᓗᒍ, ᑕᑯᒋᑦ, ᓯᓚᑐᓂᕐᒥᒃ ᖃᐅᔨᒪᔪᓐᓇᕐᓂᕐᒥᒡᓗ ᐃᓱᒪᒥᒃ ᑐᓂᓯᕕᒋᕙᒋᑦ, ᐃᓕᒃᑐᑦ ᑍᒤᑦᑐᒥᒃ ᓯᕗᓂᕐᓂ ᑍᒤᑦᑐᖃᓚᐅᕐᓯᒪᓐᖏᓚᖅ ᑭᖑᓂᕐᓂᓗ ᑍᒤᑦᑐᖃᓚᐅᕐᓯᒪᓂᐊᕋᓂ.

ᐊᑕᓃᑦ ᓯᕗᓪᓖᑦ 3:28

ᐃᓴᕆᐊᓕᐅᑉ ᐃᓄᓕᒫᖏᑦ ᑕᒪᑐᒥᖓ ᑐᓴᕋᒥᒃ ᐊᖓᔪᖅᑳᕐᔪᐊᑉ ᑐᑭᑖᕈᑎᖓᓂᒃ, ᐊᖏᔪᐊᓗᖕᒥᑉ ᑲᒪᓕᕐᐳᑦ ᐊᖓᔪᖅᑳᕐᔪᐊᒥᒃ, ᖃᐅᔨᒐᒥᒃ ᒎᑎᐅᑉ ᓯᓚᑐᓂᖓ ᑖᑦᓱᒪᓃᒻᒪᑦ, ᓱᓕᔪᒥᒃ ᐱᓇᓱᐊᖁᓪᓗᒍ.

ᐊᑕᓃᑦ ᓯᕗᓪᓖᑦ 4:29

ᒎᑎᐅᑉ ᓲᓗᒨᓂ ᑐᓂᓚᐅᕐᒪᒍ ᓯᓚᑐᓂᕐᒥᒃ ᑐᑭᓯᒪᓂᕐᒥᒡᓗ ᐊᑦᔨᖃᖏᑦᑐᒥᒃ, ᖃᐅᔨᒪᓂᕐᒥᒡᓗ ᓲᕐᓗ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐊᖏᑎᒋᔪᒥᒃ.

ᐊᑕᓃᑦ ᓯᕗᓪᓖᑦ 5:9

ᓴᓇᔨᖁᑎᒪ ᓇᐹᕐᑐᐃᑦ ᓕᐸᓇᓂᐅᑉ ᑕᕆᐅᖓᓄᐊᕈᑎᓂᐊᕐᐰᑦ ᐃᒥᖕᓄᑦ ᕿᓚᓱᕐᓗᒋᑦ, ᐳᒃᑕᓛᕐᓗᑎᒃ ᑐᓚᕕᒋᔭᐅᖁᔭᕐᓄᑦ ᓄᓈᕐᑎᑕᐅᔪᒫᕐᒪᑕ, ᑕᕝᕙᓂ ᓴᓇᔨᖁᑎᒃᑲ ᕿᓚᕈᑦᔮᕐᑎᕆᔭᕇᑐᐊᕈᑎᒃ ᓴᓇᔨᖁᑎᖕᓅᑦ ᑐᓂᓯᒐᔭᕐᒪᑕ ᑖᒃᑯᐊ ᑲᒪᖔᕐᑎᓕᕐᓗᒋᑦ; ᐱᔪᒪᔭᖃᕐᐳᖓ ᐃᓕᖕᓂᑦ ᐊᖓᔪᖅᑳᕐᔪᐊᖃᕐᕕᖕᒥ ᐃᒡᓗᒥᐅᖃᑎᒃᑲ ᓂᕿᒃᓴᕐᑖᕐᑎᑕᐅᖁᓪᓗᒋᑦ.”

ᔫᐱᐅᑉ ᐊᒡᓚᖏᑦ 12:13

ᒎᑎᓕ ᓯᓚᑐᓂᖃᕐᐳᖅ ᐱᔪᓐᓇᕐᓂᖃᕐᓗᓂᓗ; ᑖᑦᓱᒪ ᐃᓕᓯᒪᓂᖅ ᑐᑭᓯᒪᓂᕐᓗ ᐱᒋᖕᒪᒋᑦ.

ᔫᐱᐅᑉ ᐊᒡᓚᖏᑦ 12:16

ᑖᑦᓱᒪᓂ ᐱᔪᓐᓇᕐᓂᕐᑕᖃᕐᐳᖅ ᓯᓚᑐᓂᕐᑕᖃᕐᓗᓂᓗ; ᑕᒻᒪᕐᑎᑕᐅᔪᑦ ᑕᒻᒪᕐᑎᑦᓯᔪᓪᓗ ᑖᑦᓱᒪ ᐱᔪᓐᓇᕐᓂᖓᓃᑉᐳᑦ.

ᔫᐱᐅᑉ ᐊᒡᓚᖏᑦ 27:3

ᐊᓂᕐᓂᓐᓄᑦ ᓇᔪᕐᑕᐅᓂᓐᓂ, ᒎᑎᐅᓪᓗ ᐊᓂᕐᓂᖓ ᓱᕐᓗᒃᑯᑦ ᐊᓂᕐᑎᕆᐅᑎᒋᓂᓐᓂ;

ᔫᐱᐅᑉ ᐊᒡᓚᖏᑦ 33:16

ᑍᒫᒃ ᐅᖃᓪᓚᒡᕕᒋᔪᓐᓇᕐᓯᖃᑦᑕᕐᐰᑦ ᓈᓚᒃᑎᓪᓗᒋᑦ, ᑲᑉᐱᐊᓱᓕᖃᑦᑕᕐᐳᓪᓕ ᐅᓗᕆᐊᓇᕐᑐᓂᒃ ᐅᖃᐅᑎᓕᑐᐊᕐᒪᒋᑦ.

ᔫᐱᐅᑉ ᐊᒡᓚᖏᑦ 33:4

ᒎᑎᐅᑉ ᐊᓂᕐᓂᖓᑕ ᓴᓇᓚᐅᕐᐹᖓ, ᐊᔪᒐᖃᖏᑦᑑᓪᓗ ᐊᓂᕐᓂᖓᑕ ᐃᓅᓯᕐᑖᕐᑎᓚᐅᕐᐹᖓ.

ᔫᐱᐅᑉ ᐊᒡᓚᖏᑦ 35:11

ᐊᔪᕆᕐᑐᕐᓯᒪᓂᕐᓴᕆᕚᑎᒍᑦ ᓂᕐᔪᑎᓂᑦ ᓄᓇᒦᑦᑐᓂᑦ, ᓯᓚᑐᓂᕐᓴᐅᑎᓪᓗᑕᓗ ᑎᖕᒥᐊᓂᑦ ᖃᖓᑕᕙᒃᑐᓂᑦ.’

ᔫᐱᐅᑉ ᐊᒡᓚᖏᑦ 38:36

ᑭᓇ ᓯᓚᑐᓂᕐᒥᒃ ᓄᕗᔭᓄᑦ ᐱᑎᑦᓯᕙ? ᐅᕝᕙᓗ ᑭᓇ ᑐᑭᓯᓂᕐᒥᒃ ᐆᒻᒪᑎᒧᐊᕐᓯᕙ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:6

ᐊᑕᓂᖅ ᓯᓚᑐᓂᕐᒥᒃ ᑐᓂᓯᔨᐅᖕᒪᑦ, ᖃᓂᖓᓂᑦ ᐱᖕᒪᑕ ᖃᐅᔨᑎᑕᐅᓂᖅ ᑐᑭᓯᑎᑕᐅᓂᕐᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:27

ᐃᓅᑉ ᐊᓂᕐᓂᖓ ᐊᑕᓂᐅᑉ ᖃᐅᒻᒪᖅᑯᑎᒋᕚ, ᕿᓂᕈᑎᒋᓪᓗᓂᐅᒡᓗ ᐃᓗᖓᓂ ᐃᔨᕐᓯᒪᔪᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:26

ᐊᖑᒻᒧᓪᓕ ᖁᕕᐊᓱᒃᑎᑦᓯᔨᒋᔭᒥᓄᑦ, ᒎᑎ ᑐᓂᓯᕗᖅ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᖁᕕᐊᓱᖕᓂᕐᒥᒡᓗ; ᐊᔪᕐᑐᓕᔪᒧᓪᓕ ᑐᓂᓯᕗᖅ ᐱᓇᓱᐊᒐᒃᓴᒥᒃ ᑲᑎᕐᓱᐃᓂᕐᒥᒃ ᓄᐊᑦᓯᓂᕐᒥᒡᓗ ᑐᓂᔭᒃᓴᒥᓂᒃ ᒎᑎᒥᒃ ᖁᕕᐊᓱᒃᑎᑦᓯᔪᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᓄᕆᒥᒃ ᐊᖑᓯᓇᓱᐊᑐᐃᓐᓇᕐᓂᐅᔮᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 28:26

ᑕᕝᕙ ᑖᑦᓱᒪ ᐊᔪᕆᕐᑐᕐᓯᒪᕚ ᓱᓕᔪᒥᒃ ᐱᓇᓱᐊᖁᓪᓗᒍ; ᒎᑎᐅᑉ ᐊᔪᕆᕐᑐᕐᓯᒪᖕᒪᒍ.

ᑖᓂᐊᓕᐅᑉ ᐊᒡᓚᖏᑦ 1:17

ᒎᑎᐅᑉ ᑖᒃᑯᐊ ᐃᓅᓱᒃᑐᑦ ᓯᑕᒪᑦ ᑐᓂᓯᕕᒋᕔᑦ, ᖃᐅᔨᒪᓂᕐᒥᒃ ᑐᑭᓯᔪᓐᓇᕐᓂᕐᒥᒡᓗ ᐃᓕᓯᒪᓂᕐᒥᒡᓗ. ᑖᓂᐊᓕᓗ ᑐᑭᓯᔪᓐᓇᕐᑎᑉᐹ ᑕᑯᑎᑕᐅᓂᕐᓂᒃ ᓯᓐᓇᒃᑑᒪᓂᕐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:8

ᐃᓚᖓᓐᓄᑦ ᐊᓂᕐᓂᖅ ᑐᓂᓯᕗᖅ ᓯᓚᑐᔪᓂᒃ ᐅᖃᐅᓯᖃᕐᑎᑦᓯᓂᕐᒥᒃ; ᐊᓯᐊᓄᓪᓗ ᐊᓂᕐᓂᖅ ᑖᓐᓇᑦᓮᓐᓇᖅ ᑐᓂᓯᕗᖅ ᖃᐅᔨᒪᓂᕐᑖᕐᑎᑎᓪᓗᓂ ᐅᖃᓪᓚᒃᑎᑦᓯᕗᖅ.

ᑎᒧᑎᒧᑦ ᐂᑉᐸᖏᑦ 3:16

ᒎᑎᐅᑉ ᐅᖃᐅᓯᕆᓯᒪᔭᖏᑦ ᐃᓘᓐᓇᑎᒃ ᒎᑎᐅᑉ ᐃᓱᒪᓕᐅᕈᑎᒋᓯᒪᖕᒪᒋᑦ ᐊᑐᕐᓇᕐᐳᑦ ᐊᔪᕆᕐᑐᐃᓂᕐᒧᑦ, ᐃᓂᕐᑎᕆᓂᕐᒧᑦ, ᐋᖅᑭᒋᐊᕐᑕᐅᓂᕐᒧᑦ, ᐃᓅᑦᓯᐊᕐᓂᕐᒧᓪᓗ ᐃᓕᓐᓂᐊᕈᑎᒃᓴᐅᓪᓗᑎᒃ,

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.