ᔫᐱᐅᑉ ᐊᒡᓚᖏᑦ 31:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᖅᑯᑎᒋᔭᕋ ᒎᑎᐅᑉ ᑕᑯᓐᓇᓐᖏᓚᐅᒃ? ᐊᓪᓗᕐᓂᓕᒫᒃᑲᓗ ᓈᓴᕈᓐᓇᓐᖏᓔᑦ?

ᔫᐱᐅᑉ ᐊᒡᓚᖏᑦ 31:4 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 16:13

ᐂᒡᒐᐅᓪᓗ ᐊᑕᓂᖅ ᐅᖃᕐᕕᒋᔨᓂ ᐊᑎᖃᕐᑎᑉᐹ, “ᒎᑏ ᑕᑯᓐᓇᕐᐳᑎᑦ”; ᐅᖃᓚᐅᕋᒥ, “ᒎᑎᒥᒃ ᑕᑯᓪᓚᕆᒃᐳᖓ ᑐᖁᓇᖓᓗ ᑕᑯᓚᐅᕐᓗᒍ?”

ᑯᕉᓂᑲ ᐂᑉᐸᖏᑦ 16:9

ᐊᑕᓂᖅ ᒫᓐᖓᑦ ᑕᐅᕗᖓ ᓄᓇᕐᔪᐊᓕᒫᒥᒃ ᑕᑯᓐᓇᕐᒪᑦ, ᓲᖑᓂᕐᒥᓂᒃ ᑕᑯᑎᑦᓯᔪᒪᓪᓗᓂ ᐆᒻᒪᑎᒥᒍᑦ ᐃᒃᐱᒍᓱᑦᓯᐊᕐᑐᓄᑦ ᑖᑦᓱᒥᖓ. ᐱᓂᐊᕐᓃᑦ ᑕᒪᑐᒧᖓ ᓯᓔᑦᑑᓚᐅᕐᒪᑦ; ᑍᒤᒻᒪᑦ ᒫᓐᓇᒥᑦ ᐱᒋᐊᕐᓗᒍ ᐅᓇᑍᓐᓇᕐᓂᐊᓕᕐᐳᑎᑦ.”

ᔫᐱᐅᑉ ᐊᒡᓚᖏᑦ 11:11

ᐃᓄᐃᑦ ᖃᐅᔨᒪᕔᑦ ᓇᓪᓕᖏᑦ ᐊᑑᑎᒃᓴᖃᖏᒻᒪᖔᑕ; ᐱᐅᖏᑦᑐᓕᓂᖏᑦ ᑕᑯᓐᓇᕐᒪᒋᑦ, ᑕᒪᓐᓇᓕ ᐃᓱᒪᒋᔪᓐᓇᓐᖏᓚᐅᒃ?

ᔫᐱᐅᑉ ᐊᒡᓚᖏᑦ 14:16

ᑕᕝᕙ ᐊᐅᓚᓂᕆᔭᓕᒫᒃᑲ ᖃᐅᔨᓴᕈᓐᓇᕐᓂᐊᕐᐸᑎᑦ, ᐊᔪᕐᓂᓐᓂᒡᓕ ᖃᐅᔨᓴᑦᓮᓐᓇᕐᑐᒃᓴᐅᓐᖏᓚᑎᑦ.

ᔫᐱᐅᑉ ᐊᒡᓚᖏᑦ 23:10

ᒎᑎᐅᓪᓕ ᐊᓪᓗᕐᓂᓕᒫᒃᑲ ᖃᐅᔨᒪᕔᑦ; ᐆᒃᑐᕋᕐᓯᒪᓕᕋᒥᖓ, ᒎᓗᑎᑐᑦ ᑍᒤᑎᓐᓂᐊᓕᕐᐹᖓ.

ᔫᐱᐅᑉ ᐊᒡᓚᖏᑦ 24:23

ᒎᑎᐅᑉ ᐃᓱᒫᓗᓇᖏᑦᑐᒦᑎᑉᐰᑦ, ᓴᐳᒻᒥᓪᓗᒋᓪᓗ; ᑍᒪᓐᖓᓪᓕ ᐱᓂᐊᕐᓂᖏᑦ ᑕᑯᓐᓇᕐᐰᑦ.

ᔫᐱᐅᑉ ᐊᒡᓚᖏᑦ 28:24

ᑖᓐᓇ ᑕᑯᓐᓇᕐᒪᑦ ᓄᓇᐅᑉ ᐃᓱᐊᓄᑦ, ᕿᓚᐅᓪᓗ ᐊᑖᓃᑦᑐᓕᒫᑦ ᑕᑯᓐᓇᕐᒪᒋᑦ.

ᔫᐱᐅᑉ ᐊᒡᓚᖏᑦ 31:37

ᐊᓪᓗᕐᓂᓕᒫᒃᑲ ᓇᓗᓁᕋᔭᕐᐸᒃᑲ ᑖᑦᓱᒧᖓ; ᐊᖓᔪᖅᑳᕐᔪᐊᒃᓴᑎᑐᑦ ᑲᓐᖑᓱᖏᓪᓗᖓ ᐅᐸᓕᕋᔭᕐᐸᕋ.

ᔫᐱᐅᑉ ᐊᒡᓚᖏᑦ 34:21

ᑖᑦᓱᒪ ᐃᓄᓕᒫᑦ ᑕᑯᓐᓇᕐᒪᒋᑦ ᐃᓕᖅᑯᓯᖏᑦ, ᖃᓄᐃᓕᐅᕐᓂᓕᒫᖏᓪᓗ ᑕᑯᓐᓇᕆᕔᑦ.

ᔫᐱᐅᑉ ᐊᒡᓚᖏᑦ 36:7

ᐃᓱᐊᕐᑐᓕᔪᑦ ᑕᑯᓐᓇᑦᓮᓐᓇᕐᐰᑦ, ᐊᖓᔪᖅᑳᕐᔪᐊᓄᑦ ᐊᐅᓚᑦᓯᖃᑕᐅᑎᓐᓂᐊᕐᐰᑦ ᓂᕐᑐᕐᓇᕐᑎᑕᐅᓗᑎᒡᓗ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 44:21

ᒎᑎ ᖃᐅᔨᒐᔭᓐᖏᓛᖅ? ᖃᐅᔨᒪᖕᒪᑦ ᐆᒻᒪᑎᐅᑉ ᐃᔨᕐᓯᒪᔭᖏᓐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:3

ᐊᑕᓂᖅ ᑕᐅᑐᒃᐳᖅ ᓇᓃᑦᑐᓕᒫᓂᒃ, ᑕᒪᕐᒥᒃ ᑕᐅᑐᖕᒪᒋᑦ ᐱᐅᖏᑦᑐᑦ ᐱᐅᔪᓪᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:21

ᐊᖑᑎᐅᑉ ᐱᓂᐊᕐᓂᖏᑦ ᐊᑕᓂᐅᑉ ᐃᔨᖏᒃᑕ ᓵᖓᓃᑉᐳᑦ, ᐊᖅᑯᑎᒋᔭᓕᒫᖏᓪᓗ ᑕᑯᓐᓇᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 16:17

ᐱᐅᓯᕆᔭᓕᒫᖏᑦ ᖃᐅᔨᒪᑦᓯᐊᕋᒃᑭᑦ; ᐅᕙᓐᓄᑦ ᐃᔨᕐᓯᒪᖏᒻᒪᑕ, ᐊᔪᕐᑐᓕᓂᖏᓪᓗ ᑕᕐᕆᓯᒪᔪᖃᕋᑎᒃ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 32:19

ᐃᓱᒪᒋᔭᑎᑦ ᐊᖏᔪᕐᔪᐊᖑᖕᒪᑕ ᐱᓂᐊᕐᓂᕐᑎᓪᓗ ᐊᔪᒐᖃᖏᑦᑐᕐᔪᐊᖑᓪᓗᑎᒃ; ᐃᓄᐃᓪᓗ ᐱᓂᐊᕐᓂᓕᒫᖏᑦ ᑕᑯᓐᓇᕋᕕᒋᑦ, ᐃᓄᐃᓪᓗ ᐱᐅᓯᖏᑦ ᒪᓕᒡᓗᒋᑦ ᐱᔭᕆᐊᖃᓕᕐᑕᖏᓐᓂᒃ ᐱᑎᑦᓯᕙᒃᑲᕕᑦ, ᐊᑭᓕᕐᐸᒃᓗᒋᓪᓗ ᐱᓂᐊᕐᓂᖏᑦ ᒪᓕᒡᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 5:23

ᐃᓕᖕᓂᒃ ᐊᖏᔪᕈᕐᑎᓯᒪᒐᕕᑦ ᐊᑭᕋᕐᑐᓕᕐᓗᑎᓪᓗ ᕿᓚᖕᒥᐅᑦ ᐊᑕᓂᖓᓄᑦ; ᐃᒡᓗᖓᑕ ᐱᖁᑎᖏᓐᓂᒃ ᐃᒥᐅᑎᓂᒃ ᐃᓕᖕᓄᑦ ᕾᑕᐅᖁᔨᓚᐅᕋᕕᑦ, ᐊᖓᔪᖅᑳᖁᑎᑎᑦ ᓄᓕᐊᑎᓪᓗ ᐊᕐᓇᖁᑎᑎᓪᓗ ᐃᒥᖃᑎᒋᓪᓗᒋᑦ ᕔᓂᒥᒃ ᑖᒃᑯᐊ ᐊᑐᕐᓗᒋᑦ; ᓂᕐᑐᐃᓚᐅᕋᕕᓪᓗ ᒎᑎᖕᓂᒃ ᒎᓘᓂᒃ ᓯᐅᓪᕕᕆᓂᒡᓗ, ᑲᓐᓄᔭᓂᒡᓗ, ᓴᕕᕋᔭᖕᓂᒡᓗ, ᕿᔪᖕᓂᒡᓗ, ᐅᔭᕋᖕᓂᒡᓗ, ᑕᑯᔪᓐᓇᖏᑦᑐᓂᒃ ᑐᓵᔪᓐᓇᖏᑦᑐᓂᒡᓗ ᑐᑭᓯᐊᖏᑦᑐᓂᒃ, ᐅᐱᒋᓚᐅᖏᓐᓇᕕᐅᒃ ᒎᑎ ᐃᕝᕕᑦ ᐃᓅᓯᖓᓂᒃ ᑎᒍᒥᐊᕐᑐᖅ ᖃᓄᐃᓕᐅᕐᓂᓕᒫᓂᒃ.

ᔪᐊᓇᓯᐅᑉ ᐊᒡᓚᖏᑦ 1:48

ᓈᑕᓁᑉ ᐊᐱᕆᕚ, “ᖃᓄᖅ ᖃᐅᔨᒪᕕᖓ?” ᔩᓱᓯᐅᑉ ᑭᐅᕚ, “ᐱᓕᑉᐴᓯᒧᑦ ᕾᖁᔭᐅᓚᐅᖄᕐᑎᓐᓇᒃ, ᓇᐹᕐᑑᑉ ᐸᐅᕐᖓᓕᒃᓴᐅᑉ ᐊᑖᓂ ᐃᒃᓯᕙᑎᓪᓗᑎᑦ ᑕᑯᓚᐅᕐᐸᒋᑦ.”

ᐄᑉᕈᐃᓄᑦ 4:13

ᑖᑦᓱᒪ ᓵᖓᓂ ᐱᓐᖑᕐᑎᑕᐅᓯᒪᔪᒥᒃ ᐃᔨᕐᓯᒪᔪᖃᓐᖏᓚᖅ, ᑕᒪᕐᒥᒃ ᓴᖅᑭᔮᑦᓯᐊᕐᐳᑦ ᑕᑯᒃᓴᐅᑦᓯᐊᕐᓗᑎᒃᓗ ᑖᑦᓱᒪ ᐃᔨᖏᒃᑕ ᓵᖓᓂ. ᑖᑦᓱᒧᖓ ᐅᕙᑦᑎᓐᓂᒃ ᐅᖃᐅᓯᕆᔭᕆᐊᖃᕐᐳᒍᑦ.