ᔫᐱᐅᑉ ᐊᒡᓚᖏᑦ 31:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᒎᓗᒥᒃ ᑕᑎᖃᕐᓯᒪᓐᓂᕈᒪ, ᒎᓗᒥᒡᓗ ᐃᓚᓯᒪᖏᑦᑐᒥᒃ ᓱᖏᕐᓲᑎᖃᕐᓯᒪᓐᓂᕈᒪ;

ᔫᐱᐅᑉ ᐊᒡᓚᖏᑦ 31:24 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 31:1

ᔧᑯᓗ ᑐᓴᕐᐳᖅ ᓔᐸᓂᐅᑉ ᐃᕐᓂᖏᑦ ᐅᖃᑲᑕᓕᕐᒪᑕ ᐃᒫᒃ, “ᔧᑯ ᑕᒤᓐᓂᒃ ᐊᑖᑕᑦᑕ ᐱᖁᑎᒋᓐᓂᒃ ᐱᑖᕐᓯᒪᓕᕐᐳᖅ, ᐃᒻᒥᓂᒡᓗ ᐊᔪᕐᓴᕈᓐᓃᕐᑎᓪᓗᓂ ᐊᑖᑕᑦᑕ ᐱᖁᑎᕕᓂᖏᓐᓂᑦ.”

ᔫᐱᐅᑉ ᐊᒡᓚᖏᑦ 22:24

ᒎᓗᖁᑎᑎᑦ ᐃᓕᓗᒋᑦ ᓄᓇᒧᑦ, ᒎᓗᖁᑎᑎᓪᓗ ᐱᐅᓂᕐᐹᑦ ᐅᐱᕼᐃᒥᐅᑍᑦ ᐃᓕᓗᒋᑦ ᕾᕐᑐᑦ ᖂᖕᓂᖏᓐᓄᑦ,

ᐃᓐᖏᕈᑎᑦ 49:17

ᑐᖁᒍᓂᓕ ᓱᓇᒥᒡᓘᓐᓃᑦ ᓇᒃᓴᕐᓂᐊᖏᒻᒪᑦ; ᐱᐅᔪᐊᓘᓂᖓᑕᓗ ᒪᓕᖕᓂᐊᓐᖏᓛ.

ᐃᓐᖏᕈᑎᑦ 52:7

“ᐆᒪ ᐊᖑᑎᐅᑉ ᒎᑎ ᐊᔪᖏᑦᔪᑎᒋᓚᐅᓐᖏᓛ, ᑕᑎᖃᕐᓂᕐᓴᐅᓚᐅᕐᐳᕐᓕ ᐊᒃᓗᐃᑦᔪᑎᒥᓂᒃ, ᐱᐅᖏᑦᑐᓕᓂᕐᓗ ᓴᓐᖏᔫᑦᔪᑎᒋᓚᐅᕐᐹ.”

ᐃᓐᖏᕈᑎᑦ 62:10

ᐊᒃᓱᕈᕐᑎᑕᐅᓂᕐᒧᑦ ᓵᓚᖃᕋᓱᐊᕐᓂᖅ ᑕᑎᒋᓂᐊᕐᓇᒍ, ᐱᐅᔪᕆᑦᔪᑎᒋᓂᐊᕐᓇᒋᓪᓗ ᑎᒡᓕᒐᕕᓃᑦ; ᐊᒃᓗᐃᓕᒐᓗᐊᕈᕕᑦ, ᐆᒻᒪᑏᑦ ᑕᕝᕙᓂ ᐃᓂᖃᓕᕐᑎᓐᓂᐊᕐᓇᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:15

ᐊᒃᓗᐃᑦᑑᑉ ᐊᔪᕐᓴᖏᓐᓂᖅ ᐊᑦᑕᕐᓁᑦᑑᑦᔪᑎᒋᕚ ᓴᐴᓗᑕᕆᓪᓗᒍ, ᐊᒃᓗᔪᕐᓕ ᐊᔪᕐᓴᕐᓂᕐᒥᓄᑦ ᐊᓯᕈᕐᑕᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:28

ᐊᒃᓗᐃᑦᔪᑎᒥᓂᒃ ᑕᑎᖃᕐᑐᖅ ᓄᖑᕈᑎᓂᐊᕐᐳᖅ, ᐃᓱᐊᕐᑐᕐᓕ ᐆᒻᒪᕐᑎᑐᑦ ᐅᖃᐅᔭᕐᑎᑐᑦ ᐱᕈᕐᐸᓪᓕᐊᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:9

ᐊᕿᐊᑦᑐᓗᐊᕈᒪ ᐃᓕᖕᓂᒃ ᐃᒃᐱᒍᓱᒍᓐᓃᖁᓇᖓ, ᐅᖃᓕᖁᓇᖓᓗ, “ᑭᓇ ᐊᑕᓂᐅᕙ?” ᐅᕝᕙᓗ ᐊᔪᕐᓴᓗᐊᓕᕈᒪ ᑎᒡᓕᖃᑦᑕᓕᖁᓇᖓ, ᒎᑎᒪᓗ ᐊᑎᖓᓂᒃ ᐊᑐᕐᓂᕐᓗᓕᖁᓇᖓ.

ᔨᕆᒤᐊᐅᑉ ᐊᒡᓚᖏᑦ 9:23

ᐃᒫᒃ ᐊᑕᓂᖅ ᐅᖃᕐᐳᖅ, “ᓯᓚᑐᔪᑦ ᓯᓚᑐᓂᕐᒥᖕᓂᒃ ᓂᕐᑐᕐᑕᐅᑦᔪᑎᖃᕈᒪᑦᑍᓕᓕᑦ, ᓴᓐᖏᔪᓪᓗ ᓴᓐᖏᓂᕐᒥᖕᓂᒃ, ᐊᔪᕐᓴᖏᑦᑐᓪᓗ ᐊᔪᕐᓴᖏᓐᓂᕐᒥᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 28:5

ᓯᓚᑐᓂᕐᓄᑦ ᑕᐅᕐᓰᔪᓐᓇᕐᓂᕐᓄᓪᓗ ᐊᔪᕐᓴᕈᓐᓃᕐᑎᓯᒪᒐᕕᑦ, ᐆᒻᒪᑎᒃᑯᓪᓗ ᐱᐅᔪᕆᑦᔪᑎᒋᓕᕐᐸᑦ ᐊᔪᕐᓴᖏᓐᓃᑦ.

ᒫᑯᓯᐅᑉ ᐊᒡᓚᖏᑦ 10:23

ᔩᓱᓯ ᕿᕕᐊᕐᓗᓂ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᐊᔪᕐᓴᖏᑦᑐᓄᑦ ᐱᔭᕐᓂᖏᑦᑑᓂᐊᕐᐳᖅ ᒎᑎᐅᑉ ᐊᑕᓂᐅᕕᖓᓄᑦ ᐃᓯᕆᐊᒃᓴᖅ!”

ᓘᑲᓯᐅᑉ ᐊᒡᓚᖏᑦ 12:15

ᐃᓄᓕᒫᓄᑦ ᐅᖃᕆᕗᖅ, “ᖃᐅᔨᓴᕆᑦᓯ, ᑲᒪᑦᓯᐊᕐᓗᓯ ᐱᑖᕈᒪᓗᐊᕐᓂᕐᒥᒃ; ᐃᓅᑉ ᐃᓅᓯᖓ ᒪᑭᑕᑎᑕᐅᖏᒻᒪᑦ ᐊᒥᓱᓂᒃ ᐱᖁᑎᖃᕐᓂᕐᒥᓄᑦ.”

ᑯᓘᓯᐊᒥᐅᓄᑦ 3:5

ᑍᒤᒻᒪᑦ ᓯᓚᕐᔪᐊᕐᒥᐅᑦ ᐱᔪᒪᕕᒡᔪᐊᕐᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᕐᓯᒋᒃ ᒪᑯᐊ: ᓄᓕᐊᕐᓃᑦ, ᐃᑦᔪᕐᓇᕐᑐᓕᓃᑦ, ᐃᒃᓯᒎᕐᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᓃᑦ, ᐱᖃᕈᒪᓗᐊᕐᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᓂᐅᖕᒪᑕ.

ᑎᒧᑎᒧᑦ ᓯᕗᓪᓖᑦ 6:10

ᑮᓇᐅᔭᖃᕈᒪᓗᐊᕐᓂᖅ ᐱᐅᖏᑦᑐᓄᑦ ᖃᓄᐃᑦᑐᑐᐃᓇᕐᓄᑦ ᐱᒋᐊᕐᕕᐅᖕᒪᑦ; ᑕᒪᓐᓇ ᐱᔪᒪᓗᐊᕐᓂᖅ ᐃᓚᖏᑕ ᐊᑐᓚᐅᕋᒥᑦᔪᒃ ᐅᒃᐱᕐᓂᕐᒥᒃ ᕿᒤᓯᒪᕗᑦ ᕿᒃᓵᖕᓇᕐᑐᓄᓪᓗ ᐅᓄᕐᑐᓄᑦ ᐃᒻᒥᖕᓂᒃ ᑎᑭᑎᓯᒪᓕᕐᓗᑎᒃ.

ᑎᒧᑎᒧᑦ ᓯᕗᓪᓖᑦ 6:17

ᓯᓚᕐᔪᐊᑉ ᐱᖏᓐᓄᑦ ᐊᔪᕐᓴᓐᖏᑦᑐᑦ, ᐱᐅᔪᕆᖁᖏᓪᓗᒋᑦ ᐅᖃᐅᑎᒃᑭᑦ, ᓂᕆᐅᖁᖏᓪᓗᒋᓪᓗ ᐊᔪᕐᓴᖏᑦᑐᒪᓂᑐᐃᓐᓇᒧᑦ ᐊᐅᓚᑕᐅᔪᒥᒃ, ᒎᑎᒥᓪᓕ ᑖᑦᓱᒪ ᐊᓐᓂᕈᓱᒐᓂ ᓱᓇᓕᒫᓂᒃ ᑐᓂᓯᕕᒋᖕᒪᑎᒍᑦ ᖁᕕᐊᓲᑎᒋᓗᒋᑦ ᐃᓅᖁᓪᓗᑕ.