ᔫᐱᐅᑉ ᐊᒡᓚᖏᑦ 31:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐅᕝᕙᓗ ᓂᕆᔪᑑᓚᐅᕐᓯᒪᓐᓂᕈᒪ ᐃᓄᑑᓗᖓ, ᐃᓕᐊᕐᔪᐃᑦ ᓂᕆᔭᒃᓴᖃᕐᑎᓐᓇᒋᑦ

ᔫᐱᐅᑉ ᐊᒡᓚᖏᑦ 31:17 ပူးပေါင်းရင်းမြစ်များ

ᔪᐊᓇᓯ ᓯᕗᓪᓖᑦ 3:17

ᓯᓚᕐᔪᐊᑉ ᐱᖏᓐᓂᒃ ᐱᖃᕐᑐᖅ ᐃᓅᖃᑎᒥᓂᒃ ᐊᔪᕐᓴᕐᑐᒥᒃ ᑕᑯᓗᓂ ᐃᑲᔪᕈᒪᓐᖏᑯᓂᐅᒃ, ᖃᓄᖅ ᑕᕝᕙ ᒎᑎᐅᑉ ᓇᒡᓕᖕᓂᖓᓂᒃ ᐃᓗᒥᐅᑕᖃᕋᔭᕐᐸ?

ᔧᒥᓯᐅᑉ ᐊᒡᓚᖏᑦ 1:27

ᐅᒃᐱᕐᓂᖅ ᐸᓯᔭᒃᓴᐅᓂᖃᖏᑦᑐᖅ ᓱᓕᔪᕐᓗ ᒎᑎᐅᑉ ᐊᑖᑕᐅᑉ ᓈᒻᒪᒋᔭᖓ ᐃᒤᑦᑑᕗᖅ; ᐃᓕᐊᕐᔪᐃᑦ ᐳᓛᕆᐊᖃᑦᑕᕐᓗᒋᑦ ᐅᐃᒡᒐᕐᓃᓪᓗ ᐅᖁᒤᒃᓴᕐᓂᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓗ ᐃᑦᔪᕐᓇᕐᓯᑎᑕᐅᑦᑍᓕᓗᓂ ᓯᓚᕐᔪᐊᕐᒥᐅᑦ ᐱᐅᓯᖏᓐᓄᑦ.

ᕉᒪᒥᐅᓄᑦ 12:13

ᒎᑎᐅᑉ ᐃᓄᖁᑎᖏᑦ ᐱᔭᕆᐊᖃᕐᑕᖏᓐᓂᒃ ᑐᓂᓯᕕᒋᓯᒋᒃ, ᑐᓐᖓᓱᒃᑎᑦᓯᕙᒡᓗᓯᓗ ᑎᑭᓯᒪᔪᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:32

ᐅᒃᐱᕐᑑᖃᑎᒌᓕᒫᑦ ᐆᒻᒪᑎᒥᒃᑎᒍᑦ ᑕᕐᓂᕐᒥᒃᑎᒍᓪᓗ ᐊᑕᐅᓯᐅᓕᖅᑲᖓᑦᓯᐊᓚᐅᕐᐳᑦ ᐃᓚᒌᑦᓯᐊᕐᓗᑎᒃ, ᐱᖁᑎᒥᖕᓂᒃ ᓇᖕᒥᓂᖃᕐᓂᕋᕐᓗᑎᒃ ᑍᓯᔪᖃᓚᐅᓐᖏᓚᑦ, ᑕᒪᕐᒥᒃ ᐱᒋᔭᒥᖕᓂᒃ ᑲᑐᑦᔨᓚᐅᕐᐳᑦ ᐊᑦᔨᒌᒃᑐᒥᒃ.

ᔪᐊᓇᓯᐅᑉ ᐊᒡᓚᖏᑦ 13:29

ᔫᑕᓯ ᑲᒪᔨᒋᔭᐅᖕᒪᑦ ᑮᓇᐅᔭᖃᐅᑎᖓᓐᓂᒃ ᐃᒃᐱᐊᕐᔪᖕᒥᒃ; ᐃᓕᓐᓂᐊᕐᑏᑦ ᐃᓚᖏᑦ ᐃᓱᒪᕗᑦ ᔩᓱᓯ ᓂᐅᕕᕆᐊᖁᔨᓇᓱᒋᓪᓗᒍ ᐊᑐᕆᐊᖃᕐᑕᖏᓐᓂᒃ ᓇᓪᓕᐅᓐᓂᕐᓯᐅᓕᕈᑎᒃ; ᐅᕝᕙᓘᓐᓃᑦ ᑐᓂᓯᔭᕐᑐᖁᔭᐅᓇᓱᒋᕚᑦ ᐊᔪᕐᓴᕐᑐᓄᑦ.

ᓘᑲᓯᐅᑉ ᐊᒡᓚᖏᑦ 11:41

ᑏᑑᑎᐅᑉ ᓂᕐᕆᓰᓪᓗ ᐃᓗᐊᓃᑦᑐᑦ ᑐᓂᓯᒋᒃ ᐊᒃᖢᔪᓄᑦ; ᑕᑯᒋᑦ, ᑕᕝᕙ ᓴᓗᒻᒪᑦᓯᐊᓕᕐᓂᐊᕐᐳᓯ ᐃᓘᓐᓇᖓᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 18:16

ᓇᓪᓕᐊᓐᓂᒡᓘᓐᓃᑦ ᐱᑦᓯᐊᖏᕝᕕᖃᓚᐅᕐᓯᒪᖏᓪᓗᓂ, ᐊᑐᕐᕕᒋᔭᒥᓂᒡᓗ ᐅᑎᕐᑎᑦᓯᑦᓯᐊᕐᐸᒡᓗᓂ, ᑎᒡᓕᖃᑦᑕᖏᓪᓗᓂᓗ, ᓂᕿᒃᓴᖃᖏᑦᑐᓂᒃ ᓂᕆᑎᑦᓯᕙᒡᓗᓂ, ᐊᓐᓄᕌᓴᖃᖏᑦᑐᓂᒡᓗ ᐊᓐᓄᕌᕐᑎᑦᓯᕙᒡᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 18:7

ᓇᓪᓕᐊᓐᓂᒡᓗ ᐅᖁᒤᑎᑦᓯᕙᖏᓪᓗᓂ, ᑎᒡᓕᒃᐸᖏᓪᓗᓂᓗ, ᐊᑐᕐᑐᐊᕐᑕᕕᓂᕐᒥᓂᒡᓗ ᐊᑕᖏᕐᓗᒋᑦ ᐊᑭᓖᑦᓯᐊᖃᑦᑕᕐᓗᓂ, ᑳᒃᑐᓂᒃ ᓂᕆᑎᑦᓯᕙᒡᓗᓂ, ᐊᓐᓄᕌᒃᓴᖃᖏᑦᑐᓂᒡᓗ ᐊᓐᓄᕌᕐᑎᑦᓯᕙᒡᓗᓂ.

ᔫᐱᐅᑉ ᐊᒡᓚᖏᑦ 22:7

ᑕᖃᒪᔪᓂᒃ ᐃᒥᕈᒃᑐᓂᒃ ᐃᒥᕐᑎᑦᓯᖃᑦᑕᕐᓯᒪᖏᓐᓇᕕᑦ, ᑳᒃᑐᓂᒡᓗ ᓂᕆᑎᑦᓯᖃᑦᑕᕐᓯᒪᓇᒃ.

ᓂᕼᐃᒤᐊᐅᑉ ᐊᒡᓚᖏᑦ 8:10

ᐊᖏᕐᕋᓕᕆᑦᓯ ᓂᕆᖃᑎᒌᒃᓗᓯᓗ, ᓂᕆᖃᑎᖃᕐᓗᓯ ᐃᒥᖃᑎᖃᕐᓗᓯᓗ ᐱᖃᓐᖏᓗᐊᕐᑐᓂᒃ, ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᑦᑎᓐᓄᑦ, ᕿᒃᓵᖏᓪᓗᓯ, ᖁᕕᐊᓱᖕᓂᖅ ᐊᑕᓂᕐᒥᑦ ᐱᔪᖅ ᓲᖑᑦᔪᑎᒋᕙᓯ.”

ᒨᓯᓯ ᑕᓪᓕᒪᖏᑦ 15:14

ᐊᓐᓂᕈᓱᖏᓪᓗᑎᑦ ᑐᓂᓯᕕᒋᔭᒃᓴᕆᕙᑦ ᓰᐱᖁᑎᖕᓂᑦ, ᓂᐊᖂᔭᒃᓴᖁᑎᖕᓂᓪᓗ ᐃᕖᔧᕕᖕᒥᑦ ᐱᔪᓂᒃ, ᐅᐂᓂᒃᓴᖁᑎᖕᓂᓪᓗ; ᐊᑕᓂᐅᑉ ᐃᓕᖕᓄᑦ ᓮᒻᒪᕐᑎᑦᓯᑦᔪᑎᒋᓯᒪᔭᖏᑦ ᒪᓕᒡᓗᒋᑦ, ᑐᓂᓯᕕᒋᔭᒃᓴᕆᕙᑦ.

ᒨᓯᓯ ᑕᓪᓕᒪᖏᑦ 15:11

ᐊᔪᕐᓴᕐᑐᑦ ᓄᖑᓚᐅᕐᓯᒪᓂᐊᖏᒻᒪᑕ ᓄᓇᒥ; ᑍᒤᒻᒪᑦ ᑕᕝᕙ ᐱᖁᓪᓚᕆᒃᐸᑦᓯ, ᐊᓐᓂᕈᓱᖏᓪᓗᓯ ᐃᑲᔪᕆᐊᖃᕐᐳᓯ ᖃᑕᓐᖑᑎᑦᓯᓐᓂᒃ, ᐱᖃᖏᑦᑐᓂᒃ ᐊᔪᕐᓴᕐᑐᓂᒡᓗ ᓄᓇᒥ.”

ᔫᐱᐅᑉ ᐊᒡᓚᖏᑦ 31:18

ᐃᓅᓱᒃᑑᓂᓐᓂᑦ ᐊᑖᑕᑦᑐᑦ ᐱᖃᑦᑕᕐᓯᒪᕙᒃᑲ; ᐊᓈᓇᖓᑕ ᐃᒡᓕᐊᖓᓃᑎᓪᓗᒋᑦ ᓱᓕ ᑲᒪᒋᑦᓯᐊᕈᒪᓯᒪᕙᒃᑲ;

ᔫᐱᐅᑉ ᐊᒡᓚᖏᑦ 31:21

ᐃᓕᐊᕐᔪᐃᑦ ᓇᓪᓕᐊᓐᓂᒃ ᐱᑦᓯᐊᓐᖏᑕᖃᓚᐅᕐᓯᒪᓐᓂᕈᒪ, ᖃᐅᔨᒪᓗᖓ ᐃᖅᑲᕐᑐᐃᕕᖕᒧᐊᕈᓐᓄᒃ ᓵᓚᖃᕋᔭᕐᓂᕋ ᐱᑦᔪᑎᒋᓗᒍ;

ᐃᔅᑕᐅᑉ ᐊᒡᓚᖏᑦ 2:7

ᒧᐊᑎᑬᓪᓗ ᓇᒃᓴᓚᐅᕐᐹ ᕼᐊᑖᓴ, ᕼᐄᑉᕉᑎᑐᑦ ᑍᒫᒃ ᐊᑎᓕᒃ, ᑖᓐᓇ ᐃᔅᑕᕐ, ᒧᐊᑎᑬᑉ ᐊᒃᑲᖓᑕ ᐸᓂᖓ, ᑖᓐᓇ ᐊᑖᑕᖃᓚᐅᓐᖏᓚᖅ ᐊᓈᓇᖃᕋᓂᓗ; ᐅᐃᒡᒐᓲᓪᓗᓂ ᐃᓂᖁᓇᕐᐳᖅ ᐊᕐᓇᑦᓯᐊᕙᐅᓪᓗᓂᓗ, ᑖᑦᓱᒪ ᐊᑖᑕᖓ ᐊᓈᓇᖓᓗ ᑐᖁᖕᒪᑎᒃ, ᒧᐊᑎᑬᑉ ᑎᒍᐊᕐᑖᕆᓚᐅᕐᐹ ᓇᖕᒥᓂᖅ ᐸᓂᖕᒥᑐᑦ ᐱᓕᕐᓗᓂᐅᒃ.