30 ᐅᕕᓂᒐ ᖃᑯᐃᓕᕗᖅ ᐊᒦᔭᕐᓗᖓᓗ, ᓴᐅᓂᒃᑲᓗ ᐆᑎᕐᓇᕐᑐᒧᑦ ᐆᑕᐅᓪᓗᑎᒃ.
ᐃᓗᕕᖃᕐᕕᒃ ᐊᑖᑕᓐᓂᒃ ᑍᒐᔭᕈᒃᑯ, ᖁᒡᓗᒋᐊᕋᓛᓪᓗ ᐊᓈᓇᓐᓂᒃ ᑍᒍᒃᑭᑦ, ᐅᕝᕙᓗ ᓇᔭᓐᓂᒃ,
ᑕᕝᕙ ᓵᑖᓇᓯ ᐊᑕᓂᐅᑉ ᓇᔪᕐᑕᖓᓂᑦ ᕿᒪᕉᑎᕗᖅ, ᔫᐱᓗ ᓇᐅᒃᑯᑐᐃᓐᓇᖅ ᐊᔪᐊᓕᕐᑎᑉᐹ ᑎᒥᓕᒫᖓ ᐃᑎᒐᖏᑕ ᐊᓗᖏᖕᓂᑦ ᐱᒋᐊᕐᓗᒍ ᑲᑦᔨᖓᓄᑦ ᑎᑭᓪᓗᒍ.
ᐅᓐᓄᐊᒃᑯᑦ ᓴᐅᓂᒃᑲ ᒤᓪᓕᖃᑦᑕᕐᐳᑦ, ᐋᓐᓂᐊᓂᕋᓗ ᐃᑯᓪᓚᐅᒥᔪᓐᓇᕋᓂ.
ᐅᓪᓗᒃᑲ ᓄᖑᑉᐸᓪᓕᐊᕗᑦ ᐳᔪᕐᑎᑐᑦ, ᓴᐅᓂᒃᑲᓗ ᐆᓇᕐᓯᕗᑦ ᐃᑯᐊᓚᔪᑎᑐᑦ.
ᐆᒻᒪᑎᒐ ᐊᓇᐅᓕᕐᑕᐅᓂᑰᕗᖅ ᐃᕕᒃᓱᒃᑲᑎᑐᑦ ᐸᓂᕐᑐᑎᑐᑦ; ᐊᒡᓛᑦ ᓂᕆᔭᒃᓴᒃᑲ ᓂᕆᔭᕆᐊᖏᑦ ᐳᐃᒍᕐᓯᒪᕙᒃᑲ.
ᕔᓂᖃᐅᑎᑐᑦ ᕿᓯᒃᑐᑦ ᐳᔪᕐᒧᑦ ᐃᕿᑎᑕᐅᔪᑎᑐᑦ ᑍᒤᓕᕐᐳᖓ; ᑭᓯᐊᓂᓕ ᐊᑐᕐᑕᐅᖁᔭᑎᑦ ᓱᓕ ᐳᐃᒍᓐᖏᓚᒃᑲ.
ᖁᑦᓯᒃᑐᒥᑦ ᐃᑯᒪᒥᒃ ᑎᑭᑎᑦᓯᕗᖅ ᐃᑯᐊᓚᔪᒥᒃ, ᓴᐅᓂᒃᑲ ᑎᑭᓪᓗᒋᑦ, ᒎᑎ ᓂᒐᕐᕕᒃᓴᓂᒃ ᐋᖅᑭᒃᓯᕗᖅ, ᓂᒐᕋᒪᓗ ᐅᑎᕆᐊᕐᑎᑉᐹᖓ, ᓱᓁᕈᑎᓪᓗᓂᖓ ᓄᑭᖃᕈᓐᓁᕐᑎᑉᐹᖓ ᐅᓪᓗᓕᒫᖅ.
ᐅᕕᓂᒐᓗ ᑎᒥᓕᒫᕋᓗ ᐃᓄᑐᖃᕐᑎᑐᑦ ᑕᐅᑦᑐᖃᓕᕐᑎᑉᐹ ᓴᐅᓂᒃᑲᓗ ᓇᒡᒍᕐᓗᒋᑦ.
ᖃᐅᔨᒪᔭᐅᖏᑦᑐᑎᑐᓪᓕ ᐊᖅᑯᑎᒥᐅᑕᑐᐃᓐᓇᐅᓕᕐᐳᑦ, ᑮᓇᖏᓪᓗ ᕿᕐᓂᕐᑕᐅᓂᕐᓴᐅᓕᕐᐳᑦ ᐸᐅᕐᒥᑦ, ᐅᕕᓂᖏᓪᓗ ᕿᔪᖕᒥᑦ ᐸᓪᓕᕐᒥᑦ ᐸᓂᕐᓂᕐᓴᐅᓕᕐᐳᑦ ᐃᒧᓪᓗᖏᓪᓗ ᓴᐅᓂᖏᓐᓄᑦ ᑎᑭᑉᐳᑦ.
ᑳᓗᐊᕐᓂᑯᒧᑦ ᐆᑎᕐᓇᕐᓯᖃᑦᑕᕐᐳᒍᑦ ᐅᕕᓂᕗᑦ ᐆᑎᕐᓇᕐᓂᑯᒧᑦ ᐃᒐᕕᒃᑎᑐᑦ ᐆᓇᕐᑎᒋᕙᒃᐳᑦ.
ᑕᒪᓐᓇᓗ ᑐᓴᕋᒃᑯ, ᐃᓗᒐ ᓴᔪᓕᕐᐳᖅ; ᖃᓂᕐᒪᓗ ᓯᓈ ᐆᓕᒃᑐᑎᑐᑦ ᑍᒤᓕᕐᐳᖅ ᑲᑉᐱᐊᓱᖕᓂᕐᒧᑦ. ᓴᐅᓂᒃᑲᓗ ᓴᐅᓂᓐᖑᔪᑎᑐᑦ ᑍᒤᓕᕐᐳᑦ, ᐃᑎᒐᒃᑲᓗ ᖁᐂᔭᕿᑦᑖᓕᕐᐳᑦ ᑐᖕᒪᕐᑕᒃᑯᑦ. ᓂᐱᖃᖏᓪᓗᖓ ᐅᑕᖅᑭᑐᐃᓐᓇᕐᓂᐊᓕᕐᐳᖓ ᑎᑭᓛᕐᑐᒥᒃ ᒎᑎᐅᑉ ᓱᒋᐊᕐᓯᓂᒃᓴᖓᓂᒃ ᐅᕙᑦᑎᓐᓂᒃ ᓱᒃᑯᔨᐊᖃᕐᑐᓂᒃ.
