23 ᖃᐅᔨᒪᔪᖓ ᑐᖁᒧᑦ ᑎᑭᑎᓕᕋᕕᖓ, ᐃᓅᔪᓕᒫᓄᑦ ᑕᒪᓐᓇ ᑐᕌᕐᑕᐅᖕᒪᑦ.
ᐃᓄᐃᓪᓗ ᐊᑕᐅᓯᐊᕐᓗᑎᒃ ᑐᖁᔭᕆᐊᖃᕐᒪᑕ, ᑭᖑᓂᖓᒍᓪᓕ ᐃᖅᑲᕐᑐᕐᑕᐅᕕᒃᓴᖃᕐᐳᑦ.
ᐃᓅᔪᑦ ᖃᐅᔨᒪᖕᒪᑕ ᑐᖁᔪᒫᕐᓂᕐᒥᖕᓂᒃ. ᑐᖁᖓᔪᓪᓕ ᓱᓇᒥᒃ ᖃᐅᔨᒪᓐᖏᓚᑦ. ᐊᑭᓕᕐᑕᐅᑦᔪᑎᒃᓴᒥᖕᓂᒡᓗ ᐱᓂᐊᕈᓐᓃᕐᓗᑎᒃ ᐃᖅᑲᐅᒪᔭᐅᑦᔪᑎᒃᓴᖏᓪᓗ ᐳᐃᒍᕐᑕᐅᕗᑦ.
ᐃᓄᖕᒥᒡᓗ ᓇᓕᐊᓐᓂᒃ ᐊᓄᕆᒥᒃ ᐊᐅᓚᑦᓯᔪᖃᕈᓐᓇᖏᒻᒪᑦ, ᑍᒤᒻᒪᑦ ᐅᓪᓗᒥᒡᓗ ᑐᖁᕕᒃᓴᒥᒃ ᐊᐅᓚᑦᓯᔪᖃᕈᓐᓇᖏᓐᓂᕗᖅ. ᐅᓇᑕᕐᑐᒃᓴᖅ ᓄᖅᑲᕐᑎᑕᐅᖏᒻᒪᑦ ᐅᓇᑕᕐᑎᓪᓗᒋᑦ, ᐱᐅᖏᑦᑐᓕᓂᕐᓗ ᓄᖅᑲᕐᑎᑦᓯᓂᐊᖏᓐᓂᕗᖅ ᐱᓇᓱᐊᕐᑎᒋᔭᒥᓂᒃ.
ᓇᑎᕐᓇᒥ ᓂᐊᖁᑦᑍᑦ ᒪᒪᕐᑑᕗᑦ ᑖᑦᓱᒧᖓ; ᐃᓄᓕᒫᓂᑦ ᑭᖑᓂᖓᓂᑦ ᒪᓕᒃᑕᐅᕗᖅ, ᑖᑦᓱᒪᓗ ᓯᕗᓂᖓᓃᑦᑐᑦ ᓈᓴᒐᒃᓴᐅᓇᑎᒃ.
ᐃᓅᓯᖓᑕ ᑕᑭᓂᒃᓴᖓ ᓯᕗᓂᖓᒍᑦ ᐋᖅᑭᒃᓱᕐᑕᐅᔭᕇᕐᓯᒪᕗᖅ, ᑕᖅᑮᓪᓗ ᐃᓅᕕᒋᓂᐊᕐᑕᖏᑦ ᐃᓕᖕᓃᑉᐳᑦ, ᑕᒪᓐᓇ ᐋᖅᑭᒃᓱᕇᕐᓯᒪᒐᕕᐅᒃ ᑭᓇᒧᓪᓘᓐᓃᑦ ᐊᓯᑦᔨᕐᑕᐅᔪᓐᓇᓐᖏᓚᖅ.
ᑕᒪᓐᓇ ᐊᑕᐅᓯᐅᓕᖅᑲᖓᑐᐃᓐᓇᕐᐳᖅ; ᑍᒤᒻᒪᑦ ᐅᖃᕈᓐᓇᕐᐳᖓ, ᑖᑦᓱᒪ ᐊᓯᕈᕐᐰᑦ ᑕᒪᕐᒥᒃ ᐸᓯᔭᒃᓴᐅᖏᑦᑐᑦ ᐱᐅᖏᑦᑐᓕᔪᓪᓗ.
ᑕᕝᕙᓃᑉᐳᑦ ᖃᐅᔨᒪᔭᐅᔪᑦ ᖃᐅᔨᒪᔭᐅᓗᐊᖏᑦᑐᓪᓗ, ᓯᐊᓛᕕᓃᓪᓗ ᐊᖓᔪᖅᑳᒥᖕᓄᑦ ᕿᓚᒃᑕᐅᓯᒪᔪᓐᓃᕐᓗᑎᒃ.
ᑕᒪᑦᑕ ᑐᖁᔪᒃᓴᐅᕗᒍᑦ; ᐃᒥᕐᑐᑦ ᑍᒤᑉᐳᒍᑦ ᓄᓇᒧᑦ ᑯᕕᔭᐅᔪᑎᑐᑦ, ᑲᑎᑕᐅᓗᑎᒃ ᐅᑎᕐᑎᑕᐅᒃᑲᓐᓂᕈᓐᓁᓪᓕᔪᑎᑐᑦ; ᐊᒡᓛᑦ ᒎᑎᐅᑉ ᑐᖁᖓᔪᑦ ᐅᑎᕐᑎᖃᑦᑕᖏᒻᒪᒋᑦ, ᐊᖓᔪᖅᑳᕐᔪᐊᕐᓕ ᐃᓄᖕᒥᒃ ᐅᑎᕐᑎᑦᓯᔪᓐᓇᕐᐳᖅ ᓇᕐᕈᒋᔭᐅᓕᕐᓯᒪᔪᒥᒃ.
ᐊᐅᒃᑲᕐᓂᖓᕙᖕᓂᐊᓕᕐᐳᑎᑦ ᓂᕿᒃᓴᒥᒃ ᐱᓇᓱᐊᕐᓗᑎᑦ ᐅᑎᓚᐅᖏᓐᓂᕐᓂ ᓄᓇᒧᑦ, ᑕᒫᓐᖓᑦ ᓴᓇᔭᐅᕕᒋᓚᐅᕐᑕᕐᓄᑦ; ᐃᑦᔪᒥᑦ ᐱᓯᒪᒐᕕᑦ ᐃᑦᔪᒧᑦᑕᐅᖅ ᐅᑎᕈᒫᕆᕗᑎᑦ.”
ᐊᒡᒐᒃᐱᑦ ᓴᓇᓪᓗᓂᖓ ᐋᖅᑭᒃᓱᓚᐅᕐᐹᖓ; ᒫᓐᓇᓗ ᑖᒃᑯᓄᖓᑦᓮᓐᓇᖅ ᐊᓯᕈᕐᑕᐅᓕᕐᐳᖓ.
“ᑕᑯᒋᑦ, ᐅᓪᓗᒥ ᑐᖁᕕᒃᓴᕋ ᓇᓪᓕᐅᑎᓕᕐᐳᖅ, ᖃᐅᔨᒪᔪᐃᓐᓇᐅᕗᓯ ᐆᒻᒪᑎᑦᓯᒍᑦ ᑕᕐᓂᑦᓯᒍᓪᓗ, ᐊᑕᓂᐅᑉ ᒎᑎᑦᓯ ᑐᓂᓚᐅᕐᒪᓯ ᐱᐅᔪᓂᒃ ᐊᖏᕈᑎᒋᓚᐅᕐᑕᓕᒫᒥᓂᒃ ᐃᓕᑦᓯᓐᓄᑦ; ᐊᖏᕈᑎᒋᓚᐅᕐᑕᓕᒫᓂ ᐃᓕᑦᓯᓐᓄᑦ ᑲᔪᓯᑎᓚᐅᕐᒪᒋᑦ; ᐊᑕᐅᓯᕐᒥᒡᓘᓐᓃᑦ ᐊᑐᖏᑦᑑᑎᑦᓯᓚᐅᖏᓚᖅ.
