17 ᐅᓐᓄᐊᒃᑯᑦ ᓴᐅᓂᒃᑲ ᒤᓪᓕᖃᑦᑕᕐᐳᑦ, ᐋᓐᓂᐊᓂᕋᓗ ᐃᑯᓪᓚᐅᒥᔪᓐᓇᕋᓂ.
ᓂᓪᓕᐊᓚᐅᕐᐳᖓ ᐃᑲᔪᕐᑕᐅᔪᒪᓪᓗᖓ ᐅᓪᓛᒧᑦ ᑎᑭᓪᓗᒍ; ᓛᔭᒧᑦ ᓴᐅᓂᒃᑲ ᖃᖅᑯᐊᕐᑕᐅᔪᑎᑐᑦ ᑍᒤᓚᐅᕐᐳᑦ; ᐅᓪᓗᕐᒥᑦ ᐅᓐᓄᐊᒧᑦ ᑎᑭᑦᑐᑐᑦ ᐃᓱᓕᑎᓚᐅᕐᐸᕐᒪ.
ᐆ ᒎᑎᒐ, ᐅᓪᓗᒃᑯᑦ ᓂᓪᓕᐊᕗᖓ, ᑐᓴᓚᐅᓐᖏᓚᕐᒪ; ᐅᓐᓄᐊᒃᑯᓪᓘᓐᓃᑦ, ᓂᐰᑦᑑᓐᖏᓚᖓ.
ᐃᓂᓪᓚᒑᖓᒪ ᐅᖃᕐᐳᖓ, ‘ᖃᖓ ᒪᑭᓛᕐᐳᖓ?’ ᐅᓐᓄᐊᖅ ᓯᕕᑐᔫᕗᖅ, ᓇᓪᓕᐊᓐᓄᑦ ᓵᖃᑦᑕᕐᓂᕐᒧᑦ ᑕᖃᕗᖓ ᖃᐅᒻᒪᓕᕐᓂᖓᓄᑦ ᑎᑭᓪᓗᒍ.
ᑕᕝᕙ ᓵᑖᓇᓯ ᐊᑕᓂᐅᑉ ᓇᔪᕐᑕᖓᓂᑦ ᕿᒪᕉᑎᕗᖅ, ᔫᐱᓗ ᓇᐅᒃᑯᑐᐃᓐᓇᖅ ᐊᔪᐊᓕᕐᑎᑉᐹ ᑎᒥᓕᒫᖓ ᐃᑎᒐᖏᑕ ᐊᓗᖏᖕᓂᑦ ᐱᒋᐊᕐᓗᒍ ᑲᑦᔨᖓᓄᑦ ᑎᑭᓪᓗᒍ.
ᐅᕕᓂᒐ ᖃᑯᐃᓕᕗᖅ ᐊᒦᔭᕐᓗᖓᓗ, ᓴᐅᓂᒃᑲᓗ ᐆᑎᕐᓇᕐᑐᒧᑦ ᐆᑕᐅᓪᓗᑎᒃ.
ᑕᒪᓐᓇᓗ ᑐᓴᕋᒃᑯ, ᐃᓗᒐ ᓴᔪᓕᕐᐳᖅ; ᖃᓂᕐᒪᓗ ᓯᓈ ᐆᓕᒃᑐᑎᑐᑦ ᑍᒤᓕᕐᐳᖅ ᑲᑉᐱᐊᓱᖕᓂᕐᒧᑦ. ᓴᐅᓂᒃᑲᓗ ᓴᐅᓂᓐᖑᔪᑎᑐᑦ ᑍᒤᓕᕐᐳᑦ, ᐃᑎᒐᒃᑲᓗ ᖁᐂᔭᕿᑦᑖᓕᕐᐳᑦ ᑐᖕᒪᕐᑕᒃᑯᑦ. ᓂᐱᖃᖏᓪᓗᖓ ᐅᑕᖅᑭᑐᐃᓐᓇᕐᓂᐊᓕᕐᐳᖓ ᑎᑭᓛᕐᑐᒥᒃ ᒎᑎᐅᑉ ᓱᒋᐊᕐᓯᓂᒃᓴᖓᓂᒃ ᐅᕙᑦᑎᓐᓂᒃ ᓱᒃᑯᔨᐊᖃᕐᑐᓂᒃ.
