22 ᖁᕕᐊᓱᒻᒪᕆᒃᑲᔭᕐᐳᑦ ᐊᓕᐊᓁᒍᓱᒡᓗᑎᒡᓗ, ᓯᕆᒐᔭᕐᐳᓪᓗ, ᐃᓗᕕᕐᑕᐅᕕᒃᓴᒥᖕᓂᒃ ᓇᒡᕚᕈᑎᒃ.
ᐱᐅᖏᑦᑐᓕᔪᓪᓕ ᐃᔨᖏᑦ ᑕᑯᓂᐊᓐᖏᓚᑦ; ᐊᓐᓇᒡᕕᒃᓴᒥᓂᒡᓗ ᓇᒡᕚᕐᓂᐊᓐᖏᓚᑦ, ᓂᕆᐅᒋᔭᒃᓴᑐᐊᕆᓕᕐᓂᐊᕐᐹᑦ ᑐᖁᔪᒫᕐᓂᑎᒃ.”
ᓇᑎᕐᓇᒥ ᓂᐊᖁᑦᑍᑦ ᒪᒪᕐᑑᕗᑦ ᑖᑦᓱᒧᖓ; ᐃᓄᓕᒫᓂᑦ ᑭᖑᓂᖓᓂᑦ ᒪᓕᒃᑕᐅᕗᖅ, ᑖᑦᓱᒪᓗ ᓯᕗᓂᖓᓃᑦᑐᑦ ᓈᓴᒐᒃᓴᐅᓇᑎᒃ.
ᑐᖁᔪᒪᒐᓗᐊᕐᐳᑦ, ᑐᖁᓚᐅᓐᖏᓚᓪᓕ, ᐃᓗᕕᕐᑕᐅᔪᒪᓂᕐᓴᐅᕗᑦ ᑮᓇᐅᔭᓂᒃ ᓴᐅᓯᒪᔪᓂᒃ ᕿᓂᕋᔭᕐᓂᕐᒥᖕᓂᑦ.
ᓱᖕᒪᑦ ᐃᓅᓯᖃᕐᑎᑕᐅᕙ ᐱᐅᓯᕐᒥᓂᒃ ᐃᔨᕐᓯᓯᒪᔪᖅ? ᒎᑎᐅᑉ ᐊᕙᑕᖏᕐᓯᒪᑎᓪᓗᓂᒋᑦ ᐊᕙᑎᓕᒫᖏᓐᓂᑦ.
ᑍᒤᑐᐊᕐᐸᑦ ᖁᕕᐊᓱᖕᓂᕐᒧᑦ ᓯᕆᒐᔭᕐᐳᖓ ᐋᓐᓂᐊᕋᓗᐊᕈᒪ; ᐃᑦᔪᕐᓁᑦᑑᑉ ᐅᖃᐅᓯᖏᓐᓂᒃ ᓈᓚᖏᑦᑑᓚᐅᕐᓯᒪᖏᓐᓇᒪ.
ᖃᓄᕐᑐᖅ ᑐᒃᓯᐊᕐᓂᕋ ᑭᐅᔭᐅᓚᐅᕐᓕ, ᒎᑎᐅᓪᓗ ᐱᔪᒪᔭᓐᓂᒃ ᑐᓂᓯᕕᒋᓗᓂᖓ;
ᑕᕝᕙ ᕿᒥᑕᐅᒐᓗᐊᕈᒪ ᖃᓄᐃᒃᓴᕈᓐᓁᕐᐳᖓ ᑐᖁᓗᖓ ᑎᒥᒦᒍᓐᓃᖔᕐᓗᖓ.
ᑍᒤᒻᒪᑦ ᑐᖁᓯᒪᔪ ᐃᓱᒪᒋᓚᐅᕐᐸᒃᑲ ᖁᕕᐊᓇᕐᑐᒦᓐᓂᕐᓴᐅᓱᒋᓪᓗᒋᑦ ᑐᖁᖓᖏᑦᑐᓂᑦ, ᒫᓐᓇ ᐃᓅᔪᓂᑦ.
ᑖᒃᑯᓇᓐᖓᓪᓕ ᐱᐅᓂᕐᓴᐅᒋᕗᖅ ᐃᓅᓚᐅᖏᑦᓯᐊᒻᒪᕆᒃᑐᑦ, ᐱᐅᖏᑦᑐᓕᓂᐅᔪᓂᒃ ᓯᕿᓂᐅᑉ ᐊᑖᓂ ᑕᑯᓚᐅᖏᑦᑐᖅ.
ᑖᒃᑯᓇᓐᖓᑦ ᐊᒥᐊᒃᑰᔪᕕᓃᑦ ᐃᓅᖃᑎᒌᓂᑦ ᐊᔪᕐᑐᓕᔪᓂᑦ ᑐᖁᔪᒪᓂᕐᓴᐅᖔᕐᐸᒍᒫᕐᐳᑦ ᐃᓅᔪᒪᓂᕐᒥᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”