ᔫᐱᐅᑉ ᐊᒡᓚᖏᑦ 29:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑐᖁᓕᒑᔪᑦ ᓮᒻᒪᕐᑎᑦᓯᓂᖏᓐᓄᑦ ᑐᕝᕕᐅᕙᓚᐅᕐᐳᖓ, ᐅᐃᒡᒐᕐᓃᑦ ᐆᒻᒪᑎᖏᑦ ᖁᕕᐊᓱᖕᓂᕐᒧᑦ ᐃᓐᖏᕈᓐᓇᕐᓯᑎᓚᐅᕐᐸᒃᑲ.

ᔫᐱᐅᑉ ᐊᒡᓚᖏᑦ 29:13 ပူးပေါင်းရင်းမြစ်များ

ᐰᓕᒨᓂᒧᑦ 1:7

ᐅᒃᐱᕐᑑᖃᑎᒐ ᓇᒡᓕᖕᓇᕐᑐᑎᑦ, ᓇᒡᓕᖕᓂᕐᓄᑦ ᐊᖏᔪᐊᓗᖕᒥᒃ ᖁᕕᐊᓱᒃᑎᑕᐅᕗᖓ ᐱᕙᓪᓕᕐᑎᑕᐅᓪᓗᖓᓗ, ᐃᑦᔪᕐᓁᑎᑕᐅᓯᒪᔪᓕᒫᑦ ᐆᒻᒪᑎᒥᒍᑦ ᖁᕕᐊᓱᒃᑎᑕᐅᓯᒪᖕᒪᑕ ᐱᑦᔪᑎᒋᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 27:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑎᑦᑐᓚᐅᑦ ᓂᓪᓕᕈᒫᕐᐳᖅ ᐅᑎᖁᔨᑦᔪᑕᐅᔪᖅ ᐃᓴᕆᐊᓕᒥᐅᓂᒃ ᐊᐅᓪᓚᕈᑦᔭᐅᓯᒪᔪᓂᒃ ᓄᓇᑐᖃᕐᒥᖕᓂᑦ ᐊᓯᕆᐊᒧᑦ ᐄᑦᔨᑉᑎᒧᓪᓗ, ᕾᔪᒫᕐᐳᑦ ᐊᑕᓂᕐᓗ ᑐᒃᓯᐊᕐᕕᒋᓗᒍ ᔨᕉᓴᓕᒥ ᖃᖅᑲᒥ ᐃᑦᔪᕐᓁᑦᑐᒥ.

ᔫᐱᐅᑉ ᐊᒡᓚᖏᑦ 22:9

ᐅᐃᒡᒐᕐᓃᑦ ᓱᓇᑖᕐᑎᓐᓇᒋᑦ ᐊᐅᓪᓚᕐᑎᖃᑦᑕᓚᐅᕐᐸᑎᑦ, ᐃᓕᐊᕐᔪᐃᓪᓗ ᐱᔪᓐᓇᕐᓂᖏᓐᓂᒃ ᐊᕐᓵᕐᐸᒡᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 65:14

ᑕᑯᒋᑦᓯ, ᐱᔨᒃᑲ ᐃᓐᖏᕈᒫᕐᐳᑦ ᐆᒻᒪᑎᒥᒍᑦ ᖁᕕᐊᓱᖕᓂᕐᒧᑦ, ᐃᓕᑦᓯᓕ ᕿᐊᔪᒫᕐᐳᓯ ᐆᒻᒪᑎᑦᓯᒍᑦ ᐋᓐᓂᐊᕐᓂᕐᒧᑦ, ᕿᐊᓗᓯᓗ ᐆᒻᒪᑎᑦᓯᒍᑦ ᓯᖁᒥᓯᒪᓂᕐᒧᑦ.

ᐃᓐᖏᕈᑎᑦ 67:4

ᐃᓅᖃᑎᒌᒡᔪᐃᑦ ᐊᓕᐊᓁᒍᓱᒡᓕᑦ ᐃᓐᖏᕐᓗᑎᒡᓗ ᖁᕕᐊᓱᒃᓗᑎᒃ! ᐃᓄᐃᑦ ᓇᓛᒎᕐᑐᒥᒃ ᐃᖅᑲᕐᑐᕈᒫᕋᕕᒋᑦ, ᐃᓅᖃᑎᒌᒡᔪᐊᓪᓗ ᓄᓇᒥ ᑕᓯᐅᕈᒫᕋᕕᒋᑦ. ᓰᓚ

ᒨᓯᓯ ᑕᓪᓕᒪᖏᑦ 26:5

ᑕᕝᕙ ᐊᑕᓂᐅᑉ ᓵᖓᓂ ᐅᖃᐅᓯᖃᕐᑐᒃᓴᐅᕗᑎᑦ ᐃᒤᑦᑐᓂᒃ; ‘ᐊᕋᒥᐊᒥᐅᑕᕐᒥᒃ ᓯᕗᓕᖃᓚᐅᕐᐳᖓ ᑍᒪᓐᖓᑦ ᐃᖏᕐᕋᖃᑦᑕᓚᐅᕐᑐᒥᒃ, ᑖᑦᓱᒪ ᐃᓚᓂ ᐄᑦᔨᑉᑎᒧᐊᕈᑎᓚᐅᕐᐰᑦ ᑕᕝᕙᓂ ᓄᓇᖃᖁᓪᓗᒋᑦ; ᖃᑦᓰᓐᓇᐅᓪᓗᑎᒃ ᑕᕝᕗᓐᖓᓚᐅᕐᐳᑦ; ᑕᕝᕙᓂᓕ ᐅᓄᕐᓯᓚᐅᕐᐳᑦ ᐊᔪᖏᑦᑐᕐᔪᐊᖑᓕᕐᓗᑎᒃ, ᐃᓅᖃᑎᒌᒡᔪᐊᖑᓕᕐᓗᑎᒡᓗ.

ᒨᓯᓯ ᑕᓪᓕᒪᖏᑦ 24:13

ᓯᕿᓂᕐᓕ ᓂᐱᒃᐸᑦ, ᑖᑦᓱᒧᖓ ᐅᑎᕐᑎᑕᒃᓴᕆᕙᑦ ᐅᑎᕐᑎᑦᓯᓛᕐᓂᕐᒧᑦ ᓇᓗᓁᒃᑯᑕᖓ ᐱᓯᒪᔪᓐᓇᖁᓪᓗᓂᐅᒃ ᓯᓂᖕᓂᕐᒥᓂ ᑖᑦᓱᒪ ᑕᕝᕙ ᖁᔭᒋᒐᔭᕐᐹᑎᑦ ᓈᒻᒪᑦᓯᐊᕐᑐᒥᒡᓗ ᐱᒐᔭᕐᐳᑎᑦ ᐃᓕᖕᓄᑦ ᐊᑕᓂᐅᑉ ᒎᑎᑦᓯ ᓵᖓᓂ.

ᒨᓯᓯ ᑕᓪᓕᒪᖏᑦ 16:11

ᖁᕕᐊᓱᒃᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᓵᖓᓂ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᕐᓁᑦ ᐊᖑᑎᓪᓗ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᑦᓯᓐᓂ ᓄᓇᖅᑲᑎᒋᔭᓯ. ᑍᒤᓕᐅᕐᑐᒃᓴᐅᕗᓯ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:26

ᓂᐊᖂᔭᒃᓴᓂᒃ ᑭᓯᕐᖔᕐᓯᔪᖅ ᐃᓱᒪᓂᕐᓗᒡᕕᐅᓕᕐᓂᐊᕐᐳᖅ, ᓂᐅᕐᕈᑎᖃᖃᑦᑕᕐᑐᕐᓕ ᓮᒻᒪᕐᑎᑕᐅᓂᐊᕐᐳᖅ.

ᕉᑎᐅᑉ ᐅᓂᒃᑲᐅᓯᓂᖓ 2:20

ᑕᕝᕙ ᓁᐅᒥᐅᑉ ᐅᑯᐊᓂ ᐅᖃᐅᑎᕚ, “ᐊᑕᓂᖅ ᑐᒃᓯᐊᕐᕕᒋᕙᕋ ᐳᐊᓯ ᓮᒻᒪᕐᑎᑕᐅᖁᓪᓗᒍ, ᐊᑕᓂᖅ ᐊᖏᕈᑎᒋᓯᒪᔭᒥᓂᒃ ᐱᑦᓯᐊᕐᓂᕐᒥᓂᒡᓗ ᐳᐃᒍᓚᐅᕐᓯᒪᖏᒻᒪᑦ ᐃᓅᔪᓄᑦ ᑐᖁᖓᔪᓄᓪᓗ.” ᓁᐅᒥᓗ ᐅᖃᒃᑲᓐᓂᕐᐳᖅ, “ᑖᓐᓇ ᐳᐊᓯ ᐅᐃᒋᓚᐅᕐᑕᒪ ᑭᖑᕚᖑᖃᑎᖏᑕ ᐃᓚᒋᖕᒪᒍ, ᐅᕙᑦᑎᓐᓂᒃ ᐰᕆᒃᓯᒋᐊᖃᕐᑐᑦ ᐃᓚᖓᑦ.”